കൊച്ചി: കണ്ടല ബാങ്ക് കള്ളപ്പണ കേസില്‍ മുഖ്യപ്രതി ഭാസുരാംഗന്റെ ഭാര്യ അടക്കം 4 പ്രതികള്‍ക്ക് കോടതി ജാമ്യം നല്‍കി. ഭാസുരാംഗന്റെ ഭാര്യ ജയകുമാരി, മക്കളായ അഭിമ, അശ്വതി, മകളുടെ ഭര്‍ത്താവ് ബാലമുരുകന്‍ എന്നിവര്‍ക്കാണ് കോടതി ജാമ്യം നല്‍കിയത്. അന്വേഷണ ഉദ്യോഗസ്ഥന്‍ എപ്പോള്‍ ആവശ്യപ്പെട്ടാലും ചോദ്യം ചെയ്യലുമായി സഹകരിക്കണമെന്ന് കോടതി നിര്‍ദേശിച്ചിട്ടുണ്ട്.

കള്ളപ്പണത്തെക്കുറിച്ച് പ്രതികള്‍ക്ക് കൃത്യമായ അറിവുണ്ടായരുന്നെങ്കിലും തെളിവ് നശിപ്പിക്കാനോ സാക്ഷികളെ സ്വാധീനിക്കാനോ ഇടപെടില്ലെന്ന നിഗമനത്തില്‍ ഇവരെ അറസ്റ്റ് ചെയ്യാതെയാണ് ഇ ഡി കുറ്റപത്രം നല്‍കിയത്. കോടതി നിര്‍ദ്ദേശപ്രകാരമാണ് ഇന്ന് പ്രതികള്‍ നേരിട്ട് ഹാജരായി ജാമ്യമെടുത്തത്.

The post കണ്ടല ബാങ്ക് തട്ടിപ്പ് കേസ്: മുഖ്യപ്രതി ഭാസുരാംഗന്റെ ഭാര്യ അടക്കം 4 പ്രതികള്‍ക്ക് ജാമ്യം appeared first on Starvision News Malayalam.

കൊച്ചി : സിപിഐ നേതാവ് ഭാസുരാംഗൻ പ്രതിയായ കണ്ടല ബാങ്ക് തട്ടിപ്പ് കേസിന്റെ റിമാൻഡ് റിപ്പോർട്ടിൽ നിർണായക വിവരങ്ങൾ. കണ്ടലയിലേത് സംഘടിത കുറ്റകൃത്യമാണെന്നും മുഴുവൻ നിക്ഷേപങ്ങളെ കുറിച്ചും ആസ്തികളെക്കുറിച്ചും ഭാസുരാംഗൻ വെളിപ്പെടുത്തുന്നില്ലെന്നുമാണ് ഇഡി റിമാൻഡ് റിപ്പോട്ടിലുളളത്. തട്ടിപ്പിലൂടെ ലഭിച്ച പണം എന്ത് ചെയ്തെന്നറിയാൻ കൂടുതൽ രേഖകൾ കണ്ടെടുക്കേണ്ടതുണ്ട്. സംഘടിത കുറ്റകൃത്യങ്ങളിലെ പങ്കാളികളാണ് പ്രതികൾ. പല ഇടപാടുകളും നടത്തിയിട്ടുള്ളത് ബിനാമി പേരുകളിലാണ്. കുറ്റകൃത്യത്തിൽ ഉൾപ്പെട്ടവരുടെ നിസ്സഹകരണം മൂലം ബാങ്കുകളിൽ നിന്നും മുഴുവൻ രേഖകൾ ലഭിച്ചിട്ടില്ലെന്നും റിമാന്റ് റിപ്പോർട്ടിലുണ്ട്. മകൻ അഖിൽജിത്തിന്റെ മൊഴിയിലാണ് പല സാമ്പത്തിക ഇടപാടുകളെ കുറിച്ചുളള വിവരങ്ങളുളളത്. 42 ലക്ഷം രൂപയുടെ ബെൻസ് കാർ വാങ്ങി. സൂപ്പർ മാർക്കറ്റുകളിലും റസ്റ്റോറന്റുകളിലും ലക്ഷങ്ങൾ നിക്ഷേപിച്ചു. മാളവിക എന്റർപ്രൈസ് എന്ന പേരിൽ പിതാവും, ഭാര്യ പിതാവും പങ്കാളുകളായ സ്ഥാപനം ആരംഭിച്ചു. ഈ സ്ഥാപനത്തിന്റെ അക്കൗണ്ടിലുള്ള 33.90 ലക്ഷം രൂപ സുഹൃത്തുക്കളിൽ നിന്നും സഹോദരിയിൽ നിന്നും വാങ്ങിയതാണെന്നും അഖിൽജിത്ത് മൊഴി നൽകി.

