മനാമ: ഇന്ത്യൻ സ്കൂൾ ഇന്ത്യയുടെ 79-ാമത് സ്വാതന്ത്ര്യദിനം വളരെ ആവേശത്തോടെയും ദേശസ്‌നേഹത്തോടെയും ആഘോഷിച്ചു. സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, അസി. സെക്രട്ടറിയും അക്കാദമിക് അംഗവുമായ രഞ്ജിനി മോഹൻ, പ്രോജക്ട് & മെയിന്റനൻസ് അംഗം മിഥുൻ മോഹൻ, ട്രാൻസ്‌പോർട്ട് അംഗം മുഹമ്മദ് നയാസ് ഉല്ല, ജൂനിയർ കാമ്പസ് പ്രിൻസിപ്പൽ പമേല സേവ്യർ എന്നിവർ സന്നിഹിതരായിരുന്നു. രക്ഷിതാക്കളും സ്റ്റാഫും അഭ്യുദയകാംഷികളും പങ്കുകൊണ്ടു. അഡ്വ. ബിനു മണ്ണിൽ വറുഗീസ് ഇന്ത്യൻ ദേശീയ പതാക ഉയർത്തിയതോടെ ആഘോഷം ആരംഭിച്ചു. തുടർന്ന് ദേശീയഗാനം ആലപിച്ചു. തന്റെ അധ്യക്ഷ പ്രസംഗത്തിൽ, ദേശീയ ആഘോഷങ്ങളിലൂടെ വിദ്യാർത്ഥികളിൽ ശക്തമായ ദേശീയാഭിമാനവും കടമയും വളർത്തിയെടുക്കണമെന്നും അടുത്ത തലമുറയ്ക്ക് ശോഭനമായ ഭാവി ഉറപ്പാക്കണമെന്നും അഡ്വ. ബിനു മണ്ണിൽ വറുഗീസ് പറഞ്ഞു.

അക്കാദമിക് മികവിന്റെയും സാംസ്കാരിക വൈവിധ്യത്തിന്റെയും സമൂഹ സേവനത്തിന്റെയും 75 വർഷത്തെ മഹത്തായ പ്ലാറ്റിനം ജൂബിലി ആഘോഷിക്കുന്ന ഈ വർഷം ഇന്ത്യൻ സ്‌കൂളിന് പ്രത്യേക പ്രാധാന്യമുള്ളതാണ്. 1950-ൽ സ്കൂളിന്റെ എളിയ തുടക്കം മുതൽ അറേബ്യൻ ഗൾഫിലെ ഏറ്റവും വലിയ സഹ-വിദ്യാഭ്യാസ സ്ഥാപനങ്ങളിലൊന്നായി മാറുന്നതുവരെയുള്ള സ്‌കൂളിന്റെ യാത്ര, മഹത്തായ രാജ്യത്തിന്റെ വളർച്ചയെ പ്രതിഫലിപ്പിക്കുന്നുവെന്നു അദ്ദേഹം പറഞ്ഞു. ഗുണനിലവാരമുള്ള വിദ്യാഭ്യാസത്തോടുള്ള ഇന്ത്യൻ സ്കൂളിന്റെ പ്രതിബദ്ധതയും ദേശസ്‌നേഹത്തിന്റെയും ഐക്യത്തിന്റെയും മൂല്യങ്ങൾ വളർത്തിയെടുക്കുന്നതിനുള്ള സമർപ്പണവും പ്രതിഫലിപ്പിക്കുന്ന പരിപാടി മികച്ച വിജയമായിരുന്നു.

The post ഇന്ത്യൻ സ്കൂൾ സ്വാതന്ത്ര്യദിനം ആഘോഷിച്ചു appeared first on Starvision News Malayalam.

മനാമ: ഇന്ത്യൻ സ്‌കൂളിൽ വിവിധ പരിപാടികളോടെ ടെക്‌നോഫെസ്റ്റ് ആഘോഷിച്ചു. ഇസാ ടൗൺ കാമ്പസിൽ നടന്ന വാർഷിക ടെക്‌നോഫെസ്റ്റിൽ 4 മുതൽ 12 വരെ ക്ലാസുകളിലെ വിദ്യാർഥികൾ സജീവമായി പങ്കെടുത്തു. ഇന്ത്യൻ ദേശീയ ശാസ്ത്ര സാങ്കേതിക ദിനത്തോടനുബന്ധിച്ച് സയൻസ് വിഭാഗമാണ് വിദ്യാർത്ഥികളെ ശാസ്ത്ര പര്യവേക്ഷണം ചെയ്യാൻ പ്രോത്സാഹിപ്പിക്കുന്ന വിപുലമായ മത്സരങ്ങൾ സംഘടിപ്പിച്ചത്.

ശാസ്ത്ര വിഷയങ്ങളിൽ ശ്രദ്ധ കേന്ദ്രീകരിച്ചുള്ള മോഡൽ നിർമ്മാണം, പോസ്റ്റർ രൂപകൽപ്പന, ഡിസ്പ്ലേ ബോർഡ് അവതരണങ്ങൾ തുടങ്ങിയ വിവിധ പ്രവർത്തനങ്ങളിൽ വിദ്യാർത്ഥികൾ പങ്കെടുത്തു. നാലാം ക്ലാസിനായി പാഴ് വസ്തുക്കളിൽ നിന്നുള്ള മോഡൽ നിർമ്മാണ മത്സരമാണ് സംഘടിപ്പിച്ചത്.

മത്സരത്തിൽ അബിഗെയ്ൽ അരുൺ (4-Z), ഡെബോറ സാഷ എഡ്വിൻ (4-T), യൂസിഫ് ഖമിസ് സാദ് (4-M) എന്നിവർ ജേതാക്കളായി. നല്ല നാളേക്കുവേണ്ടി മണ്ണ് സംരക്ഷണം എന്ന വിഷയത്തിൽ പോസ്റ്റർ നിർമ്മാണ മത്സരത്തിൽ അഞ്ചാം ക്ലാസ് വിദ്യാർത്ഥികൾ അവരുടെ കലാപരമായ കഴിവുകൾ പ്രദർശിപ്പിച്ചു. ഹീർ ദീപക് ഭായ് കകാദിയ (5-H), സെറ കിഷോർ (5-J), പ്രത്യുഷ ഡേ (5-R) എന്നിവർ മികച്ച പ്രകടനം കാഴ്ചവച്ചു. ഉയർന്ന ക്ളാസുകൾക്കായി ഡിസ്പ്ലേ ബോർഡ് മത്സരങ്ങൾ നടത്തി.

ആറാം ക്ലാസിനായി ശുദ്ധജലവും ശുചിത്വവും കേന്ദ്രീകരിച്ചുള്ള ഡിസ്പ്ലേ ബോർഡ് മത്സരത്തിൽ 6-K, 6-P, 6-F എന്നീ ക്ലാസ്സുകൾ ആദ്യ മൂന്ന് സ്ഥാനങ്ങൾ നേടി. ഏഴാം ക്ലാസിനായി ആൾട്ടർനേറ്റ് എനർജി അടിസ്ഥാനമായ മത്സരത്തിൽ 7-C, 7-Q, 7-H എന്നിവ ജേതാക്കളായി. എട്ടാം ക്ലാസിന് ബഹിരാകാശ പര്യവേഷണങ്ങൾ ആയിരുന്നു ഡിസ്പ്ലേ ബോർഡ് മത്സര വിഷയം. അതിൽ 8-D, 8-K, 8-P എന്നീ ക്ലാസുകൾ ജേതാക്കളായി. ഡിജിറ്റൽ പോസ്റ്റർ നിർമ്മാണ മത്സരങ്ങൾ ശാസ്ത്രീയ അറിവും കലാമികവും ഉയർത്തിക്കാട്ടിയിരുന്നു. ഒമ്പതാം ക്ലാസ് വിദ്യാർത്ഥികൾ വാക്സിനുകളുടെ ശാസ്ത്രത്തിൽ ഡിജിറ്റൽ പോസ്റ്റർ നിർമ്മിച്ചു. 9-Q, 9-I, 9-P എന്നീ ക്ളാസുകൾ വിജയിച്ചു.

