കേരളത്തിലെ കലാസാംസ്കാരിക രംഗത്ത് നിറഞ്ഞുനിന്ന സാന്നിധ്യം സൂര്യ കൃഷ്ണമൂർത്തിക്ക് ബഹ്റൈൻ എ.കെ.സി. സി.യുടെ യാത്രാമൊഴി.

ഒരു കലാകാരൻ എന്ന നിലയിൽ മാത്രമല്ല നാടിനെ, സാംസ്കാരികമായി കെട്ടിപ്പെടുക്കുന്ന വ്യക്തി കൂടിയാണെന്ന് ജീവിതത്തിലൂടെ കാണിച്ചുതന്ന മഹാപ്രതിഭയാണ് സൂര്യ കൃഷ്ണമൂർത്തിയെന്ന് ബഹ്റൈൻ എ.കെ.സി. സി.പ്രസിഡണ്ട് ചാൾസ് ആലുക്ക പറഞ്ഞു.

അടിയന്തരമായി ചേർന്ന ബഹ്റൈൻ എ.കെ.സി.സി.യുടെ ഭാരവാഹികളുടെ യോഗത്തിൽ ജനറൽ സെക്രട്ടറി ജീവൻ ചാക്കോ സ്വാഗതവും വൈസ് പ്രസിഡന്റ് പോളി വിതയത്തിൽ നന്ദിയും രേഖപ്പെടുത്തി.

The post നടരാജ കൃഷ്ണമൂർത്തിക്ക് (സൂര്യ കൃഷ്ണമൂർത്തിക്ക്) ബഹ്റൈൻ എ.കെ. സി സി.യുടെ കണ്ണീർ പ്രണാമം…. appeared first on Starvision News Malayalam.

മനാമ: യാത്രകൾ ഇഷ്ടപ്പെടുന്നവർക്ക് സഹായവും വഴികാട്ടിയുമാകുക എന്ന ലക്ഷ്യത്തോടെ ബഹ്‌റൈൻ എ.കെ.സി.സി.യുടെ സഫാരി ക്ലബ് പ്രവർത്തനമാരംഭിച്ചു. എ.കെ.സി.സി. ഗ്ലോബൽ സെക്രട്ടറിയും ബഹ്‌റൈൻ പ്രസിഡന്റുമായ ചാൾസ് ആലുക്ക ക്ലബ്ബിന്റെ ഉദ്ഘാടനം നിർവഹിച്ചു.

യാത്രകളിലൂടെ പുതിയ അനുഭവങ്ങൾ പങ്കുവെക്കുന്നതിനൊപ്പം മനുഷ്യബന്ധങ്ങളുടെ ഊഷ്മളതയും സൗഹൃദവും വളർത്തുകയാണ് സഫാരി ക്ലബ്ബിന്റെ ലക്ഷ്യമെന്ന് ചാൾസ് ആലുക്ക പറഞ്ഞു.

ലാഭേച്ഛയില്ലാതെ, സമാന താൽപര്യങ്ങളുള്ളവർക്കായി വർഷത്തിൽ മൂന്നോ നാലോ യാത്രകൾ കുറഞ്ഞ ചെലവിൽ നിയമാനുസൃതമായി സംഘടിപ്പിക്കാനാണ് ക്ലബ് ലക്ഷ്യമിടുന്നതെന്ന് വൈസ് പ്രസിഡന്റ് പോളി വിതത്തിൽ അറിയിച്ചു. ജാതി, മത, രാഷ്ട്രീയ വ്യത്യാസങ്ങൾക്കതീതമായി എല്ലാവർക്കും യാത്രകളിൽ പങ്കെടുക്കാനാകുമെന്നും അദ്ദേഹം വ്യക്തമാക്കി.

ക്ലബ്ബിന്റെ ആദ്യ യാത്ര ഡിസംബർ 16ന് നടക്കും. ‘തന്നന്നം താനെന്നം താളത്തിലാടി’ എന്ന പേരിൽ സംഘടിപ്പിക്കുന്ന പരിപാടിയിലൂടെ ബഹ്‌റൈനിലെ പ്രധാന കേന്ദ്രങ്ങളെ പരിചയപ്പെടുത്തും. സാമ്പത്തിക ബുദ്ധിമുട്ടുകൾ കാരണം യാത്രകൾ സാധ്യമാകാത്തവരെയും ഉൾപ്പെടുത്തിക്കൊണ്ടാകും പരിപാടികൾ സംഘടിപ്പിക്കുകയെന്ന് എ.കെ.സി.സി. ജനറൽ സെക്രട്ടറി ജീവൻ ചാക്കോ പറഞ്ഞു.

