മനാമ: ഫ്രൻഡ്സ് സോഷ്യൽ അസോസിയേഷൻ കുടുംബ സംഗമം സംഘടിപ്പിച്ചു. വെസ്റ്റ് റിഫ ദിശ സെന്ററിൽ നടന്ന സംഗമം യൂനുസ് സലീമിൻ്റെ ഉദ്ബോധന ക്ലാസോടെ ആരംഭിച്ചു. ജീവിതത്തിൻ്റെ എല്ലാ ഘട്ടങ്ങളിലും വൈജ്ഞാനിക വികാസവും, ധിഷണയും നേടിയെടുക്കാൻ ശ്രമമുണ്ടാകണം. ആത്മ പരിശോധന ശക്തമാക്കുകയും സജീവതയും സാമൂഹിക അവബോധവും ശക്തിപ്പെടുത്തേണ്ടതുണ്ടെന്നും അദ്ദേഹം പറഞ്ഞു.

 അസോസിയേഷൻ പ്രസിഡന്റ്‌ സുബൈർ എം.എം ആമുഖ ഭാഷണം നടത്തി. ധാർമിക ജീവിതത്തിലൂടെ സമൂഹത്തിന് മാതൃകയാവാൻ ഓരോ പ്രവർത്തകനും ശ്രമിക്കണമെന്നും പ്രതി സന്ധികളെയും വെല്ലുവിളികളെയും അവസരങ്ങളാക്കി മാറ്റാനും വിമർശനങ്ങളെ ഉൾക്കൊണ്ട് തിരുത്തൽ വരുത്താനും സന്നദ്ധമാകേണ്ടതുണ്ട് എന്ന് അദ്ദേഹം വ്യക്തമാക്കി. 

 ജാസിർ പി.പി പഠന ക്ലാസ് നടത്തിയ പരിപാടിയിൽ ജന. സെക്രട്ടറി സഈദ് റമദാൻ നദ്‌ വി സ്വാഗതമാശംസിച്ചു. വാർഷിക റിപ്പോർട്ട് അസി. ജനറൽ സെക്രട്ടറി സക്കീർ ഹുസൈൻ അവതരിപ്പിച്ചു. അമൽ, തഹിയ ഫാറൂഖ്, ശമ്മാസ് എന്നിവർ ഗാനങ്ങൾ ആലപിച്ചു. റിഫ ഏരിയ ആക്ടിംഗ് പ്രസിഡൻ്റ് അഹ് മദ് റഫീഖ് സമാപനം നിർവഹിച്ചു.

The post ഫ്രൻഡ്സ് സോഷ്യൽ അസോസിയേഷൻ കുടുംബ സംഗമം നടത്തി appeared first on Starvision News Malayalam.

മനാമ: ഫ്രൻഡ്സ് സോഷ്യൽ അസോസിയേഷന് കീഴിലുള്ള മലയാളം പാഠശാലയുടെ 2025-26 അധ്യയന വർഷത്തെ വിവിധ ക്ലാസ്സുകളിലേക്കുള്ള പ്രവേശനം ആരംഭിച്ചു. 2025 ജനുവരി 01 ന് അഞ്ച് വയസ്സ് പൂർത്തിയായ കുട്ടികൾക്കാണ് അഡ്മിഷൻ. താൽപര്യമുള്ള കുട്ടികൾ താഴെ കാണുന്ന ലിങ്കിൽ രജിസ്റ്റർ ചെയ്യണമെന്ന് ബന്ധപ്പെട്ടവർ അറിയിച്ചു. https://docs.google.com/forms/d/e/1FAIpQLSeGiEUqduVfe7umedAocZOSpnNBx5sPDrUBYHmPC_Wge9Rojw/viewform?usp=pp_url

