മനാമ : പ്രവാസി ഭാരതീയ സമ്മാൻ പുരസ്‌ക്കാര ജേതാവായ കെ.ജി ബാബുരാജിനെ പീപ്പിൾസ് ഫോറം ബഹ്‌റൈൻ ആദരിച്ചു. ബഹ്‌റൈന്റെ സാമൂഹിക, സാംസ്‌കാരിക, ജീവകാരുണ്യ മണ്ഡലങ്ങളിൽ മാതൃകാപരമായ ജീവകാരുണ്യ പ്രവർത്തനങ്ങളിലൂടെ വ്യക്തിമുദ്ര പതിപ്പിച്ച ഇദ്ദേഹം ബഹ്‌റൈൻ പ്രവാസി സമൂഹത്തിന്റേയും, മലയാളികളുടേയും അഭിമാനമാണെന്നും, കൂടുതൽ വിജയങ്ങൾ കൈവരിക്കട്ടെയെന്നും, എല്ലാവിധ പ്രാർത്ഥനകളും, ആശംസകളും നേരുന്നതായും പീപ്പിൾസ് ഫോറം മുഖ്യരക്ഷാധികാരി പമ്പാവാസൻ നായർ അറിയിച്ചു. പ്രസിഡന്റ്‌ ജെ. പി, ആസാദ്, സെക്രട്ടറി പി. വി. ബിജു കുമാർ, വൈസ് പ്രസിഡന്റ്‌ ആർ. കെ. ശ്രീജൻ, ട്രഷറർ മനീഷ് മുരളീധരൻ എന്നിവർ പങ്കെടുത്തു.
