റിയാദ്: ആരോഗ്യ മന്ത്രാലയം നടപ്പാക്കിയ ദേശീയ കുത്തിവയ്പ്പ് പദ്ധതിയുടെ ഭാഗമായി സൗദി അറേബ്യയിലെ കിരീടാവകാശി മുഹമ്മദ് ബിൻ സൽമാന് കൊറോണ വൈറസ് വാക്സിൻ നൽകി. പൗരന്മാർക്കും താമസക്കാർക്കും വാക്സിനുകൾ നൽകാനുള്ള അദ്ദേഹത്തിന്റെ താൽപ്പര്യത്തിനും തുടർനടപടികൾക്കും കിരീടാവകാശിക്ക് ആരോഗ്യമന്ത്രി തൗഫിക് അൽ റബിയ നന്ദി പറഞ്ഞു.
ആളുകളുടെ ആരോഗ്യത്തിന് പ്രഥമസ്ഥാനം നൽകുന്നതിനൊപ്പം മുൻകരുതൽ നടപടികൾ ത്വരിതപ്പെടുത്തിയാണ് ഇത് കൊണ്ടുവന്നതെന്നും അദ്ദേഹം കൂട്ടിച്ചേർത്തു. കഴിഞ്ഞ ചൊവ്വാഴ്ച ആരംഭിച്ചതിന് ശേഷം 500,000 ത്തിലധികം ആളുകൾ സൗദി അറേബ്യയിൽ കോവിഡ് -19 വാക്സിൻ എടുക്കാൻ രജിസ്റ്റർ ചെയ്തതായി ആരോഗ്യ മന്ത്രാലയം അറിയിച്ചു.