കേരള സംസ്ഥാന സാംസ്കാരിക വകുപ്പിന് കീഴിലുള്ള മലയാളം മിഷൻ അംഗീകരിച്ച ഫ്രൻഡ്സ് മലയാളം പാഠശാലയിലെ പുതിയ അധ്യയന വർഷത്തെ ക്ലാസുകൾ ജൂൺ ആദ്യ ആഴ്ചയാണ് ആരംഭിക്കുക. മനാമ, റിഫ എന്നിവിടങ്ങളിൽ നടക്കുന്ന ക്ലാസുകൾ എല്ലാ ബുധനാഴ്ചയും വൈകുന്നേരം 7.00 മുതൽ 8.30 മണി വരെയായിരിക്കും. അഡ്മിഷൻ സംബന്ധിച്ച കൂടുതൽ വിവരക്കൾക്ക്: 36288575 (മനാമ), 33181941 (റിഫ) എന്നി മൊബൈൽ നമ്പറുകളിൽ ബന്ധപെടാമെന്ന് ഭാരവാഹികൾ അറിയിച്ചു.

The post ഫ്രൻഡ്സ് മലയാളം പാഠശാലയുടെ 2025-26 ക്ലാസ്സുകളിലേക്കുള്ള അഡ്മിഷൻ ആരംഭിച്ചു appeared first on Starvision News Malayalam.

മനാമ: ഫ്രൻഡ്‌സ് സോഷ്യൽ അസോസിയേഷൻ സംഘടിപ്പിക്കുന്ന “തണലാണ് കുടുംബം” കാംപയിന് പ്രൗഢോജ്ജ്വല തുടക്കം. കുടുംബ ബന്ധങ്ങൾ ശിഥിലമാക്കാനുള്ള ലിബറൽ വാദങ്ങൾ നമുക്ക് ചുറ്റിലും ശക്തമായി പ്രചരിപ്പിക്കപ്പെട്ടുകൊണ്ടിരിക്കുകയാണെന്നും ഇതിനെതിരെ എല്ലാവരും ഒരുമിച്ചുള്ള ശ്രമങ്ങളാണ് വേണ്ടതെന്ന് കഴിഞ്ഞ ദിവസം സിഞ്ചിലെ ഫ്രൻഡ്‌സ് സെൻ്ററിൽ നടന്ന കാംപയിൻ പ്രഖ്യാപന ചടങ്ങിൽ പങ്കെടുത്ത് സംസാരിച്ച വിവിധ സംഘടനാ പ്രതിനിധികൾ അഭിപ്രായപ്പെട്ടു.

പാഠ്യപദ്ധതിയിൽ പോലും നവലിബറൽ വാദങ്ങളും ജെന്റർ ന്യൂട്രൽ ആശയങ്ങളുമൊക്കെ കുത്തിത്തിരുകി ധാർമിക ജീവിത ശീലങ്ങൾ റദ്ദ് ചെയ്യപ്പെട്ടുകൊണ്ടിരിക്കുകയാണ്. ആണും പെണ്ണുമാണ് ജീവിത പങ്കാളികൾ ആവേണ്ടതും വിവാഹം കഴിക്കേണ്ടതെന്നുമുള്ള അടിസ്ഥാനങ്ങൾ പോലും അട്ടിമറിക്കപ്പെടുന്നു. സ്വവർഗ ലൈംഗികതക്ക് നിയമ സാധുത നൽകപ്പെടുന്നതിലൂടെ മനുഷ്യവംശത്തിന്റെ നിലനിൽപ് തന്നെ അപകടകരമായ അവസ്ഥയിലേക്ക് എത്തിപ്പെടുകയാണ്. തങ്ങളുടെ സ്വാതന്ത്ര്യം നഷ്ടപ്പെട്ടുപോകുമെന്ന് ഭയന്ന് വൈവാഹികജീവിതം തന്നെ വേണ്ടെന്ന് വെക്കുന്ന യുവാക്കളുടെയും യുവതികളുടെയും എണ്ണം ഭീകരമായ രീതിയിലാണ് വർധിക്കുന്നത്.
സൗന്ദര്യവും ആകാര സൗഷ്ടവവും ദൈവിക അനുഗ്രഹങ്ങളും അതിനാൽ തന്നെ സംരക്ഷിക്കപ്പെടേണ്ടതുമാണ്. എന്നാൽ സൗന്ദര്യഭ്രമവും കൃത്രിമ സൗന്ദര്യ പ്രദർശനവും ആഭാസവും മതിമറന്ന ഫാഷൻ ഭ്രമവുമാകാതെ ശ്രദ്ധിക്കേണ്ടതുണ്ട്.

