ന്യൂഡൽഹി: രാജ്യത്തെ കോവിഡ് ബാധ നിയന്ത്രിക്കാൻ കർശന നടപടികൾ ആവശ്യമെന്ന് സുപ്രീംകോടതി. രോഗം പടരാതിരിക്കാൻ കൊണ്ടുവന്ന നിയന്ത്രണങ്ങൾ ജനങ്ങൾ പാലിക്കുന്നില്ലെന്നും കോടതി നിരീക്ഷിച്ചു. കോവിഡിനെ തടയുന്നതിനേക്കാൾ രാഷ്ട്രീയ നേട്ടത്തിലാണ് ചില സംസ്ഥാനങ്ങളുടെ ശ്രദ്ധയെന്നും കോടതി അഭിപ്രായപ്പെട്ടു. രാജ്യത്തെ 80 ശതമാനത്തോളം പേർ ഇപ്പോഴും മാസ്ക്കുകൾ ശരിയായി ധരിക്കാതെയാണ് പുറത്തിറങ്ങുന്നതെന്നും കോടതി പറഞ്ഞു.ഗുജറാത്തിലെ രാജ്കോട്ടിൽ ആശുപത്രിക്ക് തീപിടിച്ച് 5 കോവിഡ് രോഗികൾ മരിക്കാനിടയായ സംഭവത്തിൽ സുപ്രീംകോടതി അഗാധ ദുഖം രേഖപ്പെടുത്തി.
