മുളവുകാട്: സമൂഹമാധ്യമം വഴി പരിചയപ്പെട്ട പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ 2 യുവാക്കൾ അറസ്റ്റിൽ. പുതുവൈപ്പ് തെക്കെതെരുവിൽ ബിബിൻ (25), സുഹൃത്ത് മുരിക്കുംപാടം പഴമയിൽ ജീവൻ (21) എന്നിവരാണു പോക്സോ കേസിൽ മുളവുകാട് പൊലീസിന്റെ പിടിലായത്. ജീവൻ ഞാറയ്ക്കൽ, മുളവുകാട് സ്റ്റേഷനുകളിൽ അക്രമ, ലഹരിമരുന്നു കേസുകളിൽ പ്രതിയാണ്. ഇരുവരെയും കോടതിയിൽ ഹാജരാക്കി. ബിബിൻ ഇൻസ്റ്റഗ്രാമിലൂടെയാണ് പെൺകുട്ടിയെ പരിചയപ്പെട്ടത്. തുടർന്ന് പുതുവൈപ്പിനു സമീപം കുറ്റിക്കാട്ടിലെത്തിച്ച് പീഡിപ്പിച്ചു. ബിബിൻ പീഡിപ്പിച്ച വിവരം വീട്ടിൽ അറിയിക്കുമെന്ന് ഭീഷണിപ്പെടുത്തിയാണ് ജീവൻ അതേ സ്ഥലത്തുവച്ച് വീണ്ടും പീഡിപ്പിച്ചത്. ഇൻസ്പെക്ടർ മൻജിത് ലാലിന്റെ നേതൃത്വത്തിൽ എസ്ഐ സുനേഖ് ജയിംസ്, എഎസ്ഐ ഗോപകുമാർ, പൊലീസുകാരായ രാജേഷ്, സുരേഷ്, തോമസ് ജോർജ്, തോമസ് പോൾ, ഹേമലത, സിന്ധ്യ എന്നിവരാണ് അന്വേഷണസംഘത്തിൽ ഉണ്ടായിരുന്നത്.