കുടുംബം എന്നത് ഓരോരുത്തർക്കും ആശ്വാസഗേഹങ്ങൾ ആയിത്തീരണം. അവിടെ സ്നേഹവും സന്തോഷവും ഉണ്ടാവണം. പരസ്പരമുള്ള കൂടിയാലോചനകളിലൂടെയും ഗുണകാംക്ഷയിലൂടെയുമാണ് ഇത് സാധ്യമാവുക. നിയമത്തിന്റെയും കണക്കുപറയലിന്റെയും ഭാഷകൾ ഒഴിവാക്കപ്പെടുകയും മുൻഗണനാക്രമങ്ങൾ മനസിലാക്കി തീരുമാനങ്ങൾ എടുക്കുകയും ചെയ്യാൻ കുടുംബത്തിലെ എല്ലാ അംഗങ്ങൾക്കും സാധിക്കണം.കുടുംബം എന്നത് ദൈവം മനുഷ്യന് നൽകിയ ദിവ്യാനുഗ്രമാണ്. അതിലെ അംഗങ്ങൾക്കിടയിൽ ചേർത്തു വിളക്കപ്പെടുന്ന സ്നേഹവും പരിഗണനയും എല്ലാം ചേർന്നു ഒന്നായിമാറുന്ന മനോഹാരിത മറ്റൊന്നിനും ഈ ലോകത്ത് ലഭിക്കില്ല എന്നും പ്രാസംഗികർ ചൂണ്ടിക്കാട്ടി

ഫ്രൻഡ്‌സ് അസോസിയേഷൻ ജനറൽ സെക്രട്ടറി സഈദ് റമദാൻ നദ്‌വി വിഷയാവതരണം നടത്തി. ഇന്ത്യൻ ഇസ്‌ലാഹി സെന്റർ പ്രസിഡന്റ് ഹംസ മേപ്പാടി, ജനറൽ സെക്രട്ടറി നൂറുദ്ദീൻ ഷാഫി, അൽ മന്നാഈ പ്രോഗ്രാം സെക്രട്ടറി സാദിഖ് ബിൻ യഹ്‌യ, അൽ ഫുർഖാൻ സെന്റർ ജനറൽ സെക്രട്ടറി സുഹൈൽ മേലടി, മഹല്ല് അസോസിയേഷൻ ഓഫ് തൃശൂർ (മാറ്റ് ബഹ്റൈൻ) ജനറൽ സെക്രട്ടറി അലി കേച്ചേരി, മൈത്രി അസോസിയേഷൻ ജനറൽ സെക്രട്ടറി സക്കീർ ഹുസൈൻ എന്നിവർ സദസ്സിനെ അഭിസംബോധന ചെയ്തു.
ഫ്രൻഡ്‌സ് അസോസിയേഷൻ പ്രസിഡന്റ് സുബൈർ എം.എം. അധ്യക്ഷത വഹിച്ച പരിപാടിയിൽ കാംപയിൻ ജനറൽ കൺവീനർ ജമാൽ നദ്‌വി സ്വാഗതവും കൺവീനർ ജാസിർ പി.പി നന്ദിയും പറഞ്ഞു.

ചടങ്ങിൽ കാംപയിൻ ലോഗോയും പോസ്റ്ററും വിവിധ സംഘടന ഭാരവാഹികൾ ഒരുമിച്ചു പ്രകാശനം ചെയ്തു. എ.എം ഷാനവാസ് പരിപാടി നിയന്ത്രിച്ചു.
വൈസ് പ്രസിഡന്റ് സമീർ ഹസൻ, അസിസ്റ്റന്റ് ജനറൽ സെക്രട്ടറി സക്കീർ ഹുസൈൻ, ഏരിയാ പ്രസിഡന്റുമാരായ മൂസ കെ.ഹസൻ, മുഹമ്മദ് മുഹ് യുദ്ദീൻ, മുഹമ്മദ് റഊഫ്, കേന്ദ്ര സമിതി അംഗങ്ങളായ അനീസ് വി.കെ, ഖാലിദ് സി, അബ്ദുൽ ഹഖ്, സാജിദ സലിം, റഷീദ സുബൈർ, അജ്മൽ ശറഫുദ്ദീൻ തുടങ്ങിയവർ നേതൃത്വം നൽകി.

