മനാമ: ബഹ്‌റൈൻ സുന്നി ഔഖാഫിന്റെ കീഴിൽ അൽ മന്നാഇ കമ്മ്യൂണിറ്റീസ് അവേർനെസ്സ് സെന്റര് മലയാള വിഭാഗം ബഹ്‌റൈനിലെ വിവിധ ഭാഗങ്ങളിലായി സംഘടിപ്പിക്കുന്ന ഈദ് ഗാഹുകളുടെ സുഗമമായ നടത്തിപ്പിന്നായി വിപുലമായ സ്വാഗത സംഘം രൂപവത്കരിച്ചു.

സെന്റർ പ്രസിഡണ്ട് ടി.പി. അബ്ദുൽ അസീസ്, ജനറൽ സെക്രട്ടറി എം.എം. രിസാലുദ്ദീൻ എന്നിവർ രക്ഷാധികാരികളായ സ്വാഗത സംഘത്തിലെ മെമ്പർമാർ: വി.പി. അബ്ദു റസാഖ് (ചെയർമാൻ), അബ്ദുൽ ലത്തീഫ് സി.എം. (ജനറൽ കൺവീനർ), സാദിഖ് ബിൻ യഹ്‌യ (പ്രോഗ്രാം), അബ്ദുസ്സലാം ചങ്ങരം ചോല (വോളന്റീർ), ഹംസ അമേത്ത് (ലൈറ്റ് & സൗണ്ട്), സലിം പാടൂർ (ട്രാഫിക്), സമീർ അലി (സെക്യൂരിറ്റി) ), ഫഖ്‌റുദ്ദീൻ അലി അഹമദ് (റിഫ്രഷ്മെന്റ്), ഷബീർ ഉമ്മുൽ ഹസ്സം(ട്രാൻസ്‌പോർട്ട് ), അബ്ദുൽ വഹാബ് (വിഡിയോ കവറേജ്‌), റഷീദ് മാഹി (മീഡിയ), നഫ്സിൻ (ഐ.ടി.) സാഫിർ അഷ്‌റഫ്‌ (പബ്ലിസിറ്റി), ഗഫൂർ അബ്ദുൽ റഹ്മാൻ (ടെക്നിക്കൽ സപ്പോർട്ട്). എന്നിവരാണ്.

ഹൂറ, ഉമ്മുൽ ഹസ്സം, ഹിദ്ദ് എന്നീ ഭാഗങ്ങളിൽ ഈദ് ഗാഹുകൾ ഉണ്ടായിരിക്കുമെന്ന് ഭാരവാഹികൾ അറിയിച്ചു.

The post അൽ മന്നാഇ ഈദ് ഗാഹുകൾ – സ്വാഗത സംഘം രൂപവത്കരിച്ചു appeared first on Starvision News Malayalam.

മനാമ: ഇന്ത്യന്‍ സ്കൂള്‍ ഗ്രൗണ്ടില്‍ സുന്നീ ഔഖാഫിെൻറ നേതൃത്വത്തിൽ മലയാളികള്‍ക്കായി നടത്തിയ ഭക്തിസാന്ദ്രമായ ഈദ് ഗാഹില്‍ ആയിരങ്ങള്‍ഒഴുകിയെത്തി. തണലും ഇളം തണുപ്പും നിറഞ്ഞ കാലാവസ്ഥയിൽ ഈദ്ഗാഹിലേക്ക് വിശ്വാസികൾ ഏറെ സന്തോഷത്തോടെയും ആവേശത്തോടെയുമാണ് എത്തിയത്. പുലർച്ചെ തന്നെ ബഹ്‌റൈനിന്റെ വിവിധ ഭാഗങ്ങളില്‍ നിന്നൊഴുകിയത്തെിയവര്‍ രാവിലെ 5.50നു നമസ്കാരത്തിനായി അണിനിരന്നു. ഏറെ ഹൃദ്യമായ കാലാവസ്ഥയിൽ ഈദ് പ്രഭാഷണം കൂടി സാകൂതം ശ്രവിച്ച ശേഷമാണ് വിശ്വാസികള്‍ പരസ്പരം ആലിംഗനം ചെയ്തും സാഹോദര്യവും സ്നേഹവും കൈമാറിയും പിരിഞ്ഞു പോയത്. മലയാളികള്‍ ഏറ്റവും കൂടുതല്‍ സംഗമിക്കുന്ന ഈദ് ഗാഹാണ് ഇന്ത്യന്‍ സ്കൂളിലേത്. വീട്ടുകാരും കുടുംബങ്ങളും ഒന്നിച്ച് കണ്ടുമുട്ടുകയും ബന്ധം പുതുക്കുകയും ചെയ്യുന്ന സംഗമമായി മാറാന്‍ ഇതിന് സാധിക്കാറുണ്ട്. ബഹ്‌റൈനിലെ പ്രമുഖ പണ്ഡിതനും പ്രഭാഷകനുമായ സഈദ് റമദാൻ നദ്‌വി പെരുന്നാൾ നമസ്‌കാരത്തിനും ഖുതുബക്കും നേതൃത്വം നൽകി.

