American News | Starvision News Malayalam

സിഖ് വംശജനായ ടാക്‌സി ഡ്രൈവരെ ആക്രമിച്ചു, സ്‌ഫോടക വസ്‌തുക്കൾ എറിഞ്ഞു

staradmin — Sat, 08 Jan 2022 19:42:12 +0000

ന്യൂയോർക്ക്: ഇന്ത്യൻ വംശജനായ ടാക്‌സി ഡ്രൈവർക്ക് നേരെ കടുത്ത വംശീയ അതിക്രമം. സിഖ് വംശജനായ ഒരു ടാക്‌സി ഡ്രൈവർക്ക് നേരെയാണ് അമേരിക്കയിലെ ജോൺ എഫ് കെന്നഡി വിമാനത്താവള പരിസരത്തുവച്ച് ആക്രമണമുണ്ടായത്. 26 സെക്കന്റ് ദൈർഘ്യമുള‌ള വീഡിയോ സമൂഹമാദ്ധ്യമങ്ങളിൽ പ്രചരിക്കുന്നുണ്ട്.

ആക്രമണത്തിനെതിരെ വലിയ പ്രതിഷേധമാണ് ഉയരുന്നത്.ഡ്രൈവറെ അധിക്ഷേപിച്ചയാളെ ഇതുവരെ തിരിച്ചറിഞ്ഞിട്ടില്ല. ഈ കാഴ്‌ചകണ്ട ഒരാളാണ് വീഡിയോ ചിത്രീകരിച്ചത്. ടാക്‌സി ഡ്രൈവറെക്കുറിച്ചും വിവരങ്ങളൊന്നും ലഭ്യമായിട്ടില്ല. ഇദ്ദേഹത്തിന്റെ തലയിലെ സിഖ് വിശ്വാസപ്രകാരമുള‌ള ടർബൻ ആക്രമി തട്ടിത്തെറിപ്പിക്കുകയും ഇയാളുടെ നേരെ ലഘു സ്‌ഫോടനമുണ്ടാക്കുന്ന വസ്‌തുക്കൾ പ്രയോഗിക്കുകയും ചെയ്‌തു. തുടർന്ന് സിഖ് വംശജനായ ഡ്രൈവറെ അടിക്കുകയും മുഷ്‌ടികൊണ്ട് ഇടിക്കുകയും ചെയ്‌തു.

=================================================================================

സ്റ്റാർ വിഷൻ വാര്‍ത്തകള്‍ അറിയാനുള്ള വാട്ട്‌സ്ആപ്പ് ഗ്രൂപ്പ്
https://chat.whatsapp.com/GDF29CaKEQREh14pEVSIdN

സ്റ്റാർ വിഷൻ വീഡിയോ വാര്‍ത്തകള്‍ക്ക്
http://bit.ly/SubToStarvisionNews

=================================================================================

The post സിഖ് വംശജനായ ടാക്‌സി ഡ്രൈവരെ ആക്രമിച്ചു, സ്‌ഫോടക വസ്‌തുക്കൾ എറിഞ്ഞു appeared first on Starvision News Malayalam.

ഫോമാ സാന്ത്വന സംഗീതം; ജയ്ശശങ്കർ നായർക്കുള്ള ആദരം

staradmin — Sat, 08 Jan 2022 19:01:17 +0000

കേരള സെന്ററിന്റെ അവാർഡ് ജേതാവും, അറിയപ്പെടുന്ന ഗായകനുമായ ട്രൈസ്റ്റേറ്റ് മേഖലയിലെ സാമൂഹ്യ സാംസ്കാരിക രംഗത്ത് നിറഞ്ഞു നിന്ന ജയ് നായരോടുള്ള ആദര സൂചകമായി ഫോമയുടെ എൺപതാം എപ്പിസോഡ് ജനുവരി 9 ന് നടക്കും. 2021 ഡിസംബർ 29 നു ആണ് ജയ്ശങ്കർ നായർ ന്യൂജേഴ്‌സിയിൽ അന്തരിച്ചത്.

