മനാമ: “മനുഷ്യരെ സേവിക്കുന്നത് ദൈവത്തെ സേവിക്കുന്നതിനു തുല്യം” എന്ന സന്ദേശം ഉയർത്തിപ്പിടിച്ച്, ഈ വർഷത്തെ മേയ് ഡേ ദിനത്തിൽ നവ് ഭാരത് ഒരു ആഘോഷമായി മാത്രം നിർത്തിയില്ല — മറിച്ച് സേവനത്തിന്റെ മഹത്തായ മാതൃകയായി മാറി. ബഹ്റൈനിലെ വിവിധ ഇടങ്ങളിൽ സേവന പ്രവർത്തനം വിജയകരമായി സംഘടിപ്പിച്ചു.

അൽ ഹിലാൽ ഹോസ്പിറ്റലുമായി ചേർന്ന്, അൽ ഘനാ കോൺട്രാക്ടിംഗ് WLL, ബഹ്റൈൻ ഫസ്റ്റ് റന്റൽ എന്നിവിടങ്ങളിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു. തൊഴിലാളികൾക്ക് സൗജന്യ ആരോഗ്യ പരിശോധന, സൗജന്യ മരുന്നുകളും, മെഡിക്കൽ നിർദേശങ്ങളും നൂറുകണക്കിന് തൊഴിലാളികൾക്ക് പോഷകാഹാര വിതരണം, തൊഴിലാളികൾക്ക് ഭക്ഷണ വസ്തുക്കൾ എന്നിവ വിതരണത്തെ ചെയ്തു. ഇതിനൊപ്പം ഗൾഫ് സിറ്റി ക്ലീനിംഗ് കമ്പനിയിൽ ജോലി ചെയ്യുന്ന സാമ്പത്തികമായി പിന്നാക്കം നിൽക്കുന്ന തൊഴിലാളികൾക്ക് ആവശ്യമായ റേഷൻ സാധനങ്ങൾ വിതരണം ചെയ്തു.

ഈ മഹത്തായ പ്രവർത്തനം സാധ്യമായത് പങ്കാളികളുടെയും സഹായികളുടെയും നിർസ്വാർത്ഥ പിന്തുണ കൊണ്ടാണെന്ന് സംഘാടകർ പറഞ്ഞു. ശ്യാം അൽ ഘാന കോൺട്രാക്റ്റിംഗ് ഡബ്ല്യുഎൽഎൽ, ഷാഹിദ് അൽ ഹിലാൽ ഹോസ്പിറ്റൽ, ശിവരാജ് & സമ്പത്ത് ഗൾഫ് സിറ്റി ക്ലീനിംഗ് കമ്പനി എന്നിവർക്ക് നന്ദി അറിയിച്ചു.

The post മനുഷ്യസേവനം ദൈവസേവനമാണ്; നവ് ഭാരത് മേയ് ദിനാഘോഷം appeared first on Starvision News Malayalam.

മനാമ : ലോക തൊഴിലാളി ദിനമായ മെയ് ഒന്നിനോടനുബന്ധിച്ച് ബഹ്റൈൻ പ്രതിഭ വിവിധ പരിപാടികളോടെ വിപുലമായ മെയ്‌ദിനാഘോഷം സംഘടിപ്പിച്ചു. സാമൂഹിക-സേവന പ്രവർത്തനങ്ങൾക്കും സാംസ്‌കാരിക പരിപാടികൾക്കും ഒരുപോലെ പ്രാധാന്യം നൽകി ദിനാഘോഷം ശ്രദ്ധേയമായി.

