കണ്ണൂര്‍: ബിജെപി വിട്ട് കോണ്‍ഗ്രസിൽ ചേര്‍ന്ന സന്ദീപ് വാര്യര്‍ക്കെതിരെ കൊലവിളി മുദ്രാവാക്യവുമായി യുവമോർച്ച. കണ്ണൂര്‍ അഴീക്കോട് ജയകൃഷ്ണൻ മാസ്റ്റര്‍ ബലിദാന ദിനത്തോടനുബന്ധിച്ചുള്ള പ്രകടനത്തിനിടെയാണ് പ്രകോപന മുദ്രാവാക്യം. സന്ദീപ് ഒറ്റുകാരനാണെന്നും മുപ്പതുവെള്ളി കാശും വാങ്ങി പ്രസ്ഥാനത്തെ ഒറ്റുകൊടുത്തെന്നുമാണ് പറയുന്നത്.

ഒറ്റുകാരാ സന്ദീപേ, മുപ്പതുവെള്ളി കാശും വാങ്ങി പ്രസ്ഥാനത്തെ ഒറ്റുകൊടുത്ത തന്തയില്ലാ മൂരാച്ചി, പ്രസ്ഥാനത്തെ അപമാനിക്കാന്‍ ബലിദാനികളെ കൂട്ടുപിടിച്ചാല്‍ പട്ടാപ്പകലില്‍ പാലക്കാട് നിന്നെ ഞങ്ങളെടുത്തോളാം.- എന്നാണ് ഭീഷണി മുദ്രാവാക്യം. പലതവണ ഭീഷണി മുദ്രാവാക്യം വിളിച്ചുകൊണ്ടാണ് പ്രകടനം നടത്തിയത്. ഇതിന്റെ വിഡിയോയും പുറത്തുവന്നു.

The post ‘ഒറ്റുകാരാ സന്ദീപേ, പട്ടാപ്പകലില്‍ പാലക്കാട് നിന്നെ ഞങ്ങളെടുത്തോളാം’; കൊലവിളിയുമായി യുവമോർച്ച appeared first on Starvision News Malayalam.

തിരുവനന്തപുരം : കാഞ്ഞങ്ങാട്ട് മുസ്ലിം ലീഗ് പ്രവർത്തകർ നടത്തിയ പ്രകടനത്തിൽ പ്രകോപന പരമായ മുദ്രാവാക്യം വിളിച്ചതിൽ പോലീസ് നടപടി സ്വീകരിക്കണമെന്ന് യുവമോർച്ച സംസ്ഥാന അദ്ധ്യക്ഷൻ സി.ആർ. പ്രഫുൽ കൃഷ്ണൻ ആവശ്യപ്പെട്ടു. അണികൾ നടത്തുന്ന പ്രകടനത്തിൽ ഇതര മതസ്തരെ അവഹേളിക്കുന്നതിൽ മുസ്ലീം ലീഗ് നേതൃത്വം നടപടി സ്വീകരിക്കണമെന്ന് യുവമോർച്ച സംസ്ഥാന അദ്ധ്യക്ഷൻ സി.ആർ പ്രഫുൽകൃഷ്ണൻ ആവശ്യപ്പെട്ടു. ഇരു സമുദായങ്ങൾക്കിടയിൽ ബോധപൂർവ്വം സംഘർഷം സൃഷ്ടിക്കുക എന്ന ലക്ഷ്യത്തോടെയാണ് കാഞ്ഞങ്ങാട് പ്രകടനം നടത്തിയതെന്നും അദ്ദേഹം പറഞ്ഞു. കേവലം ഒരു മുദ്രാവാക്യം വിളി എന്നതിനപ്പുറം ഇതിന് പിന്നിൽ മറ്റ് പല അജണ്ടകളും ഉണ്ടെന്നും ആ അജണ്ടകൾ പുറത്ത് വരുന്നതിന് നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു. ലീഗ് പ്രകടനത്തിലെ ഈ വർഗീയത വമിക്കുന്ന പ്രകടനത്തിൽ നിന്ന് ഇന്ത്യൻ യൂണിയൻ മുസ്ലീം ലീഗ് ഒരു വർഗീയ സംഘടനയാണെന്ന് തെളിഞ്ഞിരിക്കുകയാണെന്നും ജീഹാദിനുള്ള ആഹ്വാനമാണോ ലീഗ് പ്രവർത്തകർ നടത്തിയതെന്നും യുവമോർച്ച നേതാക്കൾ പറഞ്ഞു. കാഞ്ഞങ്ങാട്ടെ ലീഗ് പ്രകടനത്തിൽ കേസെടുത്ത് അന്വേഷണം നടത്തി കുറ്റക്കാരെ അറസ്റ്റ് ചെയ്യണമെന്നാവശ്യപ്പെട്ട് പ്രഫുൽകൃഷ്ണൻ DGP ക്ക് പരാതി നൽകി.

