പ്രധാനമന്ത്രി മോദിയുടെ ശില്പം നിർമ്മിച്ച് സാൻഡ് ആർട്ടിസ്റ്റ് സുദർശൻ പട്നായിക്

ഒഡീഷയിലെ പുരി ബീച്ചിൽ പ്രധാനമന്ത്രി നരേന്ദ്ര മോദിയുടെ ശിൽപം സൃഷ്ടിച്ച് ജന്മദിനാശംസകൾ നേർന്ന് പ്രശസ്ത സാൻഡ് ആർട്ടിസ്റ്റ് സുദർശൻ പട്നായിക്. ഇന്ന് എഴുപത്തിരണ്ടാം പിറന്നാൾ ആഘോഷിക്കുന്ന പ്രധാനമന്ത്രിക്ക് തന്‍റെ അതുല്യമായ രീതിയിലാണ് പട്നായിക്ക് ആശംസകൾ നേർന്നത്. 1,213 മഡ് ടീ കപ്പുകൾ ഉപയോഗിച്ചാണ് അദ്ദേഹം ഇൻസ്റ്റലേഷൻ പീസ് നിർമ്മിച്ചത്. മനോഹരമായ തൻ്റെ കലാസൃഷ്ടിയുടെ ചിത്രമുൾപ്പെട്ട പോസ്റ്റ് പട്നായിക് ട്വിറ്ററിൽ പങ്കുവച്ചു.