The post ബിനാമി പേരുകളിൽ ഇടപാട്; എല്ലാം പറയാതെ ഭാസുരാംഗൻ; ഇഡി റിമാൻഡ് റിപ്പോർട്ട് appeared first on Starvision News Malayalam.

തിരുവനന്തപുരം: കണ്ടല സഹകരണ ബാങ്കില്‍ നടന്നത് കരുവന്നൂര്‍ മോഡല്‍ തട്ടിപ്പെന്ന് എന്‍ഫോഴ്‌സ്‌മെന്റ് ഡയറക്ടറേറ്റ് (ഇ.ഡി.). 200 കോടിയിലധികം രൂപയുടെ തട്ടിപ്പ് ബാങ്കില്‍ നടന്നിട്ടുണ്ട്. ബാങ്ക് മുന്‍ പ്രസിഡന്റും സി.പി.ഐ. നേതാവുമായിരുന്ന ഭാസുരാംഗന്‍, മകന്‍ അഖില്‍ജിത്ത് എന്നിവര്‍ക്ക് തട്ടിപ്പില്‍ നേരിട്ട് പങ്കുണ്ടെന്നും ഇ.ഡി. പറഞ്ഞു. ഇരുവരെയും ഇന്നലെ അര്‍ധരാത്രിയില്‍ അറസ്റ്റുചെയ്തിരുന്നു. 200 കോടി രൂപയുടെ തട്ടിപ്പ് നടന്നിട്ടുണ്ടെന്നാണ് ഇ.ഡി.യുടെ പ്രാഥമിക കണ്ടെത്തല്‍. ആഴത്തിലുള്ള അന്വേഷണത്തിലേക്ക് ഇ.ഡി. കടക്കുന്നതോടെ തുക ഉയരാന്‍ സാധ്യതയുണ്ട്. ഉന്നത നേതാക്കളടക്കം വഴിവിട്ട വായ്പയ്ക്കായി ഇടപെട്ടു. വായ്പ അനുവദിച്ചതിലും നിക്ഷേപം സ്വീകരിച്ചതിലുമെല്ലാം വലിയ ക്രമക്കേട് കണ്ടെത്തിയിട്ടുണ്ട്. ഭാസുരാംഗനും അഖില്‍ജിത്തിനും ഇതില്‍ നേരിട്ട് പങ്കുള്ളതായും ഇ.ഡി. വ്യക്തമാക്കുന്നു. ഇരുവരെയും ഇന്ന് കോടതിയില്‍ ഹാജരാക്കും. തുടര്‍ന്ന് കസ്റ്റഡിയില്‍ വാങ്ങിയശേഷം വിശദമായി ചോദ്യം ചെയ്യും. മൂന്ന് പതിറ്റാണ്ടോളം കണ്ടല ബാങ്ക് പ്രസിഡന്റായിരുന്നു ഭാസുരാംഗന്‍. ഇദ്ദേഹം പ്രസിഡന്റായിരുന്ന കാലത്താണ് ക്രമക്കേട് നടന്നതെന്ന് ഇ.ഡി. കണ്ടെത്തിയിരുന്നു. നേരത്തേ 101 കോടി രൂപയുടെ തട്ടിപ്പെന്നായിരുന്നു ഇ.ഡി. വ്യക്തമാക്കിയിരുന്നത്.

The post കണ്ടല ബാങ്കില്‍ 200 കോടിയുടെ തട്ടിപ്പെന്ന് ഇ ഡി; ഉന്നത നേതാക്കള്‍ വായ്പയ്ക്കായി ഇടപെട്ടു appeared first on Starvision News Malayalam.