The post “തണലാണ് കുടുംബം” കാംപയിന് പ്രൗഢ തുടക്കം appeared first on Starvision News Malayalam.

മനാമ: ടീൻസ് ഇന്ത്യയും മലർവാടി ബഹ്‌റൈനും ഫ്രന്‍റ്സ് സോഷ്യൽ അസോസിയേഷനുമായി സഹകരിച്ച് നടത്തിയ “സമ്മർ ഡിലൈറ്റ് സീസൺ 2” വിന് നിറഞ്ഞ സദസ്സോടെ സമാപനം. വ്യത്യസ്ത കലാരൂപങ്ങൾ അണിനിരത്തി മലർവാടി – ടീൻസ് കുട്ടികൾ ഒരുക്കിയ കലാ ജാഥയോടെ പരിപാടിക്ക് തുടക്കം കുറിച്ചു.

ഇന്ത്യൻ സ്കൂൾ വൈസ് ചെയർമാൻ ഡോ. മുഹമ്മദ്‌ ഫൈസൽ സമാപന സമ്മേളനം ഉദ്ഘാടനം ചെയ്തു. സ്കൂൾ ചുറ്റുപാടുകളിൽ നിന്ന് വ്യത്യസ്തമായ ഇത്തരം അവധിക്കാല ക്യാമ്പുകൾ കുട്ടികൾക്ക് പരസ്പരം അടുത്തറിയാനും അവരുടെ കഴിവുകളെ തിരിച്ചറിയാനുമുള്ള വേദിയാവുമെന്നും ഇത്തരത്തിലുള്ള പരിപാടികൾ കൂടുതൽ പ്രോത്സാഹിപ്പിക്കപ്പെടണമെന്നും അദ്ദേഹം അഭിപ്രായപ്പെട്ടു.

പ്രശസ്ത മോട്ടിവേഷൻ ട്രെയിനർ വൈ.ഇർഷാദ് രക്ഷിതാക്കൾക്കായി ക്ലാസ്സ്‌ എടുത്തു. മാതാപിതാക്കൾ കുട്ടികളുമായി കൂടുതൽ സമയം ചിലവഴിക്കേണ്ടതുണ്ടെന്നും അതുപോലെ തന്നെ നമ്മുടെ രാജ്യം ഇന്ത്യയാണെന്ന ഉത്തമ ബോധ്യത്തോടുകൂടി കുട്ടികളെ വളർത്തേണ്ടതുണ്ടെന്നും, അക്കാദമിക കാര്യങ്ങൾക്കപ്പുറം രാജ്യത്ത് നടക്കുന്ന ഓരോ കാര്യത്തെ കുറിച്ചുമുള്ള അവബോധം കുട്ടികളിൽ ഉണ്ടാക്കിയെടുക്കേണ്ടതുണ്ടെന്നും അദ്ദേഹം ഉണർത്തി. റംസി അൽത്താഫിന്‍റെ ഖുർആൻ പാരായണത്തോടെ ആരംഭിച്ച പരിപാടിയിൽ ഫ്രന്‍റ്സ് അസോസിയേഷൻ ആക്ടിങ് പ്രസിഡന്‍റ് സമീർ ഹസൻ അധ്യക്ഷത വഹിക്കുകയും ജനറൽ സെക്രട്ടറി സഈദ് റമദാൻ നദ്‌വി സ്വാഗതമാശംസിക്കുകയും ചെയ്തു.

