സൗദിയില്‍ 39 പേർ ഇന്ന് കൊറോണ മൂലം മരിച്ചു

റിയാദ്: സൗദി അറേബ്യയില്‍ ഇന്ന് കൊറോണ മൂലം 39 പേര് മരിച്ചു.ഇതോടെ സൗദിയിലെ ആകെ മരണനിരക്ക് 932 ആയി. ജിദ്ദയിലാണ് ഏറ്റവും കൂടുതലാളുകള്‍ ഒറ്റ ദിവസം മരിച്ചത്, 22പേര്‍. രാജ്യത്താകെ 3366 പേര്‍ക്ക് പുതുതായി രോഗബാധ സ്ഥിരീകരിച്ചു. 1519 പേര്‍ക്ക് രോഗം ഭേദമായി. ആകെ രോഗബാധിതരുടെ എണ്ണം 123308 ഉം രോഗമുക്തരുടെ എണ്ണം 82548 ഉം ആയി. 39828 പേര്‍ രാജ്യത്തെ വിവിധ ആശുപത്രികളിലായി ചികിത്സയില്‍ തുടരുകയാണ്.