ദോഹ: ജൂൺ 15 മുതൽ ഖത്തർ എയർവേയ്‌സ് ദോഹയിൽ നിന്ന് ബഹ്‌റൈനിലേക്ക് പ്രതിദിനം മൂന്നു വിമാന സർവീസുകൾ നടത്തും. ഖത്തറും ബഹ്‌റൈനും തമ്മിലുള്ള വ്യോമഗതാഗതം പുനഃസ്ഥാപിച്ച സാഹചര്യത്തിലാണ് ഖത്തർ എയർവേയ്‌സ് കൂടുതൽ സർവീസുകൾ പ്രഖ്യാപിച്ചത്.

മെയ് 25 മുതൽ ഖത്തർ എയർവേയ്‌സിന്റെ ദോഹ-ബഹ്‌റൈൻ-ദോഹ സർവീസ് ആരംഭിച്ചു. നിലവിൽ ദിവസവും രാത്രി 8 ന് മാത്രമാണ് ദോഹ-ബഹ്‌റൈൻ സർവീസ്. ദിവസവും രാവിലെ 8.40, ഉച്ചകഴിഞ്ഞ് 3.30, രാത്രി 8 എന്നിങ്ങനെയാണ് ബഹ്‌റൈനിലേയ്ക്കുള്ള പ്രതിദിന സർവീസ് സമയക്രമം.

ഖത്തർ എയർവേയ്‌സ് വെബ്‌സൈറ്റിൽ 15 മുതലുള്ള യാത്രയ്ക്ക് ടിക്കറ്റ് ബുക്കിങ് ആരംഭിച്ചു.  ബഹ്‌റൈന്റെ ഗൾഫ് എയർ വിമാനവും ഖത്തറിലേക്ക് പ്രതിദിനം ഒന്നിലധികം സർവീസുകൾ നടത്തും.

The post ബഹ്റൈനിലേക്ക് ഖത്തർ എയർവേയ്‌സിന്റെ 3 പുതിയ പ്രതിദിന സർവീസ് ജൂൺ 15 മുതൽ appeared first on Starvision News Malayalam.

മനാമ: നീണ്ട ഇടവേളയ്ക്ക് ശേഷം ബഹ്‌റൈനും ഖത്തറിനും ഇടയിൽ വ്യോമഗതാഗതം പുനരാരംഭിക്കാൻ തീരുമാനിച്ചതിന് പിന്നാലെ ബഹ്‌റൈനിലെ ദേശീയ വിമാനക്കമ്പനിയായ ഗൾഫ് എയർ ഇരു രാജ്യങ്ങൾക്കുമിടയിൽ നേരിട്ടുള്ള ഫ്‌ളൈറ്റുകൾ ബുക്ക് ചെയ്യാൻ തുടങ്ങി. മെയ് 25 മുതൽ സർവീസ് ആരംഭിക്കും.നിലവിൽ പ്രതിദിനം ഒരു സർവീസാണ് പ്രഖ്യാപിച്ചിരിക്കുന്നത്. വരും ദിവസങ്ങളിൽ കൂടുതൽ സർവീസുകൾ ഉണ്ടാകുമെന്നാണ് പ്രതീക്ഷിക്കുന്നത്. ബഹ്‌റൈനിൽ നിന്ന് രാവിലെ 9.30ന് പുറപ്പെടുന്ന വിമാനം 10.15ന് ദോഹയിലെത്തും. ദോഹയിൽ നിന്ന് 11.15ന് പുറപ്പെട്ട് 12.00ന് ബഹ്‌റൈനിലെത്തും. ഇക്കണോമി ക്ലാസിന് 90 ദിനാർ ആണ് നിരക്ക്.