തിരുവനന്തപുരം: കണ്ടല ബാങ്ക് കള്ളപ്പണക്കേസിൽ സിപിഐ നേതാവും ബാങ്കിന്റെ മുൻ പ്രസിഡൻ്റുമായ എൻ ഭാസുരാംഗൻ, മകൻ അഖിൽ ജിത്ത് എന്നിവർക്ക് വീണ്ടും ഇഡി സമൻസ്. നാളെ രാവിലെ 10.30 ന് കൊച്ചി ഇഡി ഓഫീസിൽ ഹാജരാകണമെന്നാണ് ഇരുവര്‍ക്കും നിര്‍ദ്ദേശം നല്‍കിയിരിക്കുന്നത്. ഇന്നലെ ഭാസുരാംഗനെ എട്ട് മണിക്കൂറോളം നേരം ഇഡി ചോദ്യം ചെയ്തിരുന്നു.

കണ്ടലയിൽ പിടിമുറുക്കുകയാണ് എൻഫോഴ്സ്മെന്‍റ് ഡയറക്ടറേറ്റ്. ഭാസുരാംഗൻ പ്രസിഡന്റായിരുന്ന കണ്ടല ബാങ്കിൽ 101 കോടി രൂപയുടെ ക്രമക്കേട് നടന്ന സംഭവത്തിലാണ് ഇഡി അന്വേഷണം. കേസുമായി ബന്ധപ്പെട്ട് നേരത്തെ തിരുവനനന്തപുരത്തെ ബാങ്കിലും ഭാസുരാംഗന്‍റെ വീട്ടിലും ഇഡി പരിശോധന നടത്തി രേഖകൾ കസ്റ്റഡിയിലെടുത്തിരുന്നു. ഭാസുരാംഗന്‍റെ മകന്‍ അഖിൽ ജിത്തിന്‍റെ നിക്ഷേപം, ചുരുങ്ങിയ കാലയളവിലുണ്ടായ സാമ്പത്തിക സ്രോതസ്, ബിസിനസ് വളർച്ച എന്നിവ സംബന്ധിച്ച രേഖകളും കഴിഞ്ഞ ദിവസം ഇഡി ശേഖരിച്ചിരുന്നു. മാറനെല്ലൂരിലുള്ള വീടും കാറും ഇഡി നിരീക്ഷണത്തിലാണ്.

The post കണ്ടല ബാങ്ക് തട്ടിപ്പ് കേസ്; സിപിഐ നേതാവ് ഭാസുരാംഗനും മകനും വീണ്ടും സമൻസ് appeared first on Starvision News Malayalam.

തിരുവനന്തപുരം: കണ്ടല ബാങ്ക് തട്ടിപ്പ് കേസിൽ എൻ.ഭാസുരാംഗനെ സി.പി.ഐ പുറത്താക്കി. സി.പി.ഐ ജില്ലാ എക്സിക്യൂട്ടീവ് അംഗമായിരുന്നു ഭാസുരാംഗൻ. കണ്ടലയിലേത് ഗൗരവതരമായ സാഹചര്യമാണെന്ന് സി.പി.ഐ തിരുവനന്തപുരം ജില്ലാ സെക്രട്ടറി മാങ്കോട് രാധാകൃഷ്ണൻ പറഞ്ഞു.  ഇ.ഡി നടപടികൾക്കിടെ ദേഹാസ്വാസ്ഥ്യം അനുഭവപ്പെട്ട ഭാസുരാംഗനെ ആദ്യം കണ്ടല സഹകരണ ആശുപത്രിയിലും പിന്നീട് തിരുവനന്തപുരത്തെ സ്വകാര്യ ആശുപത്രിയിലും പ്രവേശിപ്പിച്ചു. അതേസമയം ഇന്നലെ രാവിലെ ആറ് മണിക്ക് തുടങ്ങിയ ഇ.ഡി നടപടികൾ 24 മണിക്കൂർ പിന്നിട്ടു. ഭാസുരാംഗന്‍റെ വീട്ടിലും കണ്ടല സഹകരണ ബാങ്കിലുമുള്ള പരിശോധന തുടരുകയാണ്. ബാക്കി ഏഴിടങ്ങളിലെ പരിശോധന പൂർത്തിയായി. പരിശോധന പൂർത്തിയായാൽ മാത്രമേ ഭാസുരാംഗനെ കസ്റ്റഡിയിലെടുക്കുന്ന കാര്യത്തിൽ അന്തിമ തീരുമാനം ഉണ്ടാകൂ.