നാട്ടിലെ വൃദ്ധസദനങ്ങളിൽ കഴിയുന്ന മുതിർന്നവർക്കായി വർഷത്തിൽ ഒരു യാത്രയെങ്കിലും സംഘടിപ്പിക്കുമെന്നും സഫാരി ക്ലബ് കൺവീനർ രതീഷ് സെബാസ്റ്റ്യനും ജോയിന്റ് കൺവീനർ റോബിൻ കെ. സെബാസ്റ്റ്യനും അറിയിച്ചു.

ചടങ്ങിൽ പോൾ ഉറുവത്ത്, ജെൻസൻ ദേവസ്സി, ജസ്റ്റിൻ ജോർജ്, ബൈജു, പ്രിൻസ് ജോസ്, ജിജോ, ജയിംസ് ജോസഫ് എന്നിവർ സംസാരിച്ചു. ജോജി കുര്യൻ സ്വാഗതവും ഫിനാൻസ് സെക്രട്ടറി ജിബി അലക്സ് നന്ദിയും പറഞ്ഞു.

The post യാത്രാപ്രേമികൾക്ക് കൂട്ടായി എ.കെ.സി.സി. സഫാരി ക്ലബ്; ആദ്യ യാത്ര ഡിസംബർ 16ന് appeared first on Starvision News Malayalam.

മനാമ: സീറോ മലബാർ സഭയുടെ ഔദ്യോഗിക സംഘടനയായ എ.കെ.സി.സി.യുടെ ആഗോള സംഗമം ഒക്ടോബർ 19 മുതൽ 23 വരെ റോമിൽ വച്ച് മാർപാപ്പയുടെ സാന്നിധ്യത്തിൽ സംഘടിപ്പിക്കുന്നു. ആഗോളസംഗമത്തിലേക്കുള്ള പതാക പ്രയാണം വൈദ്യുതി വകുപ്പ് മന്ത്രി സണ്ണി ജോസഫ്, ഉന്നത വിദ്യാഭ്യാസ മന്ത്രി റോജി എം ജോൺ, ജലസേചന വകുപ്പ് മന്ത്രി മോൻസ് ജോസഫ്, ഗവൺമെന്റ് ചീഫ് വിപ്പ് അപു ജോൺ ജോസഫ് എന്നിവരുടെ സാന്നിധ്യത്തിൽ മേജർ ആർച്ച് ബിഷപ്പ്. മാർ റാഫേൽ തട്ടിൽ എ. കെ.സി.സി.ഗ്ലോബൽ പ്രസിഡന്റ് രാജീവ് കൊച്ചുപറമ്പിലിന് നൽകി ഉദ്ഘാടനം ചെയ്തു. ആഗോള കത്തോലിക്കാ സഭയുടെ തലവന്റെ സാന്നിധ്യം( മാർപാപ്പ ) എ.കെ.സി.സി.ക്ക് പുതിയ കരുത്ത് നൽകുമെന്ന് മാർ റാഫേൽ തട്ടിൽ അഭിപ്രായപ്പെട്ടു.

ആഗോള സംഗമ വേദിയായ റോമിൽ ഉയർത്തേണ്ട പതാക ഇന്ത്യയിലെ എല്ലാ സംസ്ഥാനങ്ങളിലും സഞ്ചരിച്ച്, എ.കെ.സി. സി.യുടെ ശക്തമായ സാന്നിധ്യമുള്ള 40 രാജ്യങ്ങളിലൂടെ യാത്ര ചെയ്ത് ഒക്ടോബർ 18ന് വൈകീട്ട് റോമിൽ എത്തിച്ചേരും. പതാക പ്രയാണ ഉദ്ഘാടന ചടങ്ങിൽ തൃശ്ശൂർ അതിരൂപത സഹായ മെത്രാൻ മാർ ടോണി നീലങ്കാവിൽ, മാർ ബോസ്കോ പുത്തൂർ,ഗ്ലോബൽ ഡയറക്ടർ ഫാ. ഫിലിപ്പ് കവിയിൽ, ജനറൽ സെക്രട്ടറി ജോസുകുട്ടി.ജെ.ഒഴുകയിൽ, മിഡിലീസ്റ്റ് പ്രസിഡണ്ടും, ഗ്ലോബൽ വൈസ് പ്രസിഡണ്ടുമായ ഷെവലിയാർ ഡേവിസ് എടക്കളത്തൂർ, വൈസ് പ്രസിഡണ്ട് മാരായ ബെന്നി ആന്റണി, ട്രീസ ലിസ് സെബാസ്റ്റ്യൻ ഗ്ലോബൽ മീറ്റ് കൺവീനറും ഗ്ലോബൽ വൈസ് പ്രസിഡണ്ടുമായ ബെന്നി പുളിക്കക്കര, ഗ്ലോബൽ മീറ്റ് മിഡിലീസ്റ്റ് കൺവീനറും, ഗ്ലോബൽ സെക്രട്ടറിയും, ബഹ്റൈൻ എ.കെ.സി.സി പ്രസിഡണ്ടുമായ ചാൾസ് ആലുക്ക, എന്നിവർ സംസാരിച്ചു.