ഖത്തർ എയർവേയ്‌സും ദോഹയിൽ നിന്ന് നേരിട്ടുള്ള ബുക്കിംഗും ആരംഭിച്ചിട്ടുണ്ട്. ഖത്തർ എയർവേയ്‌സിന്റെ വിമാനങ്ങൾ മെയ് 25 മുതൽ ദോഹയിൽ നിന്ന് ബഹ്‌റൈനിലേക്ക് പറക്കാൻ തുടങ്ങും. 2017 ലെ ഗൾഫ് ഉപരോധത്തെത്തുടർന്ന് ഇരു രാജ്യങ്ങളും തമ്മിലുള്ള നയതന്ത്രബന്ധം അവസാനിക്കുകയും യാത്രാ റൂട്ടുകളും അവസാനിക്കുകയും ചെയ്തു. തുടർന്ന്, ഉപരോധം പിൻവലിച്ചിട്ടും ഖത്തറും ബഹ്‌റൈനും തമ്മിലുള്ള ബന്ധം പുനഃസ്ഥാപിച്ചില്ല. കഴിഞ്ഞ മാസം നടന്ന ജിസിസി ഫോളോ-അപ്പ് കമ്മിറ്റി യോഗത്തിന് ശേഷമാണ് നയതന്ത്ര ബന്ധം പുനഃസ്ഥാപിക്കാൻ തീരുമാനിച്ചത്. ഇതിന് പിന്നാലെയാണ് വിമാന സർവീസും പുനരാരംഭിക്കുന്നത്.

ബഹ്‌റൈൻ-ദോഹ യാത്രാ ദൈർഘ്യം 50 മിനിറ്റാണ്. ഖത്തർ എയർവേയ്‌സ് 1109 എയർബസ് എ320 വിമാനം ദിവസവും രാത്രി എട്ടിന് ദോഹയിൽ നിന്ന് പുറപ്പെട്ട് രാത്രി 8.50ന് ബഹ്‌റൈനിലെത്തും. ഇക്കോണമി ക്ലാസിന് 1210 റിയാലും ഫസ്റ്റ് ക്ലാസിന് 4780 റിയാലും ആണ് നിലവിലെ നിരക്ക്. ബഹ്‌റൈനിൽ നിന്ന് രാത്രി 10.20ന് പുറപ്പെടുന്ന വിമാനം രാത്രി 11.15ന് ദോഹയിലെത്തും. ഇരു രാജ്യങ്ങൾക്കുമിടയിൽ നേരിട്ടുള്ള വിമാന സർവീസുകൾ പുനരാരംഭിക്കുന്നത് ഈ മേഖലയിലെ വിനോദസഞ്ചാരത്തിന് ഉയർച്ച നൽകും. വ്യവസായ സമൂഹം ഉൾപ്പെടെയുള്ള പ്രവാസി മലയാളികൾക്കും ഇത് ഗുണം ചെയ്യും. നേരത്തെ ദോഹയിൽ എത്തേണ്ടത് ഒമാൻ, കുവൈറ്റ് വഴി ആയിരുന്നു.

The post ഗൾഫ് എയറും ഖത്തർ എയർവേയ്‌സും ബഹ്‌റൈൻ-ദോഹ ബുക്കിംഗ് ആരംഭിച്ചു appeared first on Starvision News Malayalam.

ദോഹ

ഫിഫയുടെയും ലോകകപ്പ് യാത്രകളുടെയും ഔദ്യോഗിക എയർലൈൻ പങ്കാളി എന്ന നിലയിൽ, നിരവധി പ്രാദേശിക, അന്തർദ്ദേശീയ പരിപാടികളും ഓൺബോർഡ് ഫുട്ബോൾ തീം ആക്ടിവേഷനും ഖത്തർ എയർവേയ്‌സ് ഒരുക്കി. യാത്രക്കാരെ ഫുട്ബോളിന്‍റെ ആവേശം ആസ്വദിക്കാൻ സഹായിച്ച പരിപാടികൾക്ക് മികച്ച പ്രതികരണമാണ് ലഭിച്ചത്.

