അമൃത്സര്‍ (പഞ്ചാബ്): ഹിമാചല്‍ പ്രദേശിലെ മണ്ഡിയില്‍ നിന്നുള്ള ബി.ജെ.പി. എം.പിയും നടിയുമായ കങ്കണ റണൗത്തിനെ വിമാനത്താവളത്തില്‍ വെച്ച് കരണത്തടിച്ച സി.ഐ.എസ്.എഫ്. കോണ്‍സ്റ്റബിള്‍ കുല്‍വിന്ദര്‍ കൗറിന് പിന്തുണയുമായി കര്‍ഷക സംഘടനകള്‍. അവര്‍ ചെയ്തതിനെ ന്യായീകരിക്കുന്നില്ലെങ്കിലും എന്തുകൊണ്ട്‌ അങ്ങനെ ചെയ്യേണ്ട സാഹചര്യമുണ്ടായി എന്നകാര്യം പരിശോധിക്കണമെന്ന് സംഘടനകള്‍ പ്രതികരിച്ചു. കൗറിന് അനീതി നേരിടേണ്ടിവന്നാല്‍ സമരത്തിന് ഇറങ്ങുമെന്നും ചില സംഘടനകള്‍ വ്യക്തമാക്കിയിട്ടുണ്ട്.

കര്‍ഷകസമരത്തില്‍ പങ്കെടുക്കാനെത്തിയ സ്ത്രീകള്‍ പണത്തിനുവേണ്ടിയാണ് വന്നതെന്ന കങ്കണയുടെ മുന്‍ പ്രസ്താവന അംഗീകരിക്കാന്‍ കഴിയാത്തതാണെന്ന് കര്‍ഷകസംഘടനാ നേതാക്കള്‍ പറഞ്ഞു. ആ പ്രസ്താവനയോടുള്ള രോഷമാണ് വിമാനത്താവളത്തില്‍ വെച്ച് കങ്കണയെ മുഖാമുഖം കണ്ടപ്പോള്‍ പ്രകടിപ്പിച്ചതെന്നും നേതാക്കള്‍ പറഞ്ഞു.

‘കുല്‍വിന്ദര്‍ കൗര്‍ ചെയ്ത പ്രവൃത്തിയെ ഞങ്ങള്‍ ന്യായീകരിക്കുന്നില്ല. എന്നാല്‍ അവര്‍ എന്തുകൊണ്ടാണ് ഇത്തരത്തില്‍ രോഷം പ്രകടിപ്പിച്ചതെന്ന് പരിശോധിക്കേണ്ടതാണ്. നിങ്ങളുടെ അമ്മയ്‌ക്കെതിരെ ആരെങ്കിലും മോശം വാക്കുകള്‍ ഉപയോഗിച്ചാല്‍ അതെങ്ങനെ സഹിക്കാന്‍ കഴിയും? ഇതാണ് കുല്‍വിന്ദര്‍ കൗറിന്റെ കാര്യത്തിലും സംഭവിച്ചത്.’ -കര്‍ഷകസംഘടനയായ കിസാന്‍ മസ്ദൂര്‍ മോര്‍ച്ചയുടെ കണ്‍വീനര്‍ ശരണ്‍ സിങ് പന്ഥെര്‍ പറഞ്ഞു.

കിസാന്‍ മസ്ദൂര്‍ മോര്‍ച്ചയുടെ സംഘര്‍ഷ് കമ്മിറ്റിയില്‍ അംഗമാണ് കുല്‍വിന്ദര്‍ കൗറിന്റെ സഹോദരന്‍.

‘കുല്‍വിന്ദര്‍ കൗര്‍ സംയമനം പാലിക്കേണ്ടതായിരുന്നുവെങ്കിലും അവരുടെ രോഷമാണ് അവരെ അങ്ങനെ ചെയ്യാന്‍ പ്രേരിപ്പിച്ചത്. ഒരുനിമിഷം പോലുമെടുക്കാതെയാണ് ബി.ജെ.പി. നേതാക്കള്‍ പഞ്ചാബികളെ മുഴുവന്‍ ഭീകരരാക്കിയത്. അതും ഒരിക്കലും അംഗീകരിക്കാന്‍ കഴിയാത്ത കാര്യമാണ്.’ -പഞ്ചാബ് കിസാന്‍ യൂണിയന്‍ പ്രസിഡന്റ് റുല്‍ദു സിങ് മന്‍സ പറഞ്ഞു.