റമദാനിന്നു ശേഷവും സൽക്കർമ്മങ്ങളുടെ നൈരന്തര്യം ഉണ്ടാവണം എന്ന് ഖുതുബയിൽ ഉത്‌ബോധിപ്പിച്ചു. റമദാനിൽ നടത്തിയ ആരാധനകളും സുകൃതങ്ങളും അല്ലാഹു സ്വീകരിക്കുവാനും പ്രതിഫലം ലഭിക്കാൻ വേണ്ടി നിരന്തരമായ പ്രാർത്ഥനകൾ ഉണ്ടാവണം. റമദാനിനെ നാം എത്രമാർത്ഥം ഫലപ്രദമായി ഉപയോഗപ്പെടുത്തിയിട്ടുണ്ടെന്നുള്ള ആത്മവിചാരണയും അവലോകനവും ഉണ്ടാവണം. ജീവിതത്തിലെ എല്ലാ സന്ദർഭങ്ങളിലും വിശ്വാസപരമായ നിലപാടുകൾ സ്വീകരിക്കാൻ സാധിക്കണം. ദൈവിക മഹത്വം പ്രകീർത്തിച്ച് വിശ്വാസ പ്രഖ്യാപനം നടത്തുന്ന ആഘോഷമാണ് പെരുന്നാൾ. പരലോകത്തെ കുറിച്ച് ആലോചിക്കുകയും ജാഗ്രത പുലർത്തുകയും വേണ്ടതുണ്ട്. സ്വർഗീയ ആരാമങ്ങളിൽ അല്ലാഹുവിനെ കണ്ടുമുട്ടുന്ന വിശ്വാസികളായി മാറാനുള്ള പരിശ്രമങ്ങളും പ്രാർത്ഥനകളും ഉണ്ടാവണം. റമദാനിൽ നടത്തിയത് പോലെയുള്ള പശ്ചാത്താപം ഇനിയുള്ള ജീവിതത്തിലും ഉണ്ടാവണം. ഭൗതിക ജീവിതത്തിന്റെ പകിട്ടുകളിലും പൊലിമകളിലും വിശ്വാസികൾ വഞ്ചിതരായിപ്പോവരുത്. വിശ്വാസം ഊട്ടിയുറപ്പിക്കാനും പ്രതിസന്ധികള്‍ വകഞ്ഞുമാറ്റി മുന്നേറാനും റമദാന്‍ കരുത്തേകിയിട്ടുണ്ട്. പ്രവാചകന്‍മാര്‍ നിലകൊണ്ട ആശയാദര്‍ശത്തില്‍ അടിയുറച്ച് നിലകൊള്ളാനും അതിന് മുന്നിലുള്ള പ്രതിസന്ധികള്‍ അതിജീവിക്കാനും സാധിക്കണം. വിശ്വാസി സമൂഹം ആഗോള തലത്തില്‍ നേരിട്ടു കൊണ്ടിരിക്കുന്ന പലവിധ പ്രതിസന്ധികളുടെയും ആഴം വളരെ വലുതാണ്. എന്നാല്‍ അത്തരം സന്ദര്‍ഭങ്ങളില്‍ പതറാതെ സ്ഥിര ചിത്തതയോടെ നിലകൊള്ളുമ്പോഴാണ് ദൈവിക സഹായം ലഭിക്കുന്നത്.