ക്യാമ്പ് ട്രൈനെർമാരായ വൈ. ഇർഷാദ്, ഫൈസൽ താമരശ്ശേരി, മുഹമ്മദ് യൂസുഫ് (തായ്‌കോണ്ടോ ), സൈദലവി അമ്പലത്തു വീട്ടിൽ( വൈൽഡ് ഫോട്ടോഗ്രഫി) എന്നിവരെ മൊമെന്റോ നൽകി ആദരിച്ചു. തുടർന്ന് കുട്ടികൾക്കുള്ള സമ്മാനങ്ങളും സർട്ടിഫിക്കറ്റുകളും, മെന്റർമാർക്കുള്ള സർട്ടിഫിക്കറ്റുകളും വിതരണചെയ്തു. കുട്ടികളുടെ വൈവിധ്യമാർന്ന കലാ പരിപാടികൾ സദസ്സിന് നവ്യാനുഭവമായി.

വനിതാ വിഭാഗം ആക്ടിങ് പ്രസിഡന്‍റ് സാജിദ സലീം, ക്യാമ്പ് ഡയറക്ടർ അബ്ദുൽ ഹഖ്, ക്യാമ്പ് കൺവീനർ എ. എം ഷാനവാസ്‌, മലർവാടി സെക്രട്ടറി ലൂണ ഷെഫീഖ്, ടീൻ ഇന്ത്യ കൺവീനർ ഫാത്തിമ സ്വാലിഹ് എന്നിവർ കുട്ടികൾക്കുള്ള സർട്ടിഫിക്കറ്റുകൾ വിതരണം ചെയ്തു. ടീൻ ഇന്ത്യ സെക്രട്ടറി അനീസ് വി.കെ സമാപനം നിർവഹിച്ചു. മെന്റർമാരായ നുസൈബ മൊയ്‌ദീൻ , ലുലു അബ്ദുൽ ഹഖ് , ഫസീല ഹാരിസ്, റഷീദ ബദ്ർ, നാസ്‌നീൻ അൽത്താഫ്, നിഷിദ ഫാറൂഖ്, നസീല ഷഫീഖ്, സുആദ ഇബ്രാഹിം, ഹനാൻ ഉബൈദ് എന്നിവർ പരിപാടികൾക്ക് നേതൃത്വം നൽകി.

The post സമ്മർ ഡിലൈറ്റ് സീസൺ 2 – അവധിക്കാല ക്യാമ്പിന് സമാപനം appeared first on Starvision News Malayalam.

മനാമ: ഫ്രന്‍റ്സ് സോഷ്യൽ അസോസിയേഷൻ വയനാട് ദുരന്തത്തിൽ അനുശോചന യോഗവും പ്രാർഥനാ സംഗമവും സംഘടിപ്പിച്ചു. സിഞ്ചിലെ ഫ്രന്‍റ്സ് സെന്‍ററിൽ സംഘടിപ്പിച്ച പരിപാടിയിൽ ദുരന്തത്തിൽ ബന്ധുക്കൾ നഷ്ടപ്പെട്ട ഹംസ മേപ്പാടി സംസാരിച്ചു. വയനാട്ടിലുണ്ടായ ദുരന്തം ആവർത്തിക്കാതിരിക്കുന്നതിന് മുൻകരുതലുകൾ ആവശ്യമാണെന്നും അനിയന്ത്രിതമായ പ്രകൃതി ചൂഷണം സ്വതവേ ദുർബലമായ പരിസ്ഥിതി ലോല പ്രദേശങ്ങൾക്ക് ഭീഷണിയാണെന്നും ഇതിന്‍റെ ദുരിതമനുഭവിക്കേണ്ടി വരിക സാധാരണ മനുഷ്യരാണെന്നും അദ്ദേഹം ചൂണ്ടിക്കാട്ടി.

