ലുലു ഹൈപ്പർമാർക്കറ്റ് ഇറ്റാലിയൻ പാചക മത്സര വിജയികൾക്ക് സമ്മാനങ്ങൾ വിതരണം ചെയ്തു

മനാമ: ഇറ്റാലിയൻ ഫെസ്റ്റിവലിനോടനുബന്ധിച്ച് ലുലു ഹൈപ്പർമാർക്കറ്റ് കുട്ടികൾക്കും മുതിർന്നവർക്കുമായി സംഘടിപ്പിച്ച ഇറ്റാലിയൻ വിഭവങ്ങളുടെ ഓൺലൈൻ പാചക മത്സരത്തിലെ വിജയികൾക്ക് സമ്മാനങ്ങൾ വിതരണം ചെയ്തു. ബഹ്‌റൈനിലെ ഇറ്റാലിയൻ അംബാസിഡർ പോള അമാദിയും, ലുലു മാനേജ്മെന്റും ചേർന്ന് വിജയികൾക്ക് സമ്മാനങ്ങൾ കൈമാറി. ഡാന മാളിലെ ലുലു ഹൈപ്പർമാർക്കറ്റിലാണ് സമ്മാന വിതരണ ചടങ്ങ് നടന്നത്. ഇറ്റാലിയൻ എംബസിയുമായും ഇറ്റാലിയൻ ട്രേഡ് ഏജൻസിയുമായും സഹകരിച്ചാണ് ലുലു ഹൈപ്പർമാർക്കറ്റ് ഇറ്റാലിയൻ ഫെസ്റ്റിവൽ സംഘടിപ്പിച്ചത്. നവംബർ 25 മുതൽ ഡിസംബർ 01 വരെയായിരുന്നു ഫെസ്റ്റിവൽ നടന്നത്.