=================================================================================

സ്റ്റാർ വിഷൻ വീഡിയോ വാര്‍ത്തകള്‍ക്ക്
http://bit.ly/SubToStarvisionNews

=================================================================================
എപ്പിസോഡിൽ സിജി ആനന്ദ്, ലൂസി കുര്യാക്കോസ്, ശ്രീദേവി,എന്നീ ഗായകർ ഗാനങ്ങൾ ആലപിക്കും. സിബി ഡേവിഡ്, ഷൈനി അബൂബക്കർ, രാജൻ ചീരൻ എന്നിവർ ഗാനാലാപന പരിപാടിയെ നയിക്കും. ജയ് ശങ്കർ നായരോടുള്ള ആദരസൂചകമായി നടക്കുന്ന സാന്ത്വന സംഗീതം പരിപാടിയിൽ എല്ലാ സഹൃദയരും, പങ്കെടുത്തു വിജയിപ്പിക്കണമെന്ന് ഫോമാ പ്രസിഡന്റ് അനിയൻ ജോർജ്ജ്, ജനറൽ സെക്രട്ടറി ടി.ഉണ്ണികൃഷ്ണൻ, വൈസ് പ്രസിഡന്റ് പ്രദീപ് നായർ, ജോയിന്റ് സെക്രട്ടറി ജോസ് മണക്കാട്ട്, ജോയിന്റ് ട്രഷറർ ബിജു തോണിക്കടവിൽ എന്നിവർ അഭ്യർത്ഥിച്ചു.

The post ഫോമാ സാന്ത്വന സംഗീതം; ജയ്ശശങ്കർ നായർക്കുള്ള ആദരം appeared first on Starvision News Malayalam.

വിദ്യാലയങ്ങള്‍ തുറന്നു പ്രവര്‍ത്തിക്കണമെന്ന് ബൈഡന്‍

staradmin — Wed, 05 Jan 2022 20:57:00 +0000

പി.പി. ചെറിയാന്‍

വാഷിംഗ്ടണ്‍ ഡിസി: അമേരിക്കയില്‍ കോവിഡ് വ്യാപനം റിക്കാര്‍ഡ് തലത്തിലേക്കുയരുന്നതിനിടയിലും, ഒമിക്രോണ്‍ ശക്തിപ്പെടുന്നതിനിടയിലും വിദ്യാലയങ്ങള്‍ തുറന്നു പ്രവര്‍ത്തിക്കണമെന്ന ആഹ്വാനവുമായി പ്രസിഡന്റ് ജോ ബൈഡന്‍. പല സ്‌കൂള്‍ ഡിസ്ട്രിക്ടുകളും വെര്‍ച്വല്‍ പഠനത്തിലേക്ക് മാറുന്നതിനിടയിലാണ് പ്രസിഡന്റിന്റെ പുതിയ നിര്‍ദേശം.

ഫെഡറല്‍ റിലീഫ് ഫണ്ട് ഉപയോഗിച്ച് വിദ്യാലയങ്ങള്‍ തുറന്നു പ്രവര്‍ത്തിക്കുന്നതിനുള്ള നടപിടികള്‍ ലോക്കന്‍ ലീഡേഴ്‌സും, സ്‌കൂള്‍ അധികൃതരും അടിയന്തരമായി സ്വീകരിക്കണമെന്നു ഡിസംബര്‍ നാലിനു ചൊവ്വാഴ്ച ബൈഡന്‍ നിര്‍ദേശിച്ചു.

