മനാമ: ബഹ്റൈന്‍ നാഷണല്‍ മ്യൂസിയത്തോടു ചേര്‍ന്നുള്ള പ്രദേശത്ത് നടന്ന നാസര്‍ ബിന്‍ ഹമദ് മറൈന്‍ ഹെറിറ്റേജ് സീസണിന്റെ എട്ടാമത് പതിപ്പ് സമാപിച്ചു.
സമാപന ചടങ്ങില്‍ രാജാവ് ഹമദ് ബിന്‍ ഈസ അല്‍ ഖലീഫ നിയോഗിച്ചതനുസരിച്ച് രാജാവിന്റെ വ്യക്തിഗത പ്രതിനിധിയും പരിസ്ഥിതി സുപ്രീം കൗണ്‍സില്‍ പ്രസിഡന്റുമായ ശൈഖ് അബ്ദുല്ല ബിന്‍ ഹമദ് അല്‍ ഖലീഫ പങ്കെടുത്തു.
ദേശീയ ഗാനാലാപനത്തോടെയാണ് ചടങ്ങ് ആരംഭിച്ചത്. ബഹ്റൈനിന്റെ സമ്പന്നമായ സമുദ്ര ചരിത്രവും പൈതൃകവും ആഘോഷിക്കുന്ന മൂന്ന് മാസത്തിലേറെ നീണ്ട മത്സരങ്ങളുടെ സമാപനമായിരുന്നു ഇത്.
കിംഗ്‌സ് കപ്പിനായുള്ള പരമ്പരാഗത റോയിംഗ് മത്സരത്തില്‍ ഒമാനില്‍നിന്നുള്ള ‘അഹാദ് ഒമാന്‍’ ടീം ഒന്നാം സ്ഥാനം നേടി. ബഹ്റൈനിന്റെ ‘ഐസര്‍’ ടീം രണ്ടാം സ്ഥാനവും ഒമാന്റെ ‘ഷബാബ് സോഹര്‍’ ടീം മൂന്നാം സ്ഥാനവും നേടി.
30- 45 വയസ് ഗ്രൂപ്പിലെ ഓപ്പണ്‍ വാട്ടര്‍ നീന്തലില്‍ മുഹമ്മദ് യഹ്യ ജഫാന്‍ ഒന്നാം സ്ഥാനവും മുഹമ്മദ് അബ്ദുല്‍ അസീസ് അല്‍ ദോസാരി രണ്ടാം സ്ഥാനവും ഹമദ് മുഹമ്മദ് അല്‍ മന്‍സൂരി മൂന്നാം സ്ഥാനവും നേടി.
46 വയസ്സിനു മുകളിലുള്ളവരുടെ നീന്തല്‍ മത്സരത്തില്‍ സനദ് ബദര്‍ ജാസിം ഒന്നാം സ്ഥാനവും അബ്ദുറഹ്‌മാന്‍ ജാസിം അബ്ദുറഹ്‌മാന്‍ രണ്ടാം സ്ഥാനവും നവാഫ് ഹമദ് മജ്ദാം മൂന്നാംസ്ഥാനവുംനേടി.
ഷെയ്ഖ് അബ്ദുല്ല ബിന്‍ ഹമദ് വിജയികള്‍ക്ക് അവാര്‍ഡുകള്‍ സമ്മാനിച്ചു. പങ്കെടുത്ത എല്ലാവരെയും അദ്ദേഹം അഭിനന്ദിച്ചു.
