മനാമ: റമദാൻ ചാരിറ്റി അസോസിയേഷന്റെ തുടർച്ചയായി റോയൽ ഹ്യുമാനിറ്റേറിയൻ ഫൗണ്ടേഷനുമായി (RHF) ചേർന്ന് ആർ.എച്ച്.എഫ് ന്റെ സംരക്ഷണയിലുള്ള 50 അനാഥർക്ക് ലുലു ഗ്രൂപ്പ് ഡാന മാളിൽ ഇഫ്താർ ഗെറ്റ് ടുഗതർ സംഘടിപ്പിച്ചു. ചടങ്ങിൽ ആർ.എച്ച്.എഫ് സെക്രട്ടറി ജനറൽ ഡോ. മുസ്തഫ അൽ സെയ്ദ് മുഖ്യാതിഥിയായി പങ്കെടുത്തു. ലുലു ഗ്രൂപ്പ് ഡയറക്ടർ ജുസർ രൂപാവാല അദ്ദേഹത്തെ സ്വാഗതം ചെയ്തു.
പരിപാടിയുടെ ഭാഗമായി വിനോദ പരിപാടികൾ, ഗെയിമുകൾ, ക്വിസുകൾ എന്നിവയും നടന്നു. കൂടാതെ എല്ലാവർക്കും സമ്മാന ഹാംപറുകളും വിതരണം ചെയ്തു. രാജാവിന്റെ ഹ്യൂമാനിറ്റേറിയൻ വർക്ക് ആൻഡ് യൂത്ത് അഫയേഴ്‌സ് പ്രതിനിധി ഷെയ്ഖ് നാസർ ബിൻ ഹമദ് അൽ ഖലീഫയുടെ പിന്തുണയിലൂടെയാണ് ആർഎച്ച്എഫിന്റെ പ്രവർത്തനം ശക്തി പ്രാപിച്ചതെന്ന് ഡോ. മുസ്തഫ അൽ സയ്യിദ് പറഞ്ഞു.
പൊതുജനങ്ങളിൽ നിന്നുള്ള സംഭാവനകൾ ഉപയോഗിച്ച് ആർഎച്ച്എഫിന്റെ പരിചരണത്തിലുള്ള അനാഥരെ സഹായിക്കുന്നതിനായി ലളിതവും ഫലപ്രദവുമായ “ലുലു കെയേഴ്സ്” കാമ്പെയ്‌നും ലുലു ഗ്രൂപ്പ് ആരംഭിച്ചിട്ടുണ്ട്. ലുലുവിൽ, ആർ‌എച്ച്‌എഫുമായുള്ള ദീർഘവും ഫലപ്രദവുമായ ബന്ധത്തിലും രാജ്യത്തെ ശക്തിപ്പെടുത്തുന്നതിനുള്ള പ്രവർത്തനത്തിലും അഭിമാനിക്കുന്നതായി ലുലു ഗ്രൂപ്പ് ഡയറക്ടർ ജൂസർ രൂപവാല പറഞ്ഞു.