പത്താം ക്ലാസ് ശാസ്ത്രത്തിലെ വനിതകൾ: ഭൂതകാലവും വർത്തമാനവും എന്ന വിഷയത്തെക്കുറിച്ച് ഡിജിറ്റൽ പോസ്റ്റർ നിർമ്മിച്ചു. 10-H, 10-W, 10-U എന്നീ ക്ലാസുകൾ ജേതാക്കളായി. പതിനൊന്നാം ക്ലാസിനായി ഇന്റർനെറ്റ് ഓഫ് തിംഗ്‌സിൽ പോസ്റ്റർ ഡിസൈൻ മത്സരത്തിൽ 11-H, 11-N, 11-Q എന്നീ ക്ലാസുകൾ ജേതാക്കളായി. പന്ത്രണ്ടാം ക്ലാസിനുള്ള ആണവോർജ്ജ ഡിജിറ്റൽ പോസ്റ്റർ നിർമ്മാണ മത്സരത്തിൽ 12-H ഒന്നാം സ്ഥാനം നേടിയപ്പോൾ 12-N, 12-Q എന്നീ ഡിവിഷനുകൾ രണ്ടും മൂന്നും സ്ഥാനങ്ങൾ കരസ്ഥമാക്കി. സ്‌കൂൾ അസി. സെക്രട്ടറിയും അക്കാദമിക് അംഗവുമായ രഞ്ജിനി മോഹൻ വിജയികൾക്ക് സമ്മാനം വിതരണം ചെയ്തു.

പ്രിൻസിപ്പൽ വി.ആർ പളനിസ്വാമി, സീനിയർ സ്കൂൾ ആൻഡ് അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, മിഡിൽ സെക്ഷൻ വൈസ് പ്രിൻസിപ്പൽ ജോസ് തോമസ്, വകുപ്പ് മേധാവികൾ, പ്രധാന അധ്യാപകർ എന്നിവർ തസവസരത്തിൽ സന്നിഹിതരായിരുന്നു. സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, ഭരണസമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി എന്നിവർ ജേതാക്കളെയും അധ്യാപകരെയും അഭിനന്ദിച്ചു.

The post ശാസ്ത്ര സാങ്കേതിക ദിനത്തോടനുബന്ധിച്ച്ഇന്ത്യൻ സ്‌കൂൾ ടെക്‌നോഫെസ്റ്റ് ആഘോഷിച്ചു appeared first on Starvision News Malayalam.

ഇന്ത്യന്‍ സ്കൂള്‍ ചെയര്‍മാന്‍ അദ്ദേഹം ഇരിക്കുന്ന സ്ഥാനത്തിന്‍റെ മഹത്വം ഓര്‍ത്തെങ്കിലും പൊതു സമൂഹത്തോട് സംവദിക്കുമ്പോൾ അല്പമെങ്കിലും മാന്യതയും സത്യസന്ധതയും പുലര്‍ത്തേണ്ടതുണ്ടെന്ന് യു.പി.പി ഓര്‍മ്മിപ്പിച്ചു.

ഇന്ത്യന്‍ സ്കൂളിലെ വാര്‍ഷിക ജനറല്‍ ബോഡിയില്‍ ഒരു അംഗമെന്ന നിലയില്‍ വാര്‍ഷിക വരിസംഖ്യ ആയ അഞ്ചു ദിനാര്‍ മെമ്പർഷിപ്പ് ഫീസ് അടച്ച ഏതൊരു രക്ഷിതാവിനും പങ്കെടുക്കാമെന്നു ഇന്ത്യൻ സ്കൂള്‍ ഭരണഘടനയില്‍ വ്യക്തമായി പ്രതിപാദിക്കുന്നുണ്ട്. എന്നാല്‍ കഴിഞ്ഞ പത്ത് വര്‍ഷത്തിലേറെയായി ഭരിക്കുന്ന കമ്മിറ്റിയംഗങ്ങളുടെ കഴിവുകേടും പിടിപ്പുകേടും കാരണം ചില ആളുകളെ തങ്ങളുടെ വോട്ട് ബാങ്ക് ആയി മാറ്റാനുള്ള ഒറ്റ ഉദ്ദേശ്യത്തില്‍ കൃത്യമായി ഫീസ് പിരിക്കാതിരിക്കുകയും ഫീസ് അടക്കാന്‍ സാമ്പത്തികമായി ബുദ്ധിമുട്ടുന്നവരെ തെരഞ്ഞെടുപ്പു ദിവസം വോട്ട് ചെയ്യാന്‍ അനുവദിക്കാത്ത രീതിയുമാണ് തുടരുന്നത് . തങ്ങള്‍ മനപൂര്‍വ്വം ഫീസ് ഒഴിവാക്കി കൊടുക്കുന്ന തങ്ങളുടെ വോട്ട് ബാങ്കായ നല്ല സാമ്പത്തിക ശേഷിയുള്ള ഒരു വിഭാഗത്തിന് മാത്രം ആരുമറിയാതെ വോട്ട് ചെയ്യാനുള്ള സൗകര്യം ചെയ്ത് കൊടുത്ത് കൊണ്ട് സ്കൂളിനെ പരിതാപകരമായ അവസ്ഥയില്‍ എത്തിച്ചതിന്‍റെ പൂര്‍ണ്ണ ഉത്തരവാദിത്തം ഇന്നത്തെ ഭരണസമിതിയുടെ തലപ്പത്തിരിക്കുന്ന ആളിനും അദ്ദേഹത്തെ കാണാചരടില്‍ നിയന്ത്രിക്കുന്ന രക്ഷിതാക്കള്‍ അല്ലാത്ത ചിലര്‍ക്കുമാണ്.

കുട്ടികളുടെ ഫീസ് അടക്കുന്നത് കുട്ടികള്‍ക്ക് ക്ളാസ്സുകളില്‍ കയറാനുള്ളതും മെമ്പർ ഷിപ് ഫീസ് രക്ഷിതാക്കള്‍ക്ക് ഏതൊരു സ്ഥാപനത്തിലെയും അംഗത്വം നിലനിര്‍ത്താനുമുള്ളതാണെന്നത് വസ്തുതയാണ്. ഇന്ത്യൻ സ്കൂളിന്റെ ദൈനം ദിന പ്രവർത്തനങ്ങൾക്ക് എല്ലാ കുട്ടികളും ഫീസ് കൃത്യമായി അടക്കേണ്ടത് നിർബന്ധപൂർവമായ ഒരു കാര്യമാണ്. അധ്യാപർക്കും മറ്റു സ്കൂൾ സ്റ്റാഫുകൾക്കും ശമ്പളവും മറ്റു കാര്യങ്ങളും നൽകണമെങ്കിൽ കുട്ടികൾ കൃത്യ സമയത്തു ഫീസ് അടക്കേണ്ടത് വളരെ നിര്‍ബന്ധമുള്ള കാര്യമാണ്. സാമൂഹിക പ്രതിപത്തിഉള്ള യുണൈറ്റഡ് പേരെന്റ്സ് പാനൽ ഒരിക്കലും ഒരു രക്ഷിതാവും ഫീസ് അടക്കാതിരിക്കുന്നതിനോട് യാതൊരു കാരണവശാലും യോജിക്കില്ല” .

