മനാമ: ദീർഘകാലമായി ബഹ്‌റൈനിലെ സാമൂഹിക–സാംസ്കാരിക മേഖലകളിൽ സജീവ സാന്നിധ്യമായിരുന്ന സതീഷ് കുമാറിനും കുടുംബത്തിനും ‘പവിഴദ്വീപിലെ കോഴിക്കോട്ടുകാർ–കാലിക്കറ്റ് കമ്മ്യൂണിറ്റി ബഹ്‌റൈൻ’ യാത്രയയപ്പ് നൽകി. സംഘടനയുടെ മുൻ ട്രഷററും എക്സിക്യൂട്ടീവ് കമ്മിറ്റി അംഗവുമായ സതീഷ് കുമാർ ബഹ്‌റൈനിലെ പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന സാഹചര്യത്തിലാണ് എക്സിക്യൂട്ടീവ് കമ്മിറ്റി സ്നേഹാർദ്രമായ യാത്രയയപ്പ് ഒരുക്കിയത്.

സംഘടനാ പ്രസിഡന്റ് ശിവകുമാർ കൊല്ലറോത്ത് ചടങ്ങിൽ അധ്യക്ഷത വഹിച്ചു. ജനറൽ സെക്രട്ടറി പ്രെജി ചേവായൂർ സ്വാഗതം ആശംസിച്ചു. ഭാരവാഹികളും എക്സിക്യൂട്ടീവ് കമ്മിറ്റി അംഗങ്ങളും ആശംസകൾ നേർന്ന് സംസാരിച്ചു. സംഘടന നൽകിയ സ്നേഹനിർഭരമായ യാത്രയയപ്പിന് സതീഷ് കുമാർ നന്ദി അറിയിച്ചു.

The post സതീഷ് കുമാറിനും കുടുംബത്തിനും യാത്രയയപ്പ് നൽകി appeared first on Starvision News Malayalam.

​മനാമ : പവിഴ ദ്വീപിലെ ഹരിപ്പാട് നിവാസികളുടെ കൂട്ടായ്മയായ ഹരിഗീതപുരം ബഹ്‌റൈൻ പതിനൊന്ന് വർഷത്തെ പ്രവാസ ജീവിതത്തിന് ശേഷം നാട്ടിലേക്ക് മടങ്ങുന്ന ബഹ്‌റൈനിലെ അറിയപ്പെടുന്ന കലാ,സംസ്കാരിക, സാമൂഹിക, ജീവകാരുണ്യ പ്രവർത്തകനും, “ഹരിഗീതപുരം ബഹ്‌റൈൻ” പ്രോഗ്രാം കമ്മിറ്റി കൺവീനറും ആയ ദീപക് തണലിന് സ്നേഹനിർഭരമായ യാത്രയയപ്പ് നൽകി.

​ജൂൺ 3 വെള്ളിയാഴ്ച വൈകിട്ട് സനൽ കുമാറിന്റെ അധ്യക്ഷതയിൽ കലവറ റസ്റ്റോറന്റിൽ ഹാളിൽ നടന്ന യാത്രയയപ്പ് സമ്മേളനത്തിൽ പ്രദീപ് കുമാർ പള്ളിപ്പാട് സ്വാഗതം ആശംസിക്കുകയും, മറ്റ് ഭാരവാഹികൾ ദീപക് തണൽ കഴിഞ്ഞ കാലങ്ങളിൽ ഹരിഗീതപുരം ബഹ്‌റൈനും, ബഹ്‌റൈൻ പൊതുസമൂഹത്തിനും നൽകിയ പ്രവർത്തനങ്ങൾ ഓർമ്മപ്പെടുത്തി ആശംസകൾ അറിയിച്ചു സംസാരിക്കുകയും ചെയ്തു. ഹരിഗീതപുരം ബഹ്‌റൈന്റെ പ്രോഗ്രാം കൺവീനറായി പ്രവർത്തിച്ച ദീപക് തണൽ , സംഘടനയുടെ പ്രവർത്തനങ്ങളിൽ കാഴ്ചവെച്ച മികച്ച നേതൃത്വത്തെയും ഇടപെടലുകളെയും കുറിച്ചുള്ള ഓർമ്മകൾ യോഗത്തിൽ ആശംസ അറിയിച്ചു സംസാരിച്ചവർ പങ്കുവെച്ചു.പരിപാടിയിൽ ഹരിഗീതപുരം ബഹ്‌റൈൻ അംഗങ്ങൾ അവതരിപ്പിച്ച വിവിധ കലാപരിപാടികളും നടന്നു.

