മനാമ: ബഹ്റൈൻ മാർത്തോമ്മാ ഇടവകയുടെ നടപ്പു സാമ്പത്തിക വർഷത്തെ ആദ്യഫലശേഖരണം ആരാധനമദ്ധ്യേയുള്ള സ്തോത്രാർപ്പണത്തോടു കൂടി 2022 ഒക്ടോബർ മാസം 14ാം തീയതി ആരംഭിച്ചു. ഇടവക ട്രസ്റ്റിമാർ ഇടവകയുടെ ആദ്യഫലശേഖരം ഇടവക വികാരി റവ. ഡേവിഡ് വി. ടൈറ്റസ് അച്ചനും സഹവികാരി റവ. ബിബിൻസ് മാത്യൂസ് ഓമനാലി അച്ചനും കൈമാറി. ഇടവക ഔദ്യോഗിക ഭാരവാഹികളുടെ സാന്നിദ്ധ്യത്തിൽ മുതിർന്ന ഇടവകാംഗം ഫിലിപ്പ് പി.വി. ഈ വർഷത്തെ ആദ്യഫലശേഖരം ഏറ്റുവാങ്ങി തുക ഇടവകയ്ക്ക് സമർപ്പിച്ചു. രാജേഷ് കുര്യൻ കൊയ്ത്തുത്സവ കൺവീനറായി പ്രവർത്തിക്കുന്നു. 2022 ഡിസംബർ 2 വെള്ളിയാഴ്ച കൊയ്ത്തുത്സവം സമാപിക്കുന്നതായിരിക്കും.