=================================================================================

Read Also: ഫിലാഡൽഫിയയിലെ തീപിടിത്തത്തിൽ കുട്ടികളടക്കം നിരവധി പേർ മരിച്ചു
^{https://ml.starvisionnews.com/philadelphia-fire/}

=================================================================================

ഒമിക്രോണ്‍ മുന്‍ വേരിയന്റുകളെ അപേക്ഷിച്ച് ഗുരുതരമല്ലെന്നാണ് വിശ്വാസമെന്നും, നമ്മുടെ കുട്ടികള്‍ കൂടുതല്‍ സുരക്ഷിതരാകുക വിദ്യാലയങ്ങളിലാണെന്നും ബൈഡന്‍ വൈറ്റ് ഹൗസില്‍ നടത്തിയ പ്രസ്താവനയില്‍ പറയുന്നു. അതുകൊണ്ടാണ് സ്‌കൂളുകള്‍ തുറന്നു പ്രവര്‍ത്തിക്കാന്‍ നിര്‍ദേശം നല്‍കിയതെന്നും ബൈഡന്‍ കൂട്ടിച്ചേര്‍ത്തു.

130 ബില്യന്‍ ഡോളറാണ് അമേരിക്കന്‍ റസ്‌ക്യൂ പ്ലാനിന്റെ ഭാഗമായി വിദ്യാര്‍ഥികള്‍ക്ക് സുരക്ഷിതത്വം നല്‍കുന്നതിനു സംസ്ഥാനങ്ങള്‍ക്കും, പ്രാദേശിക ഗവണ്‍മെന്റുകള്‍ക്കും വിതരണം ചെയ്തിരിക്കുന്നത്. 12-നും 15-നും ഇടയിലുള്ള കുട്ടികള്‍ക്ക് ബൂസ്റ്റര്‍ ഡോസ് നല്‍കുന്നതിനുള്ള ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷന്റെ തീരുമാനം ഉടന്‍ നടപ്പിലാക്കുമെന്നും ബൈഡന്‍ ഉറപ്പുനല്‍കി.

The post വിദ്യാലയങ്ങള്‍ തുറന്നു പ്രവര്‍ത്തിക്കണമെന്ന് ബൈഡന്‍ appeared first on Starvision News Malayalam.

ഫിലാഡൽഫിയയിലെ തീപിടിത്തത്തിൽ കുട്ടികളടക്കം നിരവധി പേർ മരിച്ചു

staradmin — Wed, 05 Jan 2022 20:01:41 +0000

ഫിലാഡൽഫിയയിലെ അപ്പാർട്ട്‌മെന്റ് കെട്ടിടത്തിലുണ്ടായ തീപിടിത്തത്തിൽ സ്‌മോക്ക് ഡിറ്റക്ടറുകൾ അണയ്‌ക്കാത്തതിനെ തുടർന്ന് ബുധനാഴ്ച പുലർച്ചെയുണ്ടായ തീപിടിത്തത്തിൽ ഏഴ് കുട്ടികളടക്കം 13 പേർ കൊല്ലപ്പെട്ടതായി ഫിലാഡൽഫിയ ഫയർ ഡിപ്പാർട്ട്‌മെന്റ് അറിയിച്ചു.

നഗരത്തിലെ പബ്ലിക് ഹൗസിംഗ് അതോറിറ്റിയുടെ ഉടമസ്ഥതയിലുള്ള നഗരത്തിലെ ഫെയർമൗണ്ട് പരിസരത്തുള്ള മൂന്ന് നിലകളുള്ള റോ ഹൗസിന്റെ രണ്ടാം നിലയിലെ തീ നിയന്ത്രണവിധേയമാക്കാൻ രാവിലെ 6:40 ഓടെ അഗ്നിശമന സേനാംഗങ്ങൾ എത്തി 50 മിനിറ്റോളം പരിശ്രമിച്ചു.

രണ്ട് എക്സിറ്റുകളിൽ ഒന്നിലൂടെ എട്ട് പേർക്ക് രക്ഷപ്പെടാൻ കഴിഞ്ഞു, ഏഴ് കുട്ടികളും കൊല്ലപ്പെട്ടവരിൽ ഉൾപ്പെടുന്നുവെന്ന് ഫിലാഡൽഫിയ ഡെപ്യൂട്ടി ഫയർ കമ്മീഷണർ ക്രെയ്ഗ് മർഫി വാർത്താ സമ്മേളനത്തിൽ പറഞ്ഞു.