എല്ലാ കുട്ടികളും മുഴുവൻ ഫീസും അടച്ചു ഇന്ത്യൻ സ്കൂളിനെ രക്ഷിക്കുക എന്നത് ഓരോ രക്ഷിതാവിന്‍റേയും കടമയാണ്. കഴിഞ്ഞ വർഷങ്ങളിൽ തെരഞ്ഞെടുപ്പ് സമയത്ത് ഇപ്പോൾ ഭരിച്ചു കൊണ്ടിരിക്കുന്ന ഭരണസമിതി പല രക്ഷിതാക്കളോടും “നിങ്ങൾ ഫീസ് അടക്കേണ്ടെന്നും പകരം ഞങ്ങൾക്ക് വോട്ട് നൽകി വിജയ്യിപ്പിക്കണമെന്നും” ആവശ്യപ്പെട്ടതിന്റെ ഫലമാണ് പല രക്ഷിതാക്കളും ഫീസ് അടക്കാതെ ഇന്ന് സ്കൂൾ ഈ അവസ്ഥയിൽ ആയത്. ഇന്ത്യൻ സ്കൂളിന്റെ പുരോഗതിക്കു വേണ്ടി ഇത് വരെ ഒന്നും ചെയ്യാത്ത ഈ കമ്മിറ്റി അതു മറച്ചു വെക്കാൻ ഇപ്പോഴും പത്തു വർഷം മുൻപേ ഭരണം വിട്ടൊഴിഞ്ഞ യൂ.പി.പി യുടെ തലയിൽ എല്ലാ കെട്ടി വച്ചു രക്ഷപെടാൻ ആണ് ശ്രമിക്കുന്നത്.

കഴിഞ്ഞ തെരഞ്ഞെടുപ്പില്‍ തങ്ങളെ അധികാരത്തിലേറാന്‍ വഴിവിട്ട രീതിയില്‍ സഹായിച്ച മുഴുവന്‍ ആളുകള്‍ക്കും വന്‍ ശമ്പളം നല്‍കാവുന്ന രീതിയില്‍ ഇത് വരെ ഇല്ലാത്ത മാനേജര്‍ തസ്തികകളും നഴ്സസ് തസ്തികകളും സൃഷ്ടിച്ച് സ്കൂളിലെ വരുമാനം വന്‍ തോതില്‍ വേണ്ടപ്പെട്ടവരിലേക്ക് എത്തിക്കുകയാണ് ഇപ്പോൾ ഈ കമ്മിറ്റി ചെയ്യുന്നത്.

സ്കൂളിനെ സാമ്പത്തികമായി തകർക്കുന്ന അനാവശ്യ തസ്തികകളും മറ്റു പ്രവർത്തികളും എല്ലാം രക്ഷിതാക്കൾ വന്നു ചോദ്യം ചെയ്യുമെന്ന് ഭയന്നിട്ടാണ് ഇവർ രക്ഷിതാക്കള്‍ ജനറല്‍ ബോഡിയില്‍ ഏത്തുന്നതിനെതിരെ ഒരു നിയമം കൊണ്ടു വരാന്‍ ശ്രമിക്കുന്നത്. ഭരണഘടനയില്‍ അനുശാസിക്കുന്ന പോലെ മെമ്പർഷിപ്പ് ഫീസ് അടച്ച മുഴുവന്‍ രക്ഷിതാക്കള്‍ക്കും വെള്ളിയാഴ്ച നടക്കാൻ പോകുന്ന ജനറല്‍ ബോഡിയില്‍ പങ്കെടുക്കാൻ അവസരമൊരുക്കാന്‍ വേണ്ടിയാണ് യൂ.പി.പി ഇങ്ങനെ ഒരു കുറിപ്പ് രക്ഷിതാക്കളുടെ ഇടയിൽ എത്തിച്ചത്.

ഭാര്യമാർ ഇന്ത്യൻ സ്കൂളിൽ ജോലിചെയ്യുന്നത് കൊണ്ട് അവരുടെ ഭർത്താക്കന്മാർ തെറ്റുകൾ കണ്ടാൽ എതിർക്കരുതെന്നുള്ള ഭീഷണി പെടുത്തലുകൾ ഒരു ജനാധിപത്യ മര്യാദക്ക് ചേർന്നതല്ല. പിന്നെ ജോലിചെയ്യുന്ന ജീവനക്കാർക്ക് വേതനം നൽകുന്നത് ആരുടെയും ഔദാര്യം അല്ലെന്നും ചോദ്യം ചെയ്യുന്നവരെ ഭീഷണിപെടുത്തി അവരുടെ വായടിപ്പിക്കുന്നത് നല്ല പ്രവണത അല്ലെന്നും
ജനാധിപത്യത്തിലൂടെ അധികാരത്തിലെത്തിയവര്‍ എന്തിന് രക്ഷിതാക്കൾ ജനറൽ ബോഡിയിൽ പങ്കെടുക്കുന്നതിനെ ഭയക്കണം എന്നും യൂ.പി.പി ചോദിച്ചു.

The post ഇന്ത്യന്‍ സ്കൂള്‍ ചെയര്‍മാന്‍ മാന്യത പാലിക്കണം യു.പി.പി appeared first on Starvision News Malayalam.

മനാമ: പ്രത്യേക അസംബ്ലികളും വൃക്ഷത്തൈ നടീൽ യജ്ഞവും ഉൾപ്പെടെ വിവിധ പ്രവർത്തനങ്ങളിലൂടെ  വിദ്യാർത്ഥികളിൽ  പരിസ്ഥിതി  അവബോധം വളർത്തുന്നതിനുമായി ഇന്ത്യൻ സ്കൂൾ ജൂനിയർ കാമ്പസ് ദേശീയ വൃക്ഷ വാരാഘോഷം സംഘടിപ്പിച്ചു.  

വൃക്ഷത്തൈ നടൽ, ഹരിത ഇടങ്ങളുടെ വിപുലീകരണം തുടങ്ങിയ പരിസ്ഥിതി സൗഹൃദ രീതികൾ പ്രോത്സാഹിപ്പിക്കുന്നതിന്റെ  പ്രാധാന്യത്തിന് ഊന്നൽ നൽകിയായിരുന്നു ആഘോഷം.  2035 ഓടെ 3.6 ദശലക്ഷം മരങ്ങൾ നട്ടുപിടിപ്പിക്കാൻ ലക്ഷ്യമിടുന്ന ബഹ്‌റൈന്റെ  ദേശീയ വനവൽക്കരണ പദ്ധതിയുമായി ബദ്ധപ്പെട്ടാണ് വൃക്ഷ വാരം നടത്തുന്നത്.  2060-ഓടെ കാർബൺ പുറന്തള്ളൽ പൂജ്യമായി കുറയ്‌ക്കാനുള്ള രാജ്യത്തിന്റെ  പ്രതിബദ്ധതയെ സ്‌കൂൾ പിന്തുണക്കുന്നു. ജൂനിയർ വിംഗ് പ്രിൻസിപ്പൽ പമേല സേവ്യർ, വൈസ് പ്രിൻസിപ്പൽ പ്രിയ ലാജി, പ്രധാന അധ്യാപിക, കോ-ഓർഡിനേറ്റർമാർ, ജീവനക്കാർ, പ്രിഫെക്റ്റ് കൗൺസിൽ അംഗങ്ങൾ, വിദ്യാർഥികൾ എന്നിവർ കാമ്പസിന്റെ  വിവിധയിടങ്ങളിൽ വൃക്ഷത്തൈ നടീൽ യജ്ഞത്തിൽ ഏർപ്പെട്ടു.

