തിരുവനന്തപുരം: ലുലു മാളിലേക്ക് പ്രത്യേക സര്‍വീസുകള്‍ ആരംഭിച്ച്‌ കെ എസ് ആര്‍ ടി സി. തമ്ബാനൂര്‍, കിഴക്കേകോട്ട എന്നിവിടങ്ങളില്‍ നിന്നാണ് തിരുവനന്തപുരം ലുലുമാളിലേക്ക് സര്‍വീസ് ആരംഭിച്ചത്.
തമ്ബാനൂര്‍ നിന്നും ആരംഭിച്ച്‌ കിഴക്കേകോട്ട വഴി ലുലു മാളിലേക്ക് എത്തുന്ന രീതിയിലാണ് സര്‍വീസ് ക്രമീകരിച്ചിരിക്കുന്നത്. രാവിലെ 9.00 മണിക്ക് ആരംഭിച്ച്‌ രാത്രി 10.00 മണി വരെ സര്‍വീസ് തുടരും. 50 രൂപയാണ് ടിക്കറ്റ് നിരക്ക്. ഇതിനായി ഏസി ലോഫ്ലോര്‍ ബസുകളാണ് ഒരുക്കിയിട്ടുള്ളത്.
തിരുവനന്തപുരം സെന്‍ട്രല്‍, സിറ്റി യൂണിറ്റുകളില്‍ യാത്രക്കാരുടെ സ്വകാര്യവാഹനങ്ങള്‍ പാര്‍ക്കുചെയ്യുന്നതിനുള്ള സൗകര്യം ഉണ്ടായിരിക്കുമെന്നും കെ എസ് ആര്‍ ടിസി അറിയിച്ചു.
