ബംഗളൂരു: കര്ണാടകയില് കെഎസ്ആര്ടിസി സ്വിഫ്റ്റ് ബസിന് തീപിടിച്ചു. ബെംഗളൂരുവില് നിന്നും കോഴിക്കോടേക്ക് വരികയായിരുന്ന കെഎല് 15 എ 2444 എന്ന നമ്പറിലുള്ള ബസാണ് അപകടത്തില്പ്പെട്ടത്. മൈസൂരിന് സമീപം നഞ്ചന്കോട്ട് പുലര്ച്ചെ രണ്ട് മണിക്കായിരുന്നു അപകടം.
അപകടസമയത്ത് ബസില് 44 യാത്രക്കാരുണ്ടായിരുന്നു. ബസില് നിന്ന് പുക ഉയരുന്നത് ശ്രദ്ധയില്പ്പെട്ട ഉടന് യാത്രക്കാരെ പുറത്തിറക്കിയതിനാല് വന് ദുരന്തം ഒഴിവായി. ആര്ക്കും പരിക്കുകള് റിപ്പോര്ട്ട് ചെയ്തിട്ടില്ല. തീ പടര്ന്നതോടെ ബസ് പൂര്ണമായും അഗ്നിക്കിരയായി.