ഹരിത സംസ്‌കാരം ഉൾക്കൊള്ളുന്നതിനായി വിദ്യാർത്ഥികൾക്കായി പ്രത്യേക അസംബ്ലി സംഘടിപ്പിച്ചു. വൃക്ഷത്തൈ നടീലിന്റെ  പ്രാധാന്യം വ്യക്തമാക്കുന്ന വിജ്ഞാനപ്രദമായ വീഡിയോ പ്രദർശിപ്പിച്ചു.  ജൂനിയർ വിംഗ് നേച്ചർ ക്ലബ്ബ് സ്‌കൂളിലേക്ക് നിരവധി ചെടികൾ ഉദാരമായി സംഭാവന നൽകി. കൂടുതൽ മരങ്ങൾ നട്ടുപിടിപ്പിക്കാനും  വിദ്യാർഥികളും ജീവനക്കാരും പ്രതിജ്ഞയെടുത്തു. പരിസ്ഥിതി സംരക്ഷണത്തെക്കുറിച്ചുള്ള പോസ്റ്ററുകളും പ്രസംഗങ്ങളും സംഗീത വിരുന്നും അവർ അവതരിപ്പിച്ചു.

ഹെഡ് ബോയ് ജെഫ് ജോർജ്, ഹെഡ് ഗേൾ നൂറ റഹ്മത്തലി, ഇക്കോ അംബാസഡർ സാൻവിക രാജേഷ് എന്നിവർ ദേശീയ ഹരിത സംരംഭങ്ങളുടെ വിശേഷങ്ങൾ എടുത്തുപറഞ്ഞു . പമേല  സേവ്യർ സമ്മേളനത്തെ അഭിസംബോധന ചെയ്തു, വൃക്ഷത്തൈ നടീലിന്റെ  പ്രാധാന്യം അടിവരയിടുകയും  ദൈനംദിന ജീവിതത്തിൽ സുസ്ഥിരമായ സമ്പ്രദായങ്ങൾ പിന്തുടരാൻ എല്ലാവരേയും പ്രോത്സാഹിപ്പിക്കുകയും ചെയ്തു. ദേശീയ വൃക്ഷ വാരാഘോഷത്തിൽ സജീവമായി പങ്കെടുത്ത വിദ്യാർത്ഥികളെ സ്കൂൾ അധികൃതർ അഭിനന്ദിച്ചു.

The post ഇന്ത്യൻ സ്‌കൂൾ  ജൂനിയർ വിംഗ് ദേശീയ വൃക്ഷ വാരം ആഘോഷിച്ചു appeared first on Starvision News Malayalam.

മനാമ: ഇന്ത്യൻ സ്‌കൂളിൽ ഇംഗ്ലീഷ് ഭാഷാ ദിനം വൈവിധ്യമാർന്ന പരിപാടികളോടെ ആഘോഷിച്ചു. വിദ്യാർത്ഥികൾക്ക് അവരുടെ ഇംഗ്ലീഷ് ഭാഷാ വൈദഗ്ദ്ധ്യം പ്രകടിപ്പിക്കാനും സാംസ്കാരികവും സാഹിത്യപരവുമായ വശങ്ങളോടുള്ള ആദരവ് വളർത്താനും ലക്ഷ്യമിട്ടാണ് പരിപാടി സംഘടിപ്പിച്ചത്. സർഗ്ഗാത്മകതയുടെയും സാഹിത്യ നൈപുണ്യത്തിന്റെയും സമാനതകളില്ലാത്ത സമന്വയത്തോടെയാണ് ഇംഗ്ലീഷ് ദിന പരിപാടികൾ അരങ്ങേറിയത്.

അക്കാദമിക ചുമതലയുള്ള സ്‌കൂൾ അസി. സെക്രട്ടറി രഞ്ജിനി മോഹൻ നിലവിളക്ക് കൊളുത്തി പരിപാടി ഉദ്ഘാടനം ചെയ്തു. പ്രിൻസിപ്പൽ വി.ആർ പളനിസ്വാമി, സീനിയർ സ്കൂൾ ആൻഡ് അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി.സതീഷ്, മിഡിൽ സെക്ഷൻ വൈസ് പ്രിൻസിപ്പൽ ജോസ് തോമസ്, സ്റ്റാഫ് പ്രതിനിധി പാർവതി ദേവദാസ്, ഇംഗ്ലീഷ് വകുപ്പ് മേധാവി ജി.ടി മണി,പ്രധാനാധ്യാപകർ, മറ്റു വകുപ്പ് മേധാവികൾ എന്നിവർ ചടങ്ങിൽ പങ്കെടുത്തു. ദേശീയ ഗാനത്തോടെയും സ്കൂൾ പ്രാർത്ഥനയോടെയും ആരംഭിച്ച പരിപാടിയിൽ സാഹിത്യ വിഭാഗം സെക്രട്ടറി ഹന സന്തോഷ് മാത്യു സ്വാഗതം പറഞ്ഞു. തുടർന്ന് ആഘോഷങ്ങളുടെ ഭാഗമായി എല്ലാ തലത്തിലുമുള്ള വിദ്യാർത്ഥികൾക്കായി ഘട്ടം ഘട്ടമായി നടത്തിയ വിവിധ മത്സരങ്ങളുടെ വീഡിയോ പ്രദർനം നടന്നു.

നാലും അഞ്ചും ക്ലാസുകളിലെ വിദ്യാർത്ഥികൾ ആംഗ്യപ്പാട്ട് അവതരിപ്പിച്ചു. സീനിയർ വിദ്യാർത്ഥികൾ ലഘുനാടകം അവതരിപ്പിച്ചു. സീനിയർ ക്ലാസുകളിലെ വിദ്യാർത്ഥികൾ സാഹിത്യത്തിലെ വിവിധ കഥാപാത്രങ്ങളെ ഉചിതമായ വേഷവിധാനങ്ങളോടെ അരങ്ങിൽ അവതരിപ്പിച്ചു. വിവിധ മത്സര വിജയികൾക്കുള്ള സമ്മാനദാനം സ്‌കൂൾ അസി. സെക്രട്ടറി രഞ്ജിനി മോഹൻ നിർവഹിച്ചു. സാഹിത്യ വിഭാഗം അസി.സെക്രട്ടറി അർഷിൻ സഹീഷ് നന്ദി പറഞ്ഞു. പരിജ്ഞത അമീൻ, സൈനബ് അലി ഇബ്രാഹിം, റോസലിൻഡ് ബോണി, മുഹമ്മദ് അദ്‌നാൻ എന്നിവർ പരിപാടിയുടെ ശ്രദ്ധേയമായ അവതരണം നടത്തി. സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി.രാജപാണ്ഡ്യൻ, ഭരണസമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി എന്നിവർ ഇംഗ്ലീഷ് ദിനാചരണത്തിലെ സർഗ്ഗാത്മകതയുടെ മാതൃകാപരമായ പ്രകടനത്തിന് വിദ്യാർത്ഥികളെയും അധ്യാപകരെയും അനുമോദിച്ചു. വിവിധ മത്സരങ്ങളിലെ ജേതാക്കളുടെ പേരുവിവരം താഴെ കൊടുക്കുന്നു:

