ഉക്രെയ്ൻ: റഷ്യൻ അധിനിവേശത്തെക്കുറിച്ചുള്ള ആശങ്കകൾക്കിടയിൽ അമേരിക്കയും ബ്രിട്ടനും യുക്രെയ്നിലെ എംബസിയിൽ നിന്ന് ജീവനക്കാരെ പിൻവലിക്കാൻ തുടങ്ങി. നിരവധി പാശ്ചാത്യ രാജ്യങ്ങൾ യുക്രെയ്‌നിലേക്കുള്ള യാത്രയ്‌ക്കെതിരെ മുന്നറിയിപ്പ് നൽകുന്നുണ്ട്. ബ്രിട്ടീഷ് നയതന്ത്രജ്ഞർക്ക് പ്രത്യേക ഭീഷണികളില്ലെന്ന് അധികൃതർ പറയുന്നുണ്ടെങ്കിലും കിയവിൽ ജോലി ചെയ്യുന്ന പകുതിയോളം ജീവനക്കാരും യു.കെയിലേക്ക് മടങ്ങും. തങ്ങളുടെ പൗരന്മാർക്ക് വേണമെങ്കിൽ പോകാൻ സഹായിക്കുമെന്ന് ജർമ്മനിയും പറഞ്ഞു. ഓസ്‌ട്രേലിയയും യുക്രെയ്‌ൻ വിടാൻ കൈവിലെ നയതന്ത്രജ്ഞരുടെ കുടുംബങ്ങളോട് പറഞ്ഞു.
യുക്രെയ്നിലെ യു.എസ് എംബസിയിലെ അമേരിക്കൻ ഉദ്യോഗസ്ഥരുടെ കുടുംബങ്ങളോട് രാജ്യംവിടാൻ സ്റ്റേറ്റ് ഡിപ്പാർട്മെന്‍റ് ആണ് ഞായറാഴ്ച ഉത്തരവിട്ടത്. എപ്പോൾ വേണമെങ്കിലും അധിനിവേശം പ്രതീക്ഷിക്കാമെന്ന് പറഞ്ഞാണ് അത്യാവശ്യമില്ലാത്ത എംബസി ജീവനക്കാരോട് രാജ്യവിടാൻ ആവശ്യപ്പെട്ടത്. നടപടി ഒഴിപ്പിക്കലല്ലെന്നും കിയവ് എംബസി തുറന്ന് പ്രവർത്തിക്കുമെന്നും ഉദ്യോഗസ്ഥർ പറഞ്ഞു.
ഉക്രെയ്നുമായുള്ള അതിർത്തിയിൽ റഷ്യയുടെ സൈനിക ശക്തിയെച്ചൊല്ലി വർദ്ധിച്ചുവരുന്ന പിരിമുറുക്കങ്ങൾക്കിടയിലാണ് രാജ്യം വിടാൻ പൗരന്മാരെ ആഹ്വാനം ചെയ്യുന്ന രാജ്യങ്ങളുടെ പട്ടിക വർദ്ധിച്ചുവരുന്നത്. എംബസി തുറന്ന് പ്രവർത്തിക്കുമെന്നും പ്രഖ്യാപനം ഒഴിപ്പിക്കലല്ലെന്നും സ്റ്റേറ്റ് ഡിപ്പാർട്ട്‌മെന്റ് ഉദ്യോഗസ്ഥരെ ഉദ്ധരിച്ച് അസോസിയേറ്റഡ് പ്രസ് പറഞ്ഞു.