101 കോടിയുടെ തട്ടിപ്പ് കണ്ടല ബാങ്കിൽ നടന്നുവെന്നാണ് സഹകരണ രജിസ്ട്രാർ കണ്ടെത്തിയത്. ഗുരുതര വീഴ്ചകൾ അദ്ദേഹത്തിന്റെ ഭാഗത്തുനിന്ന് ഉണ്ടായെന്നാണ് ഇ.ഡി വിലയിരുത്തൽ. റിസർവ് ബാങ്ക് മാനദണ്ഡങ്ങൾ പോലും ലംഘിച്ച് ഉയർന്ന പലിശ വാഗ്ദാനം ചെയ്താണ് നിക്ഷേപം സ്വീകരിച്ചതെന്നും ആരോപണമുണ്ട്.

The post കണ്ടല ബാങ്ക് തട്ടിപ്പ് കേസ്; എൻ.ഭാസുരാംഗന് ദേഹാസ്വാസ്ഥ്യം; സി.പി.ഐ ൽ നിന്നും പുറത്താക്കി appeared first on Starvision News Malayalam.

നിയമനങ്ങളില്‍ ജാഗ്രത പാലിച്ചിട്ടുണ്ട്. അനധികൃതമായി ആരെയും ബാങ്കിലോ അനുബന്ധ സ്ഥാപനങ്ങളിലോ നിയമച്ചിട്ടില്ല. ചിലരെ പിരിച്ചു വിട്ടത് ക്രമക്കേടും അഴിമതിയും നടത്തിയെന്ന് കണ്ടെത്തിയതിനെ തുടര്‍ന്നാണ്. അതിനുള്ള തെളിവുകള്‍ ബാങ്കിന്റെ കൈവശം ഉണ്ട്.

മില്‍മയുടെ തിരുവനന്തപുരം മേഖല യൂണിയന്‍ തെരഞ്ഞെടുപ്പില്‍ തന്റെ പാനല്‍ ജയിച്ചതിലുള്ള അസൂയ ആണ് ചിലര്‍ക്ക്. താന്‍ അവിടെ ചെയര്‍മാനായി വരാന്‍ പാടില്ലെന്നാണ് അവരുടെ നിലപാട്. അതിനാണ് ഇത്തരത്തില്‍ വ്യക്തിഹത്യ നടത്തുന്നതെന്നും എന്‍ ഭാസുരാംഗന്‍ പറഞ്ഞു.

കുട്ടിക്കാലം മുതലേ പശുവളര്‍ത്തലും പാല്‍ വില്‍പ്പനയും അറിഞ്ഞും അനുഭവിച്ചും വള‍ര്‍ന്ന് വന്നതുകൊണ്ടാണ് നാട്ടിലെ ക്ഷീര കര്‍ഷകര്‍ക്ക് വേണ്ടി ക്ഷീര എന്ന ബ്രാന്റ് തന്നെ അവതരിപ്പിക്കാന്‍ കഴിഞ്ഞത്. പിന്നീട് ക്ഷീരയെ മില്‍മയോട് ലയിപ്പിച്ചു. അത് ജീവനക്കാര്‍ക്കും കര്‍ഷകര്‍ക്കും ഗുണം ചെയ്തിട്ടേ ഉള്ളു.
‌
ഇപ്പോള്‍ ഉയര്‍ന്ന് വന്ന ആരോപണങ്ങളെക്കുറിച്ച് പാര്‍ട്ടി തല അന്വേഷണം നടന്നു. ബന്ധപ്പെട്ടവര്‍ക്ക് വിശദീകരണവും നല്‍കി. തന്നെ വ്യക്തിപരമായി ആക്രമിക്കുന്നവര്‍ അതായിക്കോട്ടെ, പക്ഷെ ഇല്ലാത്ത കാര്യങ്ങള്‍ പറഞ്ഞ് ബാങ്കിനെയും നിക്ഷേപകരെയും വല്ലാത്ത ആശങ്കയില്‍ ആക്കരുതെന്നും എന്‍ ഭാസുരാംഗന്‍ അഭ്യര്‍ഥിച്ചു.

The post കണ്ടള ബാങ്ക് അഴിമതി ആരോപണം: വിശദീകരണം നല്‍കി ബാങ്ക് പ്രസിഡന്റ് എന്‍ ഭാസുരാംഗന്‍ appeared first on Starvision News Malayalam.

