മനാമ: 146 ാമ​ത്​ ഇ​ൻ​റ​ർ​നാ​ഷ​ന​ൽ പാ​ർ​ല​മെൻറ്​ സ​മ്മേ​ള​ന​ത്തി​ന്​ ബ​ഹ്​​റൈനിൽ തുടക്കമായി. സഖീറിലെ എക്സിബിഷൻ വേൾഡ് ബഹ്റൈനിൽ നടക്കുന്ന സമ്മേളനത്തിൽ പങ്കെടുക്കാനായി 143 രാജ്യങ്ങളിൽ നിന്നുള്ള 1,700-ലധികം പ്രതിനിധികളാണ് എത്തിയിരിക്കുന്നത്. ബഹ്റൈൻ പാർലിമെന്റാണ് സമ്മേളനത്തിന് ആതിഥേയത്വം വഹിക്കുന്നത്. ലോ​ക​ത്തെ ഏ​റ്റ​വും വ​ലി​യ പാ​ർ​ല​​മെൻറ്​ സ​മ്മേ​ള​ന​ത്തി​നാ​ണ്​ ബ​ഹ്​​റൈ​ൻ ഇ​താ​ദ്യ​മാ​യി​ വേ​ദി​യാ​വു​ന്ന​ത്.

സമാധാനപരമായ സഹവർത്തിത്വം പ്രോത്സാഹിപ്പിക്കുക, അസഹിഷ്ണുതയ്ക്കെതിരെ പോരാടുക എന്നീ വിഷയങ്ങളിലാണ് സമ്മേളനം നടക്കുന്നത്. മാ​ർ​ച്ച്​ 15 വ​രെ ന​ട​ക്കു​ന്ന സ​മ്മേ​ള​ന​ത്തി​ൽ വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള പാ​ർ​ല​മെൻറ്​ അ​ധ്യ​ക്ഷ​ൻ​മാ​രും പ്ര​തി​നി​ധി സം​ഘ​ങ്ങ​ളും പ​​ങ്കെ​ടു​ക്കുന്നുണ്ട്. ഇന്ത്യയിൽ നിന്നും നിരവധി എംപിമാർ ഈ സമ്മേളനത്തിൽ പങ്കെടുക്കുന്നു. ലോകസഭ സ്പീകർ ഓം ബിർളയുടെ നേതൃത്വത്തിലാണ് ഇവർ ബഹ്റൈനിലെത്തിയിരിക്കുന്നത്. ഇദ്ദേഹത്തിനും സംഘത്തിനും  ഇന്ത്യൻ എംബസിയുടെ നേതൃത്വത്തിൽ പൊതുസ്വീകരണവും നൽകിയിരുന്നു.

The post ഇ​ൻ​റ​ർ​നാ​ഷ​ന​ൽ പാ​ർ​ല​മെൻറ്​ സ​മ്മേ​ള​ന​ത്തി​ന്​ ബ​ഹ്​​റൈനിൽ തുടക്കമായി appeared first on Starvision News Malayalam.