മെയ് ദിനാഘോഷങ്ങളുടെ ഭാഗമായി മുഹറഖ് മേഖലയുടെ നേതൃത്വത്തിൽ പ്രതിഭ ഹെൽപ്പ് ലൈനിന്റെ സഹകരണത്തോടെ കിംഗ് ഹമദ് യൂണിവേഴ്‌സിറ്റി ഹോസ്പിറ്റലിൽ രക്തദാന ക്യാമ്പ് സംഘടിപ്പിച്ചു. 100-ൽ അധികം പേർ പങ്കെടുത്ത ക്യാമ്പിൽ 87 പേർ രക്തദാനം നൽകി. ഡോ. ബാബു രാമചന്ദ്രൻ ക്യാമ്പ് ഉദ്ഘാടനം ചെയ്തു. പ്രതിഭ ജനറൽ സെക്രട്ടറി സുലേഷ് വി.കെ., രക്ഷാധികാരി സമിതി അംഗം ലിവിൻ കുമാർ എന്നിവർ സംസാരിച്ചു. രക്ഷാധികാരി സമിതി അംഗങ്ങളായ സുബൈർ കണ്ണൂർ, പി. ശ്രീജിത്ത്, കേന്ദ്ര കമ്മിറ്റി അംഗങ്ങളായ മിജോഷ്, അനിൽ കെ.പി., ഹെൽപ് ലൈൻ കൺവീനർ ഷിബു ചെറുതുരുത്തി എന്നിവർ ക്യാമ്പ് സന്ദർശിച്ചു. മേഖല പ്രസിഡന്റ് സജീവൻ മാക്കണ്ടി, ആക്ടിങ് സെക്രട്ടറി സന്തു പടന്നപ്പുറം എന്നിവരോടൊപ്പം അശോകൻ, ബിനു കരുണാകരൻ, ഷിജു ഇ.കെ., ഷീല ശശി, അനിത മണികണ്ഠൻ, ബിജു കെ.പി., താരിഖ്, അജീഷ്, സജേഷ്, മുഹറഖ് ഹെൽപ് ലൈൻ കൺവീനർ ഫിനി എബ്രഹാം എന്നിവർ ക്യാമ്പിന് നേതൃത്വം നൽകി.

ഇതോടൊപ്പം ബഹ്റൈൻ പ്രതിഭ വനിതാവേദിയും സൽമാബാദ് യൂണിറ്റും ചേർന്ന് അൽ ഹിലാൽ ഹോസ്പിറ്റലിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു. ലോക കേരളസഭാംഗവും ബി.ഡി.കെ. ചെയർമാനുമായ കെ.ടി. സലിം ഉദ്ഘാടനം നിർവഹിച്ചു. ഡോ. എൽദോ ജോർജ് നടത്തിയ “മാനസികാരോഗ്യ ബോധവത്കരണ ക്ലാസ്” വനിതാവേദി എക്സിക്യൂട്ടീവ് അംഗം സ്നേഹ ഹരീഷ് ഏകോപിപ്പിച്ചു. വനിതാ വേദി വൈസ് പ്രസിഡന്റ് ദിവ്യ സ്വാഗതം പറഞ്ഞ ചടങ്ങിൽ ഹെൽപ് ലൈൻ കൺവീനർ ജെയ്സൺ അധ്യക്ഷത വഹിച്ചു. അൽ ഹിലാൽ ഹോസ്പിറ്റൽ മാർക്കറ്റിംഗ് എക്സിക്യൂട്ടീവ് സഞ്ജു, വനിതാ വേദി സെക്രട്ടറി സരിത മേലത്ത്, വൈസ് പ്രസിഡന്റ് ശർമിള, പ്രതിഭ വൈസ് പ്രസിഡന്റ് ജയകുമാർ, മേഖലാ സെക്രട്ടറി ജോഷി ഗുരുവായൂർ, മുഖ്യ രക്ഷാധികാരി ബിനു മണ്ണിൽ, രക്ഷാധികാരി സമിതി അംഗം ഷീബ രാജീവൻ, കേന്ദ്ര കമ്മിറ്റി അംഗം നുബിൻ അൻസാരി എന്നിവർ ആശംസകൾ നേർന്നു. യൂണിറ്റ് സെക്രട്ടറി രവീന്ദ്രൻ നന്ദി രേഖപ്പെടുത്തി.