തിന്മയെ ഏറ്റവും മികച്ച നന്മയിലൂടെയാണ് പ്രതിരോധിക്കേണ്ടത്. ആഘോഷാവസരങ്ങൾ ബന്ധങ്ങള്‍ കൂടുതൽ ഊഷ്മളമാക്കാന്‍ വിനിയോഗിക്കണം. ദൈവ താല്പര്യത്തിനനുസൃതമായി തങ്ങളുടെ ഇഷ്ടാനിഷ്ടങ്ങളെ പുതുക്കിപ്പണിയാനും വിശ്വാസികൾക്ക് സാധിക്കണം. അതിനു കൂടി പ്രചോദിപ്പിക്കേണ്ടതാണ് കഴിഞ്ഞ ഒരു മാസം നാം അനുഷ്ടിച്ച നോമ്പ് എന്നും അദ്ദേഹം പറഞ്ഞു. ബഹ്‌റൈനിലെ രാജാവ് ഹമദ് ബിൻ ഈസ അൽ ഖലീഫ, പ്രധാനമന്ത്രിയും ക്രൗൺ പ്രിൻസുമായ സൽമാൻ ബിൻ ഹമദ് അൽ ഖലീഫ, ഔഖാഫ് മന്ത്രാലയം അധികാരികൾ, വിദ്യാഭ്യാസ മന്ത്രി ഡോ. മുഹമ്മദ് ബിൻ മുബാറക് ജുമുഅ, ഈദ്ഗാഹുകളുടെ വിജയത്തിനും സുഗമമായി നടത്തിപ്പിനും വേണ്ടി പരിശ്രമിച്ച എല്ലാ അധികാരികൾക്കും ഖുതുബയിൽ പ്രത്യേക നന്ദിയും പ്രാർത്ഥനയും നടത്തി. ഈദ് ഗാഹ് സംഘാടക സമിതി രക്ഷാധികാരി സുബൈർ എം.എം, ജനറൽ കൺവീനർ പി.പി.ജാസിർ, സക്കീർ ഹുസൈൻ, ജമാൽ നദ്‌വി, സമീർ ഹസൻ,അഹ്‌മദ്‌ റഫീഖ്, മൂസ കെ.ഹസൻ, യൂനുസ് രാജ്, മുഹമ്മദ് ഷാജി,സുഹൈൽ റഫീഖ്, വി.കെ.അനീസ്, മുഹമ്മദ് മുഹിയുദ്ധീൻ, മുഹമ്മദലി മലപ്പുറം,അബ്ദുൽ മജീദ്, മുഹമ്മദ് ഷമീം, സജീർ കുറ്റിയാടി, മുഹമ്മദ് കുഞ്ഞി, ജുനൈദ്, സിറാജ് കിഴുപ്പള്ളിക്കര, ബാസിം മുഹമ്മദ്, ലത്തീഫ് കടമേരി, അൻസാർ എൻ.കെ. അൽതാഫ്, അജ്മൽ ശറഫുദ്ധീൻ , ഇർഫാൻ, ഷൗക്കത്ത്, റഫീഖ് മണിയറ, കെ.പി.സമീർ, സലാഹുദ്ധീൻ, ഷാക്കിർ, ലത്തീഫ്, ഷംനാദ്, ഇജാസ് മൂഴിക്കൽ, ഷുഹൈബ്, റഹീസ്, ലുബൈന ഷഫീഖ്, സാജിദ സലീം, ഷൈമില നൗഫൽ , മുജീബ് റഹ്മാൻ, റഷീദ സുബൈർ, നൗഷാദ് വി.പി, ഫാത്തിമ സ്വാലിഹ്, തുടങ്ങിയവര്‍ ഈദ്ഗാഹിന് നേതൃത്വം നല്‍കി. 

The post റമദാനിന്നു ശേഷവും സൽക്കർമ്മങ്ങളുടെ നൈരന്തര്യം ഉണ്ടാവണം; സഈദ് റമദാൻ നദ്‌വി  appeared first on Starvision News Malayalam.

മനാമ: ബഹ്റൈൻ തലസ്ഥാന നഗരിയായ മനാമയിൽ നടന്ന ഈദ് ഗാഹിൽ അൽ ഫുർഖാൻ സെൻറർ വൈസ് പ്രസിഡണ്ട് മൂസാ സുല്ലമി പെരുന്നാൾ നമസ്കാരത്തിന് നേതൃത്വം നൽകി ഖുതുബ നിർവ്വഹിച്ചു. പരിശുദ്ധ റമദാനിന് ശേഷമുള്ള തുടർജീവിതം സ്രഷ്ഠാവായ ദൈവം നിഷിദ്ധമാക്കിയത് വെടിഞ്ഞും നന്മകൾ ചെയ്തും ഒരു മാസക്കാലത്തെ നോമ്പ്കൊണ്ട് നേടിയ സൂക്ഷമതയും വിശുദ്ധിയും കാത്ത്‌സൂക്ഷിക്കണമെന്ന്‌ അദ്ദേഹം ഉണർത്തി.

രക്ഷിതാക്കൾ പുതു തലമുറക്ക് ഉത്തമ മാതൃകയായി മാറിയാൽ ഈയടുത്തായി നാം കണ്ടും കേട്ടും നടുങ്ങിയ ഭീതി ജനകമായ സംഭവ വികാസങ്ങളിൽ നിന്നും യുവ തലമുറയെ രക്ഷിക്കാനുള്ള എളിയ ശ്രമമായിരിക്കുമതെന്നും അദ്ദേഹം സൂചിപ്പിച്ചു.

