മനാമ: സൽമാനിയ സെഗയ ഹാളിൽ വച്ചു ബഹറിനിലെ പ്രമുഖ സാമൂഹിക പ്രവർത്തകനും പത്തനംതിട്ട കുമ്പനാട് സ്വദേശിയും ആയ വേൾഡ് മലയാളി കൗൺസിൽ ട്രഷറർ മോനി ഒടികണ്ടത്തിൽ നിർവഹിച്ചു. മോനി ഒടികണ്ടത്തിൽ മിനിസ്ട്രി ഓഫ് ഇന്റീരിയർ ബഹറൈൻ ഉദ്യോഗസ്ഥനും, കെ. സി. ഈ. സി. ട്രഷറർ, സെന്റ് പോൾസ് മാർത്തോമ പാരിഷ് വൈസ് പ്രസിഡന്റ് , ഫ്രണ്ട്സ് ഓഫ് ബഹറൈൻ രക്ഷാ ധികരി എന്നീ നിലകളിലും പ്രവർത്തിച്ചു വരുന്നു. പ്രവാസ ജീവിത യാത്രയിലും സ്വന്തം നാടിനെയും സംസ്കാരത്തെയും മറന്നു പോകാതെ പുതു തലമുറയ്ക്ക് നമ്മുടെ ജന്മ നാടിന്റെ മഹത്വം പകർന്നു നൽകണം എന്നും അസോസിയേഷന്റെ പ്രവർത്തങ്ങൾ പ്രവാസികൾക്ക് വേണ്ടി അവരുടെ പ്രശ്നങ്ങളിൽ ഇറങ്ങി അവരുടെ ശബ്ദം ആയി മാറാൻ കഴിയണം എന്ന് ഉദ്ഘാടന സന്ദേശത്തിൽ അദ്ദേഹം അറിയിച്ചു.
അസോസിയേഷൻ കൺവീനർ വിഷ്ണു വി അധ്യക്ഷത വഹിച്ച ചടങ്ങിൽ രാജു കല്ലുംപുറം(OICC ബഹ്‌റൈൻ), സുബൈർ കണ്ണൂർ(പ്രതിഭ ബഹ്‌റൈൻ), പ്രവീൺ നായർ(സംസ്കൃതി ബഹ്‌റൈൻ), വര്ഗീസ് മൂഡിയിൽ (ആലിയ ഫ്ളവർസ് )എന്നിവർ ആശംസകൾ അറിയിക്കുകയും , സിജി തോമസ് , ജോബിൻ രാജു, എന്നിവർ പ്രവർത്തനങ്ങളെ പറ്റി വിശദീകരിച്ചു. എബിൻ ജോൺ തെക്കെമല നന്ദി പറഞ്ഞു.
എൻ.ഇ.സി റെമിറ്റിലൂടെ പണം അയക്കാനായി www.necremit.com ക്ലിക്ക് ചെയ്യുക
പത്തനംതിട്ടയിലെ വിവിധ ജനപ്രതിനിധികൾ സാംസ്കാരിക പ്രവർത്തകർ എല്ലാവരും ദൃശ്യ മാധ്യമങ്ങളിൽ കൂടിയും ഓൺലൈൻ വഴിയും സന്നിഹിതർ ആയിരുന്ന ചടങ്ങിൽ ബഹറിനിൽ ഉള്ള പത്തനംതിട്ട കാരായ പ്രവാസികളുടെ ക്ഷേമത്തിനും ഉന്നമനത്തിനും വേണ്ടി പ്രവർത്തിക്കുക എന്നത് ആണ് അസോസിയേഷൻ ന്റെ മുഖ്യ ലക്ഷ്യം എന്ന് ഭാരവാഹികൾ അറിയിച്ചു. ഓണഘോഷങ്ങളുടെ ഭാഗമായി ലോക്‌ഡ്‌ ഓണം 2K20 എന്ന പേരിൽ നടത്തിയ മത്സരത്തിലെ വിജയികൾക്ക് സമ്മാനങ്ങൾ നൽകി.
സാംസ്കാരിക സമ്മേളനത്തിൽ ബഹറിനിലെ വിവിധ കലാകാരന്മാരുടെ കലാ പരിപാടികളും അരങ്ങേറി. പത്തനംതിട്ട പ്രവാസി അസോസിയേഷനിൽ അംഗങ്ങൾ ആകാൻ +973 3925 1019 ഈ നമ്പറിൽ ബന്ധപ്പെടണമെന്ന് ഭാരവാഹികൾ അറിയിച്ചു.