ആഗോള സമ്മേളനത്തിന്റെ ഭാഗമായി ദേശീയ പ്രതിനിധി സമ്മേളനം ഓഗസ്റ്റ് 1, 2, തീയതികളിൽ കല്യാൺ രൂപതയുടെ ആസ്ഥാനമായ നവീ- മുംബൈയിൽ സംഘടിപ്പിക്കുന്നുണ്ട്. ഓഗസ്റ്റ്,സെപ്റ്റംബർ മാസങ്ങളിൽ ആഫ്രിക്ക, യു.എസ്. എ. ഓസ്ട്രേലിയ,യൂറോപ്പ്, എന്നിവിടങ്ങളിലെയും പ്രതിനിധി സമ്മേളനങ്ങൾക്ക് ശേഷമാണ് എ.കെ.സി. സി.ആഗോള സംഗമം റോമിൽ സംഘടിപ്പിച്ചിരിക്കുന്നത്. എ.കെ.സി.സി.ആഗോള പ്രതിനിധി സമ്മേളനത്തിൽ ഉയർത്തേണ്ട പതാക ബഹ്റൈനിലും എത്തിച്ചേരുമെന്ന് ഭാരവാഹികൾ അറിയിച്ചു.

The post മാർപാപ്പയുടെ സാന്നിധ്യം കൊണ്ട് എ.കെ.സി.സി. ആഗോള സംഗമം തങ്ക ലിപികളിൽ ആലേഖനം ചെയ്യും: മേജർ ആർച്ച് ബിഷപ്പ് മാർ റാഫേൽ തട്ടിൽ appeared first on Starvision News Malayalam.

മനാമ: സംസ്ഥാന സർക്കാരിന്റെ പുതിയ വയോജന വകുപ്പ് ആരോഗ്യ ഭാരതത്തിന് കേരളത്തിന്റെ കൈനീട്ടമാണെന്ന് ബിഷപ്പ്. മാർ: റമിജിയോസ് ഇഞ്ചിനാനിയിൽ പറഞ്ഞു. ബഹ്റൈൻ എ. കെ.സി.സി. യുടെ വാർദ്ധിക്കൃം ബാധ്യതയോ? സാധ്യതയോ? എന്ന ചർച്ചാ സദസ്സ് ഉദ്ഘാടനം ചെയ്യുകയായിരുന്നു അദ്ദേഹം.

ആധുനിക മനുഷ്യ സമൂഹത്തിന്റെ വളർച്ചയുടെയും, പുരോഗതിയുടെയും അടിസ്ഥാനശിലയാകണം വയോജന വകുപ്പെന്ന് അദ്ദേഹം ഓർമിപ്പിച്ചു. 3000 രൂപവാർദ്ധക്യ പെൻഷനും, അപേക്ഷകളിൽ സഹായം ചെയ്യുന്ന ഒരു വകുപ്പായി മാറാതെ, ഇതൊരു മാതൃകാ വകുപ്പായി മാറ്റണമെന്ന് സർക്കാരിനോട് ബിഷപ്പ് അഭ്യർത്ഥിച്ചു.

മാതാപിതാക്കളുടെ സംരക്ഷണം വിശുദ്ധ ദൗത്യമാണെന്ന് തിരിച്ചറിഞ്ഞു പ്രവർത്തിച്ചാൽ വൃദ്ധജനങ്ങൾ അഭിമുഖീകരിക്കുന്ന അടിയന്തരവും ഗൗരവമേറിയതുമായ അനേകം വെല്ലുവിളികളെ മറികടക്കാൻ നമുക്ക് സാധിക്കുമെന്ന് അധ്യക്ഷപ്രസംഗത്തിൽ ബഹ്റൈൻ എ.കെ.സി. സി.പ്രസിഡണ്ട് ചാൾസ് ആലുക്ക പറഞ്ഞു.

സ്വതന്ത്രമായ മാനുഷിക മൂല്യങ്ങളെ സ്വന്തമാക്കാൻ മക്കളെ പ്രേരിപ്പിക്കേണ്ടത് അത്യന്താപേക്ഷിതമാണെന്ന് ചർച്ചവേദി നിയന്ത്രിച്ച ബഹ്റൈൻ എ.കെ.സി.സി. ജനറൽ സെക്രട്ടറി ജീവൻ ചാക്കോ പറഞ്ഞു.