കൈയക്ഷരം: 1. നിവേദിക ശ്രീജ 4യു, 2. ദിൽന രാജ് 4പി, 3. പ്രെജ്വിൻ വിനീത് 4ജി.
സ്പെല്ലിംഗ് ബീ: 1. ഗൗരി കൃഷ്ണ 5സെഡ് , 2. സിഷാൻ അസ്ലാം 5എം , 3. എയ്ഞ്ചൽ ഫെഡ്രിഗോ ഡിസൂസ 5എം.
വാർത്താ വായന: 1. ജോവാന മണിച്ചൻ 6സി, 2. ആൻ അജിഷ് 6എൻ, 3. വിദാദ് അബ്ദുൾ ലത്തീഫ് 6 എം.
കൊളാഷ് നിർമ്മാണം: 1. ആൻ മറിയം റിനു 7ജി, 2. എലീന പ്രസന്ന 7എസ് , 3. തമന്ന നസീം 7ഇ.
റോൾ പ്ലേ: 1. അരീന മൊഹന്തി 8ജി, 2. മെഹ്‌റിൻ ഫയാസ് 8കെ, 3. ആദ്യജ സന്തോഷ് 8എ.
അക്രോസ്റ്റിക് കവിത: 1. അമൻഡ എഡ്മണ്ട് റെനി 9എ, 2. ദീപ്ശിഖ കിഷോർ 9പി, 3. ആലാപ് കൃഷ്ണ 9കെ.
ക്വിസ്: 1. അലൻ ബേസിൽ ബിനോ 10ഡബ്ലിയു, ജോമിയ കെ ജോസഫ് 10യു, റൈസ സബ്രീൻ 10ജി; 2. മുഹമ്മദ് റെഹാൻ 10ബി, മിലൻ അലക്സ് ജിനു 10പി, നമിത സുജിത്ത് 10 ആർ; 3. നിവേദ്യ വിനോദ് 10യു, എ ശർമ്മതി 10എസ്, ആർതർ ലോറൻസ് 10 ജി.
ക്ലാസ് മാഗസിൻ:1.11എൻ, 2.11ക്യൂ, 3.11എ.
ക്ലാസ് ന്യൂസ് ലെറ്റർ:1.12എൻ, 2.12എഫ്, 3.12ഇ.

The post ഇന്ത്യൻ സ്കൂൾ ഇംഗ്ലീഷ് ഭാഷാ ദിനം ആഘോഷിച്ചു appeared first on Starvision News Malayalam.

മനാമ: മദർകെയർ ഐ.എസ്.ബി- എ.പി.ജെ ഇന്റർ-ജൂനിയർ സ്കൂൾ സയൻസ് ക്വസ്റ്റിന്റെ അഞ്ചാം സീസണിലെ  ആവേശകരമായ പ്രീ-ഫൈനൽ മത്സരങ്ങൾ  ശനിയാഴ്ച റിഫയിലെ ജൂനിയർ കാമ്പസിൽ  നടന്നു. ഫൈനൽ റൗണ്ടിലേക്ക്  ആറ് ടീമുകൾ തങ്ങളുടെ സ്ഥാനങ്ങൾ ഉറപ്പിച്ചു.  ഇബ്ൻ അൽ ഹൈതം സ്കൂൾ,  ന്യൂ ഇന്ത്യൻ സ്കൂൾ,  ന്യൂ മില്ലേനിയം സ്കൂൾ,  ഇന്ത്യൻ സ്കൂൾ എന്നിവിടങ്ങളിൽ നിന്നുള്ള ഓരോ ടീമും ഏഷ്യൻ സ്‌കൂളിൽ നിന്നുള്ള രണ്ട് ടീമുകളുമാണ് ഫൈനലിൽ കടന്നത്.

ഫൈനൽ  ഒക്ടോബർ 18-ന് ഇതേ വേദിയിൽ നടക്കും. ക്വിസ് മാസ്റ്റർ ശരത് മേനോൻ രസകരമായ രീതിയിൽ പ്രശ്നോത്തരിയുടെ സെമി  ഫൈനൽ നയിച്ചു.   കാർട്ടൂണുകൾ മുതൽ ശാസ്ത്രം, സാഹിത്യം വരെയുള്ള വിവിധ വിഷയങ്ങളിൽ വിദ്യാർത്ഥികൾ ചോദ്യങ്ങൾ നേരിട്ടു.  ആറ്  റൗണ്ടുകളിൽ സ്‌കോറുകൾ നാടകീയമായി മാറിമറിഞ്ഞിരുന്നു. സമാപന വേളയിൽ  ഓരോ  മത്സരാർത്ഥിയും   സമ്മാന വൗച്ചറുകൾ എറ്റു  വാങ്ങി. 

ഇന്ത്യൻ സ്‌കൂൾ  ചെയർമാൻ അഡ്വ. ബിനു മണ്ണിൽ വറുഗീസ്,   സെക്രട്ടറി വി രാജപാണ്ഡ്യൻ, ഭരണസമിതി  അംഗങ്ങൾ, പ്രിൻസിപ്പൽ വി ആർ പളനിസ്വാമി, ജൂനിയർ വിങ് പ്രിൻസിപ്പൽ പമേല സേവ്യർ, വൈസ് പ്രിൻസിപ്പൽ പ്രിയ ലാജി എന്നിവർ വിദ്യാർത്ഥികളുടെ മികവുറ്റ  പ്രകടനത്തെ അഭിനന്ദിച്ച്  വരാനിരിക്കുന്ന ഫൈനലുകൾക്ക് ആശംസകൾ നേർന്നു.

The post  മദർകെയർ ഐ.എസ്.ബി-എ.പി.ജെ  ഇന്റർ-ജൂനിയർ സ്കൂൾ സയൻസ് ക്വിസ് :ആറ് ടീമുകൾ ഫൈനലിൽ പ്രവേശിച്ചു   appeared first on Starvision News Malayalam.

മനാമ: ഇന്ത്യൻ സ്‌കൂളിൽ അരങ്ങേറ്റം കുറിക്കുന്ന ചിത്രകലാ  മത്സരമായ  ആലേഖ്  ഇസ  ടൗൺ കാമ്പസിൽ നടക്കും. വിദ്യാർത്ഥികളും മുതിർന്ന കലാകാരന്മാരും ഉൾപ്പെടെ പങ്കെടുക്കുന്നവരെ സ്വീകരിക്കാൻ സ്കൂൾ അണിഞ്ഞൊരുങ്ങി കഴിഞ്ഞു. 5 മുതൽ 18 വയസ്സുവരെയുള്ള കുട്ടികളും മുതിർന്ന കലാകാരന്മാരും  കലാപരമായ ആവിഷ്കാരം നിർവഹിക്കും. പരിപാടിയുടെ ഉദ്ഘാടനം അന്ന് രാവിലെ  7.30ന് ജഷൻമൽ ഓഡിറ്റോറിയത്തിൽ നടക്കും. തുടർന്ന് വിവിധ പ്രായക്കാർക്കായുള്ള മത്സരം നടക്കും.   ‘ഹാർമണി’ എന്ന കൂട്ടായ ചിത്രരചനാ  അതുല്യമായ ഒരു സവിശേഷതയാണ്.  12-18 വയസ് പ്രായമുള്ള വിദ്യാർത്ഥികൾക്കിടയിൽ ടീം വർക്കിനെയും കൂട്ടായ സർഗ്ഗാത്മകതയെയും  ഇതു വളർത്തുന്നു. 18 വയസ്സിന് മുകളിലുള്ള കലാകാരന്മാർക്ക് ആർട്ട് വാൾ മത്സരത്തിൽ പങ്കെടുക്കാം. ദിവസം മുഴുവൻ, ആർപി ബ്ലോക്കിൽ രാവിലെ 8:00 മുതൽ രാത്രി 8 വരെ ഒരു ആർട്ട് ഗാലറി പ്രദർശനം തുറന്നിരിക്കും.  ആലേഖ് ’24 സാംസ്കാരിക പരിപാടികൾ, സമാപനം, സമ്മാനവിതരണം എന്നിവ രാത്രി 8:00 മണിക്ക് ജഷൻമാൽ ഓഡിറ്റോറിയത്തിൽ നടക്കും.

