​മനാമ: “ഒരു ഭൂമി, ഒരു ഭാവി, നമ്മളുടെ ഉത്തരവാദിത്വം ” എന്ന ഉദാത്തമായ സന്ദേശം ഉയർത്തിപ്പിടിച്ചുകൊണ്ട് വേൾഡ് മലയാളി ഫെഡറേഷൻ (WMF) ബഹ്റൈൻ നാഷണൽ കൗൺസിലിന്റെ ആഭിമുഖ്യത്തിൽ സംഘടിപ്പിച്ച ലോക പരിസ്ഥിതി ദിനാചരണം വേറിട്ടൊരു അനുഭവമായി.

മിഡിൽ ഈസ്റ്റ് റിജിയണിന്റെ ആഭിമുഖ്യത്തിൽ നടന്നു വരുന്ന ‘ഹരിത സ്പർശം-26’ എന്ന പദ്ധതിയുടെ തുടർച്ചയായാണ് ഈ പരിപാടി ബഹ്‌റൈനിലും സംഘടിപ്പിച്ചത്.

ബുദയ്യ ന്യൂ ഹോറിസൺ സ്കൂൾ അങ്കണത്തിൽ വെച്ച് നടന്ന ഹരിതാഭമായ ചടങ്ങിൽ പ്രകൃതിയുടെ പച്ചപ്പ് നിലനിർത്താൻ പ്രത്യാശയുടെ തൈ നട്ടുകൊണ്ട് WMF നാഷണൽ കൗൺസിൽ പ്രസിഡന്റ് മിനി മാത്യു ഉദ്ഘാടനം നിർവ്വഹിച്ചു.

നാളത്തെ തലമുറയ്ക്കായി പ്രകൃതിയെ കരുതിവെക്കേണ്ടത് ഒരോരുത്തരുടെയും കടമയാണെന്ന് അവർ ഉദ്ഘാടന പ്രസംഗത്തിൽ ഓർമ്മിപ്പിച്ചു.

പ്രതീഷ് തോമസ്, ജോബി ജോസ്, ഏബ്രഹാം തോമസ്, ന്യൂ ഹോറിസൺ സ്കൂൾ ചെയർമാൻ ജോയ് മാത്യു, ഡോ. ഷബാന ഫൈസൽ എന്നിവർ ആശംസ നേർന്നു.

നാഷണൽ കൗൺസിൽ നേതാക്കളായ നേതാക്കളായ നെൽസൺ വർഗീസ്, നവാസ് ചെരണ്ടത്തൂർ, ബെർലിത് മാത്യു, പ്രകാശൻ ബാലൻ, ബിജു എം ഡാനിയേൽ എന്നിവരും, ഷാരോൺ പ്രതീഷ്, നജ്മ നവാസ്, ഗോഡ് വിൻ തോമസ് ഏബ്രഹാം, ന്യൂ ഹൊറൈസൺ സ്കൂൾ പ്രിൻസിപ്പൽ വന്ദന സതീഷ്, നോൺ-അക്കാദമിക് കോർഡിനേറ്റർ ലിസ്സി ജോർജ് തുടങ്ങിയവരും പങ്കെടുത്തു.

The post ഭൂമിക്കായ് കൈകോർത്ത് WMFബഹ്റൈൻ നാഷണൽ കൗൺസിൽ appeared first on Starvision News Malayalam.

മനാമ: പ്രതിസന്ധിയിൽ അകപ്പെട്ട മലയാളിയുവാവിന് സഹായഹസ്തവുമായി വേൾഡ് മലയാളി ഫെഡറേഷൻ ബഹ്‌റൈൻ നാഷണൽ കൗൺസിൽ
(WMF.)തിരുവനന്തപുരം സ്വദേശിയായ ഫായീസ് സൈഫുദ്ദീൻ ആണ് സംഘടനയുടെ പിന്തുണയോടെ നാട്ടിലേക്ക് മടങ്ങിയത്. ജോലി തേടി ബഹ്റൈനിലെത്തിയ മലയാളി യുവാവിന് പാസ്‌പോർട്ട് നഷ്ടപ്പെടുകയും നിയമപരമായ തടസ്സങ്ങൾ മൂലം നാട്ടിലേക്ക് മടങ്ങാൻ കഴിയാതാവുകയും ചെയ്തിരുന്നു. ഇതിനിടെ പ്രമേഹരോഗം രൂക്ഷമായതോടെ മരുന്നുകൾ പോലും ലഭിക്കാത്ത അവസ്ഥയിലായിരുന്നു ഇദ്ദേഹം.വിവരം അറിഞ്ഞ സംഘടനയുടെ ഭാരവാഹികൾ യുവാവിന് അടിയന്തര ചികിത്സയും മരുന്നുകളും ഒരുക്കി. തുടർന്ന് നാട്ടിലേക്ക് മടങ്ങുന്നതിനുള്ള പ്രധാന തടസ്സമായിരുന്ന വിസ പിഴ തുകയും സംഘടന ഏറ്റെടുത്തു.

