ബഹ്‌റൈനിൽ ഡ്രൈവിംഗ് ടെസ്റ്റ് തട്ടിപ്പിന് രണ്ട് സർക്കാർ ജീവനക്കാർക്ക് ജയിൽ ശിക്ഷ

മനാമ: ഔദ്യോഗിക സ്ഥാനങ്ങൾ ദുരുപയോഗം ചെയ്ത് കൊണ്ട് ഡ്രൈവിംഗ് ടെസ്റ്റ് നിയമവിരുദ്ധമായി വിജയിപ്പിച്ചതിന് ബഹ്‌റൈനിലെ ഹൈ ക്രിമിനൽ കോടതി രണ്ട് സർക്കാർ ജീവനക്കാർക്ക് ജയിൽ ശിക്ഷ വിധിച്ചു. ക്രൈം സിൻഡിക്കേറ്റിലെ പങ്കിന് മറ്റ് അഞ്ച് പേരെയും കോടതി ജയിലിലടച്ചു. ഒന്നാമത്തെയും മൂന്നാമത്തെയും പ്രതിക്ക് ഏഴു വർഷം വീതവും രണ്ടാമത്തെ പ്രതിക്ക് ആറുമാസം തടവുമാണ് ശിക്ഷ. ഇവരിൽ രണ്ടുപേർ ജനറൽ ഡയറക്ടറേറ്റ് ഓഫ് ട്രാഫിക്കിലെ ജോലിക്കാരാണെന്ന് സാമ്പത്തിക കുറ്റകൃത്യങ്ങളുടെയും കള്ളപ്പണം വെളുപ്പിക്കൽ പ്രോസിക്യൂഷന്റെയും തലവൻ പറഞ്ഞു.