കുറ്റവാളികൾ ശിക്ഷിക്കപ്പെടണമെങ്കിൽ അവരെ സംരക്ഷിക്കുന്ന ഭരണസംവിധാനത്തിലുള്ളവർക്കെതിരെ കേസെടുക്കണം. രാജ്യത്ത് സ്ത്രീപീഡന കേസുകളിൽ പ്രതികൾ ശിക്ഷിക്കപെടാതെ പോവുന്ന സംസ്ഥാനങ്ങളിൽ മുൻപന്തിയിലാണ് കേരളം. ഭരണകക്ഷിക്കാരായതു കൊണ്ടാണ് പ്രതികൾ രക്ഷപ്പെടുന്നത്. സമീപകാലത്ത് പട്ടികജാതിക്കാരായ പെൺകുട്ടികൾ ഇരകളായ നിരവധി കേസുകൾ അട്ടിമറിക്കപ്പെട്ടിട്ടും ഒരു നടപടിയുമെടുക്കാൻ സർക്കാരിന് സാധിച്ചില്ലെന്ന് സുരേന്ദ്രൻ കുറ്റപ്പെടുത്തി.

രാജ്യത്ത് ഏറ്റവും കൂടുതൽ സ്ത്രീപീഡനങ്ങളും ബലാത്സംഘങ്ങളും നടക്കുന്ന സംസ്ഥാനമായി കേരളം മാറി. 75,000ൽ അധികം സ്ത്രീപീഡനകേസുകളാണ് അഞ്ചുവർഷത്തിനിടെ സംസ്ഥാനത്ത് റിപ്പോർട്ട് ചെയ്തത്. ഇതിൽ 15,000 ബലാത്സംഘ കേസുകളുണ്ട്. അഞ്ച് മാസത്തിനിടെ 1600 സ്ത്രീപീഡന കേസുകൾ റിപ്പോർട്ട് ചെയ്തു. കൊച്ചുകുട്ടികൾക്കെതിരെ ഏറ്റവും കൂടുതൽ അതിക്രമം നടക്കുന്നത് കേരളത്തിലാണ്. പൊലീസും ഭരണസംവിധാനങ്ങളും പ്രതികൾക്കൊപ്പം നിൽക്കുന്നത് കൊണ്ടാണ് കുറ്റകൃത്യങ്ങൾ വർദ്ധിക്കുന്നത്.
പ്രതികളെ സഹായിക്കാൻ ശ്രമിക്കുന്നത് ​ഗുരുതരമായ കുറ്റകൃത്യമായിട്ടും ഭരണകക്ഷി നേതാക്കൾ അത് ആവർത്തിക്കുന്നു. ആഭ്യന്തരവകുപ്പിന്റെ പിടിപ്പുകേടാണ് കേരളത്തിലെ സംഭവങ്ങളിലൂടെ വ്യക്തമാവുന്നത്. ക്രിമിനൽ കേസുകൾ തെളിയിക്കുന്നതിൽ കേരള പൊലീസ് താത്പര്യം കാണിക്കുന്നില്ല.

കള്ളക്കേസുകളെടുക്കാൻ മാത്രമേ കേരള പൊലീസിന് താത്പര്യമുള്ളൂ. ഇത്രയും പീഡനങ്ങൾ സംസ്ഥാനത്ത് നടന്നിട്ടും മുഖ്യമന്ത്രി ഒരക്ഷരം മിണ്ടുന്നില്ലെന്നത് അത്ഭുതപ്പെടുത്തുന്നു. വാളയാറിന് അപ്പുറത്ത് പീഡനം നടന്നാൽ മാത്രമേ സാംസ്ക്കാരിക നായകൻമാർ പ്രതികരിക്കുകയുള്ളൂവെന്നതാണ് സ്ഥിതി. പ്രതികളുടെ രാഷ്ട്രീയവും ഭരിക്കുന്ന പാർട്ടിയുടെ രാഷ്ട്രീയവും നോക്കി പ്രതികരിക്കുന്ന സെലക്ടീവ് പ്രതികരണ തൊഴിലാളികളായി സാംസ്ക്കാരിക നായകൻമാർ അധപതിച്ചെന്നും സുരേന്ദ്രൻ ചൂണ്ടിക്കാട്ടി.