അറിവുകൾ ഹൃദയത്തെ പാകപ്പെടുത്തുന്ന അവസ്ഥയില്ലെങ്കിൽ അറിവ് വർദ്ധിച്ചാലും മനുഷ്യൻ ചുരുങ്ങിപ്പോകുന്നത് അനുദിനം വർദ്ധിക്കുകയാണെന്ന് അക്ഷരക്കൂട്ട് കൺവീനർ ജോജി കുര്യൻ ചർച്ചയിൽ പങ്കെടുത്തു കൊണ്ട് അഭിപ്രായപ്പെട്ടു.

സർക്കാരും കത്തോലിക്കാ കോൺഗ്രസ്(A. K. C. C) പോലെയുള്ള സാമൂഹ്യ പ്രതിബദ്ധയുള്ള സംഘടനകളും കൂട്ടായി പരിശ്രമിച്ച് സമൂഹത്തിന്റെ ആത്മീയവും ധാർമികവുമായ അടിത്തറ ശക്തിപ്പെടുത്തിയാൽ ഒരു പരിധി വരെ ഭാവിയിൽ വൃദ്ധജനങ്ങളുടെ കഷ്ടപ്പാടുകൾ തരണം ചെയ്യാൻ കഴിയുമെന്ന് ജിബി അലക്സ് പറഞ്ഞു.

കൃത്രിമ ബുദ്ധിയുടെ കാലഘട്ടത്തിൽ മനുഷ്യ മഹത്വത്തെ( വയോജനങ്ങളെ ) സംരക്ഷിക്കുന്നതിനുള്ള സംസ്ഥാന സർക്കാരിന്റെ പരിഗണനയെ മുക്തകണ്ഠം പ്രശംസിക്കുന്നതായി ശ്രീമതി.ജെനിറ്റ് ഷിനോയ് പറഞ്ഞു.

ബഹ്റൈൻ എ.കെ.സി. സി.ഭാരവാഹികളായ ജസ്റ്റിൻ ജോർജ്, ബഹ്റൈൻ എ.കെ.സി. സി ലഹരി വിരുദ്ധ സേന കൺവീനർ ജെൻസൺ ദേവസി,മോൻസി മാത്യു, നർമ്മക്കൂട്ട് കൺവീനർ റോബിൻ.കെ. സെബാസ്റ്റ്യൻ,ഷിനോയി പുളിക്കൻ, ലിവിൻ ജിബി, മേയ്മോൾ ചാൾസ്, ജോളി ജോജി, ഗ്രീൻ ക്ലബ് കൺവീനർ റിജു മൂഞ്ഞേലി സാമൂഹ്യ പ്രവർത്തകനും എഴുത്തുകാരനുമായ സുനിൽ തോമസ് റാന്നി, വി.എം.ജോസഫ്, ജയ്സൺ, നോവലിസ്റ്റ് സോണി, പ്രീജി, ഐസക്, ലാലു മണിമലയിൽ എന്നിവർ സംസാരിച്ചു

ജീവൻ ചാക്കോ സ്വാഗതവും ജിബി അലക്സ് നന്ദി പറഞ്ഞു. ചർച്ചകളിൽ ഉരുത്തിരിഞ്ഞ മഹത്തായ ആശയങ്ങൾ കേരളസർക്കാരിന് സമർപ്പിക്കുമെന്ന് ഭാരവാഹികൾ അറിയിച്ചു.

The post വയോജന വകുപ്പ് ഭാവി ഭാരതത്തിന് കേരളത്തിന്റെ കൈനീട്ടം; ബിഷപ്പ്മാ ർ റെമിൻജിയോസ് ഇഞ്ചിനാനിയിൽ appeared first on Starvision News Malayalam.

മനാമ: മലയാള കവിതകൾക്കും ഗാനശാഖയ്ക്കും ഓർത്തുവയ്ക്കാൻ കുറെയേറെ പൂമരങ്ങൾ സമ്മാനിച്ച പ്രിയ സുഹൃത്ത് അനിൽ പനച്ചൂരാന് പ്രണാമം അർപ്പിച്ചു കൊണ്ട് ബഹ്റൈൻ എ.കെ.സി.സിയുടെ അക്ഷരക്കൂട്ട് വിനോദ് കെടാമംഗലം ഉദ്ഘാടനം ചെയ്തു. വളർന്നുവരുന്ന ഡിജിറ്റൽ ലോകത്തെ അടിസ്ഥാന സൗകര്യങ്ങളും പഴയ വായന ലോകവും തമ്മിലുള്ള ഒത്തുചേരലാണ് ബഹ്റൈൻ എ.കെ.സി സി.യുടെ അക്ഷരക്കൂട്ടിന് ലക്ഷ്യമെന്ന് എ.കെ.സി. സി.പ്രസിഡണ്ട് ചാൾസ് ആലുക്ക പറഞ്ഞു.

