ബെംഗളൂരു: മയക്കുമരുന്ന് കടത്ത് കേസില് നടി നിക്കി ഗല്റാണിയുടെ സഹോദരി സഞ്ജന ഗല്റാണിയുടെ വീട്ടില് ഇന്ന് രാവിലെ സെര്ച് വാറണ്ടുമായി പോലീസ് വീട്ടില് എത്തുകയായിരുന്നു. മയക്കുമരുന്ന് കേസുമായി ബന്ധപ്പെട്ട് സഞ്ജനയോട് കഴിഞ്ഞ ദിവസം ചോദ്യം ചെയ്യലിന് ബെംഗളൂരുവിലെ ക്രൈംബ്രാഞ്ച് ഓഫീസില് ഹാജരാകാനാണ് നിര്ദ്ദേശം നല്കിയത്. എന്നാല് സഞ്ജന ഹാജരായിരുന്നില്ല. ഇതിനെ തുടര്ന്നാണ് വീട്ടില് തെരച്ചില് നടത്തിയത്. വീട്ടിൽ നിന്ന് ലാപ്ടോപ്പുകളും സ്മാർട്ട്ഫോണുകളും പിടിച്ചെടുത്തിട്ടുണ്ട്. സെൻട്രൽ ക്രൈം ബ്രാഞ്ച് ഇവരെ അറസ്റ്റ് ചെയ്ത് ക്രൈംബ്രാഞ്ച് ആസ്ഥാനത്തേക്ക് കൊണ്ടുപോയി.