റിഫ സൂഖ് യൂണിറ്റും വനിതാ വേദിയും ചേർന്ന് നടത്തിയ മറ്റൊരു മെഡിക്കൽ ക്യാമ്പിലും വലിയ ജനപങ്കാളിത്തം ഉണ്ടായി. 200-ൽ അധികം പേർ പങ്കെടുത്ത ക്യാമ്പിൽ ബ്ലഡ് ഷുഗർ, കൊളസ്ട്രോൾ, യൂറിക് ആസിഡ്, ബ്ലഡ് പ്രഷർ, കിഡ്നി, ലിവർ പരിശോധനകൾ ഉൾപ്പെടെ വിവിധ പരിശോധനകൾ സൗജന്യമായി നടത്തി. ഡോ. അമൽ ഘോഷ് “ജീവിതശൈലീ രോഗങ്ങളും പരിഹാരങ്ങളും” എന്ന വിഷയത്തിൽ ക്ലാസ് നടത്തി. ഇന്ത്യൻ ലേഡീസ് അസോസിയേഷൻ ‘സ്നേഹ’ കോർഡിനേറ്ററും ഐസിആർഎഫ് മുൻ എക്സിക്യൂട്ടീവ് അംഗവുമായ നിഷ രംഗരാജൻ ക്യാമ്പ് ഉദ്ഘാടനം നിർവഹിച്ചു. റിഫ സൂഖ് യൂണിറ്റ് സെക്രട്ടറി അൻവർ തായാട്ട് അധ്യക്ഷത വഹിച്ചു. വനിതാ വേദി സെക്രട്ടറി സരിത മേലത്ത് സ്വാഗതം ആശംസിച്ചു. മുഖ്യ രക്ഷാധികാരി ബിനു മണ്ണിൽ, പ്രസിഡണ്ട് മഹേഷ് കെ.വി., രക്ഷാധികാരി സമിതി അംഗം ഷീബ രാജീവൻ, കേന്ദ്ര കമ്മിറ്റി അംഗം നുബിൻ അൻസാരി, റിഫ മേഖല സെക്രട്ടറി ബാബു വി.ടി., പ്രസിഡന്റ് രഞ്ജു ഹരീഷ്, അൽ ഹിലാൽ ഹോസ്പിറ്റൽ മാർക്കറ്റിംഗ് എക്സിക്യൂട്ടീവ് സൽമാൻ എന്നിവർ ആശംസകൾ നേർന്നു. വനിതാ വേദി കേന്ദ്ര കമ്മിറ്റി അംഗവും റിഫ മേഖല കൺവീനറുമായ അഫ്സില നന്ദി രേഖപ്പെടുത്തി.

വൈകീട്ട് പ്രതിഭ ഹാളിൽ നടന്ന ഔദ്യോഗിക ചടങ്ങിൽ ഐസിആർഎഫ് ചെയർമാൻ അഡ്വ. വി.കെ. തോമസ് ഉദ്ഘാടനം നിർവഹിച്ചു. “തൊഴിലവസരങ്ങളും കടമകളും” എന്ന വിഷയത്തിൽ അദ്ദേഹം പ്രഭാഷണം നടത്തുകയും പങ്കെടുത്തവരുടെ ചോദ്യങ്ങൾക്ക് മറുപടി നൽകുകയും ചെയ്തു. പ്രതിഭ ജനറൽ സെക്രട്ടറി സുലേഷ് വി.കെ. സ്വാഗതം ആശംസിച്ച ചടങ്ങിൽ പ്രസിഡണ്ട് മഹേഷ് കെ.വി. അധ്യക്ഷത വഹിച്ചു. മുഖ്യരക്ഷാധികാരി ബിനു മണ്ണിൽ, രക്ഷാധികാരി സമിതി അംഗം സുബൈർ കണ്ണൂർ, വനിതാവേദി ജനറൽ സെക്രട്ടറി സരിത മേലത്ത് എന്നിവർ ആശംസകൾ നേർന്നു സംസാരിച്ചു. വൈസ് പ്രസിഡണ്ട് ജയകുമാർ നന്ദി രേഖപ്പെടുത്തി. സ്വരലയ ഗായക സംഘത്തിന്റെ ഗാനമേളയും തുടർന്ന് ഹ്രസ്വചലച്ചിത്ര പ്രദർശനവും നടന്നു.

