മനാമ: ബഹ്‌റൈനിൽ നവംബർ 10 ന് നടത്തിയ 10,355 കോവിഡ് പരിശോധനകളിൽ 179 പുതിയ കേസുകൾ സ്‌ഥിരീകരിച്ചു. ഇവരിൽ 69 പേർ പ്രവാസി തൊഴിലാളികളാണ്. 102 പുതിയ കേസുകൾ സമ്പർക്കം മൂലമാണ് ഉണ്ടായിട്ടുള്ളത്. 8 പേർ യാത്രയുമായി ബന്ധപ്പെട്ടാണ് രോഗം ബാധിച്ചത്.
മിഡിൽ ഈസ്റ്റ് ഹോസ്‌പിറ്റൽ ചികിത്സക്കായി www.membh.com ക്ലിക്ക് ചെയ്യുക
പുതുതായി 189 പേരാണ് കോവിഡിൽ നിന്ന് മുക്തരായത്. ഇതോടെ മൊത്തം രോഗമുക്തർ 81,414 ആയി വർദ്ധിച്ചു. നിലവിൽ 25 കോവിഡ് കേസുകൾ ഗുരുതരാവസ്ഥയിലാണ്. മൊത്തം 2,060 പേരാണ് രാജ്യത്ത് കോവിഡ് ബാധിതരായി കഴിയുന്നത്. ഇതിൽ 2,041 പേരുടെ നില തൃപ്തികരമാണ്.
ഇന്നലെ രണ്ടു മരണം കൂടി റിപ്പോർട്ട് ചെയ്തതോടെ രാജ്യത്തെ ആകെ മരണം 331 ആണ്. ആകെ കോവിഡ് ബാധിതർ 83,811 ആണ്. ഇതുവരെ 18,54,081 കോവിഡ് പരിശോധനകളാണ് നടത്തിയിട്ടുള്ളത്.