ജില്ലാ ജനറൽ സെക്രട്ടറി ജയാരാജീവ് അദ്ധ്യക്ഷത വഹിച്ചു. ജില്ലാ പ്രസിഡന്റ് വിവി രാജേഷ്, സംസ്ഥാന സെക്രട്ടറി സി.ശിവൻകുട്ടി, സംസ്ഥാന ഉപാദ്ധ്യക്ഷ വിടി രമ, മഹിളാമോർച്ച സംസ്ഥാന ജനറൽ സെക്രട്ടറി ആർബി രാകേന്ദു, സംസ്ഥാന സെക്രട്ടറി അഞ്ജന, ജില്ലാ ജനറൽ സെക്രട്ടറി കെ.ശ്രീകല, ബിജെപി ഉപാദ്ധ്യക്ഷ ആർസി ബീന,ജില്ലാസെക്രട്ടറി മഞ്ജു, ജില്ലാ ഭാരവാഹികളായ സ്വപ്നാ സുദർശനൻ, ജയശ്രീ, സന്ധ്യാ ശ്രീകുമാർ, ഹിമ സിജി, ചിഞ്ചു എന്നിവർ പങ്കെടുത്തു.

The post വണ്ടിപ്പെരിയാർ സംഭവം: എംഎൽഎക്കെതിരെ കേസെടുക്കണം: കെ.സുരേന്ദ്രൻ appeared first on Starvision News Malayalam.

പെൺകുട്ടിയെ പീഡിപ്പിച്ച് കൊലപ്പെടുത്തിയ സംഭവത്തിൽ ഇത് രണ്ടാം തവണയാണ് പ്രതിയുമായി പോലീസ് പെൺകുട്ടിയുടെ വീട്ടിൽ തെളിവെടുപ്പ് നടത്തുന്നത്. നേരത്തെ തെളിവെടുപ്പിനിടെ നാട്ടുകാർ അക്രമാസക്തരായതിനെ തുടർന്ന് ഇത്തവണ കനത്ത സുരക്ഷയാണ് ഏർപ്പെടുത്തിയത്. എന്നാൽ നിയന്ത്രണം നഷ്ടമായതോടെ പോലീസിനെ മറികടന്നും ഇവർ പ്രതിയെ ആക്രമിക്കാൻ ശ്രമിക്കുകയായിരുന്നു.

പെൺകുട്ടിയുടെ ഡമ്മി ഉപയോഗിച്ചുള്ള തെളിവെടുപ്പാണ് ഞായറാഴ്ച നടന്നത്. പീഡന ശ്രമത്തിനിടെ ബോധരഹിതയായ കുട്ടിയെ പഴക്കുല തൂക്കുന്ന കയറിലാണ് പ്രതി ഷാൾ ഉപയോഗിച്ച് കെട്ടിത്തൂക്കി കൊലപ്പെടുത്തിയത്. ശേഷം വീടിന്റെ ജനൽ വഴി രക്ഷപ്പെടുകയായിരുന്നു. ഡമ്മി ഉപയോഗിച്ച് നടത്തിയ തെളിവെടുപ്പിൽ അർജുൻ ഇതെല്ലാം അന്വേഷണ സംഘത്തിന് മുന്നിൽ വിശദീകരിച്ചു.

കുട്ടിയെ പീഡിപ്പിച്ച കേസിൽ പ്രതിയ്ക്ക് മറ്റാരുടേയെങ്കിലും സഹായം ലഭിച്ചോ എന്നും പോലീസ് അന്വേഷിച്ച് വരുന്നുണ്ട്. മറ്റേതെങ്കിലും പെൺകുട്ടികളെ പ്രതി പീഡനത്തിന് ഇരയാക്കിയിട്ടുണ്ടോയെന്നും അന്വേഷിച്ച് വരുന്നു.

The post വണ്ടിപ്പെരിയാർ പീഡനം: തെളിവെടുപ്പിനെത്തിച്ച പ്രതിയ്‌ക്കെതിരെ വൻ പ്രതിഷേധം, അർജുന്റെ കരണടത്തിച്ചു appeared first on Starvision News Malayalam.