മനാമ മുൻസിപ്പാലിറ്റി കോമ്പൗണ്ടിൽ ബഹ്റൈൻ സുന്നി ഔഖാഫിൻ്റെ ആഭിമുഖ്യത്തിൽ അൽ ഫുർഖാൻ സെൻറാണ് ഈദ് ഗാഹ് സംഘടിപ്പിച്ചത്. നാല് വർഷമായി നടന്നു വരുന്ന ഈദ്ഗാഹിൽ ഇത്തവണ പ്രവാസി മലയാളികളായ നൂറുക്കണക്കിന് പേർ പങ്കെടുത്തു. അബ്ദുൽ മജീദ്‌ തെരുവത്ത്‌, മുജീബുറഹ്‌മാൻ എടച്ചേരി. ഷാഫുദീൻ അടുർ എന്നിവർ ഈദ്ഗാഹ് സംഘാടനത്തിന് നേതൃത്വം നൽകി.

ഹിഷാം കെ ഹമദ്‌, ഇല്യാസ്‌ കക്കയം, മുഹമ്മദ്‌ ശാനിദ്‌, ആരിഫ്‌ അഹമദ്‌, മനാഫ്‌ കബീർ, ബാസിത്ത്‌ വില്യാപ്പള്ളി, അബ്ദുല്ല പുതിയങ്ങാടി, യൂസുഫ്‌ പികെ, ആഷിഖ്‌ പിഎൻപി, ഫാറൂഖ്‌ മാട്ടൂൽ, ഇഖ്ബാൽ കാഞ്ഞങ്ങാട്‌. മുബാറഖ്‌ വികെ, അനൂപ്‌ തിരൂർ, മായൻ, നജീബ് ആലപ്പി, മുഹിയിദീൻ കണ്ണൂർ, ഹൈറുന്നിസ അബ്ദുൽ മജീദ്‌, സബീല യൂസുഫ്‌, സമീറ അനൂപ്‌, ബിനൂഷ തുടങ്ങിയർ നിയന്ത്രിച്ചു.

The post മനാമ ഈദ് ഗാഹ് മൂസാ സുല്ലമി നേതൃത്വം നൽകി appeared first on Starvision News Malayalam.

മനാമ : പാപചിന്തകൾ വെടിഞ്ഞു നിർമലമായൊരു ഹൃദയവുമായി തന്റെ നാഥനെ കണ്ടു മുട്ടാൻ ഓരോ വിശ്വാസിയും പരമാവധി ശ്രമിക്കണമെന്ന് സമീർ ഫാറൂഖി ഓർമ്മിപ്പിച്ചു.

സുന്നി ഔഖഫിന്ന് കീഴിൽ അൽ മാന്നാഇ സെന്റർ (മലയാള വിഭാഗം) ഹൂറ ഉമ്മു ഐമാൻ ഗേൾസ് ഹൈ സ്കൂളിൽ സംഘടിപ്പിച്ച ഈദ് ഗാഹിൽ വിശ്വാസികളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.

മരുഭൂമി മധ്യത്തിലുള്ള മക്കാ നഗരിയിലേക്ക് ലോകത്തിന്റെ നാനാ ഭാഗത്തു നിന്നും ലക്ഷക്കണക്കിന് വിശ്വാസികൾ ഒഴുകിയെത്തുന്നത് പ്രവാചകൻ ഇബ്‌റാഹിം നബിക്ക് പടച്ചവൻ നൽകിയ വാഗ്ദാനത്തിന്റെ പൂർത്തീകരണമാണെന്നും അദ്ദേഹം കൂട്ടിച്ചേർത്തു.

ഉമ്മുൽഹസം സ്പോർട്സ് ക്ലബ്ബ്‌ ഗ്രൗണ്ടിൽ നടന്ന പ്രാർത്ഥനകൾക്ക് സി. ടി. യഹ്‌യയും, ഹിദ്ദ് ഇന്റമീഡിയേറ്റ് ഗേൾസ് ഹൈ സ്കൂളിൽ നടന്ന ഈദ് നമസ്ക്കാരത്തിന് അബ്ദു ലത്വീഫ് അഹമ്മദും നേതൃത്വം നൽകി.

The post ‘ദേഹേഛകളെ വെടിഞ്ഞു സ്വയം സംസ്‌കൃതരാവുക‘ – സമീർ ഫാറൂഖി appeared first on Starvision News Malayalam.

