മനാമ: ഓണ്ലൈന് ചൂഷണത്തില്നിന്നും ബ്ലാക്ക്മെയിലിംഗില് നിന്നും കുട്ടികളെ സംരക്ഷിക്കാന് പബ്ലിക് പ്രോസിക്യൂഷന് മന്ത്രാലയം, ആഭ്യന്തര മന്ത്രാലയം, സാമൂഹിക വികസന മന്ത്രാലയം, നീതിന്യായ മന്ത്രാലയം, ഇസ്ലാമിക് അഫയേഴ്സ് ആന്ഡ് എന്ഡോവ്മെന്റ് മന്ത്രാലയം, ഇന്ഫര്മേഷന് മന്ത്രാലയം, വിദ്യാഭ്യാസ മന്ത്രാലയം എന്നിവയുടെ സംയുക്താഭിമുഖ്യത്തില് ദേശീയ കാമ്പയിന് ആരംഭിക്കും.
ഇതിനെക്കുറിച്ച് ചര്ച്ച ചെയ്യാന് ബന്ധപ്പെട്ട അധികൃതരുടെ ഏകോപന യോഗം ചേര്ന്നു.
യോഗത്തില് അസിസ്റ്റന്റ് അറ്റോര്ണി ജനറല് കൗണ്സിലര് വെയ്ല് റാഷിദ് ബുല്ലെ, ആഭ്യന്തര മന്ത്രാലയത്തിലെ കമ്മ്യൂണിറ്റി അഫയേഴ്സ് പബ്ലിക് സെക്യൂരിറ്റി അസിസ്റ്റന്റ് ചീഫ് കേണല് അമ്മാര് മുസ്തഫ അല് സെയ്ദ്, സാമൂഹിക വികസന മന്ത്രാലയം അണ്ടര് സെക്രട്ടറി സഹര് റാഷിദ് അല് മന്നായി, നീതിന്യായ മന്ത്രാലയത്തിലെ കുടുംബാസൂത്രണ- അനുരഞ്ജന- ജീവനാംശ വിഭാഗം അണ്ടര്സെക്രട്ടറി ദാനാ ഖമീസ് അല് സയാനി, ഇന്ഫര്മേഷന് മന്ത്രാലയം അണ്ടര്സെക്രട്ടറി യൂസിഫ് മുഹമ്മദ് അല് ബിന്ഖലില്, വിദ്യാഭ്യാസ മന്ത്രാലയത്തിലെ സ്കൂള് കാര്യ ഡയറക്ടര് ജനറല് സുഹ സാലിഹ് ജാസിം ഹമാദ എന്നിവര് പറഞ്ഞു.കാമ്പയിന് ആരംഭിക്കുന്നതിനുള്ള അവസാനവട്ട ഒരുക്കങ്ങള് യോഗം ചര്ച്ച ചെയ്തു.സൈബര് ഇടങ്ങളിലെ കുട്ടികള്ക്കെതിരായ ചൂഷണത്തിന്റെയും ബ്ലാക്ക്മെയിലിംഗിന്റെയും അപകടത്തെക്കുറിച്ച് അവബോധം വളര്ത്തുന്നതിനായി വിവിധ മന്ത്രാലയങ്ങളുടെ സഹകരണത്തോടെ പബ്ലിക് പ്രോസിക്യൂഷന് ഇത് നടപ്പാക്കും.
കുട്ടികളെ ലക്ഷ്യമാക്കിയുള്ള ഓണ്ലൈന് ചൂഷണം, ബ്ലാക്ക്മെയില് എന്നിവയെ കണ്ടെത്തുന്നതിനും പ്രതികരിക്കുന്നതിനും രക്ഷിതാക്കളെയും പരിചരിക്കുന്നവരെയും ബോധവല്ക്കരിക്കുന്നതിലാണ് കാമ്പയിന് ശ്രദ്ധ കേന്ദ്രീകരിക്കുന്നത്. കുട്ടികളുടെ ഇന്റര്നെറ്റ് ഉപയോഗം നിയന്ത്രിക്കുന്നതിനും ഡിജിറ്റല് സുരക്ഷാ ആപ്ലിക്കേഷനുകള് ഉപയോഗിക്കുന്നതിനുമുള്ള മാര്ഗ്ഗനിര്ദ്ദേശങ്ങള് നടപ്പിലാക്കുന്നതും ഈ കാമ്പയിനില് ഉള്പ്പെടുന്നു.സുപ്രീം ജുഡീഷ്യല് കൗണ്സില് ജനറല് സെക്രട്ടേറിയറ്റ്, യുവജനകാര്യ മന്ത്രാലയം, ഇന്ഫര്മേഷന് ആന്ഡ് ഇ-ഗവണ്മെന്റ് അതോറിറ്റി, നാഷണല് ഇന്സ്റ്റിറ്റ്യൂട്ട് ഫോര് ഹ്യൂമന് റൈറ്റ്സ് (എന്.ഐ.എച്ച്.ആര്), ടെലികമ്മ്യൂണിക്കേഷന്സ് റെഗുലേറ്ററി അതോറിറ്റി (ടി.ആര്.എ), ജുഡീഷ്യല് ആന്ഡ് ലീഗല് സ്റ്റഡീസ് ഇന്സ്റ്റിറ്റ്യൂട്ട്, നാഷണല് കമ്മ്യൂണിക്കേഷന് സെന്റര് (എന്.സി.സി), എന്നിവയുമായി സഹകരിച്ചാണ് യോഗം ചേര്ന്നത്. കാമ്പയിന് ജൂലൈ 10ന് ആരംഭിക്കും. വര്ഷാവസാനം വരെ നീണ്ടുനില്ക്കും..