Armenia | Starvision News Malayalam

19-ാമത് ഗര്‍ഷോം രാജ്യാന്തര പുരസ്കാരദാനം അർമേനിയയിൽ

News Desk — Fri, 15 Nov 2024 22:18:42 +0000

യെരേവാൻ: ഗർഷോം ഫൗണ്ടേഷന്റെ 2024ലെ ഗര്‍ഷോം രാജ്യാന്തര പുരസ്കാരങ്ങൾ പ്രഖ്യാപിച്ചു. അർമേനിയയൻ തലസ്ഥാനമായ യെരേവാനിലെ ബെസ്റ്റ് വെസ്റ്റേൺ പ്ലസ് കോൺഗ്രസ്സ് ഹോട്ടലിൽ ഇന്ന് (16.11.2024, ശനി) വൈകിട്ട് 6.30 ന് നടക്കുന്ന ചടങ്ങിൽ പുരസ്കാരങ്ങൾ സമ്മാനിക്കും.

2024ലെ ഗർഷോം പുരസ്കാരങ്ങൾക്ക് അർഹരായവർ:

സന്തോഷ് കുമാർ (യുഎഇ)
രവീന്ദ്ര നാഥ് (ഹരിയാന, ഇന്ത്യ)
ധനേഷ് നാരായണൻ (അർമേനിയ)
ഷൈനി ഫ്രാങ്ക് (കുവൈറ്റ്)

മികച്ച മലയാളി സംഘടനയ്ക്കുള്ള അവാർഡിന് ലണ്ടനിലെ ‘മലയാളി അസോസിയേഷൻ ഫോർ ദി യുകെ’ (എം.എ.യു.കെ) അർഹരായി.

=============================================================

18th Garshom International Awards | 2023 ൽ ബഹ്‌റൈനിൽ വച്ച് നടത്തിയ ഗര്‍ഷോം രാജ്യാന്തര പുരസ്കാരത്തിൻറെ പ്രശസ്തഭാഗങ്ങൾ

=============================================================

അർമേനിയൻ പാർലമെന്റ് അംഗം ലിലിത്ത് സ്റ്റഫാനിയാൻ, ഇന്ത്യ പാർലമെൻ്റ് അംഗം സാഗർ ഖന്ധേര എന്നിവർ ഇന്ന് നടക്കുന്ന പുരസ്കാരദാന ചടങ്ങിൽ മുഖ്യാതിഥികളായി പങ്കെടുക്കും. സ്വപ്രയത്‌നംകൊണ്ട് കേരളത്തിന് പുറത്ത് ജീവിത വിജയം നേടുകയും, മലയാളികളുടെ യശ്ശസ് ഉയര്‍ത്തുകയും ചെയ്ത മലയാളികളെ ആദരിക്കുവാന്‍ ബംഗ്ലൂരു ആസ്ഥാനമായ ഗര്‍ഷോം ഫൗണ്ടേഷന്‍ 2002 മുതലാണ് ഗര്‍ഷോം പുരസ്‌കാരങ്ങള്‍ ഏർപ്പെടുത്തിയത്. ഇതുവരെ 94 പ്രവാസി മലയാളികളെയും 17 പ്രവാസി മലയാളി സംഘടനകളെയും ഗർഷോം പുരസ്‌കാരങ്ങൾ നൽകി ആദരിച്ചിട്ടുണ്ട്. മുൻ വർഷങ്ങളിൽ ജപ്പാൻ, നോർവേ, മലേഷ്യ, ബഹ്‌റൈൻ, കുവൈറ്റ്, യു എ ഇ, ഇന്ത്യ എന്നീ രാജ്യങ്ങളിലെ വിവിധ നഗരങ്ങൾ ഗർഷോം പുരസ്‌കാര ദാനച്ചടങ്ങുകൾക്കു ആതിഥ്യമരുളിയിട്ടുണ്ട്.

The post 19-ാമത് ഗര്‍ഷോം രാജ്യാന്തര പുരസ്കാരദാനം അർമേനിയയിൽ appeared first on Starvision News Malayalam.

കരാറിന് പിന്നാലെ വാക്പോരുമായി അർമേനിയയും അസർബൈജാനും

News Desk — Mon, 26 Oct 2020 17:09:53 +0000

ബാകു: വെടി നിർത്തൽ പ്രഖ്യാപിച്ചതിന് പിന്നാലെ പരസ്പരം ആരോപണവുമായി അർമേനിയയും- അസർബൈജാനും. രാവിലെ വെടിനിർത്തൽ കരാർ ലംഘിച്ച് അർമേനിയ ആക്രമിച്ചതായി അസർബൈജാനും, അസൈർബൈജാൻ കരാർ ലംഘിച്ചതായി അർമേനിയയും ആരോപിച്ചു വെടിനിർത്തൽ പ്രഖ്യാപിച്ച് മണിക്കൂറുകൾക്കകമാണ് ആരോപണവുമായി ഇരു രാജ്യങ്ങളും രംഗത്ത് എത്തിയത്.