മരണസംഖ്യയിൽ മാറ്റമുണ്ടാകുമെന്നും , കെട്ടിടത്തിൽ നാല് സ്മോക്ക് ഡിറ്റക്ടറുകൾ ഉണ്ടായിരുന്നെങ്കിലും അവ പ്രവർത്തനക്ഷമമായില്ലെന്ന് അഗ്നിശമനസേനാ ഉദ്യോഗസ്ഥർ പറഞ്ഞു.

The post ഫിലാഡൽഫിയയിലെ തീപിടിത്തത്തിൽ കുട്ടികളടക്കം നിരവധി പേർ മരിച്ചു appeared first on Starvision News Malayalam.

ക്രിസ്മസ് ട്രീയിൽ നിന്ന് തീ പടര്‍ന്ന് പിടിച്ച് പിതാവിനും രണ്ട് കുട്ടികള്‍ക്കും ദാരുണാന്ത്യം

staradmin — Sun, 26 Dec 2021 20:35:44 +0000

പെന്‍സില്‍വാനിയ: വിളക്കുകള്‍ തൂക്കി അലങ്കരിച്ച ക്രിസ്മസ് ട്രീയ്ക്ക് തീ പിടിച്ച് പെന്‍സില്‍വാനിയയിലെ ക്വാക്കര്‍ടൗണില്‍ ഒരു കുടുംബത്തിലെ അച്ഛനും രണ്ട് ആണ്‍മക്കളുമാണ് തീപിടുത്തത്തില്‍ കൊല്ലപ്പെട്ടത്. 41 കാരനായ എറിക് കിംഗ്, മക്കളായ പതിനൊന്നു വയസ്സുകാരന്‍ ലിയാം, എട്ടു വയസ്സുകാരന്‍ പാട്രിക്ക് എന്നിവരാണ് വെന്തു മരിച്ചത്.

ഇവരുടെ വീട്ടിലെ രണ്ട് നായക്കുട്ടികളും തീയില്‍ കൊല്ലപ്പെട്ടു. വീടിനു മുന്‍പിലെ വലിയ മരത്തില്‍ വിളക്കുകള്‍ തൂങ്ങിയിരുന്നു. ഈ വിളക്കുകളില്‍ നിന്ന് മരത്തിന് തീ പിടിക്കുകയും പിന്നീട് വീട്ടിലേക്ക് തീ പടര്‍ന്നു പിടിക്കുകയുമായിരുന്നു. എറികിന്റെ ഭാര്യയും മൂത്ത മകനും അപകടം കൂടാതെ രക്ഷപ്പെട്ടു. എറികിന്റെ വീടും അതിനോട് ചേര്‍ന്നുള്ള മറ്റു രണ്ടു വീടുകളും തീപിടുത്തത്തില്‍ കത്തി നശിച്ചു.

The post ക്രിസ്മസ് ട്രീയിൽ നിന്ന് തീ പടര്‍ന്ന് പിടിച്ച് പിതാവിനും രണ്ട് കുട്ടികള്‍ക്കും ദാരുണാന്ത്യം appeared first on Starvision News Malayalam.

ബെല്‍വുഡ് സെന്റ് ഗ്രിഗോറിയോസ് ഓര്‍ത്തഡോക്‌സ് കത്തീഡ്രലില്‍ ഓര്‍മ്മപ്പെരുന്നാള്‍

staradmin — Sun, 26 Dec 2021 19:44:46 +0000

ഷിക്കാഗോ: ബെല്‍വുഡ് സെന്റ് ഗ്രിഗോറിയോസ് ഓര്‍ത്തഡോക്‌സ് കത്തീഡ്രലില്‍ മലങ്കര ഓര്‍ത്തഡോക്‌സ് സഭയുടെ വലിയ ബാവയെന്നറിയപ്പെടുന്ന പരിശുദ്ധ ബസേലിയോസ് ഗീവര്‍ഗീസ് ദ്വിതീയന്‍ ബാവയുടെ അമ്പത്തെട്ടാമത് ഓര്‍മ്മപ്പെരുന്നാള്‍ 2022 ജനുവരി രണ്ടാം തീയതി ഞായറാഴ്ച നടക്കും.