കെ.എം.സി.സി ആക്ടിങ് ജനറൽ സെക്രട്ടറി ഗഫൂർ കൈപ്പമംഗലം, ഒ.ഐ.സി.സി പ്രതിനിധികളായ റംഷാദ് അയിലക്കാട്, സൽമാനുൽ ഫാരിസ്, സാമൂഹിക പ്രവർത്തകരായ അസീൽ അബ്ദുറഹ്മാൻ, മജീദ് തണൽ, ഐ.വൈ.സി.സി പ്രതിനിധി ഫാസിൽ വട്ടോളി, പ്രവാസി വെൽഫെയർ പ്രസിഡന്‍റ് ബദ്റുദ്ദീൻ പൂവാർ, വൈ ഇർഷാദ് എന്നിവർ സദസ്സിനെ അഭിസംബോധന ചെയ്തു. പീപ്പിൾസ് ഫൗണ്ടേഷൻ പ്രവർത്തനങ്ങളെ കുറിച്ച് എ.എം ഷാനവാസ് വിശദീകരിച്ചു. ഉരുൾപൊട്ടലിൽ ദുരിതമനുഭവിക്കുന്നവർക്ക് അടിയന്തിര സഹായമായി മൂന്ന് ലക്ഷം രൂപ പ്രഖ്യാപിച്ചു. സഹായ പദ്ധതിയെ കുറിച്ച് ഫ്രന്‍റ്സ് എക്സിക്യൂട്ടീവ് അംഗം എ. അഹ്മദ് റഫീഖ് വിശദീകരിച്ചു. എക്സിക്യൂട്ടീവ് അംഗം സി. ഖാലിദ് സ്വാഗതമാശംസിച്ച പരിപാടിയിൽ ജനറൽ സെക്രട്ടറി സഈദ് റമദാൻ നദ്വി അധ്യക്ഷത വഹിക്കുകയും ആക്ടിങ് പ്രസിഡന്‍റ് സമീർ ഹസൻ സമാപനം നിർവഹിക്കുകയും ചെയ്തു. ദുരന്തത്തിൽ ജീവൻ നഷ്ടപ്പെട്ടവർക്കായി അനുശോചനംനേരുകയും പ്രാർഥന നിർവഹിക്കുകയും ചെയ്തു. അനീസ് വി.കെ, ഗഫൂർ മൂക്കു തല, അബ്ദുൽ ജലീൽ, ലത്തീഫ് കടമേരി, അബ്ദുൽ ഹഖ്, മുഹമ്മദ് മുഹ്യുദ്ദീൻ തുടങ്ങിയവർ പരിപാടിക്ക് നേതൃത്വം നൽകി.

The post വയനാട് ദുരന്തം: അനുശോചന യോഗവും പ്രാർഥനാ സംഗമവും സംഘടിപ്പിച്ചു appeared first on Starvision News Malayalam.

മനാമ : ഫ്രന്റ്സ് സോഷ്യൽ അസോസിയേഷൻ വനിത വിഭാഗം മെയ് ദിനത്തോടനുബന്ധിച്ച് നടത്തിയ തൊഴിലാളി സംഗമം പരിപാടിയുടെ വൈവിധ്യങ്ങൾ കൊണ്ട് ശ്രദ്ധേയമായി. കുറഞ്ഞ വരുമാനത്തിൽ ജോലി ചെയ്യുന്ന സാധാരണക്കാരായ വനിതകൾക്ക് വേണ്ടിയാണ് സ്നേഹസ്പർശം പരിപാടി സംഘടിപ്പിച്ചത്. സാമൂഹിക പ്രവർത്തകയായ നൈന മുഹമ്മദ് ഷാഫി പരിപാടി ഉദ്ഘാടനം ചെയ്തു. ഫ്രന്റ്സ് സോഷ്യൽ അസോസിയേഷൻ പ്രസിഡന്റ് സുബൈർ എം.എം, ഒ.ഐ.സി.സി വനിതാഘടകം പ്രസിഡന്റ് മിനി മാത്യു, സാമൂഹിക പ്രവർത്തക യായ ഹേമ വിശ്വം, മുഹറഖ് മലയാളി സമാജം വൈസ് പ്രസിഡന്റ് ദിവ്യ പ്രമോദ് എന്നിവർ ആശംസാ പ്രസംഗങ്ങൾ നടത്തി. ഏറെ കാലമായി ബഹ്‌റൈനിൽ ജോലി ചെയ്തു വരുന്ന ഫാത്തിമ ബീവി, ഫാത്തിമ, ചിന്നതായ്, സീനത്ത്, ലിസി എന്നിവരെ ആദരിച്ചു. ഇവർക്കുള്ള പൊന്നാട നൈന മുഹമ്മദ് ഷാഫി, ഫ്രന്റ്‌സ് വനിതാ വിഭാഗം പ്രസിഡന്റ് സമീറ നൗഷാദ്, വൈസ് പ്രസിഡന്റ് മാരായ സാജിത സലീം, സക്കീന അബ്ബാസ്, എക്സിക്യൂട്ടീവ് അംഗം സഈദ റഫീഖ് എന്നിവർ അണിയിച്ചു.