ലുലു എക്സ്ചേഞ്ചിലൂടെ പണം അയക്കാനായി lulu.app.link/LuLuMoneyApp ക്ലിക്ക് ചെയ്യുക

ധാരണ ലംഘിച്ച് അതിർത്തിയ്ക്ക് സമീപത്തെ സൈനിക കേന്ദ്രങ്ങൾക്ക് നേരെ അർമേനിയ വെടിയുതിർത്തതായി അസർബൈജാൻ പ്രതിരോധ മന്ത്രാലയം ആരോപിച്ചു. അതേസമയം അർമേനിയ ആരോപണം നിഷേധിച്ചു.

തർക്ക മേഖലയായ നാഗൊർനോ- കരാബക്കിന് വേണ്ടി അർമീനിയ- അസർബൈജാൻ പോരാട്ടം തുടരുന്നതിനിടെ കഴിഞ്ഞ ദിവസം അമേരിക്കയുടെ ഇടപെടലിനെ തുടർന്ന് ഇരു രാജ്യങ്ങളും വെടിനിർത്തൽ പ്രഖ്യാപിച്ചത്. സംഘർഷത്തിന്റെ പശ്ചാത്തലത്തിൽ മൂന്നാമത്തെ വെടിനിർത്തൽ പ്രഖ്യാപനമായിരുന്നു ഇത്. കഴിഞ്ഞ രണ്ട് തവണയും വെടിനിർത്തൽ ധാരണ ലംഘിച്ച് ഇരു രാജ്യങ്ങളും പരസ്പരം ആക്രമിച്ചിരുന്നു.

The post കരാറിന് പിന്നാലെ വാക്പോരുമായി അർമേനിയയും അസർബൈജാനും appeared first on Starvision News Malayalam.

അര്‍മേനിയ-അസര്‍ബൈജാന്‍ വെടിനിര്‍ത്തല്‍ പ്രഖ്യാപിച്ചു

News Desk — Sun, 18 Oct 2020 11:50:02 +0000

യെരേവാന്‍: അര്‍മേനിയ-അസര്‍ബൈജാന്‍ യുദ്ധത്തിന് താല്‍ക്കാലിക വിരാമം. മാനുഷികമായ പരിഗണനവച്ച് ഇരുരാജ്യങ്ങളും നാഗോര്‍ണോ-കാരാബാഗ് മേഖലയില്‍ നടത്തിവന്ന ആക്രമങ്ങളാണ് നിര്‍ത്തിവെയ്ക്കാന്‍ തീരുമാനിച്ചത്. ഇരുരാജ്യങ്ങളുടേയും വിദേശകാര്യമന്ത്രിമാരുടെ സംയുക്ത പ്രസ്താവനയാണ് പുറത്തുവന്നിരിക്കുന്നത്.

എൻ.ഇ.സി റെമിറ്റിലൂടെ പണം അയക്കാനായി www.necremit.com ക്ലിക്ക് ചെയ്യുക

ഒരാഴ്ചയ്ക്കിടെ രണ്ടാമത്തെ വെടിനിര്‍ത്തല്‍ കരാറാണ് ഇരുരാജ്യങ്ങളും പ്രഖ്യാപിച്ചത്. ആദ്യത്തേത് ഈ മാസം 10-ാം തീയതി റഷ്യയുടെ സമ്മര്‍ദ്ദത്തെ തുടര്‍ന്നാണുണ്ടായത്. 1988 മുതലാണ് ഇരുരാജ്യങ്ങളും തമ്മില്‍ നാഗാര്‍ണോ-കാരാബാഗ് മേഖലയ്ക്കായി കൊമ്പുകോര്‍ക്കാന്‍ തുടങ്ങിയത്. സമാധാനചര്‍ച്ചകളെ തുടര്‍ന്ന് 1994ല്‍ ആദ്യമായി വെടിനിര്‍ത്തല്‍ പ്രഖ്യാപിച്ചിരുന്നു. എന്നിട്ടും അതിര്‍ത്തി മേഖലകളില്‍ ഏറ്റുമുട്ടലുകള്‍ പതിവായിരുന്നു.

The post അര്‍മേനിയ-അസര്‍ബൈജാന്‍ വെടിനിര്‍ത്തല്‍ പ്രഖ്യാപിച്ചു appeared first on Starvision News Malayalam.