തങ്ങള്‍ കുല്‍വിന്ദര്‍ കൗറിനെ പൂര്‍ണമായും പിന്തുണയ്ക്കുന്നുവെന്ന് ക്രാന്തികാരി കിസാന്‍ യൂണിയന്‍ പഞ്ചാബിന്റെ സംസ്ഥാന പ്രസ് സെക്രട്ടറി അവതാര്‍ സിങ് മെഹ്‌മ പറഞ്ഞു. അവര്‍ക്ക് എതിരായി എന്തെങ്കിലും അനീതി നേരിടേണ്ടിവന്നാല്‍ തങ്ങള്‍ സമരത്തിനിറങ്ങുമെന്നും അവതാര്‍ സിങ് വ്യക്തമാക്കി. ഭാരതീയ കിസാന്‍ യൂണിയനും കൗറിന് പിന്തുണ പ്രഖ്യാപിച്ചിട്ടുണ്ട്.

The post കങ്കണയുടെ കരണത്തടിച്ച CISF കോണ്‍സ്റ്റബിളിന് പിന്തുണയുമായി കര്‍ഷക സംഘടനകള്‍ appeared first on Starvision News Malayalam.

ന്യൂ‍ഡൽഹി: ചണ്ഡിഗഡ് വിമാനത്താവളത്തിൽ വച്ച് നടിയും നിയുക്ത ബിജെപി എംപിയുമായ കങ്കണ റനൗട്ടിന് അടിയേറ്റതായി സൂചന. ഡൽഹിയിലേക്കുള്ള യാത്രയ്ക്കിടെ ചണ്ഡിഗഡിൽ വച്ച് കങ്കണയെ സിഐഎസ്എഫ് ഉദ്യോഗസ്ഥ അടിച്ചതായാണു വിവരം.

സുരക്ഷാ ഉദ്യോഗസ്ഥയെ കങ്കണ തള്ളുകയും ഇവർ തിരിച്ചടിക്കുകയും ചെയ്തെന്നുമാണ് പുറത്തു വന്ന വിവരം. സുരക്ഷാ പരിശോധനയ്ക്കായി ഫോൺ ട്രേയിൽ വയ്ക്കാൻ കങ്കണയോട് ആവശ്യപ്പെട്ടെങ്കിലും കങ്കണ ഇത് നിഷേധിച്ചു. കൂടാതെ ഉദ്യോഗസ്ഥയെ കങ്കണ തള്ളുകയും ചെയ്തു. തുടർന്നാണ് മർദനമെന്നാണ് സൂചന.

ഉച്ചയ്ക്ക് 3.30നാണ് സംഭവം. വിഷയത്തിൽ അന്വേഷണം നടത്തുന്നതിനായി മുതിർന്ന സിഐഎസ്എഫ് ഉദ്യോഗസ്ഥരുടെ കമ്മിറ്റി രൂപീകരിച്ചു. ലോക്സഭാ തിരഞ്ഞെടുപ്പിലെ വിജയത്തിന് ദിവസങ്ങൾക്കു പിന്നാലെയാണ് കങ്കണയ്ക്ക് എതിരെ ആക്രമണം നടന്നിരിക്കുന്നത്. 74,755 വോട്ടുകൾക്കാണ് ദേശീയ അവാർഡ് ജേതാവായ കങ്കണ കോൺഗ്രസിന്റെ വിക്രമാദിത്യ സിങ്ങിനെ പരാജയപ്പെടുത്തിയത്.

The post കങ്കണയെ സിഐഎസ്എഫ് ഉദ്യോഗസ്ഥ മർദിച്ചു; സംഭവം ചണ്ഡിഗഡ് വിമാനത്താവളത്തിൽ appeared first on Starvision News Malayalam.