നിയമനടപടികൾ പൂർത്തിയാക്കിയ ശേഷം വിമാന ടിക്കറ്റും നൽകി യുവാവിനെ ഇക്കഴിഞ്ഞ 18 ന് നാട്ടിലേക്ക് യാത്രയാക്കിയതായി സംഘടനാ ഭാരവാഹികൾ അറിയിച്ചു.പ്രതിസന്ധിയിലായ പ്രവാസികൾക്ക് പിന്തുണ നൽകുന്ന പ്രവർത്തനങ്ങൾ തുടരുമെന്നും വേൾഡ് മലയാളി ഫെഡറേഷൻ ബഹ്‌റൈൻ നാഷണൽ കൗൺസിൽ ഭാരവാഹികൾ വ്യക്തമാക്കി.

The post WMF ബഹ്‌റൈൻ നാഷണൽ കൗൺസിൽ കാരുണ്യ ഇടപെടൽ | പ്രവാസി മലയാളിക്ക് മടക്കയാത്ര സഹായം appeared first on Starvision News Malayalam.

മനാമ: ലോകത്തെ ഏറ്റവും വലിയ പ്രവാസി മലയാളി കൂട്ടായ്മയായ വേൾഡ് മലയാളി ഫെഡറേഷൻ്റെ (WMF) ബഹ്റൈൻ നാഷണൽ കൗൺസിലിന്റെ 2026-27 പ്രവർത്തന വർഷത്തേക്കുള്ള പുതിയ ഭാരവാഹികളെ തിരഞ്ഞെടുത്തു. പ്രവാസി മലയാളി സമൂഹത്തിൻ്റെ ക്ഷേമത്തിനും സാംസ്കാരിക ഉന്നമനത്തിനുമായി വൈവിധ്യമാർന്ന പ്രവർത്തനങ്ങൾ വരും വർഷങ്ങളിൽ കൗൺസിൽ ആവിഷ്കരിക്കും.

​പുതിയ ഭാരവാഹികൾ: ​പ്രസിഡന്റ്: മിനി മാത്യു, ​കോർഡിനേറ്റർ: ശ്രീജിത്ത് ഫെറോക്ക്, ​സെക്രട്ടറി: ജോബി ജോസ്, ​ട്രഷറർ: എബ്രഹാം തോമസ്, ​വൈസ് പ്രസിഡന്റ്: ഡോ. ഷബാന ഫൈസൽ, ​ജോയിന്റ് സെക്രട്ടറി: സുനിൽ കുമാർ. ​വിവിധ ഫോറങ്ങളുടെ ചുമതലയുള്ള കൺവീനർമാരെയും യോഗം തിരഞ്ഞെടുത്തു.
പ്രവാസി ക്ഷേമം, ചാരിറ്റി, ആരോഗ്യം, ബിസിനസ്സ് തുടങ്ങിയ മേഖലകളിൽ സജീവമായ ഇടപെടലുകൾ ലക്ഷ്യമിട്ടാണ് പുതിയ കമ്മറ്റി രൂപീകരിച്ചിരിക്കുന്നത്.

​ഫോറം കോർഡിനേറ്റർമാർ:

അനിൽ കുമാർ (ചാരിറ്റി), നവാസ് ചെരണ്ടത്തൂർ (പി.ആർ & മീഡിയ), ബിജു എം ഡാനിയൽ (പ്രവാസി വെൽഫെയർ), നാസിയ ജി.എച്ച് (വുമൺസ് ഫോറം), ജേക്കബ് തെക്കുതോട് (ബിസിനസ്സ്), റഊഫ് വി.എം (മലയാളം ഫോറം), നെൽസൺ വർഗീസ് (മെമ്പർഷിപ്പ്), ഷൈനി ബിനു (ഹെൽത്ത്), സനു കുട്ടൻ (എഡ്യൂക്കേഷൻ & കരിയർ), രതിൻ തിലക് (ആർട്ട് & കൾച്ചർ), ബെർലിത്ത് മാത്യു (യൂത്ത് ഫോറം), പ്രകാശൻ ബാലൻ (ഇവന്റ് ഫോറം), ഫസലു റഹ്മാൻ (എക്സിക്യൂട്ടീവ് മെമ്പർ) എന്നിവരാണ് മറ്റ് ഭാരവാഹികൾ.

​ഓസ്ട്രിയ ആസ്ഥാനമായി പ്രവർത്തിക്കുന്ന ഡബ്ല്യു.എം.എഫ്, പ്രവാസി മലയാളികൾക്കിടയിലെ സേവനപ്രവർത്തനങ്ങൾക്കും സാംസ്കാരിക കൂട്ടായ്മകൾക്കും നേതൃത്വം നൽകുന്ന ആഗോള സംഘടനയാണ്.
ബഹ്റൈനിലെ മലയാളി സമൂഹത്തിൻ്റെ ഐക്യത്തിനും ഉന്നമനത്തിനുമായി പുതിയ ടീം പ്രതിജ്ഞാബദ്ധമായി പ്രവർത്തിക്കുമെന്ന് ഭാരവാഹികൾ അറിയിച്ചു.

The post വേൾഡ് മലയാളി ഫെഡറേഷൻ (WMF) ബഹ്റൈൻ നാഷണൽ കൗൺസിൽ പുതിയ ഭാരവാഹികളെ തിരഞ്ഞെടുത്തു appeared first on Starvision News Malayalam.