മനാമ: ബഹ്റൈന് സായുധ സേനയുടെ സുപ്രീം കമാന്ഡര്കൂടിയായ രാജാവ് ഹമദ് ബിന് ഈസ അല് ഖലീഫ ആഭ്യന്തര മന്ത്രാലയം സന്ദര്ശിച്ചു.
ആഭ്യന്തര മന്ത്രി ജനറല് ഷെയ്ഖ് റാഷിദ് ബിന് അബ്ദുല്ല അല് ഖലീഫയും മന്ത്രാലയത്തിലെ മുതിര്ന്ന ഉദ്യോഗസ്ഥരും അദ്ദേഹത്തെ സ്വീകരിച്ചു.
രാജ്യത്തിന്റെ സുരക്ഷയും സ്ഥിരതയും ശക്തിപ്പെടുത്തുന്നതിലും രാജ്യത്തിന്റെ നേട്ടങ്ങള് സംരക്ഷിക്കുന്നതിലും ആഭ്യന്തര മന്ത്രാലയം ഏറ്റെടുത്ത സുപ്രധാന ദേശീയ പങ്കിനെ അദ്ദേഹം പ്രശംസിച്ചു. ബഹ്റൈനിലെ ജനങ്ങളുടെ സുരക്ഷ ഉറപ്പാക്കുന്നതിനും സമൂഹത്തെ സംരക്ഷിക്കുന്നതിനുമുള്ള പ്രൊഫഷണലിസം, അച്ചടക്കം, ഉത്തരവാദിത്തം എന്നിവയോടെ തങ്ങളുടെ ചുമതലകള് നിര്വഹിക്കുന്നതില് സുരക്ഷാ ഉദ്യോഗസ്ഥരുടെ സമര്പ്പണത്തെയും തുടര്ച്ചയായ ശ്രമങ്ങളെയും അദ്ദേഹം അഭിനന്ദിച്ചു.