ഓര്‍ത്തഡോക്‌സ് സഭയുടെ ബെംഗ്ലൂര്‍ ഭദ്രാസനാധിപന്‍ അഭിവന്ദ്യ ഡോ. ഏബ്രഹാം മാര്‍ സെറാഫിം തിരുമേനി മുഖ്യ കാര്‍മികനായിരിക്കും. 9 മണിക്ക് പ്രഭാത നമസ്‌കാരം, 10-ന് വിശുദ്ധ കുര്‍ബാന, ധൂപ പ്രാർഥന, അനുസ്മരണ യോഗം, കൈമുത്ത്, ശ്രാദ്ധ സദ്യ എന്നിവയുണ്ടായിരിക്കും.

The post ബെല്‍വുഡ് സെന്റ് ഗ്രിഗോറിയോസ് ഓര്‍ത്തഡോക്‌സ് കത്തീഡ്രലില്‍ ഓര്‍മ്മപ്പെരുന്നാള്‍ appeared first on Starvision News Malayalam.

ലോകത്തിന് ദൈവം നല്‍കിയ വിലമതിക്കാനാകാത്ത സമ്മാനമാണ് ക്രിസ്തു: ഫിലിക്‌സിനോസ് എപ്പിസ്‌കോപ്പ

staradmin — Sun, 26 Dec 2021 18:55:18 +0000

ഡാലസ്: അന്ധകാരം തളംകെട്ടി കിടന്നിരുന്ന ജീവിതപന്ഥാവില്‍ ഒരടിപോലും മുമ്പോട്ടു പോകാന്‍ കഴിയാതെ തടഞ്ഞിരുന്ന ലോക ജനതക്ക് പ്രകാശമായി മാറുന്നതിനും ശരിയായ ദിശ ഏതെന്നു കാണിച്ചുകൊടുക്കുന്നതിനും പിതാവായ ദൈവം ലോകത്തിനു നല്‍കിയ വിലമതിക്കാനാകാത്ത സമ്മാനമാണു മിശിഹായായ യേശുക്രിസ്തുവെന്നു നോര്‍ത്ത് അമേരിക്ക യൂറോപ്പ് മാര്‍ത്തോമ ഭദ്രാസനാധിപന്‍ റൈറ്റ് റവ.ഡോ.ഐസക്ക് മാര്‍ ഫിലിക്‌സിനോസ് പറഞ്ഞു.

ഡാലസ് സെന്റ്.പോള്‍സ് മാര്‍ത്തോമ ചര്‍ച്ച് ക്രിസ്സ്മസ് കരോള്‍ പരിപാടിയില്‍ സന്ദേശം നല്‍കുകയായിരുന്നു തിരുമേനി. നമ്മുടെ ജീവിതപാതയില്‍ തന്റെ രക്ഷയുടെ സന്തോഷ കിരണങ്ങള്‍ വിതറുന്നതിനായി 2000 വര്‍ഷങ്ങള്‍ക്കു മുന്‍പ് സാക്ഷാല്‍ വെളിച്ചമായ യേശു ഈ പാപലോകത്തെ സന്ദര്‍ശിച്ച മഹാസംഭവത്തെ കുറിച്ച് ഈ ക്രിസ്മസ് ദിനത്തില്‍ ഓര്‍ത്ത് നമുക്ക് സന്തോഷിക്കാം.

അനുതാപത്തോടും വിനയത്തോടും ഭക്ത്യാദരവോടും കൂടെ യേശുനാഥന്റെ മുമ്പില്‍ വണങ്ങുന്നവര്‍ക്ക് അവനെ രക്ഷകനും കര്‍ത്താവുമായി അംഗീകരിക്കുന്നവര്‍ക്ക് ഭൗമികമായ അന്ധകാരത്തെ എന്നെന്നേക്കുമായി തുടച്ചുമാറ്റുന്ന ജീവന്റെ പ്രകാശത്തില്‍ നടക്കുവാന്‍ കഴിയുമെന്നും തിരുമേനി ഓര്‍മിപ്പിച്ചു. ക്രിസ്തുവിന്റെ പ്രകാശം വെളിപ്പെടുമ്പോള്‍ പാപത്തിന്റെ അന്ധകാരം പിന്‍മാറുമെന്നും തിരുമേനി കൂട്ടിച്ചേര്‍ത്തു.

