കോക്രോച്ച് ജനതാ പാർട്ടിയുടെയും (സിജെപി) പ്രതിപക്ഷ കക്ഷികളുടെയും പ്രതിഷേധങ്ങളുടെ പശ്ചാത്തലത്തിൽ തലസ്ഥാനത്ത് ഏർപ്പെടുത്തിയ നിയന്ത്രണങ്ങൾ ചോദ്യംചെയ്തുള്ള ഹർജികളിലാണ് ഇടപെടൽ. ഞായറാഴ്ച നടന്ന പ്രത്യേക സിറ്റിങ്ങിൽ ജസ്റ്റിസുമാരായ ജോയ്മാല്യ ബാഗ്ചി, വി. മോഹന എന്നിവരടങ്ങിയ ബെഞ്ചാണ് ഹർജികൾ പരിഗണിച്ചത്.

പ്രതിഷേധിക്കാനുള്ള മൗലികാവകാശം പൗരന്മാർക്കുണ്ടെന്ന് വ്യക്തമാക്കിയ കോടതി, അത് പൊലീസ് ആക്ടിന്റെ ചട്ടക്കൂടിന് വിധേയമായിരിക്കണമെന്നും ചൂണ്ടിക്കാട്ടി. മെട്രോ, റെയിൽവേ സർവീസുകൾ തടസ്സമില്ലാതെ പ്രവർത്തിക്കണം. നിയമപരമായ നിബന്ധനകൾ പാലിച്ചുകൊണ്ട് ഇന്റർനെറ്റ് സേവനങ്ങളും പ്രവർത്തനക്ഷമമായി തുടരണമെന്ന് ബെഞ്ച് നിർദേശിച്ചു.

സുപ്രീംകോടതിയുടെ പരിസരത്തും സെക്ഷൻ 163 പ്രകാരം നിരോധനാജ്ഞ ഏർപ്പെടുത്തിയ വിവരം ശ്രദ്ധയിൽപ്പെട്ടതായി കോടതി വ്യക്തമാക്കി. അഭിഭാഷകർക്കും പൊതുജനങ്ങൾക്കും സുപ്രീംകോടതിയിലേക്കും മറ്റ് കോടതികളിലേക്കും എത്തുന്നതിന് തടസ്സമുണ്ടാകരുത്. നീതി തേടാനുള്ള അവസരം ഉറപ്പാക്കുന്നതിനായി ഈ നിയന്ത്രണം ഉടൻ നീക്കണമെന്നും കോടതി ഉത്തരവിട്ടു.

നഗരത്തിൽ സ്ഥാപിച്ച ബാരിക്കേഡുകളിൽ തികച്ചും അനിവാര്യമായവ ഒഴികെയുള്ളവ അടിയന്തരമായി നീക്കണം. ക്രമസമാധാനം ഉറപ്പാക്കാൻ ആവശ്യമായ നിയന്ത്രണങ്ങൾ നിലനിർത്തിക്കൊണ്ടുതന്നെ ജനങ്ങളുടെ യാത്രാസൗകര്യവും വാഹനഗതാഗതവും പുനഃസ്ഥാപിക്കണമെന്നും ബെഞ്ച് വ്യക്തമാക്കി. പൊതു ക്രമസമാധാന പ്രശ്നങ്ങളില്ലാത്ത സാഹചര്യത്തിൽ ജനങ്ങളുടെ സഞ്ചാരസ്വാതന്ത്ര്യം തടയരുതെന്നും കോടതി നിർദേശിച്ചു.

The post പ്രതിഷേധക്കാരെ അനധികൃതമായി തടഞ്ഞുവെക്കരുത്; നിരോധനാജ്ഞ നീക്കാനും സുപ്രീംകോടതി നിർദേശം appeared first on Starvision News Malayalam.

പൊതുഗതാഗതം പൂർണമായി തടസ്സപ്പെടുത്തരുതെന്ന കോടതി നിർദേശം അധികൃതർ പാലിച്ചില്ലെന്നാണ് കോടതിയലക്ഷ്യ ഹർജിയിലെ പ്രധാന ആരോപണം. മെട്രോ സ്റ്റേഷനുകൾ അടച്ചതും ട്രെയിൻ സർവീസുകൾ നിയന്ത്രിച്ചതും ചൂണ്ടിക്കാട്ടി അഭിഭാഷകൻ ശൈലേന്ദ്ര മണി ത്രിപാഠിയാണ് കോടതിയെ സമീപിച്ചത്. പ്രതിഷേധത്തെ നേരിടാനുള്ള നടപടികൾ സാധാരണ യാത്രക്കാരുടെ സഞ്ചാരത്തെയും ബാധിച്ചുവെന്നാണ് ഹർജിയിൽ ഉന്നയിക്കുന്ന വിഷയം.

അതേസമയം, രാഷ്ട്രീയ നേതാക്കളെയും അഭിഭാഷകരെയും മാധ്യമപ്രവർത്തകരെയും കസ്റ്റഡിയിലെടുത്ത നടപടിക്കെതിരെ രാജ്യസഭാംഗം മേനക ഗുരുസ്വാമി ഹേബിയസ് കോർപ്പസ് ഹർജി നൽകിയിട്ടുണ്ട്. മുൻ മുഖ്യമന്ത്രിമാരും എംപിമാരും ഉൾപ്പെടെയുള്ളവരെ തടങ്കലിലാക്കിയതിന്റെ നിയമസാധുതയാണ് ഹർജിയിൽ ചോദ്യം ചെയ്യുന്നത്.