The post കാഞ്ഞങ്ങാട്ടെ പ്രകോപന പരമായ മുദ്രാവാക്യം വിളിയിൽ പോലീസ് നടപടിയെടുക്കണമെന്ന് യുവമോർച്ച appeared first on Starvision News Malayalam.

ഇന്ധനവിലയുടെ മുകളില്‍ അധികനികുതി അടിച്ചേല്‍പ്പിച്ച് പിണറായി സര്‍ക്കാര്‍ നോക്കുകൂലി വാങ്ങുകയാണെന്ന് മാർച്ച് ഉദ്ഘാടനം ചെയ്തു കൊണ്ട് ബിജെപി സംസ്ഥാന ജനറല്‍ സെക്രട്ടറി അഡ്വ.പി.സുധീര്‍ പറഞ്ഞു. ഇതുവരെ കാണാത്ത ജനവിരുദ്ധ നിലാപാടാണ് പിണറായി സര്‍ക്കാര്‍ കാട്ടുന്നത്. കേന്ദ്രഗവണ്‍മെന്റും 22 ഓളം സംസ്ഥാനങ്ങളും അധിക നികുതി കുറച്ച് പെട്രോളിയും ഉത്പന്നങ്ങളുടെ വില കുറച്ചെങ്കിലും കേരളം നികുതി കുറയ്ക്കാന്‍ തയ്യാറാകുന്നില്ല. യാതൊരു മുതല്‍മുടക്കുമില്ലാതെ തന്നെ സംസ്ഥാനം 32 ശതമാനം വാറ്റ് നികുതി അടിച്ചേല്‍പ്പിക്കുകയാണ്. ഇത് ജനദ്രോഹവും കൊള്ളയുമാണ്. അടിയന്തിരമായി അധിക നികുതി കുറച്ച് പെട്രോളിയും ഉത്പന്നങ്ങളുടെ വില കുറയ്ക്കണമെന്നും സുധീര്‍ ആവശ്യപ്പെട്ടു.

എണ്ണക്കമ്പനികള്‍ക്ക് വിലനിയന്ത്രിക്കാനുള്ള അധികാരം കൊടുത്തത് കോണ്‍ഗ്രസ് നേതൃത്വം നല്‍കുന്ന യുപിഎ സര്‍ക്കാരാണ്. ഇപ്പോള്‍ അവര്‍ തന്നെ ഇതിനെതിരെ സമരം നടത്തുന്ന വൈരുദ്ധ്യമാണ് ഇന്ന് നാം കാണുന്നത്. ഇന്ധനവില കുറയ്ക്കുന്നതുവരെ ശക്തമായ പോരാട്ടങ്ങള്‍ക്ക് യുവമോര്‍ച്ചയും, ബിജെപിയും കേരളത്തില്‍ നേതൃത്വം കൊടുക്കുമെന്നും സുധീര്‍ പറഞ്ഞു.

യുവമോർച്ച നേതാക്കളായ ബി.എൽ അജേഷ്, ജെ. ആർ. അനുരാജ്,ബി. ജി വിഷ്ണു, പാപ്പനംകോട് നന്ദു , കരമന പ്രവീൺ,രാമേശ്വരം ഹരി, അഭിജിത്ത് , ആശാനാഥ്, അനൂപ്, അനന്തു,കവിത, തുടങ്ങിയവർ മാർച്ചിന് നേതൃത്വം നൽകി.

The post തോരാമഴയിലും ആളിക്കത്തി യുവമോർച്ച പ്രതിഷേധം; മാർച്ചിനു നേരെ പൊലീസ് ലാത്തിച്ചാർജ്. നിരവധി പ്രവർത്തകർക്ക് പരിക്കേറ്റു appeared first on Starvision News Malayalam.

