ഡിവൈഎഫ്ഐ സംസ്ഥാന സമ്മേളനം ഉദ്ഘാടനം ചെയ്യാൻ അവസരം ലഭിച്ചത് വലിയ അംഗീകാരമായി കാണുന്നുവെന്ന് പ്രകാശ് രാജ് പറഞ്ഞു. സംഘടനയുമായി തനിക്ക് ദീർഘകാലത്തെ ആത്മബന്ധമുണ്ടെന്നും അദ്ദേഹം വ്യക്തമാക്കി.

ജന്തർ മന്ദറിൽ യുവജനങ്ങളുടെ കരുത്തും സൗന്ദര്യവും രാജ്യം കണ്ടതാണ്. ചിന്തിക്കുന്ന തലച്ചോറിനെയും യുവാക്കളെയും ഭയമാണെന്ന് അധികാരികൾക്ക് ഒടുവിൽ സമ്മതിക്കേണ്ടിവന്നു. രാജ്യത്തെ ജനങ്ങൾ നരേന്ദ്ര മോദിയെ പൂർണമായി തിരിച്ചറിഞ്ഞു. അധികാരികളെ ഭയമില്ലെന്ന് അവർ ഉറക്കെ പ്രഖ്യാപിച്ചുവെന്നും പ്രകാശ് രാജ് പറഞ്ഞു.

യുവാക്കൾ ആദ്യമായി ഡൽഹിയിലെത്തിയപ്പോൾ പാർലമെന്റ് വിറച്ചു. ഇന്ന് പ്രതിഷേധിക്കാൻ ജന്തർ മന്ദർ മാത്രമല്ല വേദി. എവിടെ വേണമെങ്കിലും സമരം നടത്താവുന്ന വിധത്തിൽ പ്രതിഷേധവേദികൾ മാറിയിട്ടുണ്ട്. യുവാക്കൾക്ക് നഷ്ടപ്പെടാൻ ഒന്നുമില്ലെന്നും അദ്ദേഹം അഭിപ്രായപ്പെട്ടു.

നിലവിലുള്ള വ്യവസ്ഥിതിക്ക് ബദൽ എന്താണെന്ന കാര്യവും ഡിവൈഎഫ്ഐ ഉൾപ്പെടെയുള്ള യുവജന സംഘടനകൾ ഗൗരവമായി ചർച്ച ചെയ്യണമെന്ന് പ്രകാശ് രാജ് ആവശ്യപ്പെട്ടു.

ഡിവൈഎഫ്ഐ അഖിലേന്ത്യാ പ്രസിഡന്റ് എ.എ. റഹീം, ജനറൽ സെക്രട്ടറി ഹിമാഘ്നരാജ് ഭട്ടാചാര്യ, ട്രഷറർ സജീവ് കുമാർ തുടങ്ങിയ ദേശീയ നേതാക്കളും വിവിധ സംസ്ഥാനങ്ങളിൽനിന്നുള്ള പ്രതിനിധികളും സമ്മേളനത്തിൽ പങ്കെടുക്കുന്നുണ്ട്.

51,93,881 അംഗങ്ങളെ പ്രതിനിധീകരിച്ച് 590 പേരാണ് പ്രതിനിധി സമ്മേളനത്തിൽ പങ്കെടുക്കുന്നത്. കേരളത്തിലെ 14 ജില്ലകളിൽനിന്നും ലക്ഷദ്വീപിൽനിന്നുമായി ആകെ 615 പ്രതിനിധികൾ സമ്മേളനത്തിന്റെ ഭാഗമാകും.

ഓഗസ്റ്റ് 21ന് വൈകീട്ട് അഞ്ചിന് നടക്കുന്ന രക്തസാക്ഷി കുടുംബസംഗമം സിപിഎം സംസ്ഥാന സെക്രട്ടറി എം.വി. ഗോവിന്ദൻ മാസ്റ്റർ ഉദ്ഘാടനം ചെയ്യും. ഓഗസ്റ്റ് 22ന് വൈകീട്ട് നാലിന് നടക്കുന്ന സമാപന പൊതുസമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.

The post ‘ചിന്തിക്കുന്ന തലച്ചോറിനെയും യുവാക്കളെയും ഭയം; ജനങ്ങൾ നരേന്ദ്ര മോദിയെ തിരിച്ചറിഞ്ഞു’: പ്രകാശ് രാജ് appeared first on Starvision News Malayalam.

