ചിപ്പില്ലാത്ത പഴയ ഡെബിറ്റ് കാർഡുകൾ എസ്ബിഐ ബ്ലോക്ക് ചെയ്യുമെന്ന അറിയിപ്പിന് പിന്നാലെയാണ് പരാതിക്കാരിക്ക് തട്ടിപ്പ് സന്ദേശം ലഭിച്ചത്. കാർഡ് ബ്ലോക്ക് ആകാതിരിക്കാൻ ഓൺലൈനായി വിവരങ്ങൾ പുതുക്കണമെന്ന് ആവശ്യപ്പെട്ട സന്ദേശത്തിന് പിന്നാലെ, അതേ നമ്പറിൽനിന്ന് ഒരാൾ വിളിക്കുകയും ‘സ്റ്റേറ്റ് ബാങ്ക് സെക്യൂർ ആപ്പ്’ ഇൻസ്റ്റാൾ ചെയ്യാനെന്ന വ്യാജേന ഒടിപി ചോദിക്കുകയും ചെയ്തു. ഒടിപി കൈമാറിയതിനു പിന്നാലെ അക്കൗണ്ടിൽനിന്ന് 3.75 ലക്ഷം രൂപ നഷ്ടപ്പെട്ടു.

തട്ടിപ്പ് തിരിച്ചറിഞ്ഞ ഉടൻ പരാതിക്കാരി ബാങ്കിന്റെ കസ്റ്റമർ കെയറിലും ശാഖയിലും വിവരമറിയിക്കുകയും നെറ്റ് ബാങ്കിങ് മരവിപ്പിക്കുകയും ചെയ്തു. അന്നുതന്നെ പൊലീസിലും പരാതി നൽകി. അന്വേഷണത്തിൽ പശ്ചിമ ബംഗാൾ സ്വദേശിയായ സന്ദീപ് ബൗരിയാണ് തട്ടിപ്പിന് പിന്നിലെന്ന് പൊലീസ് കണ്ടെത്തി.

പണം തിരികെ നൽകാൻ ബാങ്ക് തയ്യാറാകാത്തതിനെ തുടർന്ന് പരാതിക്കാരി ബാങ്കിങ് ഓംബുഡ്സ്മാനെ സമീപിച്ചു. ഒടിപി പങ്കുവെച്ചത് ഇടപാടുകാരിയുടെ അശ്രദ്ധയാണെന്ന വിലയിരുത്തലിൽ ഓംബുഡ്സ്മാൻ പരാതി തള്ളുകയായിരുന്നു. തുടർന്നാണ് അവർ ഹൈക്കോടതിയെ സമീപിച്ചത്.

തട്ടിപ്പ് നടന്ന വിവരം മൂന്ന് പ്രവൃത്തി ദിവസത്തിനകം ബാങ്കിനെ അറിയിച്ചാൽ ഉപഭോക്താവിന് ബാധ്യതയുണ്ടാകില്ലെന്ന ആർബിഐ മാസ്റ്റർ സർക്കുലറിലെ വ്യവസ്ഥ പരാതിക്കാരി കോടതിയിൽ ചൂണ്ടിക്കാട്ടി. ഒടിപി നൽകിയാൽ ആപ്പിൽ പ്രവേശിക്കാനേ കഴിയൂ എന്നും പണം പിൻവലിക്കാൻ മറ്റൊരു ഒടിപി വേണ്ടിവരുമെന്നുമാണ് താൻ കരുതിയതെന്നും അവർ വിശദീകരിച്ചു. രഹസ്യവിവരങ്ങൾ പങ്കുവെച്ചത് ഉപഭോക്താവിന്റെ അശ്രദ്ധയാണെന്നും അതിനാൽ നഷ്ടം ഉപഭോക്താവ് വഹിക്കണമെന്നും ബാങ്ക് വാദിച്ചു.

