ആലപ്പുഴ: ആലപ്പുഴ എംഎൽഎ പി പി ചിത്തരഞ്ജന് വീണ്ടും കോവിഡ് സ്ഥിരീകരിച്ചു. ഇത് രണ്ടാം തവണയാണ് എംഎൽഎയ്ക്ക് കോവിഡ് രോഗബാധ സ്ഥിരീകരിക്കുന്നത്. ജനുവരി 21-ന് രോഗലക്ഷണങ്ങൾ പ്രകടമാക്കിയതിനെ തുടർന്ന് പിറ്റേ ദിവസം ആർ.ടി.പി.സി.ആർ പരിശോധന നടത്തിയിരുന്നു. ശേഷം വീട്ടിൽ തന്നെ ക്വാറന്റൈൻ പാലിച്ച് വരികയായിരുന്നു. ഇന്ന് പരിശോധനാ ഫലം വന്നപ്പോഴാണ് എംഎൽഎ രോഗബാധിതനാണ് എന്ന് സ്ഥിരീകരിച്ചത്.
രോഗലക്ഷണങ്ങൾ ഉണ്ടെങ്കിലും ആരോഗ്യ സ്ഥിതി തൃപ്തികരമായതിനെതുടർന്ന് ഡോക്ടർമാരുടെ നിർദ്ദേശ പ്രകാരം വീട്ടിൽ തന്നെ ക്വാറന്റൈൻ കഴിയുകയാണ്. എംഎൽഎയുമായി പ്രാഥമിക സമ്പർക്കകത്തിലുള്ള ഭാര്യ നെഗറ്റീവാണ്. രണ്ടു ഡോസ് വാക്സിനും ബൂസ്റ്റർ ഡോസും സ്വീകരിച്ച ശേഷമാണ് എംഎൽഎയ്ക്ക് കോവിഡ് സ്ഥിരീകരിച്ചത്. ഈ കഴിഞ്ഞ ദിവസങ്ങളിൽ എംഎൽഎയുമായി പ്രാഥമിക സമ്പർക്കത്തിലേർപ്പട്ടവർ ആവശ്യമായ മുൻകരുതലുകൾ സ്വീകരിക്കണമെന്ന് എംഎൽഎ അഭ്യർത്ഥിച്ചു. കഴിഞ്ഞ വർഷം ആഗസ്റ്റിലാണ് എംഎൽഎയ്ക്ക് ആദ്യം കോവിഡ് സ്ഥിരീകരിച്ചത്.