മനാമ: സീറോ മലബാർ സൊസൈറ്റി കുട്ടികൾക്കായി സംഘടിപ്പിക്കുന്ന അവധിക്കാല സമ്മർ ക്യാമ്പ് ‘കളിമുറ്റം’ ഔദ്യോഗികമായി ഉദ്ഘാടനം ചെയ്തു. സോഷ്യൽ മീഡിയ ഇൻഫ്ലുവൻസർ ലുബിന നദീർ ഉദ്ഘാടനം നിർവഹിച്ചു.

സിംസ് ഗുഡ്‌വിൻ ഹാളിൽ നടന്ന ചടങ്ങിൽ സിംസ് പ്രസിഡന്റ് പി.ടി. ജോസഫ് അധ്യക്ഷത വഹിച്ചു. ജനറൽ സെക്രട്ടറി നെൽസൺ വർഗീസ് സ്വാഗതം ആശംസിച്ചു. ക്യാമ്പിന്റെ ജനറൽ കൺവീനർമാരായ ഷെൻസി മാർട്ടിൻ, ലിജി ജോസ്, ജിൻസി ലിയോൺസ് എന്നിവർ കുട്ടികൾക്കായി ഒരുക്കിയ വിവിധ പരിപാടികളെക്കുറിച്ച് വിശദീകരിച്ചു.

കുട്ടികളുടെ വൈവിധ്യമാർന്ന കലാപരിപാടികൾ ഉദ്ഘാടന വേദിക്ക് മാറ്റുകൂട്ടി. ജിയാന ജെയ്സണും ലിവ്യാ ജെയ്സണും പരിപാടികൾ അവതരിപ്പിച്ചു.

കഴിഞ്ഞ 15 വർഷത്തിലേറെയായി അവധിക്കാലത്ത് സിംസ് കുട്ടികൾക്കായി സമ്മർ ക്യാമ്പ് സംഘടിപ്പിച്ചുവരികയാണ്. ചിത്രരചന, പെയിന്റിംഗ്, ക്രാഫ്റ്റ്, യോഗ, പ്രസംഗപരിശീലനം, ഗെയിംസ്, മാജിക് ഷോ, കരാട്ടെ–കുങ്ഫു, സംഗീതം, നൃത്തം തുടങ്ങിയ നിരവധി പരിപാടികളാണ് ഇത്തവണ ക്യാമ്പിന്റെ ഭാഗമായി ഒരുക്കിയിരിക്കുന്നത്.

മേരി രഞ്ജിത്, ജെനിറ്റ് ഷിനോയ്, ഷീജ ജെയ്സൺ, ബിജി അജീഷ്, മേബിൾ ജോബി, റാൻസി ജെയ്‌മി, ബീന, ഫിലോമിന ജേക്കബ്, ഐശ്വര്യ ജാക്സൺ, ഷീന ജോബിൻ എന്നിവർ ലീഡർമാരായും സോജി മാത്യു, ജെയ്സൺ മഞ്ഞളി, ജോസ് ചാലിശ്ശേരി, ഷാജി സെബാസ്റ്റ്യൻ, ജോൺസൺ നെപ്പോളിയൻ എന്നിവർ കോഓർഡിനേറ്റർമാരായും പ്രവർത്തിക്കുന്നു.

ജിയാന ജെയ്സൺ, ജെറോൺ ജീഫൻ, നാഹോർ നെൽസൺ, ലിനെറ്റ് റോസ്, ആൽവിസ് ലിയോൺസ്, നവീൻ നെൽസൺ, ലിവ്യാ ജെയ്സൺ, അൻസന മരിയ, ജിയ ടി.ടി., അന്ന എൽസ ജിനോയ്, അബാൻ ജോസഫ് എന്നിവരടങ്ങുന്ന വോളന്റിയർ ടീമും ക്യാമ്പിന് നേതൃത്വം നൽകുന്നു. സിംസ് ലേഡീസ് വിങ്ങാണ് ക്യാമ്പിന്റെ പ്രവർത്തനങ്ങൾ ഏകോപിപ്പിക്കുന്നത്.

രാവിലെ എട്ട് മണിക്ക് ആരംഭിക്കുന്ന ക്യാമ്പ് ഉച്ചയ്ക്ക് 12.30ന് സമാപിക്കും. രജിസ്ട്രേഷനും കൂടുതൽ വിവരങ്ങൾക്കും സിംസ് ഓഫീസിലോ 38386345 എന്ന നമ്പറിലോ ബന്ധപ്പെടാമെന്ന് ഭാരവാഹികൾ അറിയിച്ചു.

The post ബഹ്‌റൈനിലെ സീറോ മലബാർ സൊസൈറ്റിയുടെ സമ്മർ ക്യാമ്പ് ‘കളിമുറ്റം’ ഔദ്യോഗികമായി ഉദ്ഘാടനം ചെയ്തു appeared first on Starvision News Malayalam.