കെ-ടെറ്റ് അപേക്ഷയിൽ വന്ന തെറ്റുതിരുത്താൻ അവസരം

തിരുവനന്തപുരം: കെ-ടെറ്റ് പരീക്ഷയ്ക്ക് അപേക്ഷിച്ചവർക്ക് 14ന് വൈകിട്ട് 5 മണി വരെ അപേക്ഷയിലെ പിശകുകൾ തിരുത്താൻ അവസരം. ktet.kerala.gov.in ൽ നൽകിയിരിക്കുന്ന വിവരങ്ങളും ഫോട്ടോയും ‘ആപ്പ് എഡിറ്റ്’ എന്ന ലിങ്കിലൂടെ പരിശോധിക്കണം. നിർദ്ദിഷ്ട ഫോർമാറ്റിൽ ഫോട്ടോ ഉൾപ്പെടുത്തുന്നതിന് പുറമേ, അപേക്ഷയിൽ നൽകിയിരിക്കുന്ന ഭാഷ, ഐച്ഛിക വിഷയങ്ങൾ, വിദ്യാഭ്യാസ ജില്ല, പേര്, രക്ഷിതാവിന്‍റെ പേര്, ജെൻഡർ, ജനനത്തീയതി എന്നിവയും തിരുത്താം.