കൊല്ലം : ഗ്രാമഭംഗിയാൽ സമ്പന്നമായ കടയ്ക്കലിൽ പതിവായെത്തുന്ന തത്തകളുടെ വിവിധ ദൃശ്യങ്ങൾ പകർത്തി ഇപ്പോൾ സമൂഹ മാധ്യമങ്ങളിൽ വൈറൽ ആവുകയാണ് കൊല്ലം കടയ്ക്കൽ സ്വദേശിയായ റാഷിദ് ഷാജി. തന്റെ വീട്ടിൽ പതിവായെത്തുന്ന തത്തകളുടെ വിവിധ ദൃശ്യങ്ങളാണ് ഈ പതിനെട്ടുകാരൻ വളരെ ക്ഷമയോടെ കാത്തിരുന്ന് ക്യാമറയിൽ പകർത്തിയത്. ഫോട്ടോഗ്രാഫിയിൽ ഇതിനോടകം കഴിവ് തെളിയിച്ച റാഷിദ് ഷാജി പ്ലസ് ടു പഠനം കഴിഞ്ഞു ബികോം പഠനത്തിന് ചേരാൻ കാത്തിരിക്കുകയാണ്. മൊബൈൽ വീഡിയോ എഡിറ്റിങ്ങിലും തല്പരനായ ഇദ്ദേഹം ഇതിനകം നിരവധി വാർത്താ ചിത്രങ്ങൾക്ക് എഡിറ്റിങ് നിർവഹിച്ചു കഴിഞ്ഞു. ദുബായിൽ ബിസിനസ്സ്കാരനായ ഷാജി കടയ്ക്കലിന്റെയും അദ്ധ്യാപികയായ സെറിന്റെയും മകനാണ് റാഷിദ് ഷാജി. ഏക സഹോദരി നേഹ.
