ബഹ്‌റൈനിൽ കാണാതായ പ്രവാസിയെ തേടി ബന്ധുക്കൾ

മനാമ: ബഹ്‌റൈനിൽ കാണാതായ പ്രവാസിയെ തേടി ബന്ധുക്കൾ. വർഷങ്ങളായി വീട്ടുകാരുമായി യാതൊരു വിധ ബന്ധവുമില്ലാത്ത കോഴിക്കോട് സ്വദേശിയെ കണ്ടെത്താൻ ബന്ധുക്കൾ സാമൂഹിക പ്രവർത്തകരുടെ സഹായം തേടിയിരിക്കുകയാണ്. കോഴിക്കോട് വേളം, കുറിച്ചകം ആശാരിക്കണ്ടി നാണുവിനെയാണ് കുടുംബം തേടുന്നത്. 1981 ൽ 25 മത്തെ വയസ്സിലാണ് നാണു ബഹ്‌റൈനിൽ എത്തിയത്. 1993 വരെ വീടുമായി ബന്ധമുണ്ടായിരുന്നു. എന്നാൽ ഇപ്പോൾ യാതൊരു ബന്ധവുമില്ല. ബ​ഹ്‌​റൈ​നി​ലു​ള്ള, നേരത്തെ നാണുവിന്റെ സുഹൃത്ത് കൂടിയായ ക​ണ്ണ​ൻ വ​ട​ക്കേ​പ​റ​മ്പ​ത്ത് എ​ന്ന​യാ​ൾ നാ​ട്ടി​ൽ അ​വ​ധി​ക്കു പോ​യ സ​മ​യ​ത്താ​ണ് നാ​ണു​വി​ന്റെ സ​ഹോ​ദ​രി​യു​ടെ മ​ക​ൻ പ്ര​ദീ​പ​നി​ൽ​നി​ന്ന് വി​വ​ര​ങ്ങ​ൾ അ​റി​ഞ്ഞ​ത്. ബ​ഹ്റൈ​നി​ലെ സാ​ർ വി​ല്ലേ​ജി​ൽ താ​മ​സി​ച്ചി​രു​ന്നു എ​ന്ന വി​വ​ര​മാ​ണ് ഒ​ടു​വി​ൽ വീ​ട്ടു​കാ​ർ​ക്ക് ല​ഭി​ച്ച​ത്. നാണുവിനെ കുറിച്ച് എന്തെങ്കിലും വിവരങ്ങൾ ലഭിക്കുന്നവർ 33570999 അല്ലെങ്കിൽ 39682974 എന്നീ നമ്പറുകളിൽ ബന്ധപ്പെടുക.