ഷക്കീൽ ട്രേഡിംഗ് കമ്പനിയും ബഹ്‌റൈൻ പ്രൈഡുമാണ് ടൈറ്റിൽ സ്പോൺസർമാർ. നാഷണൽ ട്രാൻസ്‌പോർട്ട് കമ്പനി പ്ലാറ്റിനം സ്പോൺസറായും മെഡിമിക്‌സ് ഡയമണ്ട് സ്‌പോൺസറായും ചോലയിൽ ഗോൾഡ് സ്‌പോസറായും ബിഎഫ്‌സി സ്‌പോൺസറായും ഫോഗ്  ആർട്ട് കാർണിവൽ അവതരിപ്പിക്കുന്നു. വിദ്യാഭ്യാസ മന്ത്രാലയത്തിന്റെ ആവശ്യമായ അനുമതിയുടെയാണ്  സ്കൂൾ ഈ ആർട് കാർണിവൽ അവതരിപ്പിക്കുന്നത്.   സമൂഹത്തിനുള്ളിൽ സർഗ്ഗാത്മകതയും കലകളും വളർത്തിയെടുക്കുന്നതിനുള്ള ഇന്ത്യൻ സ്‌കൂളിന്റെ  സമർപ്പണത്തിലെ സുപ്രധാന നാഴികക്കല്ലാണ് ആലേഖ് എന്ന്  സ്‌കൂൾ  ചെയർമാൻ അഡ്വ. ബിനു മണ്ണിൽ വറുഗീസ്,   സെക്രട്ടറി വി രാജപാണ്ഡ്യൻ, പ്രിൻസിപ്പൽ വി ആർ പളനിസ്വാമി എന്നിവർ പറഞ്ഞു. ബഹ്‌റൈനിലെ വളർന്നുവരുന്ന കലാകാരന്മാർക്കായി ഒത്തുചേരാനും പിന്തുണയ്‌ക്കാനും എല്ലാ കലാസ്‌നേഹികളെയും രക്ഷിതാക്കളെയും കമ്മ്യൂണിറ്റി അംഗങ്ങളെയും സ്‌നേഹപൂർവം ക്ഷണിക്കുന്നതായി സ്‌കൂൾ അധികൃതർ പറഞ്ഞു.

The post ഇന്ത്യൻ സ്‌കൂൾ ആലേഖ് 24ന് ഒരുങ്ങുന്നു appeared first on Starvision News Malayalam.

മനാമ: ഇന്ത്യൻ സ്‌കൂൾ രക്ഷിതാക്കളുടെ ദീർഘകാലമായുള്ള ആവശ്യമായിരുന്ന ഓൺലൈനായി ഫീസ് അടയ്‌ക്കാനുള്ള സൗകര്യം നിലവിൽ വന്നു. ഇനി മുതൽ അമേരിക്കൻ എക്സ്പ്രസ് (AMEX) ഉൾപ്പെടെയുള്ള ഡെബിറ്റ് കാർഡുകൾ, ക്രെഡിറ്റ് കാർഡുകൾ എന്നിവ ഉപയോഗിച്ച് രക്ഷിതാക്കൾക്ക് അവരുടെ കുട്ടികളുടെ സ്കൂൾ ഫീസ് സൗകര്യപൂർവ്വം അടയ്ക്കാം. ഈ പുതിയ സൗകര്യം നിലവിലുള്ള ഫീസ് അടക്കാനുള്ള രീതികൾക്ക് അനുബന്ധമാണ്. ഓൺലൈനായി ഫീസ് അടക്കാനുള്ള സൗകര്യം ഉപയോഗിക്കുന്നതിന് സ്‌കൂൾ വെബ്‌സൈറ്റിലെ നിയുക്ത ലിങ്കിൽ ഐ.ഡിയും പാസ്‌വേഡും ഉപയോഗിച്ച് ലോഗിൻ ചെയ്യണം. ഓൺലൈൻ അടവുകൾക്ക് കൺവീനിയൻസ് ചാർജുകൾ ബാധകമായിരിക്കും. ഡെബിറ്റ് കാർഡുകൾക്ക് നൽകേണ്ട തുകയുടെ 0.9%, ക്രെഡിറ്റ് കാർഡുകൾക്ക് 1.1%, AMEX-ന് 1.25% എന്നിങ്ങനെയാണ് നിരക്ക്.

കൂടാതെ കൺവീനിയൻസ് ചാർജിൽ 10% വാറ്റും ഈടാക്കും. ഈ സൗകര്യങ്ങൾ മുഖേനയുള്ള ഫീ അടവുകൾ സ്‌കൂൾ രേഖകളിൽ ഉടനടി അപ്‌ഡേറ്റ് ചെയ്യുകയും രസീത് ഉടനടി ലഭ്യമാവുകയും ചെയ്യുന്നു. ഈ ഓൺലൈൻ പേയ്‌മെന്റ് സൗകര്യം രക്ഷിതാക്കൾക്ക് ആവശ്യാനുസരണം തിരഞ്ഞെടുക്കാവുന്നതാണ്. പരമ്പരാഗത സ്‌കൂൾ ഫീ അടവ് രീതികൾ ഇഷ്ടപ്പെടുന്നവർക്ക്, സ്‌കൂൾ കുടിശ്ശികകൾ ഇസ ടൗണിലെയും റിഫ കാമ്പസുകളിലെയും ക്യാഷ് കൗണ്ടറുകളിൽ പ്രവർത്തി ദിവസങ്ങളിൽ തീർപ്പാക്കാവുന്നതാണ്. കൂടാതെ NEC/BFC/NAFEX ഔട്ട്‌ലെറ്റുകളിലും അവയുടെ ഓൺലൈൻ സേവനങ്ങൾ വഴിയും അല്ലെങ്കിൽ SADAD സെൽഫ് സർവീസ് കിയോസ്‌ക് വഴിയും നിലവിൽ ഫീസ് അടയ്ക്കാം. സ്‌കൂൾ ഫീസ് അടയ്‌ക്കേണ്ട അവസാന തീയതി എല്ലാ മാസവും 15 ആണ് . ഇന്ത്യൻ സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി.രാജപാണ്ഡ്യൻ, ഭരണ സമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി എന്നിവർ ഗുണനിലവാരമുള്ള വിദ്യാഭ്യാസം നൽകുകയെന്ന സ്‌കൂളിന്റെ ദൗത്യത്തോടുള്ള രക്ഷിതാക്കളുടെ സഹകരണത്തിനും പിന്തുണക്കും നന്ദി അറിയിച്ചു.

The post ഇന്ത്യൻ സ്‌കൂൾ ഫീസ് ഓൺലൈനായി അടയ്‌ക്കാനുള്ള സൗകര്യം നിലവിൽ വന്നു appeared first on Starvision News Malayalam.

