മനാമ: ആഗോള സംരംഭക സമ്മേളനത്തിന് ബഹ്റൈനിൽ തുടക്കമായി. സംരംഭകത്വ കോർപറേഷൻ ബഹ്റൈൻ ബേയിൽ സംഘടിപ്പിച്ച ആഗോള സംരംഭകത്വ സമ്മേളനം വാണിജ്യ, വ്യവസായ മന്ത്രി അബ്ദുല്ല ബിൻ ആദിൽ ഫഖ്റു ഉദ്ഘാടനം ചെയ്തു. ചെറുകിട, ഇടത്തരം സംരംഭങ്ങളെ പ്രോത്സാഹിപ്പിക്കുക വഴി സാമ്പത്തിക മേഖലക്ക് ഉണർവുണ്ടാക്കാൻ സാധിക്കുമെന്ന് അദ്ദേഹം പറഞ്ഞു. ബഹ്റൈനിലുള്ള സംരംഭകരിൽ 80 ശതമാനത്തിലധികവും ചെറുകിട, ഇടത്തരം മേഖലകളിൽ നിന്നുള്ളവരാണ്. സംരംഭക മേഖലയിലെ ഏറ്റവും പുതിയ പ്രവണതകളും രീതികളും സ്വീകരിക്കുന്നതിലും ബഹ്റൈൻ മുന്നിലാണ്. ബഹ്റൈൻ ഇക്കണോമിക് വിഷൻ 2030ന്റെ ലക്ഷ്യങ്ങളിൽപെട്ടതാണ് ചെറുകിട, ഇടത്തരം സംരംഭങ്ങളുടെ സ്വയംപര്യാപ്തത. വിപണിയുടെ സ്പന്ദനങ്ങൾ മനസ്സിലാക്കി മുന്നോട്ടുപോകാൻ സാധിച്ചാൽ ഏത് സംരംഭത്തിനും വിജയം വരിക്കാൻ കഴിയുമെന്നും അദ്ദേഹം ചൂണ്ടിക്കാട്ടി. ലോകത്തിന്റെ വിവിധ ഭാഗങ്ങളിൽനിന്ന് നിരവധി സംരംഭകരാണ് സമ്മേളനത്തിൽ പങ്കെടുക്കുന്നത്. രണ്ടുദിവസം നീളുന്ന സമ്മേളനത്തിൽ സംരംഭകർക്ക് വളരാനും ഉയരാനുമുള്ള വഴികളെക്കുറിച്ചുള്ള പ്രബന്ധങ്ങൾ അവതരിപ്പിക്കും. നിക്ഷേപം, നൂതന സ്റ്റാർട്ടപ്പുകളുടെ ലോകത്ത് സാമ്പത്തിക ലഭ്യത, ആഗോള വനിതാ നേതാക്കൾ, നൂതനവും സുസ്ഥിരവുമായ മാധ്യമ സംരംഭകത്വം, നവീകരണവും ബിസിനസ് അവസരങ്ങളും, ഡിജിറ്റലൈസേഷനിലേക്കുള്ള തന്ത്രപരമായ ദിശ എന്നിവയും സമ്മേളനം ചർച്ച ചെയ്തു.
Trending
- അനധികൃത സ്വത്ത് സമ്പാദനം, കെട്ടിടനിർമാണം; എഡിജിപി എം.ആർ.അജിത് കുമാറിനെതിരെ വിജിലൻസ് അന്വേഷണം
- നിപ്പ: ഒരാളുടെ പരിശോധനാ ഫലം കൂടി നെഗറ്റീവ്; സമ്പര്ക്കപ്പട്ടികയില് 268പേർ
- എഴുത്തുകാരിക്ക് നേരെ ലൈംഗികാതിക്രമം, വി കെ പ്രകാശിനെ അറസ്റ്റ് ചെയ്തു
- പരിശോധനയ്ക്കിടെ വാഹനം ഇടിപ്പിച്ച് അപായപ്പെടുത്താൻ ശ്രമം; സാഹസികമായി പിന്തുടർന്ന് പിടികൂടി എക്സൈസ്
- കല്യാണ വീട്ടിൽ നിന്ന് മോഷ്ടിച്ച 17.5 പവൻ സ്വർണം വഴിയിൽ ഉപേക്ഷിച്ച നിലയിൽ
- ആര്യാടൻ പുരസ്കാരം കെ.സി വേണുഗോപാലിന്
- ദേശീയ കബഡി താരത്തിന്റെ ആത്മഹത്യ: ഭർത്താവിനും ഭർതൃമാതാവിനും കഠിനതടവും 2 ലക്ഷം വീതം പിഴയും
- വിലങ്ങാടിന് കൈത്താങ്ങായി കോഴിക്കോട് ജില്ലാ പ്രവാസി ഫോറം