ജോണ്‍ തോമസ് പ്രാരംഭ പ്രാര്‍ഥന നടത്തി. ഇടവക സെക്രട്ടറി ഈശോ തോമസ് സ്വാഗതം പറഞ്ഞു. ടെസി കോരുത്ത്, സുമ ഫിലിപ്പ് എന്നിവര്‍ നിശ്ചയിക്കപ്പെട്ട പാഠഭാഗങ്ങള്‍ വായിച്ചു. ഇടവക മലയാളം, ഇംഗ്ലീഷ് ഗായക സംഘാംഗങ്ങള്‍ മനോഹരമായ ക്രിസ്മസ് ഗാനങ്ങള്‍ ആലപിച്ചു.

തുടര്‍ന്ന് സണ്‍ഡേ സ്‌കൂള്‍ വിദ്യാര്‍ഥികള്‍ അവതരിപ്പിച്ച ക്രിസ്മസ് നാറ്റിവിറ്റി സീന്‍ ക്രിസ്മസിന്റെ പൂര്‍ണ സന്ദേശം ഉള്‍ക്കൊള്ളുന്നതായിരുന്നു. ഇടവകയുടെ നിയുക്ത വികാരി റവ. ഷൈജു സി ജോയി അച്ചന്‍ പ്രസംഗിച്ചു. ക്വയര്‍ സെക്രട്ടറി ലിജി സ്‌കറിയ നന്ദി പറഞ്ഞു. രാജന്‍ കുഞ്ഞ് ചിറയിലിന്റെ സമാപന പ്രാര്‍ഥനക്കും ഷൈജു അച്ചന്റെ പ്രാര്‍ഥനക്കും ശേഷം ലഘുഭക്ഷണത്തോടെ ക്രിസ്മസ് ആഘോഷങ്ങള്‍ സമാപിച്ചു.

The post ലോകത്തിന് ദൈവം നല്‍കിയ വിലമതിക്കാനാകാത്ത സമ്മാനമാണ് ക്രിസ്തു: ഫിലിക്‌സിനോസ് എപ്പിസ്‌കോപ്പ appeared first on Starvision News Malayalam.

ഒരു കുടുംബത്തിലെ 7 പേർ മരിച്ച നിലയിൽ

staradmin — Wed, 22 Dec 2021 12:25:36 +0000

മിനിസോട്ട: ഹൊണ്ടൂറസ് ടൗണിൽ നിന്നും അമേരിക്കയിലെ മൂർഹെഡ്‍ലേക്കു കുടിയേറിയ ഒരു കുടുംബത്തിലെ 3 കുട്ടികൾപ്പെടെ ഏഴു പേരെ താമസിച്ചിരുന്ന വീട്ടിൽ മരിച്ച നിലയിൽ കണ്ടെത്തി. ഡിസംബർ 19 ഞായറാഴ്ച അതിരാവിലെ വെൽഫെയർ ചെക്കിനെത്തിയ ഉദ്യോഗസ്ഥരാണു വീട്ടിനകത്തു മൃതദേഹങ്ങൾ കണ്ടെത്തിയത്.

ഗ്യാസ് ലീക്കോ കാർബൻ മോണോസൈയ്ഡ് ശ്വസിച്ചതാണോ മരണകാരണമെന്നു പറയാൻ അധികൃതർ വിസമ്മതിച്ചു. മൃതദേഹങ്ങൾ ജന്മദേശമായ ഹൊണ്ടൂറസിലേക്കു കൊണ്ടുപോകുമെന്നു ബന്ധുക്കൾ പറഞ്ഞു. അതിനാവശ്യമായ ഫണ്ട് സ്വരൂപിക്കുന്നതിനു ഗോ ഫണ്ട് മീ ആരംഭിച്ചിട്ടുണ്ട്. 50,000 ഡോളറാണു പ്രതീക്ഷിക്കുന്നത്.