അടഞ്ഞതും- പ്രതിരോധാത്മകവുമായ മനുഷ്യമസ്തിഷ്കത്തിലേക്ക് മനുഷ്യത്വത്തിന്റെ ഇത്തിരിവെട്ടം എത്തിക്കുകയാണ് ഓരോ എഴുത്തുകാരനും, വായനക്കാരനും എന്ന് ബഹ്റൈൻ എ.കെ.സി. സി. അക്ഷരക്കൂട്ടന്റെ കൺവീനർ ജോജി കുര്യൻ അഭിപ്രായപ്പെട്ടു. സമഭാവനയുടെ വായനാലോകം ലോകസൃഷ്ടിക്കുകയാണ് ബഹറിൻ.എ.കെ.സി. സി യുടെ അക്ഷരക്കൂട്ടെന്ന് ആശംസ പ്രസംഗത്തിൽ എ.കെ.സി.സി. മാതൃവേദിപ്രസിഡണ്ട് ലിവിൻ ജിബി പറഞ്ഞു.

പ്രവാസ ലോകത്തെ ജീവിതം വെറുമൊരു ജീവിതോപാധിയായി മാത്രം കാണാതെ ജീവിതം വൈവിധ്യവൽക്കരിക്കാൻ ബഹറിൻ എ.കെ.സി സി യുടെ അക്ഷരക്കൂട്ട് പോലുള്ള സംഘടനകളിലേക്ക് കടന്നു വരാൻ പ്രവാസികൾ പരിശ്രമിക്കണമെന്ന് ബഹ്റൈൻ എ.കെ.സി. സി ജനറൽ സെക്രട്ടറി ജീവൻ ചാക്കോ അഭ്യർത്ഥിച്ചു.

ലോകം ഡിജിറ്റലിൽ നിന്നും ആർട്ടിഫിഷ്യൽ ഇന്റലിജൻസിലേക്ക് മാറുന്ന കാലത്ത് യഥാർത്ഥ വായനയുടെ ലോകത്തേക്ക് പ്രവാസത്തിന്റെ ചട്ടക്കൂടുകളും തടസ്സങ്ങളെയും മറികടന്ന് മുന്നേറാനുള്ള വലിയ ഉത്തരവാദിത്തമാണ് ബഹ്റൈൻ എ കെ സിയുടെ അക്ഷരക്കൂട്ടിനെന്ന് വൈസ് പ്രസിഡണ്ട് പോളി വിതയത്തിൽ പറഞ്ഞു.

ആദർശ മാധവ്, ബോബൻ ജോൺ, സുനിൽ തോമസ് റാന്നി, ഫസീല ഖദീജ, മെയ് മോൾ ചാൾസ്, റോബിൻ. കെ.സെബാസ്റ്റ്യൻ, ഐസക് രാജു, സോണി കൈനകരി, ജിബി അലക്സ്, ജെയിംസ് ജോസഫ്, ജോളി ജോജി, സിന്ധു ബൈജു, സെലിൻ ജെയിംസ്, ജോണി ബോബൻ
എന്നിവർ സംസാരിച്ചു.

ബഹ്റൈൻ അക്ഷരക്കൂട്ടിന്റെ കൺവീനർ ജോജി കുര്യൻ അധ്യക്ഷനായിരുന്നു. അനിൽ പനച്ചൂരാന്റെ കവിതകളും സിനിമാഗാനങ്ങളും നിബിഡമായ അക്ഷരക്കൂട്ടിലേക്ക് ജിബി അലക്സ് സ്വാഗതവും പോളി വിതയത്തിൽ നന്ദിയും പറഞ്ഞു.

The post “അനിൽ പനച്ചൂരാന്റെ കവിതകൾ വിപ്ലവവും ആത്മീയതയും ഒന്നിച്ച ഗംഗാ പ്രവാഹം”- വിനോദ് കെടാമംഗലം appeared first on Starvision News Malayalam.