​എക്സിക്യൂട്ടീവ് കമ്മിറ്റി, അഡ്വവൈസറി കമ്മിറ്റി, പ്രോഗ്രാം കമ്മിറ്റി, വനിതാ വേദി അംഗങ്ങൾ എന്നിവർ പരിപാടിക്ക് നേതൃത്വം നൽകി. ദീപക് തണലിന്റെ പുതിയ ജീവിതയാത്ര സന്തോഷകരമാകട്ടെ എന്ന് ആശംസിക്കുന്നതായും, വരും കാലങ്ങളിലും അദ്ദേഹത്തിന് എല്ലാവിധ വിജയങ്ങളും നേരുന്നുവെന്നും ഭാരവാഹികൾ അറിയിച്ചു.ജയകുമാർ കെ. ജി പരിപാടികൾ നിയന്ത്രിക്കുകയും സജിത്ത്. എസ്. പിള്ള നന്ദി രേഖപ്പെടുത്തുകയും ചെയ്തു.

The post ഹരിഗീതപുരം ബഹ്‌റൈൻ ദീപക് തണലിന് സ്നേഹാദരങ്ങളോടെ യാത്രയയപ്പ് നൽകി appeared first on Starvision News Malayalam.

മനാമ: ഇന്ത്യൻ സ്കൂൾ പ്രിൻസിപ്പൽ വി.ആർ പളനിസ്വാമിക്ക് സ്‌കൂൾ യാത്രയയപ്പ് നൽകി. സ്‌കൂളിന്റെ ചരിത്രത്തിൽ ഏറ്റവും കൂടുതൽ കാലം സേവനമനുഷ്ഠിച്ച പ്രിൻസിപ്പലായിരുന്നു വി.ആർ പളനിസ്വാമി. സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി. രാജപാണ്ഡ്യൻ, വൈസ് ചെയർമാനും സ്പോർട്സ് അംഗവുമായ ഡോ. മുഹമ്മദ് ഫൈസൽ,

അസി. സെക്രട്ടറിയും അക്കാദമിക അംഗവുമായ രഞ്ജിനി മോഹൻ, ഫിനാൻസ് ഐടി അംഗം ബോണി ജോസഫ്, പ്രോജക്ട് ആൻഡ് മെയിന്റനൻസ് അംഗം മിഥുൻ മോഹൻ, ട്രാൻസ്‌പോർട്ട് അംഗം മുഹമ്മദ് നയാസ് ഉല്ല, ജൂനിയർ വിംഗ് പ്രിൻസിപ്പൽ പമേല സേവ്യർ, സീനിയർ സ്‌കൂൾ അക്കാദമിക അഡ്മിനിസ്ട്രേഷൻ വൈസ് പ്രിൻസിപ്പൽ ജി. സതീഷ്, വൈസ് പ്രിൻസിപ്പൽ രാജേഷ് നായർ, ജൂനിയർ വിംഗ് വൈസ് പ്രിൻസിപ്പൽ പ്രിയ ലാജി, സ്റ്റാഫ് പ്രതിനിധി പാർവതി ദേവദാസ് എന്നിവർ പങ്കെടുത്തു.

ഗൾഫിലെ സിബിഎസ്ഇ സ്‌കൂളുകളുടെ കൗൺസിലിനെ പ്രതിനിധീകരിച്ച് ഡോ. മുഹമ്മദ് തയ്യാബ് (ഇബ്‌നുൽ ഹൈതം ഇസ്ലാമിക് സ്‌കൂൾ), മോളി ട്രീസ മാമ്മൻ (ഏഷ്യൻ സ്‌കൂൾ), ഡോ. അരുൺ കുമാർ ശർമ്മ (ന്യൂ മില്ലേനിയം സ്‌കൂൾ), മോണിക്ക സേഥി (അൽ നൂർ ഇന്റർനാഷണൽ സ്‌കൂൾ), ഗോപിനാഥ് മേനോൻ (ന്യൂ ഇന്ത്യൻ സ്‌കൂൾ), സജി ജേക്കബ് (ബഹ്‌റൈൻ ഇന്ത്യൻ സ്‌കൂൾ), മുൻ ഭരണസമിതി അംഗം രാജേഷ് നമ്പ്യാർ എന്നിവരും സന്നിഹിതരായിരുന്നു. ജൂനിയർ വിംഗ് പ്രിൻസിപ്പൽ പമേല സേവ്യർ സ്വാഗതം പറഞ്ഞു.

അനുമോദന പ്രസംഗത്തിൽ അഡ്വ. ബിനു മണ്ണിൽ വറുഗീസ്, വി.ആർ പളനിസ്വാമിയുടെ നേതൃത്വത്തെയും, അക്കാദമിക മികവിനോടുള്ള സമർപ്പണത്തെയും, വിദ്യാർത്ഥികളുടെയും ജീവനക്കാരുടെയും ക്ഷേമത്തിനായുള്ള അചഞ്ചലമായ പ്രതിബദ്ധതയെയും സമൃദ്ധമായി പ്രശംസിച്ചു.

