ലണ്ടന്‍: എലിസബത്ത് രാജ്ഞിക്ക് കൊവിഡ് സ്ഥിരീകരിച്ചതായി ബക്കിംഗ്ഹാം കൊട്ടാരം അറിയിച്ചു. 95 വയസ്സുളള രാജ്ഞിയുടെ ആരോഗ്യ സ്ഥിതി തൃപ്തികരമാണെന്നും കൊട്ടാരം അറിയിച്ചു. കൊവിഡ് ബാധിച്ചതിന്റെ നേരിയ ലക്ഷണങ്ങൾ മാത്രമാണ് രാജ്ഞിക്ക് ഉളളത്. കൊവിഡ് ബാധിതയായ രാജ്ഞി നിലവിൽ വിൻഡ്സർ കാസ്റ്റ്ലിലെ വസതിയിൽ വിശ്രമത്തിലാണ്. ചെറിയ തണുപ്പും ലക്ഷണങ്ങളും അനുഭവപ്പെടുന്നുണ്ടെങ്കിലും വരുന്ന ആഴ്ചയില്‍ വിന്‍ഡ്‌സറില്‍ സജീവമാവുമെന്ന് പ്രതീക്ഷിക്കുന്നതായി കൊട്ടാരം പ്രസ്താവനയില്‍ പറയുന്നു. വിൻഡ്സർ കാസിലിൽ നിരവധി ആളുകൾക്ക് പോസിറ്റീവ് സ്‌ഥിരീകരിച്ചു.
നേരത്തെ രാജ്ഞിയുടെ മൂത്ത മകനും അനന്തരാവകാശിയുമായ ചാള്‍സ് രാജകുമാരന് ഫെബ്രുവരി 10ന് കൊവിഡ് ബാധിച്ചിരുന്നു. ഈ മാസം പത്തിനായിരുന്നു ചാൾസ് രാജകുമാരന് കൊവിഡ് പിടിപ്പെട്ടത്. കൊവിഡ് സ്ഥിരീകരിക്കുന്നതിന് രണ്ടു ദിവസം മുൻപ് രാജകുമാരൻ എലിസബത്ത് രാജ്ഞിയെ നേരിട്ട് സന്ദർശിച്ചിരുന്നു. മകനിൽ നിന്നുമാവാം രാജ്ഞിയ്ക്ക് കൊവിഡ് പിടിപ്പെട്ടതെന്നാണ് നിഗമനം.