മനാമ: ആർട്ടിഫിഷ്യൽ ഇന്റലിജൻസ് ശക്തമായ ഈ കാലഘട്ടത്തിൽ വായനയേയും എഴുത്തിനെയും അക്ഷരങ്ങളെയും മനുഷ്യനെയും സ്നേഹിക്കുന്നവരുടെ കൂട്ടായ്മയാണ് ബഹ്‌റൈൻ .എ.കെ.സി.സി. യുടെ “അക്ഷരക്കൂട്ട്”. അകാലത്തിൽ നമ്മളെ വിട്ടു പിരിഞ്ഞ പ്രശസ്ത കവിയും,ഗാന രചയിതാവുമായിരുന്ന അനിൽ പനച്ചൂരൻറെ സ്മരണാർത്ഥം അദ്ദേഹത്തിന്റെ കവിതകളും, ഗാനങ്ങളും ഉൾക്കൊള്ളിച്ചു കൊണ്ടുള്ള പ്രത്യേക പരിപാടിയാണ് ഇത്തവണത്തെ അക്ഷരക്കൂട്ട് സംഘടിപ്പിക്കുന്നത്.

“തീരത്തടുത്ത്…. തിരികെ മടങ്ങിയ…. പനച്ചൂരാൻ” എ.കെ.സി.സി.യുടെ അക്ഷരക്കൂട്ട് മെയ് 16ന് പ്രശസ്ത സിനിമാതാരം വിനോദ് കെടാമംഗലം ഉദ്ഘാടനം ചെയ്യും. ഇന്നലെവരെ നമ്മൾ കണ്ടുകൊണ്ടിരിക്കുന്ന എഴുത്തിന്റെയും വായനയുടെയും മേഖലകൾ, പതിയെ അപ്രസക്തമാകുന്നത് തിരിച്ചറിഞ്ഞാണ് എ.കെ. സി.സി.ഇത്തരമൊരു സാഹിത്യ സംഗമം സംഘടിപ്പിക്കുന്നത്. പ്രവാസ ലോകത്തെ സാമൂഹ്യ-സാംസ്കാരിക തലങ്ങളിലെ ഏവരെയും പങ്കെടുപ്പിച്ചുകൊണ്ടാണ് എ.കെ.സി.സി ബഹ്‌റൈൻ അക്ഷരക്കൂട്ട് ഒരുക്കുന്നത്.

ബഹ്റൈനിലെ പ്രവാസികൾക്ക് വേണ്ടി എ.കെ.സി.സിയുടെ നേതൃത്വത്തിൽ സംഘടിപ്പിക്കുന്ന അക്ഷരക്കൂട്ടിലേക്ക് ഏവരെയും സ്വാഗതം ചെയ്യുന്നതായി ഭാരവാഹികൾ അറിയിച്ചു. മെയ് പതിനാറാം തീയതി ശനിയാഴ്ച വൈകിട്ട് 7.30ന് സൽമാനിയായിലെ ഇന്ത്യൻ ഡിലൈറ്റിൽ വാഴ 2 എന്ന സിനിമയിലൂടെ പ്രശസ്തനായ സിനിമാതാരം വിനോദ് കെടാമംഗലം വെർച്വൽ പ്ലാറ്റ്ഫോമിൽ ഉദ്ഘാടനം ചെയ്യും. പങ്കെടുക്കാൻ താല്പര്യമുള്ളവർ കൺവീനർ ജോജി കുര്യനെ ബന്ധപ്പെടുക(36800032/38980006).

The post “തീരത്തടുത്ത്…. തിരികെ മടങ്ങിയ…. പനച്ചൂരാൻ” എ.കെ.സി.സി.യുടെ അക്ഷരക്കൂട്ട് സിനിമാതാരം വിനോദ് കെടാമംഗലം ഉദ്ഘാടനം ചെയ്യും appeared first on Starvision News Malayalam.

മനാമ: ബഹ്റൈൻ എ.കെ.സി.സി.യുടെ ഗ്രീൻ ക്ലബ് കേരളത്തിലെ കാലാവസ്ഥ വ്യതിയാനത്തെ കുറിച്ചും കഠിന താപത്താൽ ഉരുകുന്ന പുതിയ കേരളത്തിന്റെ അവസ്ഥയെക്കുറിച്ചും ചർച്ചാ സദസ്സ് സംഘടിപ്പിക്കുന്നു.കേരളത്തിലെ കാലാവസ്ഥ വ്യതിയാനത്തെ കുറിച്ച് സമഗ്രമായൊരു പഠനം ആവശ്യമാണെന്നും, ഇതിന്റെ ഗൗരവം പൊതുസമൂഹത്തിന്റെയും, സർക്കാരുകളുടെയും ശ്രദ്ധ ക്ഷണിക്കുന്നതിനുമാണ് എകെസിസിയുടെ ഗ്രീൻ ക്ലബ് ഇത്തരം ചർച്ച സംഘടിപ്പിക്കുന്നത്.