ചിലരെ വീടുകളിൽനിന്ന് കസ്റ്റഡിയിലെടുത്തതായും പിന്നീട് എവിടേക്കാണ് മാറ്റിയതെന്ന വിവരം ലഭ്യമല്ലെന്നും ഹർജിയിൽ ആരോപിക്കുന്നു. സമാധാനപരമായി പ്രതിഷേധിക്കാനുള്ള അവകാശം തടയുന്നതിന് കരുതൽ തടങ്കൽ ഉപയോഗിക്കരുതെന്നാണ് ഹർജിക്കാരിയുടെ വാദം. വാർത്ത റിപ്പോർട്ട് ചെയ്യാനെത്തിയ മാധ്യമപ്രവർത്തകരെയും പ്രതിഷേധത്തിൽ പങ്കെടുത്ത അഭിഭാഷകരെയും തടഞ്ഞുവെച്ചതും കോടതിയുടെ ശ്രദ്ധയിൽപ്പെടുത്തിയിട്ടുണ്ട്.

ഇതിനിടെ, സുപ്രീംകോടതിക്ക് സമീപത്തെ പ്രതിഷേധവുമായി ബന്ധപ്പെട്ട് കസ്റ്റഡിയിലെടുത്ത അഭിഭാഷകരെ വിട്ടയക്കാൻ ചീഫ് ജസ്റ്റിസ് സൂര്യകാന്ത് ഡൽഹി പൊലീസിന് നിർദേശം നൽകി. ബാർ അസോസിയേഷൻ പരാതി ഉന്നയിച്ചതിനെ തുടർന്നായിരുന്നു ഇടപെടൽ.

The post ഡൽഹിയിലെ പ്രതിഷേധ നിയന്ത്രണങ്ങൾ സുപ്രീംകോടതിക്ക് മുന്നിൽ; അവധിദിനത്തിൽ പ്രത്യേക വാദംകേൾക്കൽ appeared first on Starvision News Malayalam.

തിരുവനന്തപുരം: നിയമസഭ തെരഞ്ഞെടുപ്പില്‍ യുഡിഎഫ് ഭരണം ഉറപ്പിച്ചതോടെ, കോണ്‍ഗ്രസില്‍ നിന്ന് ആരെയാണ് മുഖ്യമന്ത്രിയാക്കേണ്ടത് എന്നതിനെ സംബന്ധിച്ച് മെയ് 10ന് തീരുമാനമെടുക്കും. ഇതിനായി ഹൈക്കമാന്‍ഡുമായി ചര്‍ച്ച നടത്തുന്നതിനായി കോണ്‍ഗ്രസ് നേതാക്കള്‍ മെയ് ഏഴിന് ഡല്‍ഹിക്ക് തിരിക്കുമെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. നിലവില്‍ മുഖ്യമന്ത്രി സ്ഥാനത്തേയ്ക്ക് ഏറ്റവും കൂടുതല്‍ പരിഗണിക്കുന്നത് പ്രതിപക്ഷ നേതാവ് വി ഡി സതീശന്റെ പേരാണ്. വി ഡി സതീശന്റെ നേതൃത്വത്തിലാണ് യുഡിഎഫ് തെരഞ്ഞെടുപ്പിനെ നേരിട്ടത്. യുഡിഎഫിന് വലിയ വിജയം നേടി കൊടുക്കുന്നതില്‍ നിര്‍ണായ പങ്ക് വഹിച്ച വ്യക്തി എന്ന നിലയില്‍ മുഖ്യമന്ത്രി സ്ഥാനത്തേയ്ക്ക് വി ഡി സതീശന്റെ പേരിന് നറുക്ക് വീഴുമെന്ന് തന്നെയാണ് എല്ലാവരും കരുതുന്നത്. വി ഡി സതീശന് പുറമേ മുന്‍ പ്രതിപക്ഷ നേതാവും മുതിര്‍ന്ന കോണ്‍ഗ്രസ് നേതാവുമായ രമേശ് ചെന്നിത്തലയുടെ പേരും മുഖ്യമന്ത്രി സ്ഥാനത്തേയ്ക്ക് പറഞ്ഞു കേട്ടിരുന്നു. മുഖ്യമന്ത്രി ആര് എന്നതിനെ സംബന്ധിച്ച് തര്‍ക്കം ഉടലെടുത്താല്‍ ഒത്തുതീര്‍പ്പ് എന്ന നിലയില്‍ കെ സി വേണുഗോപാലന്റെ പേരും ചര്‍ച്ചകളില്‍ ഉയര്‍ന്നുവന്നിരുന്നു.എന്നാല്‍ കേരളത്തില്‍ യുഡിഎഫ് തരംഗം ആഞ്ഞുവീശിയ പശ്ചാത്തലത്തില്‍ വിജയത്തിന് ചുക്കാന്‍ പിടിച്ച നേതാവ് എന്ന നിലയില്‍ വി ഡി സതീശന്‍ തന്നെ മുഖ്യമന്ത്രിയാകുമെന്നാണ് പാര്‍ട്ടി വൃത്തങ്ങള്‍ നല്‍കുന്ന സൂചന

The post മുഖ്യമന്ത്രി തീരുമാനം മെയ് 10ന്; നേതാക്കള്‍ ഡല്‍ഹിയിലേക്ക് appeared first on Starvision News Malayalam.