മനാമ: റിഫ ലുലു ഹൈപർ മാർക്കറ്റിന്‌ സമീപം സുന്നി ഔഖാഫിന്റെ ആഭിമുഖ്യത്തിൽ ഷൈഖ ഹെസ്സ സെന്റർ സംഘടിപ്പിക്കുന്ന ഈദ്‌ ഗാഹ്‌ ഒരുക്കങ്ങൾ വിലയിരുത്തുകയും സംഘാടനത്തിനായി സ്വാഗത സംഘം രൂപീകരിക്കുകയും ചെയ്തു. അബ്ദുറഹ്‌മാൻ മുല്ലങ്കോത്ത്‌ ചെയർമാനായും, റഹീസ്‌ മുല്ലങ്കോത്ത്‌ നവാസ്‌ ഓപി കൺവീനർമാരായും ജോയിന്റ്‌ കൺവീനർ: നസീഫ്‌ ടിപി, റിഫ്‌ഷാദ്‌, അബ്ദുൽ ഷുക്കൂർ. വെന്യു അറേഞ്ച്‌ മെന്റ്‌: നവാഫ്‌ ടിപി, ഹിഷാം മുള്ളങ്കോത്ത്‌, ഫൈസൽ കളരിക്കണ്ടി, റഫ്രഷ്‌ മെന്റ്‌: നബാസ്‌ ഓപി, ഇസ്‌മായിൽ മുയിപ്പോത്ത്‌. ലേഡീസ്‌ കേർ: സീനത്ത്‌ സൈഫുല്ല, നസീമ സുഹൈൽ, നാസില നാഷിത ടിപി, ആമിന നവാഫ്‌ ആലിയ സന എന്നിവരേയും തെരഞ്ഞെടുത്തു.

The post റഫ ഈദ്ഗാഹ്‌ ഒരുക്കങ്ങൾ വിലയിരുത്തി appeared first on Starvision News Malayalam.

മനാമ: സുന്നി ഔഖാഫിന്റെ കീഴിൽ അൽ മന്നാഇ കമ്മ്യൂണിറ്റീസ് അവേർനെസ്സ് സെന്റർ (മലയാള വിഭാഗം) ഈദുൽ അദ്ഹ യോടനുബന്ധിച്ച് ബഹ്‌റൈനിലെ വിവിധ ഭാഗങ്ങളിൽ ഈദ് ഗാഹുക ൾ നടക്കുമെന്ന് ഭാരവാഹികൾ അറിയിച്ചു.

പരിപാടിയുടെ സുഗമമായ നടത്തിന് വേണ്ടി വി.പി. അബ്ദു റസാഖ് ചെയർമാനും, സമീർ അലി റഫ ജനറൽ കൺവീനറുമായി വിപുലമായ സ്വാഗത സംഘം രൂപീകരിച്ചു.

മറ്റു മെമ്പർമാർ: നസീർ പി കെ (പ്രോഗ്രാം സെക്രട്ടറി), സി.എം. അബ്ദു ലത്വീഫ് (റിഫ്രഷ്മെന്റ്), മുഹമ്മദ് കോയ (ട്രാൻസ്‌പോർട്ട്), ഷബീർ ഉമ്മുൽ ഹസ്സം, ദിൽഷാദ് (വോളന്റീർ), റഷീദ് മാഹി (മീഡിയ), സഹീൻ നിബ്രാസ് (പബ്ലിസിറ്റി), ഹംസ അമേത്ത് (ടെക്നിക്കൽ സപ്പോർട്ട്). ഗഫൂർ RA പാടൂർ (ലൈറ്റ് & സൗണ്ട്), സുഹാദ് ബിൻ സുബൈർ (വെന്യൂ), സലിം പാടൂർ (ക്യാമറ & റെക്കോർഡിങ്) എന്നിവരാണ്.

The post അൽ മന്നാഇ ഈദ് ഗാഹ് സ്വാഗത സംഘം രൂപവത്കരിച്ചു appeared first on Starvision News Malayalam.

മനാമ: സുന്നി ഔഖാഫിന്റെ ആഭിമുഖ്യത്തിൽ ബഹ്‌റൈനിലെ മലയാളി സമൂഹത്തിനായി ഈസ ടൗൺ ഇന്ത്യൻ സ്കൂൾ ഗ്രൗണ്ടില്‍ നടന്ന ഈദ് ഗാഹില്‍ ആയിരങ്ങള്‍ പങ്കെടുത്തു.