തൊഴിലാളികൾ പാട്ട് പാടിയും അനുഭവങ്ങൾ പങ്ക് വെച്ചും തങ്ങളുടെ സർഗ്ഗാത്മക കഴിവുകൾ പ്രകടിപ്പിച്ചു. പങ്കെടുത്തവർക്കെല്ലാം വിവിധ പലവ്യജ്ഞനങ്ങളടങ്ങിയ സ്നേഹകിറ്റുകളും കൈമാറി. ഫ്രന്റ്സ് സോഷ്യൽ അസോസിയേഷൻ വനിത വിഭാഗം പ്രസിഡന്റ് സമീറ നൗഷാദ് അദ്ധ്യക്ഷത വഹിച്ച പരിപാടിയിൽ സെക്രട്ടറി ഷൈമില നൗഫൽ സ്വാഗതംആശംസിച്ചു. പ്രോഗ്രാം കൺവീനർ റഷീദ സുബൈർ നന്ദി പറഞ്ഞു. മുംതാസ് റഊഫ് വേദപാരായണം നടത്തി. നൂറ ഷൈക്കത്തലി പരിപാടിയുടെ അവതരാകയായിരുന്നു. ഫാത്തിമ സ്വാലിഹ്, ഫസീല ഹാരിസ്, ബുഷ്റ റഹീം , തഹാനി ഹാരിസ്, നസീമ മുഹ്യുദ്ദീൻ, തമന്ന ഹാരിസ്, ബുഷ്ര ഹമീദ്, അസ്ര അബ്ദുല്ല, സൽമ, ഹേബ ഷകീബ് തുടങ്ങിയവർ പരിപാടിക്ക് നേതൃത്വം നൽകി.

The post ഫ്രന്റ്സ് സ്നേഹസ്പർശം പരിപാടി ശ്രദ്ധേയമായി appeared first on Starvision News Malayalam.

മനാമ: ഫ്രന്റ്‌സ് സോഷ്യൽ അസോസിയേഷൻ വനിതാവിഭാഗം ലോക വനിതാദിനത്തോടനുബന്ധിച്ച് പ്രവാസി മലയാളി വനിതകൾക്കായി സംഘടിപ്പിച്ച പ്രസംഗമത്സരത്തിലെ വിജയികളെ പ്രഖ്യാപിച്ചു. “കുടുംബത്തിലും
സമൂഹത്തിലും സ്ത്രീകളുടെ പങ്ക് ” എന്ന വിഷയത്തിൽ ഓൺലൈൻ വഴി നടത്തിയ മത്സരത്തിൽ ഷീന നൗഫൽ ഒന്നാം സ്ഥാനം കരസ്ഥമാക്കി. ഡോക്ടർ ഷബ്‌ന സുനീർ രണ്ടാം സ്ഥാനത്തിനും സഞ്ജു എം സാനു , റജീന ഇസ്മായിൽ എന്നിവർ മൂന്നാം സ്ഥാനത്തിനുമർഹരായി. എക്സിക്യൂട്ടീവ് അംഗം റഷീദ സുബൈർ, ഫാത്തിമ സ്വാലിഹ് തുടങ്ങിയവർ പരിപാടിക്ക് നേതൃത്വം നൽകി. കേന്ദ്ര പ്രസിഡണ്ട് സമീറ നൗഷാദ്, ജനറൽ സെക്രട്ടറി ഷൈമില നൗഫൽ എന്നിവർ വിജയികളെ അനുമോദിച്ചു.

