മനാമ: സുന്നി, ജാഫാരി എന്‍ഡോവ്മെന്റ് ഡയറക്ടറേറ്റുകള്‍ക്ക് കീഴിലുള്ള 40 പള്ളികള്‍ പുനഃസ്ഥാപിക്കുന്നതിനും വികസിപ്പിക്കുന്നതിനുമുള്ള ബഹ്റൈന് കിരീടാവകാശിയും പ്രധാനമന്ത്രിയുമായ സല്‍മാന്‍ ബിന്‍ ഹമദ് അല്‍ ഖലീഫ രാജകുമാരന്റെ നിര്‍ദ്ദേശപ്രകാരം, സുന്നി എന്‍ഡോവ്മെന്റ് ഡയറക്ടറേറ്റ് സനദിലെ മനാര്‍ അല്‍ ഹുദ പള്ളിയുടെ നവീകരണവും വിപുലീകരണവും പൂര്‍ത്തിയാക്കി.
സുന്നി എന്‍ഡോവ്മെന്റ് കൗണ്‍സില്‍ ചെയര്‍മാന്‍ ഷെയ്ഖ് ഡോ. റാഷിദ് ബിന്‍ മുഹമ്മദ് ബിന്‍ ഫുത്തൈസ് അല്‍ ഹജേരി പള്ളി ഉദ്ഘാടനം ചെയ്തു. ആരാധനാലയങ്ങള്‍ക്കുള്ള രാജാവ് ഹമദ് ബിന്‍ ഈസ അല്‍ ഖലീഫയുടെ പിന്തുണയും ഇസ്ലാമിക മൂല്യങ്ങള്‍ക്ക് അനുസൃതമായി പള്ളികള്‍ സംരക്ഷിക്കുന്നതിനും മതപരമായ ആചാരങ്ങള്‍ സുഗമമാക്കുന്നതിനുമുള്ള അദ്ദേഹത്തിന്റെ തുടര്‍ച്ചയായ ശ്രമങ്ങളും ഈ പ്രവൃത്തി പ്രതിഫലിപ്പിക്കുന്നുവെന്ന് അദ്ദേഹം പറഞ്ഞു.
സംഭാവനകള്‍ നല്‍കിയവരെ അദ്ദേഹം അഭിനന്ദിച്ചു. പള്ളി നിര്‍മ്മാണം, പുനരുദ്ധാരണം, പരിപാലനം എന്നിവ സുപ്രധാനമായ ഭക്തിപ്രവൃത്തികളും സാമൂഹിക പങ്കാളിത്തത്തിന്റെ ഉദാഹരണവുമാണെന്ന് അദ്ദേഹം പറഞ്ഞു.