വർഷങ്ങളായി തുടര്‍ന്നു വരുന്ന ഇന്ത്യൻ സ്‌കൂൾ ഈദ്ഗാഹില്‍ സ്ത്രീകളും കുട്ടികളുമടക്കമുള്ള കുടുംബങ്ങളുടെ വൻ ജനപങ്കാളിത്തമാണ് ഈ തവണ ഉണ്ടായത്. നമസ്‌കാരത്തിന് സഈദ് റമദാൻ നദ്‌വി നേതൃത്വം നൽകി.

ദേഹേച്ഛയുടെ മേലുള്ള ദൈവേച്ഛയുടെ വിജയ വിളംബരമാണ് ഈദുൽ ഫിത്വർ എന്ന് ഖുതുബ നിർവഹിച്ച ജമാൽ നദ്‌വി പറഞ്ഞു. റമദാനിൽ വിശ്വാസികൾ ആരാധനയെ ആഘോഷമാക്കുകയായിരുന്നു. പെരുന്നാളിൽ അവർ ആഘോഷത്തെ ആരാധനയാക്കുകയാണ്. അല്ലാഹുവിനെ അനുസരിച്ചു കൊണ്ട് ചെയ്യുന്ന നന്മകളും സേവനങ്ങളും ത്യാഗങ്ങളുമൊക്കെ യഥാർത്ഥ വിശ്വാസികളെ സ്വയം വിസ്‌മൃതരാക്കുകയില്ല. അവർ വ്യാജഭക്തിയിലോ ദൈവസാമീപ്യം സിദ്ധിച്ചു കഴിഞ്ഞു എന്ന അഹന്തയിലോ അകപ്പെടുകയുമില്ല. റമദാനിൽ വിശ്വാസികൾ നേടിയെടുത്ത മറ്റൊരു വലിയ മൂലധനമാണ് ക്ഷമ എന്നത്. വൈകാരികമായ സന്തുലിതത്വം ആണ് മുസ്‌ലിം സമൂഹം നേടിയെടുക്കേണ്ടത്. ഭൗതികമായ പരാജയങ്ങളും തിരിച്ചടികളും പരീക്ഷണങ്ങളും വിശ്വാസികളുടെ ജീവിതത്തിന്റെ അനിവാര്യതയാണ്.

ഒരു മാസത്തെ ദൈവമാർഗത്തിലെ ജീവിതപരിശീലനം പൂർത്തിയാക്കിയിട്ടാണ് വിശ്വാസി സമൂഹം പെരുന്നാൾ ആഘോഷിക്കുന്നത്. നോമ്പിലൂടെ നേടിയെടുത്ത പരിശീലനത്തിലൂടെ നിരവധി ഉത്തരവാദിത്തങ്ങൾഅവർക്ക് ഈ ലോകത്ത് ചെയ്തു തീർക്കാനുണ്ട്. സമകാലിക ലോകത്ത് സങ്കീർണമായ സാഹചര്യങ്ങളിലൂടെയാണ് മുസ്‌ലിം സമൂഹം കടന്നുപോവുന്നത്. വർഗീയതയും, വംശീയതയും അതിന്റെ സകല സീമകളും ലംഘിച്ചു കൊണ്ടിരിക്കുന്നു. വംശത്തിന്റെ പേരിൽ വിവേചനം കൽപ്പിക്കുക എന്നത് തന്നെ ഇസ്‌ലാമിക വിരുദ്ധമായ കാര്യമാണ്. വംശീയതയുടെ ലോക ക്രമത്തിനെതിരെ ഇസ്‌ലാം മുന്നോട്ട് വെക്കുന്ന സാഹോദര്യത്തിന്റെ മറ്റൊരു ലോകക്രമത്തെ പ്രചരിപ്പിക്കുകയും പ്രതിനിധീകരിക്കുകയും പ്രകാശിപ്പിക്കുകയും ചെയ്യുക എന്നതാണ് വിശ്വാസികളുടെ ദൗത്യം.