അംഗീകൃത ഏജന്‍റുമാര്‍ക്കായി ഒരു കോടി രൂപയോളം വരുന്ന ഇന്‍സെന്‍റീവും സമ്മാനപദ്ധതികളുമാണ് മില്‍മ ഓണക്കാലത്തേക്കായി ഒരുക്കിയിട്ടുള്ളത്. ആഗസ്റ്റ് മാസത്തില്‍ എല്ലാ ഏജന്‍റുമാര്‍ക്കും ഇന്‍സെന്‍റീവും വില്‍പ്പന വര്‍ധനവിനെ അടിസ്ഥാനപ്പെടുത്തി ആകര്‍ഷകങ്ങളായ സമ്മാനങ്ങളും നല്‍കും. ചരിത്രത്തില്‍ ആദ്യമായാണ് ഓണക്കാലത്ത് കര്‍ഷകര്‍ക്കും ഏജന്‍റുമാര്‍ക്കും ഇത്രയധികം ഇന്‍സെന്‍റീവും സമ്മാനങ്ങളും നല്‍കുന്നത്.

മില്‍മയുടെ ഓണക്കിറ്റ് ഡിസ്‌കൗണ്ട് നിരക്കില്‍ ക്ഷീരസംഘങ്ങള്‍ വഴി വില്‍പ്പന നടത്തുന്നതിനുള്ള നടപടികള്‍ പുരോഗമിച്ചു വരികയാണ്. ഇതിന്‍റെ മാര്‍ജിന്‍ ക്ഷീരസംഘത്തിനും ക്ഷീരസംഘത്തിലെ ജീവനക്കാര്‍ക്കും ലഭിക്കത്തക്ക രീതിയിലാണ് വില ക്രമീകരിച്ചിട്ടുള്ളത്.

കോവിഡ് നിയന്ത്രണങ്ങള്‍ മൂലം പ്രതിസന്ധി നേരിടുന്ന ക്ഷീരവിപണിക്ക് പുത്തനുണര്‍വ് നല്‍കാന്‍ മില്‍മ തിരുവനന്തപുരം മേഖല യൂണിയന്‍ ഈ ഓണക്കാലത്ത് എല്ലാ ഉത്പന്നങ്ങളുടെയും വില്‍പ്പന വര്‍ധിപ്പിക്കുന്നതിന് നിരവധി പുതിയ പദ്ധതികള്‍ നടപ്പിലാക്കുമെന്ന് കണ്‍വീനര്‍ എന്‍.ഭാസുരാംഗന്‍ അറിയിച്ചു. ഗുണനിലവാരമില്ലാത്തതും മായം കലര്‍ന്നതുമായ മറ്റുള്ള പാല്‍ ഉപേക്ഷിച്ച് കേരളത്തിലെ ക്ഷീരകര്‍ഷകരില്‍ നിന്നും സംഭരിക്കുന്ന തനിമയാര്‍ന്ന മില്‍മയുടെ പാല്‍ ശീലമാക്കണമെന്നും അദ്ദേഹം അഭ്യര്‍ഥിച്ചു.

2021 ആഗസറ്റ് ഒന്നുമുതല്‍ തിരുവനന്തപുരം ജില്ലയില്‍ വിപണിയിലെത്തിയ 525 എം.എല്‍ ഹോമോജനൈസ്ഡ് ടോണ്‍ഡ് പാലിന് വിപണിയില്‍ വന്‍ സ്വീകാര്യതയാണ് ലഭിച്ചിട്ടുള്ളത്. പ്രതിദിനം 45,000 ലിറ്ററാണ് നിലവില്‍ ഇതിന്‍റെ വില്‍പ്പന. മേഖല യൂണിയന്‍റെ മറ്റു ഡെയറികളില്‍ നിന്നും ഉടനടി 525 എം.എല്‍ പാക്കറ്റുകള്‍ വിപണിയിലെത്തിക്കും.

The post ക്ഷീരകര്‍ഷകര്‍ക്കും മില്‍മ ഏജന്‍റുമാര്‍ക്കും ഓണം ഇന്‍സെന്‍റീവ് നല്‍കും: എന്‍ ഭാസുരാംഗന്‍ appeared first on Starvision News Malayalam.