ചെന്നൈ: സൂപ്പർ സോണിക് ക്രൂയിസ് മിസൈലായ ബ്രഹ്മോസ് ഇന്ത്യ വിജയകരമായി പരീക്ഷിച്ചു. ഇന്ത്യൻ നാവിക സേനയുടെ തദ്ദേശീയമായി നിർമ്മിച്ച മാരക ശേഷിയുള്ള യുദ്ധക്കപ്പലായ ഐ.എൻ.എസ് ചെന്നൈയിൽ നിന്നുമായിരുന്നു മിസൈൽ പരീക്ഷിച്ചതെന്ന് പ്രതിരോധ ഗവേഷണ വികസന സംഘടന (ഡിആർഡിഒ) അറിയിച്ചു. പരീക്ഷണത്തിൽ അറേബ്യൻ കടലിൽ സ്ഥാപിച്ചിരുന്ന ലക്ഷ്യം ബ്രഹ്മോസ് ഭേദിച്ചതായി ഡിആർഡിഒ വ്യക്തമാക്കി.
മിസൈൽ വിജയകരമായി വിക്ഷേപിച്ചതിന് ഡിആർഡിഒ, ബ്രഹ്മോസ്, ഇന്ത്യൻ നേവി എന്നിവരെ രാജ്‌നാഥ് സിംഗ് അഭിനന്ദിച്ചു. ഹ്രസ്വ-ദൂര സൂപ്പർസോണിക് ക്രൂയിസ് മിസൈലാണ് ബ്രഹ്മോസ്. ഇത് ഒരു അന്തർവാഹിനിയിൽ നിന്നോ ഒരു യുദ്ധക്കപ്പലിൽ നിന്നോ ഒരു വിമാനത്തിൽ നിന്നോ അല്ലെങ്കിൽ ഭൂമിയിൽ നിന്നോ പുറത്തുവിടാം.
മിഡിൽ ഈസ്റ്റ് ഹോസ്‌പിറ്റൽ ചികിത്സക്കായി www.membh.com ക്ലിക്ക് ചെയ്യുക
റഷ്യയുടെ എൻ‌പി‌ഒ മച്ചിനോസ്ട്രോയീനിയയും ഇന്ത്യയുടെ പ്രതിരോധ ഗവേഷണ വികസന സംഘടനയും സംയുക്തമായി രൂപകൽപ്പന ചെയ്യുകയും വികസിപ്പിക്കുകയും നിർമ്മിക്കുകയും ചെയ്തതാണ് വളരെ വൈവിധ്യമാർന്ന ബ്രഹ്മോസ്. ഇന്ത്യയും റഷ്യയും വികസിപ്പിച്ചെടുത്ത ഏറ്റവും ആധുനിക മിസൈൽ സംവിധാനമാണ് ബ്രഹ്മോസ്.