നിയമസഭ അഴിഞ്ഞാട്ട കേസില്‍ വിചാരണ നേരിടണമെന്ന സുപ്രീം കോടതി വിധിയുടെ പശ്ചാത്തലത്തില്‍ മന്ത്രി വി. ശിവന്‍കുട്ടിയുടെ രാജി ആവശ്യപ്പെട്ടായിരുന്നു യുവമോര്‍ച്ച നിയമസഭയിലേക്ക് മാര്‍ച്ച് നടത്തിയത്. കവാടത്തിന് 200 മീറ്ററകലെ ബാരിക്കേടുകള്‍ വച്ച് മാര്‍ച്ച് പോലീസ് തടഞ്ഞു. തുടക്കത്തിലെ മറ്റു പാര്‍ട്ടികളുടെ മാര്‍ച്ചിനോടുള്ള സമീപനമായിരുന്നില്ല പോലീസിന്റെ ഭാഗത്തുനിന്നും ഉണ്ടായത്. യുവമോര്‍ച്ച മാര്‍ച്ചിനെ കായികമായി നേരിടാന്‍ ഉറച്ചുവന്നെയായിരുന്നു പോലീസും നില ഉറപ്പിച്ചിരുന്നത്. ബാരിക്കേടുകള്‍ തള്ളിമാറ്റാന്‍ ശ്രമിച്ച പ്രവര്‍ത്തകര്‍ക്കെതിരെ മാനദണ്ഡങ്ങള്‍ തെറ്റിച്ച് അതീവ ശക്തിയോടുള്ള ജലപീരങ്കി പ്രയോഗമാണ് നടത്തിയത്. ഇതില്‍ നിരവധി പേര്‍ക്ക് പരിക്കേറ്റു. അഞ്ചുതവണയാണ് ഇത്തരത്തില്‍ പ്രവര്‍ത്തകര്‍ക്ക് നേരെ ജപീരങ്കി അടിച്ചത്.

പിരിഞ്ഞുപോകാതെ പ്രതിഷേധിച്ച പ്രവര്‍ത്തകരെ പോലീസ് കൈയേറ്റം ചെയ്യാന്‍ ശ്രമിച്ചത് സംഘര്‍ഷത്തില്‍ കലാശിച്ചു. മര്‍ദിക്കാന്‍ ശ്രമിച്ച പോലീസ് സേനാ അംഗങ്ങള്‍ക്ക് നേരെ പ്രതിഷേധിച്ച പ്രവര്‍ത്തകര്‍ക്ക് നേരെ പോലീസ് കൂടുതല്‍ നടപടിയിലേക്ക് കടന്നത് രംഗം കൂടുതല്‍ കലുശിതമാക്കി. തുടര്‍ന്ന് എംജി റോഡ് യുവമോര്‍ച്ച കുത്തിയിരുന്ന് പ്രതിഷേധിച്ചു. റോഡ് ഉപരോധിച്ച പ്രവര്‍ത്തകരെ റോഡിലൂടെ വലിച്ചിഴച്ചാണ് പോലീസ് അറസ്റ്റ് ചെയ്തതത്.
സംസ്ഥാന വൈസ് പ്രസിഡന്റ് ബി.എല്‍. അജേഷ്, സംസ്ഥാന നേതാക്കളായ ചന്ദ്രകിരണ്‍, അഭിലാഷ് അയോധ്യ, ജില്ലാ ജനറല്‍ സെക്രട്ടറി പാപ്പനംകോട് നന്ദു, അഭിജിത്ത്, പൂജപ്പുര ശ്രീജിത്ത്, വലിയവിള ആനന്ദ്, നെടുമങ്ങാട് വിന്‍ജിത്ത്, രാമേശ്വരം ഹരി, അനന്ദു വിജയ്, മാണിനാട് സജി. നിതിന്‍, കൊടുവഴന്നൂര്‍ രാജേഷ്, അഖില്‍ പനയറ ജയദേവന്‍, ശ്രീലാല്‍, രാഹുല്‍, വിപിന്‍ തുടങ്ങിയവര്‍ മാര്‍ച്ചിന് നേതൃത്വം നല്‍കി.

The post യുവമോര്‍ച്ച മാര്‍ച്ചിന് നേരെ പോലീസ് അതിക്രമം appeared first on Starvision News Malayalam.