പെരുന്നാൾ ദിവസം അന്തരീക്ഷത്തിൽ മുഴങ്ങുന്ന തക്ബീർ ആ നിലപാടിന്റെ പ്രഖ്യാപനം കൂടിയാണ്. ജനാധിപത്യ സാമൂഹിക ക്രമത്തിന്റെയും നിയമവാഴ്ചയുടെയും എല്ലാ സാധ്യതകളും പ്രയോജനപ്പെടുത്തി മുന്നോട്ട് പോവാൻ വിശ്വാസികൾക്ക് സാധിക്കണം. അവരുടെ വാക്ക്, പ്രവൃത്തി, അനുഭവം എന്നിവയിലൂടെ ഇസ്‌ലാമിനെ അനുഭവിക്കാൻ മറ്റുള്ളവർക്ക് അവസരം ഉണ്ടായാൽ അവിടെ ഇസ്‌ലാമോഫോബിയ ഏശുകയില്ല. വിജയം പുലരുന്ന പുതിയൊരു പ്രഭാതത്തെ കുറിച്ചുള്ള പ്രതീക്ഷകൾ കൂടിയാണ് പെരുന്നാൾ. കഴിഞ്ഞ ഒരു മാസക്കാലം വിശ്വാസികൾ നേടിയെടുത്ത ജീവിത വിശുദ്ധി ഇനിയങ്ങോട്ടുള്ള ദിവസങ്ങളിലും കാത്തുസൂക്ഷിക്കേണ്ടതുണ്ടെന്നും അദ്ദേഹം കൂട്ടിച്ചേർത്തു.

ഈദ് ഗാഹ് ജനറൽ കൺവീനവർ അനീസ് വി.കെ, സകീർ ഹുസൈൻ , മൂസ.കെ.ഹസൻ, ജാബിർ പയ്യോളി, എം.അജ്മൽ ശറഫുദ്ദീൻ, ജുനൈദ്, സിറാജ് കിഴുപ്പള്ളിക്കര, സമീർ ഹസൻ, ഫൈസൽ, സജീർ കുറ്റ്യാടി, ജാസിർ, അൽത്താഫ്, അലി അൽതാഫ്, റഹീസ് സി.പി, നൂർ, ഇജാസ്, സിറാജ് വിപി, അൻസാർ, ഷുഹൈബ്, ഇർഫാൻ, അബ്ദുൽ അഹദ്, ബദർ, മിൻഹാജ്, ജൈസൽ, സാജിർ, റമീസ്, റാഷിക്, ജാഫർ,സലീൽ അബ്ബാസ്. എം, മുഹമ്മദ് മുഹിയുദ്ധീൻ, ജലീൽ, അഹമ്മദ് റഫീഖ്, സമീറ നൗഷാദ്, റഷീദ സുബൈർ, ഷൈമില നൗഫൽ, ലത്തീഫ് കടമേരി, മുസ്‌തഫ, അൽത്താഫ് അഹമ്മദ്, ഹാരിസ് എം.സി, ഇർഷാദ് കുഞ്ഞിക്കനി, ഷുഹൈബ്, സിറാജ് വി.പി, ജാഫർ കെ.ഡി.എം തുടങ്ങിയവർ നേതൃത്വം നൽകി.

The post ഇന്ത്യൻ സ്കൂൾ ഈദ് ഗാഹ്; ആയിരങ്ങൾ ഒഴുകിയെത്തി appeared first on Starvision News Malayalam.

മനാമ : അറ്റ് പോവുകയും അകന്നു പോവുകയും ചെയ്യുന്ന കുടുംബ ബന്ധങ്ങളെ ചേർത്ത് നിർത്തി യെങ്കിൽ മാത്രമേ സൃഷ്ടവിന്റെ സമക്ഷത്തിൽ ഏതൊരുവനും പരിഗണന ലഭിക്കൂ എന്ന് യഹ്‌യ സി ടി വിശ്വാസികളെ ഓർമ്മിപ്പിച്ചു.

സുന്നി ഔഖഫിന്റെ കീഴിൽ അൽ മാന്നാഇ സെന്റർ (മലയാള വിഭാഗം) ഹൂറ ഉമ്മ് ഐമാൻ ഗേൾസ് ഹൈസ്കൂൾ ഗ്രൗണ്ടിൽ നടത്തിയ ഈദ് ഗാഹിന് നേതൃത്വം കൊടുത്ത് സംസാരിക്കുകയായിരുന്നു അദ്ദേഹം.

മാതാ പിതാക്കളോട് നന്മ ചെയ്ത് കൊണ്ട് മാത്രമേ ഒരു യഥാർത്ഥ വിശ്വാസിക്ക് പടച്ചവന്റെ സാമീപ്യം ലഭ്യമാക്കൂ എന്നും അദ്ദേഹം കൂട്ടിച്ചേർത്തു.

ഹിദ്ദ് ഇന്റർമീഡിയേറ്റ് ഗേൾസ് ഹൈസ്കൂളിൽ നടന്ന പ്രാർത്ഥനകൾക്ക് ഷെഫീഖ് സ്വലാഹിയും ഉമ്മുൽ ഹസ്സം സ്പോർട്സ് ക്ലബ്‌ ഗ്രൗണ്ടിൽ നടന്ന ഈദ് ഗാഹിന് സമീർ ഫാറൂഖിയും നേതൃത്വം നൽകി.