മെയ് രണ്ടാം തീയതി രാവിലെ 11 മണിക്ക് കലവറ ഹാളിൽ സുപ്രസിദ്ധ സിനിമ താരവും,സംസ്ഥാന സർക്കാരിന്റെ കർഷക മിത്ര അവാർഡ് ജേതാവുമായ കൃഷ്ണപ്രസാദ് വെർച്വലായി ഉദ്ഘാടനം ചെയ്യും. തീവ്രതയിൽ വ്യത്യാസമുണ്ടാകാമെങ്കിലും വേനൽ എത്തുന്നത് ആദ്യമല്ല. പക്ഷേ ഇത്ര വലിയ വേനൽ എത്തുന്നത് ആദ്യമായിട്ടാണ്. എന്തുകൊണ്ട്……? എന്തുകൊണ്ട്?

വേനലിന്റെ നഷ്ടം ഏറ്റവുമധികം സഹിക്കുന്നത് കർഷകരാണ്. നെല്ലും, പച്ചക്കറികളും, വാഴ,കപ്പ, കമുക്,കുരുമുളക്, കൊക്കോ,ജാതി… എല്ലാം കരിഞ്ഞുണങ്ങി. ഈ നഷ്ടങ്ങളെല്ലാം കർഷകരുടേതു മാത്രമാണ്. മനുഷ്യർ പാടത്തും പറമ്പിലും കെട്ടിട നിർമ്മാണ മേഖലകളിലും വിയർത്തൊഴുകുകയാണ്. ചില നിരാശ്രയർ മരിച്ചു വീഴുകയും ചെയ്യുന്നു. സാധാരണ തൊഴിലാളികളും വിദ്യാർത്ഥികളും പൊതുജനങ്ങളും പുറത്തിറങ്ങുന്നതിനുള്ള സമയക്രമം പ്രസിദ്ധീകരിക്കുന്നതിൽ മാത്രമാണ് ഗവൺമെന്റുകളുടെ ഉത്തരവാദിത്വം.

പ്രവാസ ലോകത്തെ വിവിധ രാഷ്ട്രീയ മത സാമൂഹ്യ തലങ്ങളിലെ ഏവരെയും പങ്കെടുപ്പിച്ചുകൊണ്ട് വെറുപ്പിന്റെയോ വിദ്വേഷത്തിന്റെയും അകൽച്ചയുടെയോ ഒരു കണിക പോലും ഇല്ലാത്ത സൗമ്യമായ ചർച്ചയായിരിക്കും ഈ പരിപാടി എന്ന് കൺവീനർ റിജു മൂഞ്ഞേലി അറിയിച്ചു. ഈ ചർച്ചയിൽ പങ്കെടുക്കാൻ താല്പര്യമുള്ളവർ 39333701എന്ന നമ്പറിൽ ബന്ധപ്പെടണം.

The post ബഹ്റൈൻ എ.കെ.സി.സി.യുടെ ” ഉരുകുന്ന കേരളം…., വേവുന്ന മനുഷ്യർ”!! സിനിമാതാരം കൃഷ്ണപ്രസാദ് ഉദ്ഘാടനം ചെയ്യും appeared first on Starvision News Malayalam.

മനാമ: ചിരിക്കാനും ചിന്തിക്കാനും താല്പര്യമുള്ളവരുടെ പ്രതിമാസ കൂടിച്ചേരലാണ് ബഹ്റൈൻ. എ.കെ.സി. സി. സംഘടിപ്പിക്കുന്ന “നർമ്മക്കൂട്ട്”. സംഘർഷ സാഹചര്യങ്ങളിൽ മറ്റൊരാളുടെ വേദനയും, വിഷമവും മനസ്സിലാക്കി അവരെ ആശ്വസിപ്പിക്കാനും, സഹായിക്കാനുമുള്ള പരിശ്രമമാണ് നർമ്മക്കൂട്ട്. പ്രവാസ ലോകത്തെ വിവിധ രാഷ്ട്രീയ-മത-സാമൂഹ്യ- തലങ്ങളിലെ ഏവരെയും പങ്കെടുപ്പിച്ചുകൊണ്ട് മറ്റെല്ലാ ചിന്തകളെയും മാറ്റി നിർത്തി ചിരിയുടെ സംശുദ്ധിയും, ചിരിയുടെ നന്മയും മാത്രം പരിഗണിച്ചുകൊണ്ട് മുന്നോട്ടുപോകുന്ന കൂട്ടായ്മയായിരിക്കും നർമ്മക്കൂട്ടെന്ന് കൺവീനർ റോബിൻ. കെ. സെബാസ്റ്റ്യൻ പറഞ്ഞു. നർമ്മത്തിലൂടെ നന്മയിലൂടെ അല്പനേരത്തെങ്കിലും ഒറ്റപ്പെടലും,ഹൃദയഭാരവും ലഘൂകരിക്കലാണ് പ്രധാന ലക്ഷ്യം.