ബെലിൻ ഹെർനാണ്ടസ് (37), മാർലെനി പിന്റൊ (34), ബെർലിൻ ഹെർനാണ്ടസ് (16), മൈക്ക് ഹെർനാണ്ടസ് (7), മാർബെലി ഹെർനാണ്ടസ് (5), എൽഡോർ ഹെർനാണ്ടസ് (32), മാരിയേല ഗുസ്മാൻ പിന്റൊ (19) എന്നിവരാണു മരിച്ചവർ.വീട്ടിനകത്തേക്ക് ആരെങ്കിലും കടന്നു കയറിയതിന്റെയോ പരുക്കുകൾ പറ്റിയതിന്റെയോ തെളിവുകൾ ഒന്നും ഇല്ലെന്നും മരണകാരണം ഓട്ടോപ്സിക്കു ശേഷം മാത്രമേ വെളിപ്പെടുത്താനാകൂ എന്നും പൊലിസ് പറഞ്ഞു.

‍

The post ഒരു കുടുംബത്തിലെ 7 പേർ മരിച്ച നിലയിൽ appeared first on Starvision News Malayalam.

ഒമിക്രോണിനെതിരെ സൈനിക സഹായം തേടി ബൈഡന്‍

staradmin — Tue, 21 Dec 2021 20:21:15 +0000

ഹൂസ്റ്റൻ: കൊറോണ വൈറസ് കേസുകള്‍ അതിവേഗം വർധിച്ചുകൊണ്ടിരിക്കുമ്പോള്‍, ക്രിസ്തുമസിന് ഇത് വീണ്ടും വർധിക്കുമെന്നാണ് സൂചന. കൊറോണ വൈറസിന്റെ പുതിയ വകഭേദമായ ഒമിക്രോൺ വ്യാപിച്ചാൽ ആശുപത്രികളെ സഹായിക്കാന്‍ 1000 സൈനിക മെഡിക്കല്‍ പ്രൊഫഷണലുകളെ സജ്ജമാക്കാന്‍ യുഎസ് പ്രസിഡന്റ് ജോ ബൈഡന്‍ തയാറെടുക്കുന്നു. പുതിയ ഫെഡറല്‍ ടെസ്റ്റിംഗ് സൈറ്റുകള്‍ സ്ഥാപിക്കുക, നൂറുകണക്കിന് ഫെഡറല്‍ വാക്‌സിനേറ്റര്‍മാരെ വിന്യസിക്കുക, സൗജന്യമായി വിതരണം ചെയ്യാന്‍ 500 ദശലക്ഷം റാപ്പിഡ് ടെസ്റ്റുകള്‍ക്കുള്ള കിറ്റുകൾ എന്നിവ ഉള്‍പ്പെടെ, കൊറോണ വൈറസ് കേസുകളുടെ അമ്പരപ്പിക്കുന്ന കുതിച്ചുചാട്ടത്തെ നേരിടാനാണ് പ്രസിഡന്റ് ഒരുങ്ങുന്നത്.

ആളുകള്‍ക്ക് അവരുടെ വീടുകളിലേക്ക് സൗജന്യമായി പരിശോധനകള്‍ അയക്കാന്‍ അഭ്യർഥിക്കാന്‍ കഴിയുന്ന ഒരു വെബ്സൈറ്റ് സൃഷ്ടിക്കാന്‍ സര്‍ക്കാര്‍ ഉദ്ദേശിക്കുന്നതായി മുതിര്‍ന്ന ഉദ്യോഗസ്ഥര്‍ വ്യക്തമാക്കി. സ്വകാര്യ ആരോഗ്യ ഇന്‍ഷുറന്‍സ് ഉള്ള 150 ദശലക്ഷം അമേരിക്കക്കാര്‍ക്ക് ജനുവരി പകുതി മുതല്‍ വീട്ടില്‍ തന്നെയുള്ള കോവിഡ് -19 ടെസ്റ്റുകള്‍ക്ക് പണം തിരികെ ലഭിക്കുമെന്ന് പ്രസിഡന്റ് വാഗ്ദാനം ചെയ്തു. ബൂസ്റ്റര്‍ ഷോട്ടുകളിലേക്കുള്ള പ്രവേശനം തന്റെ ഭരണകൂടം മെച്ചപ്പെടുത്തുമെന്നും പുതിയ ടെസ്റ്റിംഗ് നടത്തുമെന്നും അദ്ദേഹം പറഞ്ഞു.