ചടങ്ങിനിടെ പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന മുൻ രക്ഷാധികാരി സമിതി അംഗം പി.കെ. ബാലൻ, നാടകവേദി എക്സിക്യൂട്ടീവ് അംഗം സജീവൻ കണ്ണപുരം, നാടക പ്രവർത്തകൻ മിഥുൻ, ബാലവേദി മുൻ സെക്രട്ടറി തീർത്ഥ സതീഷ് എന്നിവരെ ഉപഹാരങ്ങൾ നൽകി ആദരിച്ചു. വിവിധ സാമൂഹിക-സേവന പ്രവർത്തനങ്ങളിലൂടെ പ്രവാസി സമൂഹത്തെ ഒന്നിപ്പിക്കുന്നതിൽ ബഹ്റൈൻ പ്രതിഭയുടെ പ്രവർത്തനം ശ്രദ്ധേയമാണെന്ന് പങ്കെടുത്തവർ അഭിപ്രായപ്പെട്ടു.

The post മെയ് ദിനം സമുചിതമായി ആഘോഷിച്ച് ബഹ്‌റൈൻ പ്രതിഭ appeared first on Starvision News Malayalam.

മനാമ: ബഹ്‌റൈൻ സോഷ്യൽ അഫയേഴ്സ് മന്ത്രാലയത്തിന്റെ മാർഗനിർദ്ദേശത്തിൽ പ്രവർത്തിക്കുന്ന രജിസ്റ്റർഡ് സംഘടനയായ ഭാരതി അസോസിയേഷൻ, ഈ വർഷത്തെ അന്താരാഷ്ട്ര തൊഴിലാളി ദിനം വ്യത്യസ്തവും അർത്ഥവത്തുമായ രീതിയിൽ ആചരിച്ചു. രാജ്യത്തിന്റെ പുരോഗതിയിൽ നിർണായക പങ്കുവഹിക്കുന്ന തൊഴിലാളികളുടെ സംഭാവനകളെ ആദരിക്കുന്നതായിരുന്നു ഈ ആഘോഷങ്ങളുടെ പ്രധാന ലക്ഷ്യം.

ആഘോഷങ്ങളുടെ ഭാഗമായി അസോസിയേഷൻ അംഗങ്ങൾ ദിനം മുഴുവൻ ലേബർ ക്യാമ്പുകൾ സന്ദർശിച്ചു. അവിടെ തൊഴിലാളികൾക്ക് ഉച്ചഭക്ഷണവും രാത്രി ഭക്ഷണവും വിതരണം ചെയ്യുകയും, വിവിധ വിനോദപരിപാടികളിൽ പങ്കെടുപ്പിക്കുകയും ചെയ്തു. തൊഴിലാളികൾക്ക് സന്തോഷവും അംഗീകാരവും നൽകുന്നതായിരുന്നു ഈ പ്രവർത്തനത്തിന്റെ ലക്ഷ്യം.

ഒരു പ്രത്യേക പരിപാടിയായി ജുഫൈർ മാളിലെ മുക്ത സിനിമയിൽ മുഴുവൻ തിയേറ്റർ ബുക്ക് ചെയ്ത്, ധനുഷ് നായകനായ പുതിയ തമിഴ് ചിത്രം “കാര” പ്രദർശിപ്പിച്ചു. അസോസിയേഷൻ അംഗങ്ങളും അവരുടെ കുടുംബാംഗങ്ങളും തൊഴിലാളികളോടൊപ്പം ഈ ചിത്രം കണ്ടു. രാജ്യത്തിന്റെ അടിസ്ഥാന സൗകര്യങ്ങൾ നിർമ്മിക്കുന്നതിൽ തൊഴിലാളികളുടെ സമർപ്പണവും കഠിനാധ്വാനവും ആദരിക്കുന്നതിനായി കേക്ക് മുറിക്കൽ ചടങ്ങും നടത്തി. കൂടാതെ, ആർജെ രതി നേതൃത്വം നൽകിയ ക്വിസ് മത്സരവും നടന്നു. സതീഷ് റേഡിയോ ജോക്കിയായി പ്രവർത്തിച്ച് പരിപാടിക്ക് ആവേശം കൂട്ടി.