പളനിസ്വാമിയുടെ ജീവിതയാത്രയിലെ അവിസ്മരണീയ നിമിഷങ്ങൾ, നേട്ടങ്ങൾ എന്നിവ എടുത്തുകാണിക്കുന്ന ഒരു പ്രത്യേക വീഡിയോ അവതരണം ശ്രദ്ധേയമായി. ഭാര്യ ശ്രീമതി ചന്ദ്ര പളനിസ്വാമി, മകൻ ഡോ. സന്ദീപ് കുമാർ എന്നിവരുടെ സാന്നിധ്യത്തിൽ, പളനിസ്വാമിയെ ആദരസൂചകമായി അഡ്വ. ബിനു മണ്ണിൽ വറുഗീസ് ഷാൾ അണിയിച്ചു.

പതിനഞ്ച് വർഷം പ്രിൻസിപ്പലായി സേവനമനുഷ്ഠിച്ചതുൾപ്പെടെ സ്‌കൂളിന് സമർപ്പിച്ച ഇരുപത്തിയഞ്ച് വർഷത്തെ സേവനത്തിന് വി.ആർ പളനിസ്വാമിക്ക് മെമന്റോ സമ്മാനിച്ചു. സ്റ്റാഫ് ക്ലബ്ബിന്റെ പ്രത്യേക മെമന്റോ പമേല സേവ്യർ സമ്മാനിച്ചു. സ്വീകരണ പ്രസംഗത്തിൽ ഭരണസമിതി,സ്റ്റാഫ് , മാതാപിതാക്കൾ, വിശാലമായ സ്‌കൂൾ സമൂഹം എന്നിവർക്ക് തന്റെ സേവനകാലയളവിലുടനീളം നൽകിയ വിശ്വാസത്തിനും സഹകരണത്തിനും പളനിസ്വാമി ഹൃദയംഗമമായ നന്ദി രേഖപ്പെടുത്തി.

ഏഷ്യൻ സ്‌കൂളിൽ നിന്നും വിരമിക്കുന്ന പ്രിൻസിപ്പൽ മോളി ട്രീസ മാമ്മനെ യോഗത്തിൽ ആദരിച്ചു. ഇന്ത്യൻ സ്‌കൂളിൽ 10, 15, 20, 25, 30 വർഷം സേവനം പൂർത്തിയാക്കിയവരെ ദീർഘകാല സേവന അവാർഡുകൾ നൽകി ആദരിച്ചു. സെക്രട്ടറി വി. രാജപാണ്ഡ്യൻ നന്ദി പറഞ്ഞു.

The post ഇന്ത്യൻ സ്‌കൂൾ പ്രിൻസിപ്പൽ വി.ആർ പളനിസ്വാമിക്ക് യാത്രയയപ്പ് നൽകി appeared first on Starvision News Malayalam.

മനാമ: ജോലി ആവശ്യാർഥം ബഹ്റൈനിലിൽ നിന്നും ജിദ്ദയിലേക്ക് പോകുന്ന ജബ്ബാർ കുട്ടീസിന് കൊയിലാണ്ടിക്കൂട്ടം ബഹ്‌റൈൻ ചാപ്റ്റർ യാത്രയയപ്പ് നൽകി. പ്രോഗ്രാം കോർഡിനേറ്ററായി ഏറെ കാലം പ്രവർത്തിച്ച ജബ്ബാർ കൊയിലാണ്ടിക്കൂട്ടം പ്രവർത്തനങ്ങൾ സജീവമാക്കുന്നതിൽ വഹിച്ച പങ്കിനെ എക്സിക്യൂട്ടീവ് കമ്മിറ്റി അനുമോദിച്ചു.

കൊയിലാണ്ടിക്കൂട്ടം ഗ്ലോബൽ പ്രസിഡണ്ടും ബഹ്‌റൈൻ ചാപ്റ്റർ ചെയർമാനുമായ കെ. ടി. സലിം, ബഹ്‌റൈൻ ചാപ്റ്റർ പ്രസിഡണ്ട് ഗിരീഷ് കാളിയത്ത്, ജനറൽ സെക്രട്ടറി ഹനീഫ് കടലൂർ, ട്രെഷറർ നൗഫൽ നന്തി, രക്ഷാധികാരി സൈൻ കൊയിലാണ്ടി, വർക്കിംഗ് പ്രസിഡണ്ട് രാകേഷ് പൗർണമി, എക്സിക്യൂട്ടീവ് കമ്മിറ്റി അംഗങ്ങളായ ഷഹദ് പി. വി, ആബിദ് കുട്ടീസ്, നദീർ കാപ്പാട്, ശിഹാബ് അമീറ, കൊച്ചീസ് മുഹമ്മദ് എന്നിവർ പങ്കെടുത്തു.