The post ലീഡിൽ പതറാതെ സിനിമാ താരങ്ങളും; കങ്കണ 20,745 വോട്ടിന് മുന്നിൽ, മഥുരയിൽ നിലയുറപ്പിച്ച് ഹേമാ മാലിനി appeared first on Starvision News Malayalam.

ന്യൂഡല്‍ഹി

താൻ ഉടൻ തന്നെ രാഷ്ട്രീയത്തിൽ പ്രവേശിക്കുമെന്ന സൂചനയും കങ്കണ നൽകി. രാഷ്ട്രീയത്തിൽ പ്രവേശിക്കുമോ എന്ന ചോദ്യത്തിന് എല്ലാത്തരം ആളുകളോടും തനിക്ക് തുറന്ന മനോഭാവമുണ്ടെന്നായിരുന്നു കങ്കണയുടെ മറുപടി. ഹിമാചൽ പ്രദേശിലെ ജനങ്ങൾ അവരെ സേവിക്കാൻ എനിക്ക് അവസരം നൽകിയാൽ നന്നായിരിക്കും. അവരുടെ ഉന്നമനത്തിനായി താൻ പ്രവർത്തിക്കുമെന്നും കങ്കണ പറഞ്ഞു. പ്രധാനമന്ത്രി നരേന്ദ്ര മോദിയെയും കങ്കണ പ്രശംസിച്ചു. “മോദി ജി രാജ്യത്തിന്‍റെ മഹാപുരുഷനാണെന്നും, 2024 ൽ മോദിയും രാഹുൽ ​ഗാന്ധിയുമായിരിക്കും മത്സരമെന്നും കങ്കണ പറഞ്ഞു. ആര് മത്സരിച്ചാലും മോദിയുടെ എതിരാളിയാകില്ലെന്നും അവർ പറഞ്ഞു.

The post അടുത്ത ലോക്സഭാ തെരഞ്ഞെടുപ്പിൽ മത്സരിക്കാനാ​ഗ്രഹമുണ്ടെന്ന് വെളിപ്പെടുത്തി കങ്കണാ റണാവത്ത്  appeared first on Starvision News Malayalam.

കോടതിയില്‍ നേരിട്ട് ഹാജരാകുന്നത് ഒഴിവാക്കി തരണമെന്ന കങ്കണയുടെ ഹരജി പരിഗണിക്കവെയാണ് കോടതി മറുപടി നല്‍കിയത്. ജോലിയുമായി ബന്ധപ്പെട്ട് തിരക്കുള്ളതിനാല്‍ നേരിട്ട് കോടതിയില്‍ ഹാജരാകാന്‍ കഴിയില്ലെന്നാണ് കങ്കണ അറിയിച്ചത്. എന്നാല്‍, ഇത് അനുവദിക്കാന്‍ കഴിയില്ലെന്നും അടുത്തതവണ കേസ് പരിഗണിക്കുമ്പോള്‍ ഹാജരാകണമെന്നും അവസാന അവസരമാണിതെന്നും കോടതി വ്യക്‌തമാക്കി. കേസ് സെപ്റ്റംബർ ഒന്നിന് വീണ്ടും പരിഗണിക്കും.

കഴിഞ്ഞ വര്‍ഷം നവംബറിലാണ് ജാവേദ് അക്‌തർ കങ്കണക്കെതിരെ പരാതി നൽകിയത്. ടെലിവിഷന്‍ അഭിമുഖത്തിനിടെ കങ്കണ തന്നെ അപകീര്‍ത്തിപ്പെടുത്തുന്ന പരാമര്‍ശം നടത്തിയെന്നാണ് പരാതി. കങ്കണയുടെ പരാമര്‍ശം തന്റെ സൽപ്പേരിന് കളങ്കമുണ്ടാക്കിയെന്നും പരാതിയില്‍ പറയുന്നു.

The post ‘ഇത് അവസാന അവസരമാണ്’; കങ്കണയ്‌ക്ക് അന്ത്യശാസനം നൽകി കോടതി appeared first on Starvision News Malayalam.