ജനറൽ സെക്രട്ടറി അബ്ദുൽ ഖയ്യൂം സ്വാഗത പ്രസംഗം നടത്തി. തുടർന്ന് പ്രസിഡന്റ് വള്ളം ബഷീർ അധ്യക്ഷ പ്രസംഗം നടത്തി. എന്റർടെയിൻമെന്റ് സെക്രട്ടറി ഹൻസുൽ ഗാനി നന്ദി പ്രസംഗം നടത്തി. ഭക്ഷണവും സമ്മാനങ്ങളും ഒരുക്കാൻ സഹായിച്ച എല്ലാ സ്പോൺസർമാർക്കും പ്രത്യേകം നന്ദി രേഖപ്പെടുത്തി. അവസാനമായി, ഗൃഹോപകരണങ്ങളും ഗിഫ്റ്റ് വൗച്ചറുകളും ഉൾപ്പെടെയുള്ള നിരവധി സമ്മാനങ്ങൾ വിതരണം ചെയ്തു.

The post ബഹ്‌റൈൻ ഭാരതി അസോസിയേഷൻ മേയ് ഡേ വൈവിധ്യമാർന്ന ആഘോഷങ്ങളോടെ ആചരിച്ചു appeared first on Starvision News Malayalam.

മനാമ : ബിസിനസ് കോർപ്പറേറ്റ് ശക്തികൾ അവരുടെ ബിസിനസ് താൽപര്യങ്ങൾ സംരക്ഷിക്കുന്നതിന് വേണ്ടി രാജ്യങ്ങളിലെ ഗവൺമെൻറിൽ സ്വാധീനം ഉറപ്പിക്കുമ്പോഴുള്ള അനിശ്ചിതാവസ്ഥയാണ് ഇന്ന് ലോകം നേരിടുന്നതെന്ന് സി.പി.ഐ ദേശീയ സെക്രട്ടറിയേറ്റ് അംഗം ആനി രാജ അഭിപ്രായപ്പെട്ടു. ബഹ്റൈൻ നവകേരള സംഘടിപ്പിച്ച മെയ്ദിന സമ്മേളനം ഓൺലൈനിലൂടെ ഉദ്ഘാടനം ചെയ്ത് സംസാരിക്കുകയായിരുന്നു ആനി രാജ. കോർപ്പറേറ്റ് ശക്തികൾക്ക് വേണ്ടി തൊഴിലാളികളുടെ അവകാശങ്ങൾ ഹനിക്കുകയും വിയോജന ശബ്ദങ്ങൾ ഉയർത്തുന്നവരെ ക്രിമിനൽ കേസുകളിൽ ഉൾപ്പെടുത്തി അടിച്ചമർത്തുകയും തൊഴിലാളികളെയും ജനങ്ങളെയും ഭിന്നിപ്പിക്കാനുള്ള ശ്രമവുമാണ് ഇന്ത്യാ സർക്കാർ ചെയ്യുന്നതെന്ന് അവർ അഭിപ്രായപ്പെട്ടു.

സാമ്പത്തിക നേട്ടങ്ങൾക്ക് മാത്രമാകരുത് തൊഴിലാളികളുടെ ഐക്യം. അവന്റെ അന്തസ്സ് ഉയർത്തുന്നതിനും, ആദർശ രാഷ്ട്രീയവും, ജാതിമത ചിന്തകൾക്കതീതമായ സമൂഹ പുനർനിർമ്മിതിക്കും ആയിരിക്കണം. അത്തരം സമൂഹത്തെ ഒരു ശക്തിക്കും തോല്‍പ്പിക്കാന്‍ കഴിയില്ലെന്നും അവര്‍ കൂട്ടിച്ചേർത്തു. നവകേരള പ്രസിഡന്റ്റും ലോക കേരള സഭ അംഗം കൂടിയായ എൻ. കെ.ജയന്റെ അദ്ധൃക്ഷതയിൽ ചേർന്ന യോഗത്തെ അഭിവാദ്യം ചെയ്തുകൊണ്ട് കോർഡിനേഷൻ സെക്രട്ടറിയും ലോക കേരള സഭ അംഗവുമായ ജേക്കബ് മാത്യു സംസാരിച്ചു. രക്ഷാധികാരി കെ. അജയകുമാർ മെയ് ദിന ആശംസ പ്രസംഗം നടത്തി. സെക്രട്ടറി എ.കെ.സുഹൈൽ സ്വാഗതവും കോർഡിനേഷൻ അസി. സെക്രട്ടറി സുനിൽദാസ് നന്ദിയും പറഞ്ഞു. ജോയിന്റ് സെക്രട്ടറി പ്രശാന്ത് മാണിയത്ത്, വൈസ് പ്രസിഡന്റ് പ്രവീൺ മേൽപ്പത്തൂർ, ട്രഷറർ ഷാജഹാൻ കരുവന്നൂർ ,മറ്റ് എക്സികുട്ടിവ് കമ്മറ്റി അംഗങ്ങൾ പരിപാടികൾക്ക് നേതൃത്വം നൽകി.