സമാനമായ കേസിൽ ഗുവാഹത്തി ഹൈക്കോടതി നൽകിയതും സുപ്രീം കോടതി ശരിവെച്ചതുമായ വിധിയും ജസ്റ്റിസ് മേനോൻ പരാമർശിച്ചു. തട്ടിപ്പ് നടന്ന ദിവസംതന്നെ പരാതി നൽകിയിട്ടും ബാങ്ക് പണം തിരികെ നൽകാൻ നടപടിയെടുത്തില്ലെന്നും, പൊലീസ് പ്രതിയെ തിരിച്ചറിഞ്ഞ ശേഷവും തുടർനടപടി സ്വീകരിച്ചില്ലെന്നും കോടതി നിരീക്ഷിച്ചു. പരാതിക്കാരിക്ക് തട്ടിപ്പിൽ പങ്കില്ലെന്ന് വ്യക്തമായതിനാൽ ഈ കേസിൽ ആർ.ബി.ഐ സർക്കുലറിലെ വ്യവസ്ഥ ബാധകമാണെന്നും കോടതി വ്യക്തമാക്കി. നഷ്ടപ്പെട്ട 3.73 ലക്ഷം രൂപ നാലാഴ്ചയ്ക്കകം പരാതിക്കാരിക്ക് തിരികെ നൽകാനാണ് എസ്ബിഐയോട് ഹൈക്കോടതി നിർദേശിച്ചത്.

The post സൈബർ തട്ടിപ്പിൽ നഷ്ടമായ 3.73 ലക്ഷം രൂപ തിരികെ നൽകണം; എസ്ബിഐയോട് ഹൈക്കോടതി appeared first on Starvision News Malayalam.

മൂന്ന് ദിവസത്തെ പണിമുടക്ക് ബാങ്ക് ശാഖകളിലെ സേവനങ്ങളെ ബാധിക്കാനിടയുള്ളതിനാലാണ് ഉപഭോക്താക്കൾക്ക് മുൻകൂട്ടി മുന്നറിയിപ്പ് നൽകിയത്. ശാഖ സന്ദർശനം ആവശ്യമായ ഇടപാടുകൾ, രേഖകൾ സമർപ്പിക്കൽ, ജീവനക്കാരുടെ സഹായം ആവശ്യമായ സേവനങ്ങൾ എന്നിവ സെപ്റ്റംബർ 28ന് മുമ്പ് തീർക്കണമെന്നാണ് നിർദേശം.

സെപ്റ്റംബർ 28 മുതൽ 30 വരെയുള്ള സമരം ഒക്ടോബർ 26 മുതൽ ആരംഭിക്കാനിരിക്കുന്ന അനിശ്ചിതകാല പണിമുടക്കിന് മുന്നോടിയായുള്ള സമരപരിപാടികളുടെ ഭാഗമാണ്. പണിമുടക്ക് ദിവസങ്ങളിൽ ബുദ്ധിമുട്ടുകൾ കുറയ്ക്കാൻ ആവശ്യമായ ക്രമീകരണങ്ങൾ നടത്തിവരികയാണെന്ന് എസ്‌ബിഐ അറിയിച്ചു.

അത്യാവശ്യ ബാങ്കിംഗ് ആവശ്യങ്ങൾക്ക് എടിഎമ്മുകളും സിഎസ്‌പികളും ഉപയോഗിക്കാമെന്ന് ബാങ്ക് വ്യക്തമാക്കി. പണം പിൻവലിക്കൽ, നിക്ഷേപം തുടങ്ങിയ ആവശ്യങ്ങൾക്ക് എടിഎമ്മുകളും ഓട്ടോമേറ്റഡ് ഡെപ്പോസിറ്റ് ആൻഡ് വിത്‌ഡ്രോവൽ മെഷീനുകളും ഉപയോഗിക്കണമെന്നും ഉപഭോക്താക്കളോട് എസ്‌ബിഐ അഭ്യർത്ഥിച്ചു.

The post സെപ്റ്റംബർ 28 മുതൽ 30 വരെ ബാങ്ക് പണിമുടക്ക്; ഇടപാടുകൾ മുൻകൂട്ടി തീർക്കണമെന്ന് എസ്‌ബിഐ appeared first on Starvision News Malayalam.