പ്രവാസ ലോകത്തെ വിവിധ രാഷ്ട്രീയ-മത-സാമൂഹ്യ- തലങ്ങളിലെ ഏവരെയും പങ്കെടുപ്പിച്ചുകൊണ്ട് മറ്റെല്ലാ ചിന്തകളെയും മാറ്റി നിർത്തി ചിരിയുടെ സംശുദ്ധിയും, ചിരിയുടെ നന്മയും മാത്രം പരിഗണിച്ചുകൊണ്ട് മുന്നോട്ടുപോകുന്ന കൂട്ടായ്മയായിരിക്കും നർമ്മക്കൂട്ടെന്ന് കൺവീനർ റോബിൻ. കെ. സെബാസ്റ്റ്യൻ പറഞ്ഞു. നർമ്മക്കൂട്ടിന്റെ ആദ്യ കൂട്ടായ്മ ഈ വരുന്ന ഏപ്രിൽ 24ന് വെള്ളിയാഴ്ച വൈകീട്ട് 7.30 ന് സൽമാനിയായിലെ കലവറ പാർട്ടി ഹാളിൽ സുപ്രസിദ്ധ സിനിമ താരം കലാഭവൻ ജോഷി(online )ആയി ഉദ്ഘാടനം ചെയ്യും. ഏവരെയും പരിപാടിയിലേക്ക് സസ്നേഹം സ്വാഗതം ചെയ്യുന്നതായി ഭാരവാഹികൾ അറിയിച്ചു. പങ്കെടുക്കാൻ താല്പര്യമുള്ളവർ 36074727, 38980006 എന്നീ നമ്പറിൽ ബന്ധപ്പെടണം.

The post ബഹ്റൈൻ. എ.കെ.സി. സി.യുടെ “നർമ്മക്കൂട്ട്” കലാഭവൻ ജോഷി ഉത്ഘാടനം ചെയ്യും appeared first on Starvision News Malayalam.

ഹൃദയാഘാതത്തെ തുടർന്നു അന്തരിച്ച ഭാവഗായിക ആശാഭോസ് ലെക്ക് ബഹറിൻ എ കെ സി സി ആദരാഞ്ജലികൾ അർപ്പിച്ചു.

ഇന്ത്യയിലെ മുഴുവൻ ആളുകളുടെയും , വിവിധ രാജ്യങ്ങളിലെ ജനങ്ങളുടെയും ആരാധനാപാത്രമായിരുന്നു പ്രിയ ഗായികയെന്ന് ബഹ്റൈൻ എ.കെ.സി. സി.അനുശോചന സന്ദേശത്തിൽ അറിയിച്ചു.

നിരവധി അവാർഡുകളും അവരെ തേടി എത്തിയിരുന്നു.ഗിന്നസ് റെക്കോർഡ്(2011) പത്മവിഭൂഷൻ,(2008) ദാദാസാഹിബ് ഫാൽക്കെ അവാർഡ് (2000) എന്നിവയാണ് പ്രധാന അവാർഡുകൾ.

തലമുറകളുടെ പ്രിയ ഗായികയ്ക്ക് പ്രണാമം അർപ്പിച്ച് ജീവൻ ചാക്കോ, പോളി വിതയത്തിൽ, ജിബി അലക്സ്, ജോൺ ആലപ്പാട്ട്, മാതൃവേദി ഭാരവാഹികളായ ലിവിൻ ജിബി, ജെസ്സി ജെൻസൺ, മെയ്മോള്‍ ചാൾസ് എന്നിവർ സംസാരിച്ചു.

The post തലമുറകളുടെ പ്രിയ ഗായിക ആശ ഭോസലെയ്ക്ക് എ.കെ.സി.സി. ബഹ്റൈന്റെ പ്രണാമം. appeared first on Starvision News Malayalam.

സംഘർഷഭരിതമായ യുദ്ധ സാഹചര്യങ്ങൾ, ഒഴിവാക്കുന്നതിനും സമാധാനവും സന്തോഷവും സമൂഹത്തിൽ, സൃഷ്ടിക്കുന്നതിനും ബഹ്റൈൻ എ.കെ.സി. സി പ്രത്യേക പ്രാർത്ഥന സംഘടിപ്പിച്ചു.

പ്രാർത്ഥനകൾക്ക് ബഹ്റൈൻ എ.കെ.സി. സി. ഭാരവാഹികൾ നേതൃത്വം നൽകി.

The post സമാധാനത്തിനായി പ്രാർഥനകളുമായി ബഹ്റൈൻ എ.കെ.സി.സി. appeared first on Starvision News Malayalam.