The post നവകേരള ബഹ്‌റൈൻ മെയ് ദിനം ആഘോഷം സംഘടിപ്പിച്ചു appeared first on Starvision News Malayalam.

മനാമ: വോയ്‌സ് ഓഫ് ആലപ്പിയുടെ മെയ്‌ദിനാഘോഷം സൽമാബാദിലെ സോഹൽ കമ്പനി ലേബർ ക്യാമ്പിൽ നടന്നു. മിനിസ്ട്രി ഓഫ് ലേബർ സേഫ്റ്റി ഡിപ്പാർട്മെൻറ് ഹെഡ് ഹുസ്സൈൻ അൽ ഹുസ്സൈനി മെയ്‌ദിനാഘോഷം ഉൽഘാടനം ചെയ്‌തു. സൽമാബാദിലെ അൽ ഹിലാൽ ഹോസ്പിറ്റലുമായി സഹകരിച്ചുകൊണ്ട് സംഘടിപ്പിച്ച മെഡിക്കൽ ക്യാമ്പ് 150 പേർ പ്രയോജനപ്പെടുത്തി. തൊഴിലാളികളുടെ മാനസീക ഉല്ലാസത്തിന് രാവിലെ 8 മുതൽ ആരംഭിച്ച കലാപ്രകടനങ്ങളിലും, വിവിധ ഗെയിമുകളിലും ആവേശത്തോടെ തൊഴിലാളികൾ പങ്കാളികളായി. ഉച്ചയ്ക്ക് ക്യാമ്പിലെ തൊഴിലാളികൾക്കൊപ്പം ഭക്ഷണവും കഴിച്ചാണ് വോയ്‌സ് ഓഫ് ആലപ്പി അംഗങ്ങൾ പിരിഞ്ഞത്.

സൽമാബാദ് അൽഹിലാൽ ഹോസ്പിറ്റൽ ഹെഡ് ഫൈസൽ ഖാൻ, വോയ്‌സ് ഓഫ് ആലപ്പി പ്രസിഡന്റ് സിബിൻ സലിം, ജനറൽ സെക്രട്ടറി ധനേഷ് മുരളി, ജോയിൻ സെക്രട്ടറി അശോകൻ താമരക്കുളം, എന്റർടൈന്മെന്റ് സെക്രട്ടറി ദീപക് തണൽ എന്നിവർ ആശംസകൾ അറിയിച്ചു സംസാരിച്ചു. പ്രോഗ്രാം കൺവീനർ സന്തോഷ് ബാബു നന്ദി പറഞ്ഞു. ലിജേഷ് അലക്സ്, അനൂപ് മുരളീധരൻ, ലിജോ കുര്യാക്കോസ്, ലിബിൻ സാമുവൽ, സജീഷ് സുഗതൻ, സി ആർ അനന്ദു, അരുൺ രത്നാകരൻ, വിനീഷ്‌കുമാർ, കെ കെ ബിജു, നിതിൻ ഗംഗ, രാജേന്ദ്രൻ, പ്രവീൺ, ജയൻ എന്നിവർ നേതൃത്വം നൽകി.

The post വോയ്‌സ് ഓഫ് ആലപ്പിയുടെ മെയ്‌ദിനാഘോഷം സൽമാബാദിലെ ലേബർ ക്യാമ്പിൽ നടന്നു appeared first on Starvision News Malayalam.