മനാമ: ഇന്ത്യൻ സ്‌കൂൾ പന്ത്രണ്ടാം ക്ലാസ് വിദ്യാർത്ഥികൾക്കായി ഉജ്ജ്വലമായ യാത്രയയപ്പ് പരിപാടി സംഘടിപ്പിച്ചു. അഭിമാനത്തിന്റെയും ഗൃഹാതുരത്വത്തിന്റെയും നിറവിൽ വിദ്യാർത്ഥികൾ അവരുടെ സ്‌കൂളിനോട് വിട പറഞ്ഞു. പതിനൊന്നാം ക്ലാസ് വിദ്യാർത്ഥികൾ തങ്ങളുടെ സീനിയേഴ്‌സിനായി വൈവിധ്യമാർന്ന പരിപാടികൾ ഒരുക്കിയിരുന്നു. സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ് ദീപം തെളിയിച്ചു. സെക്രട്ടറി വി.രാജപാണ്ഡ്യൻ, ഭരണസമിതി അംഗങ്ങളായ രഞ്ജിനി മോഹൻ, ബോണി ജോസഫ്, ബിജു ജോർജ്, പ്രിൻസിപ്പൽ വി.ആർ പളനിസ്വാമി, സ്റ്റാഫ് പ്രതിനിധി പാർവതി ദേവദാസ്, വൈസ് പ്രിൻസിപ്പൽമാർ എന്നിവർ സന്നിഹിതരായിരുന്നു.

പരിപാടിയുടെ ഏകോപനം ഹെഡ്റെ ടീച്ചർ റെജി വറുഗീസിന്റെ നേതൃത്വത്തിൽ വിദ്യാർഥികൾ നിർവഹിച്ചു. പ്രിൻസിപ്പൽ വി ആർ പളനിസ്വാമി അനുമോദന പ്രസംഗം നടത്തി. സ്‌കൂൾ ചെയർമാൻ അഡ്വ. ബിനു മണ്ണിൽ തന്റെ ഉദ്ഘാടന പ്രസംഗത്തിൽ നിശ്ചയദാർഢ്യത്തോടെ എല്ലാ പ്രതിബന്ധങ്ങളെയും തരണം ചെയ്യണമെന്ന് വിദ്യാർത്ഥികളോട് പറഞ്ഞു. സ്‌കൂളിലെ ജഷൻമാൾ ഓഡിറ്റോറിയത്തിൽ നടന്ന യാത്രയയപ്പ് പരിപാടിയിൽ വെല്ലുവിളികളെ നേരിടാനുള്ള ധൈര്യവും നിശ്ചയദാർഢ്യവും ഉൾപ്പെടെ സ്കൂളിൽ നിന്ന് പഠിച്ച പാഠങ്ങൾ മുന്നോട്ട് കൊണ്ടുപോകേണ്ടതിന്റെ പ്രാധാന്യം ഹെഡ് ബോയ് ദനീഷ് സുബ്രഹ്മണ്യൻ ഊന്നിപ്പറഞ്ഞു. ജീവിത വിജയത്തിനായി വെല്ലുവിളികൾ തരണം ചെയ്യാനുള്ള പാഠങ്ങൾ പ്രവർത്തികമാക്കണമെന്ന് ഹെഡ് ഗേൾ സഹസ്ര കോട്ടഗിരി പറഞ്ഞു.

ദേശീയ ഗാനങ്ങൾ, വിശുദ്ധ ഖുർആൻ പാരായണം, സ്കൂൾ പ്രാർത്ഥന എന്നിവയോടെ ചടങ്ങുകൾ ആരംഭിച്ചു. ഇഷിക പ്രദീപ്, അരുൺ സുരേഷ്, അനുഷ്‌ക, ഷൈൻ, താന്യ എന്നിവർ നയിച്ച ചടുലമായ നൃത്ത പരിപാടികൾ സാംസ്‌കാരിക പരിപാടികളിൽ മനം കവർന്നു. വിവിധ ഗെയിമുകളും പാട്ടുകളും ബാൻഡുകളും പരിപാടിക്ക് ചടുലതയും നിറവും നൽകി.

അബിഗയിൽ എല്ലിസ് ഷിബു, ഷാൻ ഡി ലൂയിസ്, അലീന മെഹ്‌രാജ്, സിൽവിയ റിനോ, ഗാർഗി സാരംഗി, നേഹ ആൻ, അഹമ്മദ് ഫാറൂഖി, ലക്ഷ്മി സന്തോഷ്, പ്രിഷി സക്‌സേന, മേഘ ആൻ, അങ്കിത ഗുപ്ത, മോഹിത് സേത്തി, അദ്വൈത് അജിത്, ജെറമി പ്രേംനവാസ്, മുഹമ്മദ് സൽമാൻ, അവിൻ അസിസ്, ജുമൈന ജുനൈദ്, അദിതി സാഹു എന്നിവർ അവതാരകരായിരുന്നു. സ്‌കൂൾ ചെയർമാൻ അഡ്വ.ബിനു മണ്ണിൽ വറുഗീസ്, സെക്രട്ടറി വി.രാജപാണ്ഡ്യൻ, ഭരണ സമിതി അംഗങ്ങൾ, പ്രിൻസിപ്പൽ വി.ആർ പളനിസ്വാമി എന്നിവർ ബോർഡ് പരീക്ഷകളിൽ മികച്ച വിജയം നേടുന്നതിന് വിദ്യാർത്ഥികൾക്ക് ആശംസകൾ നേർന്നു.

The post ഇന്ത്യൻ സ്‌കൂൾ പന്ത്രണ്ടാം ക്ലാസ് വിദ്യാർത്ഥികൾക്ക് യാത്രയയപ്പ് നൽകി appeared first on Starvision News Malayalam.

മനാമ: മുൻകാല തെരഞ്ഞെടുപ്പുകളെ അപേക്ഷിച്ചു തികച്ചും അഭിലഷണീയമല്ലാത്ത രീതിയിലുള്ള പ്രവർത്തനങ്ങൾ നടക്കുന്നുവെന്നാണ് മനസ്സിലാവുന്നത്. 9 വർഷമായി പ്രിൻസ് നടരാജൻ നേതൃത്വത്തിലുള്ള ഇപ്പോഴത്തെ കമ്മറ്റിക്കെതിരെ ഒരു തരത്തിലുമുള്ള ക്രമക്കേടുകളോ ആക്ഷേപങ്ങളോ ഉന്നയിക്കാൻ ആവാത്തതിനാലാവാം നമ്മുടെ സംസ്കാരത്തിന് യോജിക്കാത്ത രീതിയിൽ പോലുമുള്ള വാർത്തകൾ പടച്ചുവിടുന്നതും രക്ഷിതാക്കളുടെ മനസ്സുകളിൽ ആഴത്തിലുള്ള മുറിവുകളും ചേരിതിരിവുകളും ഉണ്ടാക്കുവാനും ശ്രമിക്കുന്നത്. തിരഞ്ഞെടുപ്പ് കഴിഞ്ഞാലും ഈ രാജ്യത്ത് സഹോദരന്മാരെ പോലെ കഴിയേണ്ടവരാണ് നാമെന്ന ബോധ്യം പോലും പലർക്കും നഷ്ടപ്പെട്ടിരിക്കുന്നു എന്ന് വേണം കരുതാൻ.