The post പ്രസംഗ മത്സര വിജയികളെ പ്രഖ്യാപിച്ചു appeared first on Starvision News Malayalam.

അന്നപാനീയങ്ങൾ ഉപേക്ഷിക്കുന്നതോടോപ്പം തിന്മകളിൽ നിന്നും വിട്ട് നിൽക്കാനും പരാമാവധി നന്മകൾ ചെയ്യുവാൻ ശ്രമിക്കണം. ശരീരവും മനസ്സും ഒരു പോലെ ശുദ്ധീകരിക്കുവാനും ഈ മാസത്തെ ഉപയോഗപ്പെടുത്താൻ ശ്രമിക്കണമെന്നും ആദ്ദേഹം കൂട്ടിച്ചേർത്തു. മനാമ ഏരിയ പ്രസിഡൻ്റ് മുഹമ്മദ്‌ മുഹ്‌യുദ്ധീൻ അധ്യക്ഷത വഹിച്ചു. സെക്രട്ടറി ഫാറൂഖ് വി.പി സ്വാഗതവും ഫിൽസ ഫൈസൽ പ്രാർത്ഥനയും നടത്തി.

The post “അഹ്‌ലൻ റമദാൻ” പ്രഭാഷണം സംഘടിപ്പിച്ചു appeared first on Starvision News Malayalam.

റമദാനെ വരവേൽക്കാൻ ഭൗതികമായ തയ്യാറെടുപ്പുകൾക്കപ്പുറം മാനസികമായ തയ്യാറെടുപ്പുകൾക്കാണ് മുൻഗണന നൽകേണ്ടതെന്ന് അദ്ദേഹം പറഞ്ഞു. വ്രതാനുഷ്ഠാന കാലത്ത് ഭക്ഷണം ഉപേക്ഷിക്കുന്നതോടൊപ്പംഎല്ലാവിധ ദുശ്ശീലങ്ങളില്‍ നിന്നും മുക്തനാവാനും സാധിക്കണം. ജീവിതത്തിൽ പരമാവധി നന്മകൾ ശേഖരിക്കാനുള്ള മാസം ആണ് റമദാൻ. സഹജീവികളോടുള്ള കരുതലും സഹാനുഭൂതിയും ശീലമാക്കണമെന്നും അദ്ദേഹം കൂട്ടിച്ചേർത്തു.

റിഫ ഏരിയ പ്രസിഡന്റ് അബ്ബാസ് മലയിൽ  അധ്യക്ഷത വഹിച്ച പരിപാടിയിൽ ഏരിയ സെക്രട്ടറി നജാഹ് സ്വാഗതം പറഞ്ഞു. അബ്ദുൽ ഖയ്യൂം ഖുർആനിൽ നിന്നും അവതരിപ്പിച്ചു. മഹമൂദ് മായൻ, നൗഷാദ്, അശ്റഫ് പി.എം, നാസർ അയിഷാസ്, സോന സകരിയ, ബുഷറ റഹീം തുടങ്ങിയവർ നേതൃത്വം നൽകി.

The post “അഹ്‌ലൻ റമദാൻ” പൊതു പ്രഭാഷണം സംഘടിപ്പിച്ചു appeared first on Starvision News Malayalam.

“കുടുംബത്തിലും സമൂഹത്തിലും സ്ത്രീകളുടെ പങ്ക് ” എന്നവിഷയത്തിൽ സംഘടിപ്പിക്കുന്ന മത്സരത്തിന്റെ വിശദ വിവരങ്ങൾ അറിയാൻ 33538916 , 33049521 എന്നീ നമ്പറുകളിൽ ബന്ധപ്പെടാവുന്നതാണെന്ന് സംഘാടകർ അറിയിച്ചു.

The post ഫ്രൻ്റ്സ് വനിതാ വിഭാഗം പ്രസംഗ മത്സരം സംഘടിപ്പിക്കുന്നു appeared first on Starvision News Malayalam.