ജംബോ വിമാനം ഉൾപ്പടെയുള്ള ചാർട്ടേഡ് വിമാനമൊരുക്കി ഇന്ത്യൻ ക്ലബ് ചരിത്രം സൃഷ്ടിച്ചു

മനാമ: ഇന്ത്യയിലെ വിവിധ സംസ്ഥാനങ്ങളിലേക്ക് ഇന്ത്യൻ ക്ലബ് ചാർട്ടേഡ് വിമാനങ്ങൾ ഒരുക്കുന്നു.ഇന്നലെ ബഹ്‌റൈനിൽ നിന്ന് 282 യാത്രക്കാരുമായി ഗൾഫ് എയറിൻറെ ഒരു ജംബോ വിമാനം ഹൈദരാബാദിലേക്ക് പോയി. ഇത്തരത്തിലുള്ള ചാർട്ടേഡ് ജംബോ വിമാനം ബഹ്‌റൈനിൽ നിന്നും ആദ്യത്തേതാണ്. തെലങ്കാന കൾച്ചറൽ അസോസിയേഷനും ബഹ്‌റൈനിലെ തെലങ്കാന ജാഗ്രതിയും ഇന്ത്യൻ ക്ലബുമായി കൈകോർത്ത് ഈ മഹത്തായ ദൗത്യം നിറവേറ്റിയത്. ഹൈദരാബാദിലേക്കുള്ള ഈ ജംബോ ഫ്ലൈറ്റിനായി അവസാന നിമിഷം വിമാനത്താവളത്തിൽ ലാൻഡിംഗ് അനുമതി ലഭിക്കുന്നതിൽ കാലതാമസം നേരിട്ടെങ്കിലും , ഇന്ത്യൻ ക്ലബ്ബിൻറെ സമയോചിതമായ ഇടപെടലുകളിലൂടെ, അനുമതി നേടാൻ കഴിഞ്ഞു . തികച്ചും നിസ്സഹായരായ ഇന്ത്യക്കാരെ സഹായിക്കാനും ഗൾഫ് എയർ അധികൃതർ യാത്രക്കാരുടെ ഈ നിസ്സഹായത പരിഗണിച്ച് ഷെഡ്യൂൾ സമയം 1 മണിക്കൂർ വൈകിയെങ്കിലും എല്ലാ യാത്രക്കാരുമായി വിമാനം പറന്നുയർന്നു. അവിശ്വസനീയമായ ഈ സഹായം നൽകിയതിന് ഇന്ത്യൻ ക്ലബ് അധികൃതർ ഗൾഫ് എയർ ഉദ്യോഗസ്ഥരോട് ആത്മാർത്ഥമായ നന്ദി അറിയിച്ചു. ഗൾഫ് എയർ അധികൃതർ ഈ 282 യാത്രക്കാരെയും വിമാനത്താവളത്തിലേക്ക് ചുരുങ്ങിയ സമയത്തിനുള്ളിൽ എത്തിച്ചതിന് ഇന്ത്യൻ ക്ലബ് ടീമിൻറെ കഠിന പ്രയത്നത്തിന് വളരെ അഭിനന്ദനം അറിയിച്ചു. പലരുടേയും സാമ്പത്തിക അവസ്ഥ കണക്കിലെടുത്ത് തികച്ചും സൗജന്യമായി യാത്ര ചെയ്യുവാൻ ഇന്ത്യൻ ക്ലബ്ബ് അവസരമൊരുക്കി. ഹൈദരാബാദിലേക്ക്ഉള് വിമാനം പുറപ്പെട്ടതിന് ശേഷം ഇന്ത്യൻ ക്ലബ്ബിൻറെ തന്നെ ബാംഗ്ലൂർ വിമാനവും ബഹ്‌റൈൻ അന്താരാഷ്ട്ര വിമാനത്താവളത്തിൽ നിന്ന് 19.00 ന് പുറപ്പെട്ടു. കന്നഡ സംഘ – ബഹ്‌റൈൻ, ഇന്ത്യൻ ക്ലബുമായി ഈ മഹത്തായ ദൗത്യത്തിന്റെ ഭാഗമായിരുന്നു. ഇന്ന് (24 ജൂൺ, 2020) ഇന്ത്യൻ ക്ലബ് ഐ.വൈ.സി.സി ബഹ്‌റൈനുമായി സഹകരിച്ച് കൊച്ചിയിലേക്ക് മറ്റൊരു ചാർട്ടേഡ് വിമാനം രാവിലെ 11.30 ന് 172 യാത്രക്കാരുമായി കൊച്ചി ലക്ഷ്യസ്ഥാനത്തേക്ക് യാത്രതിരിച്ചു. ഹൈദരാബാദിലേക്ക് ഇതേ തരത്തിലുള്ള രണ്ടാമത്തെ ജംബോ വിമാനം ജൂൺ 27 ന് രാവിലെ 282 യാത്രക്കാരെ തിരിച്ചയക്കാൻ തയ്യാറായിരിക്കുന്നു. ഈ ദൗത്യത്തിനായി തെലുങ്ക് കലാ സമിതിയും ,ഫഹ്ദാൻ ട്രാവൽസും ഇന്ത്യൻ ക്ലബുമായി കൈകോർക്കും. തുടർ ചികിത്സയ്ക്കായി സ്വദേശത്തേക്ക് മടങ്ങിപ്പോകുന്നതിനായി ചില അടിയന്തര സാഹചര്യംഉള് മെഡിക്കൽ കേസുകളെ പിന്തുണയ്ക്കുന്നതിനായി ഇന്ത്യൻ ക്ലബ് ഹൈദരാബാദിലേക്ക് മൂന്നാമത് ഫ്ലൈറ്റ് ചാർട്ടർ ചെയ്യാനും പദ്ധതിയുണ്ട്.കുടുങ്ങിക്കിടക്കുന്നവരെ സ്വദേശത്തേക്ക് കൊണ്ടുപോകുന്നതിന് മാത്രമല്ല, ഈ നിരാലംബരുടെ പ്രശ്‌നങ്ങൾ പരിഹരിക്കുന്നതിനും ഇന്ത്യൻ ക്ലബ് സഹായിക്കുന്നു. ഇന്ത്യൻ എംബസി, ഗൾഫ് എയർ ഓഫീസർമാർ,, ദാദാഭായ് ട്രാവൽസ് എന്നിവയുമായുള്ള ഇന്ത്യൻ ക്ലബ് ഉദ്യോഗസ്ഥന്റെ സമയോചിതമായ ഏകോപനം ചില യാത്രക്കാരുടെ യാത്ര തടസ്സപ്പെടുന്നത് പരിഹരിക്കാനായി . ഇന്ത്യൻ ക്ലബ്ബിനുവേണ്ടി പ്രസിഡന്റ് സ്റ്റാലിൻ ജോസഫ് ,ജനറൽ സെക്രട്ടറി ജോബ് ജോസഫ് , ഓരോരുത്തരോടും പ്രത്യേകിച്ച് എയർപോർട്ടിൽ എല്ലാ സഹായത്തിനും മുന്നിലുണ്ടായിരുന്ന ബി‌കെ‌എസ്‌എഫ് ടീമിനും ഹൃദയംഗമായ നന്ദി അറിയിച്ചു