The post ഒമിക്രോണിനെതിരെ സൈനിക സഹായം തേടി ബൈഡന്‍ appeared first on Starvision News Malayalam.

ഇന്ത്യൻ വംശജ മീര ജോഷി അടക്കം അഞ്ച് വനിതകൾ ഡെപ്യുട്ടി മേയർമാർ

staradmin — Tue, 21 Dec 2021 18:20:45 +0000

ന്യു യോർക്ക്: ജനുവരി ഒന്നിന് ന്യു യോർക്ക് സിറ്റി മേയറായി സ്ഥാനമേൽക്കുന്ന എറിക് ആഡംസ്, ഇന്ത്യൻ വംശജ മീര ജോഷി അടക്കം അഞ്ച് വനിതകളെ ഡെപ്യുട്ടി മേയർമാരായി നിയമിച്ചു. മീര ജോഷി ഡെപ്യൂട്ടി മേയർ-ഓപ്പറേഷൻസ് ആയി സേവനമനുഷ്ഠിക്കും. ലോറൈൻ ഗ്രില്ലോ, മരിയ ടോറസ്-സ്പ്രിംഗർ, ഷീന റൈറ്റ്, ആനി വില്യംസ് ഐസോം എന്നിവരാണ് നിയമിതനായ മറ്റുള്ളവർ. പെൻസിൽവാനിയ സർവകലാശാലയിൽ നിന്ന് ജോഷി ബിരുദവും നിയമ ബിരുദവും നേടി. അഞ്ച് വർഷം സിറ്റിയുടെ ടാക്‌സി ആൻഡ് ലിമോസിൻ കമ്മീഷന്റെ ചെയർ ആയിരുന്നു അറ്റോർണി ആയ മീര ജോഷി. ആ സ്ഥാനത്ത് വലിയ പരാതികൾക്കിടയാകാതെ മുന്നോട്ടു നയിക്കാൻ അവർക്കായി. നഗരത്തെ ശരിയാ രീതിയിൽ നയിക്കാൻ വേണ്ട അറിവും പരിചയവും കഴിവും ഉള്ളവരാണ് നിയമിതരായ എല്ലാവരുമെന്ന് എറിക് ആഡംസ് പറഞ്ഞു.

‘മേയർ ആയി തിരഞ്ഞെടുക്കപ്പെട്ട എറിക് ആഡംസിനെയും എല്ലാ ന്യൂയോർക്കുകാരെയും സേവിക്കുന്നതിൽ ഞാൻ അഭിമാനിക്കുന്നു,’ ജോഷി പറഞ്ഞു. “ഞങ്ങളുടെ മുന്നോട്ടുള്ള ജോലി വ്യക്തമാണ്. നഗരത്തിന്റെ പ്രവർത്തനങ്ങൾ ഓരോ സമൂഹത്തിന്റെയും ആവശ്യങ്ങൾ നിറവേറ്റുകയും കാര്യങ്ങളോട് തത്സമയം പ്രതികരിക്കുകയും അതുവഴി എല്ലാ നഗര കേന്ദ്രങ്ങൾക്കും മികവിന്റെ മാതൃകയാകുകയും വേണമെന്ന് അവർ വ്യക്തമാക്കി.

The post ഇന്ത്യൻ വംശജ മീര ജോഷി അടക്കം അഞ്ച് വനിതകൾ ഡെപ്യുട്ടി മേയർമാർ appeared first on Starvision News Malayalam.