തിരുവനന്തപുരം: കേരളത്തില് ഇന്ന് 794 പേര്ക്ക് കൊറോണ സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. തിരുവനന്തപുരം ജില്ലയില് 182 പേര്ക്കും, കോഴിക്കോട് ജില്ലയില് 92 പേര്ക്കും, കൊല്ലം ജില്ലയില് 79 പേര്ക്കും, എറണാകുളം ജില്ലയില് 72 പേര്ക്കും, ആലപ്പുഴ ജില്ലയില് 53 പേര്ക്കും, മലപ്പുറം ജില്ലയില് 50 പേര്ക്കും, പാലക്കാട് ജില്ലയില് 49 പേര്ക്കും, കണ്ണൂര് ജില്ലയില് 48 പേര്ക്കും, കോട്ടയം ജില്ലയില് 46 പേര്ക്കും, തൃശ്ശൂര് ജില്ലയില് 42 പേര്ക്കും, കാസര്കോട് ജില്ലയില് 28 പേര്ക്കും, വയനാട് ജില്ലയില് 26 പേര്ക്കും, ഇടുക്കി ജില്ലയില് 24 പേര്ക്കും, പത്തനംതിട്ട ജില്ലയില് നിന്നുള്ള 3 പേർക്കുമാണ് ഇന്ന് രോഗ ബാധ സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരില് 148 പേര് വിദേശ രാജ്യങ്ങളില് നിന്നും 105 പേര് മറ്റ് സംസ്ഥാനങ്ങളില് നിന്നും വന്നതാണ്. 519 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 24 പേരുടെ സമ്പര്ക്ക ഉറവിടം വ്യക്തമല്ല.
കഴിഞ്ഞ 24 മണിക്കൂറിനിടെ 14,640 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് അസ്സെ എന്നിവ ഉള്പ്പെടെ ഇതുവരെ ആകെ 5,46,000 സാമ്പിളുകളാണ് പരിശോധനയ്ക്കായി അയച്ചത്. ഇതില് 5969 സാമ്പിളുകളുടെ പരിശോധനാ ഫലം വരാനുണ്ട്.
വീഡിയോ വാർത്തകൾക്ക് സ്റ്റാർവിഷൻന്യൂസ് യൂട്യൂബ് ചാനൽ സബ്സ്ക്രൈബ് ചെയ്യൂക