മനാമ: ഒമാൻ സുൽത്താനേറ്റിലെ മസ്കറ്റ് ഗവർണറേറ്റിലെ അൽ വാദി അൽ കബീർ ഏരിയയിൽ നിരവധി ആളുകളുടെ മരണത്തിനും പരിക്കിനുമിടയാക്കിയ വെടിവെപ്പിനെ ബഹ്റൈൻ ശക്തമായി അപലപിച്ചു.
മതപരവും ധാർമ്മികവുമായ എല്ലാ മൂല്യങ്ങൾക്കും വിരുദ്ധവും ഒമാൻ്റെ സുരക്ഷയും സ്ഥിരതയും അസ്ഥിരപ്പെടുത്താൻ ലക്ഷ്യമിടുന്നതുമാണ് ഈ ഹീനമായ ആക്രമണമെന്ന് ബഹ്റൈൻ വിദേശകാര്യ മന്ത്രാലയം പ്രസ്താവനയിൽ പറഞ്ഞു.
ഇരകളുടെ കുടുംബങ്ങൾക്കും ഒമാനി സർക്കാരിനും ജനങ്ങൾക്കും രാജ്യത്തിൻ്റെ നേതൃത്വത്തിൻ്റെയും ജനങ്ങളുടെയും അനുശോചനം വിദേശകാര്യ മന്ത്രാലയം അറിയിച്ചു. പരിക്കേറ്റവർ വേഗത്തിൽ സുഖം പ്രാപിക്കട്ടെയെന്ന് മന്ത്രാലയം ആശംസിച്ചു