അൽബിദ പാർക്കിലെ ഫിഫ ഫാൻ ഫെസ്റ്റിവലിൽ സ്ഥാപിച്ച ഖത്തർ എയർവേയ്സ് സ്കൈഹൗസ് 18 ലക്ഷത്തിലധികം ഫുട്ബോൾ ആരാധകർ സന്ദർശിച്ചു. നെയ്മർ ചലഞ്ച്, ക്യുവേഴ്‌സ് എക്സ്പീരിയൻസ്, സ്വിംഗ് ദി വേൾഡ്, ഫൂസ്ബോൾ, ഫെയ്സ് പെയിന്‍റിംഗ് എന്നിവയുൾപ്പെടെ നിരവധി പരിപാടികൾ സംഘടിപ്പിച്ചിരുന്നു.

The post ലോകകപ്പ് കാലത്ത് മികച്ച പ്രകടനവുമായി ഖത്തർ എയർവേയ്സ് appeared first on Starvision News Malayalam.

2019 സെപ്റ്റംബര്‍ മുതല്‍ 2021 ജൂലൈ വരെ സ്‌കൈട്രാക്‌സ് നടത്തിയ ഉപഭോക്തൃ സര്‍വേയുടെ അടിസ്ഥാനത്തിലാണ് പുരസ്‌ക്കാരം. കൊവിഡ് പകര്‍ച്ചവ്യാധി കാലത്തെ സര്‍വീസുകള്‍ മുന്‍ നിര്‍ത്തിയാണ് സര്‍വേ സംഘടിപ്പിച്ചത്. 

350 ലധികം വിമാനക്കമ്പനികളെയാണ് സര്‍വേയില്‍ ഉള്‍പ്പെടുത്തിയത്. സര്‍വേയില്‍ സിംഗപ്പൂര്‍ എയര്‍ലൈന്‍സ് രണ്ടാം സ്ഥാനാവും എ.എന്‍.എ ഓള്‍ നിപ്പോണ്‍ എയര്‍വെയ്‌സ് മൂന്നാം സ്ഥാനവും നേടി. 

ലോകത്തിലെ ഏറ്റവും മികച്ച ബിസിനസ് ക്ലാസ്, ലോകത്തിലെ ഏറ്റവും മികച്ച ബിസിനസ് ക്ലാസ് സീറ്റ്, മിഡില്‍ ഈസ്റ്റിലെ മികച്ച വിമാനകമ്പനി എന്നിവയ്ക്കുള്ള പുരസ്‌കാരങ്ങളും ഖത്തര്‍ എയര്‍വെയ്‌സ് നേടി. 

ലോകത്തിലെ ഏറ്റവും മികച്ച ക്യാബിന്‍ ക്രൂ, ലോകത്തിലെ ഏറ്റവും മികച്ച ഫസ്റ്റ് ക്ലാസ്, ഏഷ്യയിലെ മികച്ച വിമാനകമ്പനി, ലോകത്തിലെ ഏറ്റവും മികച്ച ഫസ്റ്റ് ക്ലാസ് സീറ്റ് എന്നിവയ്ക്കുള്ള പുരസ്‌ക്കാരങ്ങള്‍ സിംഗപ്പൂര്‍ എയര്‍ലൈന്‍സ് നേടി.

ലോകത്തിലെ ഏറ്റവും മികച്ച എയര്‍പോര്‍ട്ട് സര്‍വീസസ് പുരസ്‌ക്കാരം, ലോകത്തിലെ ഏറ്റവും വൃത്തിയുള്ള വിമാനകമ്പനി എന്നീ പുരസ്‌ക്കാരങ്ങള്‍ എ.എന്‍.എ ഓള്‍ നിപ്പോണ്‍ എയര്‍വെയ്‌സും നേടി. 

The post ലോകത്തിലെ മികച്ച വിമാനക്കമ്പനിയായി വീണ്ടും ഖത്തര്‍ എയര്‍വെയ്‌സ് appeared first on Starvision News Malayalam.