മനാമ: 2024 സീസണിലെ ഫോർമുല 1 കാറോട്ട മത്സര ഷെഡ്യൂൾ പ്രഖ്യാപിച്ചു. സീസണിലെ ആദ്യമത്സരം ബഹ്റൈനിലാണ് നടക്കുന്നത്. ഫോർമുല 1 ഗൾഫ് എയർ ബഹ്‌റൈൻ ഗ്രാൻഡ് പ്രീ ഫെബ്രുവരി 29 മുതൽ മാർച്ച് 2 വരെ നടക്കും.
ബഹ്‌റൈൻ ഇന്റർനാഷണൽ സർക്യൂട്ട് (ബിഐസി) അതിന്റെ 20-ാം വാർഷികം സീസണിന്റെ ഓപ്പണിംഗ് റൗണ്ടായും അതിന്റെ ആദ്യ ശനിയാഴ്ച രാത്രി മത്സരമായും ആഘോഷിക്കാൻ ഒരുങ്ങുന്നു.
സൗദി അറേബ്യയിൽ നടക്കുന്ന സീസണിലെ രണ്ടാം റേസിന് ആവശ്യമായ ലോജിസ്റ്റിക്സ് അനുവദിക്കുന്നതിനായിട്ടാണ് ശനിയാഴ്ച റേസ് ഷെഡ്യൂൾ ചെയ്തിട്ടുള്ളത്. ഫോർമുല 1 ന്റെ അഭ്യർത്ഥന പ്രകാരമാണ് ശനിയാഴ്ച വൈകുന്നേരം റേസ് നടക്കുന്നത്.