2015-20 കാലയളവില്‍ തിരുവനന്തപുരം നഗരസഭ ഭരിച്ചിരുന്നത് ഇടതുപക്ഷ സര്‍ക്കാര്‍ നേതൃത്വം നല്‍കുന്ന ഭരണസമിതിയാണ്. ഈ ഭരണസമിതിയുടെ കീഴില്‍ പട്ടികജാതി വകുപ്പ് കൈകാര്യം ചെയ്യുന്ന ഉദ്യോഗസ്ഥന്‍മാരുടെ നേതൃത്വത്തില്‍ പട്ടിക ജാതി ഫീല്‍ഡ് ഓഫീസര്‍മാരുടെ സഹായത്തോടെ സിപിഎമ്മിന്റെ യുവജനസംഘടനാ നേതാക്കന്‍മാരുടെ പ്രേരണയോടുകൂടി പാവപ്പെട്ട പട്ടികജാതിക്കാരുടെ വീടുകളില്‍ എത്തേണ്ട പണം തട്ടിയെടുക്കുകയായിരുന്നു. പട്ടികജാതിക്കാരുടെ വിവാഹ ധനസഹായത്തിനും വിദ്യാര്‍ത്ഥികള്‍ക്കുള്ള പഠനമുറി നിര്‍മ്മിക്കുന്നതിനും വേണ്ടി കേന്ദ്രസര്‍ക്കാരിന്റെ അനുമതിയോടെ അനുവദിച്ച ഫണ്ടാണ് ഡിവൈഎഫ് നേതാക്കള്‍ തട്ടിയെടുത്തത്. സിപിഎമ്മിന്റെ യുവജനസംഘടനാ നേതാക്കളുടെ 40 ഓളം അക്കൗണ്ടുകളിലേക്കാണ് പണം പോയിരിക്കുന്നത്.

കൊതുകുനിവാരണത്തില്‍ തിരുവനന്തപുരം കോര്‍പ്പറേഷന്‍ ഒന്നാം സ്ഥാനത്തെത്തി എന്ന് കൊട്ടിഘോഷിച്ചതിന്റെ അടുത്ത ദിവസമാണ് തലസ്ഥാനത്തെ നഗരസഭാ പരിധിയില്‍ കേരളത്തില്‍ ആദ്യമായി സിക്ക വൈറസ് കണ്ടെത്തിയത്. നഗരത്തിലെ ജനങ്ങളെ സംരക്ഷിക്കുന്നതിലേക്കായി ഓരോ വര്‍ഷവും കോടിക്കണക്കിന് രൂപയാണ് മാലിന്യ സംസ്‌കാരണത്തിന് വേണ്ടി കോര്‍പ്പറേഷന്റെ നീക്കിയിരുപ്പ്. തട്ടിപ്പിന്റെ അഴിമതിയുടെയും ഭരണസമിതിയായി കോര്‍പ്പറേഷന്‍ ഭരണം മാറിക്കഴിഞ്ഞു. മാലിന്യ സംസ്‌കരണത്തിലും കൊതു നിവാരണത്തിലും പ്രതിരോധ പ്രവര്‍ത്തനങ്ങളിലും നഗരസഭ സമ്പൂര്‍ണ പരാജയമാണെന്നും അദ്ദേഹം വ്യക്തമാക്കി.
യുവമോർച്ച ജില്ലാ പ്രസിഡന്റ് ആർ. സജിത്ത് അധ്യക്ഷത വഹിച്ചു. യുവമോർച്ച നേതാക്കളായ ചന്ദ്രകിരൺ, പാപ്പനംകോട് നന്ദു, പൂജപ്പുര ശ്രീജിത്ത്‌,അഭിജിത്, അനൂപ്‌, ശ്രീജിത്ത്‌, വലിയവിള ആനന്ദ്, രാമേശ്വരം ഹരി, ആശാനാഥ്, ചുണ്ടിക്കൽ ഹരി, മാണിനാട് സജി, അനന്ദു വിജയ്, വിപിൻകുമാർ, നന്ദ ഭാർഗവൻ തുടങ്ങിയവർ നേതൃത്വം നൽകി.

The post പട്ടികജാതി ഫണ്ട് തട്ടിപ്പ്; കോര്‍പ്പറേഷനുമുന്നില്‍ യുവമോര്‍ച്ച പ്രതിഷേധ ധര്‍ണ്ണ appeared first on Starvision News Malayalam.