The post കുടുംബ ബന്ധങ്ങളെ ചേർത്ത് നിർത്തുക – സി ടി യഹ്‌യ  appeared first on Starvision News Malayalam.

മനാമ: സുന്നി ഔഖാഫിന്റെ ആഭിമുഖ്യത്തിൽ റഫ ലുലു ഹൈപർ മാർക്കറ്റിന്‌ മുൻവശമുള്ള സ്കൂൾ ഗ്രൗണ്ടിൽ നടക്കുന്ന ഈദ്‌ ഗാഹിന്റെ ഒരുക്കങ്ങൾ പൂർത്തിയായതായി സംഘാടകർ അറിയിച്ചു. ഷൈഖ ഹിസ്സ ഇസ്‌ലാമിക്‌ സെന്റർ, ബസാഇർ സെന്റർ എന്നിവയാണ്‌ ഈദ്‌ ഗാഹ്‌ സംഘടിപ്പിക്കുന്നത്‌ ഈദ്‌ ഗാഹ്‌ സംഘടിപ്പിക്കുന്നത്‌. രാവിലെ 5.38ന്‌ നടക്കുന്ന ഈദ്‌ നമസ്കാരത്തിന്‌ ഹാരിസുദ്ദീൻ പറളി നേതൃത്വം നൽകും. സ്ത്രീകൾക്ക്‌ പ്രത്യേക സൗകര്യമുണ്ടായിരിക്കുമെന്നും ഈദ്‌ പ്രാർത്ഥനക്കായി വരുന്നവർ വുദു നിർവഹിച്ച്‌ മുസല്ലയുമായി വരേണ്ടതാണെന്നും സംഘാടകർ അറിയിച്ചു. അബ്ദുറഹ്മാൻ മുള്ളങ്കോത്ത്‌ ചെയർമാനും റഹീസ്‌ കോർഡിനേറ്ററും നവാസ്‌ ഓപി കൺവീനർ, ജോയിന്റ്‌. കൺവീനർമാർ: നസീഫ്‌ ടിപി, റിഫ്ഷാദ്‌, മറ്റ്‌ അംഗങ്ങൾ ആദം ഹംസ, ഹിഷാം, അലി ഉസ്മാൻ, നവാഫ്‌ ടിപി, അൽ അമീൻ, ഓവി മൊയ്ദീൻ, സിദ്ദ്ഖ്‌ നന്മണ്ട, സക്കീർ ചാത്തോത്ത്‌, ഇസ്മായിൽ മുയിപ്പോത്ത്‌ എന്നീ അംഗങ്ങളടങ്ങുന്ന സ്വാഗത സംഘം രൂപികരിച്ചു.

The post റഫ ഈദ്‌ ഗാഹ്‌ ഒരുക്കങ്ങൾ പൂർത്തിയായി appeared first on Starvision News Malayalam.

ഹൂറ ഉമ്മു അയ്മൻ ഗേൾസ് ഹൈ സ്‌കൂൾ ഗ്രൗണ്ട്, ഉമ്മുൽ ഹസ്സം സ്പോർട്സ് ക്ലബ്ബ് ഗ്രൗണ്ട്, ഹിദ്ദ് ഇന്റർമീഡിയറ്റ് ഗേൾസ് ഹൈ സ്‌കൂൾ ഗ്രൗണ്ട് എന്നിവിടങ്ങളിൽ നടക്കുന്ന ഈദ് നമസ്ക്കാരങ്ങൾക്ക് പ്രമുഖ പണ്ഡിതർ നേതൃത്വം വഹിക്കും.ഈദ് ഗാഹുകളുടെ സുഗമമായ നടത്തിപ്പിനായി വിശാലമായ പാർക്കിങ് സൗകര്യങ്ങൾ ഏർപ്പടുത്തിയിട്ടുണ്ടെന്നും സ്ത്രീകൾക്കും കുട്ടികൾക്കും പ്രത്യേക സൗകര്യം ചെയ്തിട്ടുണ്ടെന്നും ഭാരവാഹികൾ അറിയിച്ചു.ഈദ് ദിവസം രാവിലെ 5:38 ന് ആരംഭിക്കുന്ന നമസ്കാരത്തിലേക്ക് എല്ലാവരും കൃത്യ സമയത്ത് തന്നെ എത്തിച്ചേരേണ്ടതാണ്.

The post അൽ മന്നാഇ സെന്റർ ഈദ് ഗാഹുകൾ appeared first on Starvision News Malayalam.