The post കൊയിലാണ്ടിക്കൂട്ടം യാത്രയയപ്പ് നൽകി appeared first on Starvision News Malayalam.

മനാമ: ബഹ്‌റൈൻ സെന്റ് പീറ്റേഴ്സ് യാക്കോബായ സുറിയാനി പള്ളിയുടെ വിവിധ ഭാരവാഹിത്വങ്ങളിൽ വർഷങ്ങളോളം സേവനമനുഷ്ഠിച്ച മനോഷ് കോരയ്ക്ക് സെന്റ് പീറ്റേഴ്സ് ഇടവകയുടെ നേതൃത്വത്തിൽ യാത്രയയപ്പ് നൽകി.

ഇടവക വികാരി വന്ദ്യ സ്ലീബാ പോൾ വട്ടവേലിൽ കോറെപ്പിസ്കോപ്പ അധ്യക്ഷത വഹിച്ച ചടങ്ങിൽ റവ. ഫാ. സ്റ്റീഫൻ ഞാനാമാറ്റം, റവ. ഫാ. സോജിൻ കുറുന്തോട്ടത്തിൽ, ഡീക്കൻ മാത്യൂസ് ചെറിയാൻ, സണ്ടേ സ്കൂൾ ഹെഡ്മാസ്റ്റർ ചാണ്ടി ജോഷ്വാ, ഇടവകാംഗവും ഒ.ഐ.സി.സി മുൻ ദേശീയ അധ്യക്ഷനുമായ ബിനു കുന്ദന്താനം, ഇടവകാംഗങ്ങളായ ഷാജു ഇട്ടിയാവിര, മാത്യു വർക്കി, പ്രജീഷ് ജോൺ തരകൻ, ബിജു തേലപ്പിള്ളി എന്നിവർ ആശംസകൾ നേർന്ന് സംസാരിച്ചു.

സെന്റ് പീറ്റേഴ്സ് യാക്കോബായ സുറിയാനി പള്ളിയുടെ സെക്രട്ടറി, വൈസ് പ്രസിഡന്റ്, ജോയിന്റ് സെക്രട്ടറി, മാനേജിംഗ് കമ്മിറ്റി അംഗം എന്നീ നിലകളിൽ മനോഷ് കോര നൽകിയ സേവനങ്ങളെ ചടങ്ങിൽ അനുസ്മരിച്ചു.

ഇടവകയുടെ സ്നേഹോപഹാരം ഇടവക വികാരി മനോഷ് കോരയ്ക്ക് സമ്മാനിച്ചു. മറുപടി പ്രസംഗത്തിൽ ഇടവകയുടെയും അംഗങ്ങളുടെയും സഹകരണത്തിന് അദ്ദേഹം നന്ദി രേഖപ്പെടുത്തി. ഇടവക സെക്രട്ടറി ബെന്നി പി. മാത്യു സ്വാഗതം ആശംസിച്ച ചടങ്ങിൽ ട്രഷറർ ലിജോ കെ. അലക്സ് കൃതജ്ഞത രേഖപ്പെടുത്തി.

The post ബഹ്‌റൈൻ സെന്റ് പീറ്റേഴ്സ് ഇടവകയിൽ മനോഷ് കോരയ്ക്ക് ഹൃദ്യമായ യാത്രയയപ്പ് appeared first on Starvision News Malayalam.

മനാമ: 48 വർഷത്തെ ബഹ്റൈൻ പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന ഫ്രൻഡ്‌സ് കുടുംബാംഗവും കൊല്ലം പള്ളിമുക്ക് സ്വദേശിയുമായ സൈദ് മുഹമ്മദിന് ഫ്രൻഡ്‌സ് സോഷ്യൽ അസോസിയേഷൻ മുഹറഖ് ഏരിയ യാത്രയയപ്പ് നൽകി. ഏരിയ പ്രസിഡൻ്റ് ജലീൽ വികെ ഉപഹാരം കൈമാറി, ഏരിയ സെക്രട്ടറി അബ്ദുൽ റഊഫ്, ഏരിയാ സമിതി അംഗങ്ങളായ യൂനുസ് സലീം, സലാഹുദ്ദീൻ കിഴിശ്ശേരി എന്നിവരും സന്നിഹിതരായിരുന്നു.

The post സൈദ് മുഹമ്മദിന് ഫ്രൻഡ്‌സ് സോഷ്യൽ അസോസിയേഷൻ മുഹറഖ് ഏരിയ യാത്രയയപ്പ് നൽകി appeared first on Starvision News Malayalam.