2013 ൽ റിഫ സ്കൂൾ പണി കഴിപ്പിച്ചത് പഴ ഭരണസമിതിയാണ്. അതിന്റെ ആവശ്യത്തിനായി എടുത്ത ലോൺ തിരിച്ചടവിലേക്കായി ഡിസംബർ 2014 വരെ രക്ഷിതാക്കളിൽ നിന്നും അധികമായി പിരിച്ചെടുത്ത 778521 ദിനാർ വകമാറ്റി ചിലവഴിക്കുകയും ഒരു പൈസ പോലും ബാങ്കിൽ അടക്കാത്തവരാണ് കോവിഡ് മഹാമാരികാലത്തു ബാങ്ക് ലോൺ അടവിൽ മുടക്കം വന്നതിനെ എടുത്ത് പറഞ്ഞു ഇപ്പോഴത്തെ ഭരണസമിതിയെ അവഹേളിക്കുന്നത് എന്നത് വിരോധാഭാസമാണ്. രക്ഷിതാക്കളിൽ നിന്ന് പിരിച്ചെടുത്തതിനെക്കാൾ എത്രയോ കൂടുതൽ സംഖ്യ ബാങ്കിൽ അടക്കുകയാണ് ഈ കമ്മറ്റി ചെയ്തത് എന്നതാണ് സത്യം. 12 ,000 ൽ പരം കുട്ടികളും 700 ഓളം ജീവനക്കാരും ഉള്ള നമ്മുടെസ്കൂളിൽ ഒരുപാട് പേർ ഒരുമിച്ചു ഉപയോഗിക്കുമ്പോൾ സ്വാഭാവികമായും ഉണ്ടായേക്കാവുന്ന ചില തടസ്സങ്ങളും ചെറിയ പ്രയാസങ്ങളും ഉയർത്തിക്കാട്ടി ടോയ്ലറ്റ്സ് വൃത്തിഹീനമാണെന്നു പ്രചരിപ്പിക്കുന്നത് ഇന്ത്യൻ സ്കൂളിനോടും ഇന്ത്യൻ സമൂഹത്തോനോടും ഉള്ള അവഹേളനമാണ്. വർഷങ്ങൾക്ക് മുൻപ് എടുത്തുവെച്ച ഫോട്ടോസ് വരെ ഉപയോഗിച്ചാണ് സ്കൂളിനെ പൊതുമധ്യത്തിൽ അവഹേളിക്കുന്നത്. ഇത്തരം വില കുറഞ്ഞ വിവാദങ്ങൾ ഒഴിവാക്കപെടെണ്ടാതാണ്.
ഏതു കമ്മറ്റി ഭരിച്ചാലും സ്കൂൾ ഫെയറുകൾ സംഘടിപ്പിച്ചാണ് പ്രയാസം അനുഭവിക്കുന്ന കുട്ടികളെ സഹായിക്കുവാനും ജീവനക്കാരെ സഹായിക്കുവാനും ഉള്ള ഫണ്ട് കണ്ടെത്താറുള്ളത്. സ്കൂൾ ഫെയറിനെ പോലും എതിർത്ത് ഇവിടുത്തെ മന്ത്രാലയങ്ങളിൽ വലിയ പരാതികൾ കൊടുത്ത് ഇനിയൊരു സ്ക്കൂൾ ഫെയറിന് അനുമതി ലഭിക്കുവാൻ അവസരം നിഷേധിക്കുന്ന തരത്തിൽ കാര്യങ്ങൾ എത്തിച്ചത് പ്രതിപക്ഷം എന്ന് പറയുന്നവരാണ്. നമ്മുടെ മക്കൾ പഠിക്കുന്ന ഈ വലിയ കമ്മ്യൂണിറ്റി സ്കൂളിനെ ഇത്തരത്തിൽ ഉപദ്രവിക്കുകയല്ല വേണ്ടത്. ഞങ്ങൾക്ക് അധികാമില്ലെങ്കിൽ പിന്നെ സ്കൂളെ വേണ്ട എന്ന നിലപാട് അംഗീകരിക്കുവാൻ കഴിയില്ല.

ദീർഘവീക്ഷണം ഉള്ള രക്ഷിതാക്കളാണ് ഇന്ത്യൻ സ്കൂൾ ഭരിക്കേണ്ടത്. നമ്മുടെ കുട്ടികൾക്കാവശ്യമായ ഏറ്റവും ആധുനിക ജോലി സാധ്യതകൾ ഉള്ള സ്ട്രീമുകൾ പഠിപ്പിക്കേണ്ടതുണ്ട്. അതിനുള്ള തുടക്കമായാണ് പിപിഎ ഭരണസമിതി ആർട്ടിഫിഷ്യൽ ഇന്റലിജൻസും ഡാറ്റാ സയൻസും ഉൾപ്പെടുത്തിയത് . ഇനിയും ബഹുദൂരം മുന്നോട്ട് പോവേണ്ടതുണ്ട്. ബിൽഡിങ്ങുകൾ കെട്ടിപൊക്കൽ മാത്രമല്ല സ്കൂളിന്റെ പുരോഗതി. പ്രഥമ പരിഗണന അക്കാദമിക് കാര്യങ്ങൾക്കാവണം. അത് തന്നെയാണ് പിപിഎ കഴിഞ്ഞ കാലങ്ങളായി ചെയ്തുവരുന്നതും. ഇവിടുത്തെ മന്ത്രാലയങ്ങളുടെ നിയന്ത്രണങ്ങൾക്ക് വിധേയമായി മാത്രമേ അഡ്മിഷൻ നൽകാൻ കഴിയൂ എന്ന കാര്യം മറച്ചുവെച്ചുകൊണ്ടാണ് ആ വിഷയത്തിൽ പ്രചാരണം നടത്തുന്നത്.
ഒരു തരത്തിലും നടപ്പിൽ വരുത്തുവാൻ കഴിയില്ല എന്നുറപ്പുള്ള കപടവാഗ്ദാനങ്ങൾ നൽകിയും നുണപ്രചാരണങ്ങൾ നടത്തിയും രക്ഷിതാക്കളെ വഞ്ചിക്കുകയാണ് പിപിഎ ക്കെതിരെ മത്സരിക്കുന്ന രണ്ടു പാനലുകളും ചെയ്യുന്നത്. വ്യത്യസ്ത മേഖലകളിൽ പ്രാഗൽഭ്യം തെളിയിച്ച മൂന്നു വർഷവും അതിൽ കൂടുതലും രക്ഷിതാക്കളായിരിക്കുന്നവരെ മാത്രാമാണ് പിപിഎ സ്ഥാനാർത്ഥികളാക്കിയിരിക്കുന്നത്. മറ്റു പാനലുകളിൽ ഉള്ള പലരും ഏതാനും മാസങ്ങൾക്കുള്ളിൽ സ്കൂൾ രക്ഷിതാവല്ലാതാവും എന്നത് അവരുടെ ധാർമ്മികത വെളിവാക്കുന്നതാണ്. സ്വന്തം ബിസിനസ്സ് താല്പര്യങ്ങൾക്കപ്പുറം യാഥാർഥ്യ ബോധത്തോടെയുള്ള ഒരു ഉത്തരവാദിത്തവും മറ്റു രണ്ടു പാനലുകാർക്കും ഇല്ല എന്നതാണ് ഇതിലൂടെയെല്ലാം തെളിയുന്നത്.

തികഞ്ഞ സാമ്പത്തിക അച്ചടക്കം പാലിച്ചുകൊണ്ട് മാത്രമേ സ്കൂളിനെ ഉയർച്ചയിലേക്ക് നയിക്കുവാൻ കഴിയൂ. കഴിഞ്ഞ ആറ് വർഷമായി ഇന്ത്യൻ സ്കൂളിലെ സാമ്പത്തിക കാര്യങ്ങൾ അതി സമർത്ഥമായി കൈകാര്യം ചെയ്ത അഡ്വേ: ബിനു മണ്ണിൽ നേതൃത്വം കൊടുക്കുന്ന പിപിഎ പാനലിലെ എല്ലാ രക്ഷിതാക്കളെയും വിജയിപ്പിക്കണമെന്ന് ഇന്ഡക്സ് ബഹ്റൈൻ ഭാരവാഹികൾ ആവശ്യപ്പെട്ടു.

The post ഇന്ത്യൻ സ്കൂൾ ഇലക്ഷനിൽ രക്ഷിതാക്കൾ പങ്കാളികളാകണം -ഇന്ഡക്സ് ബഹ്റൈൻ appeared first on Starvision News Malayalam.