തിരുവനന്തപുരം: സംസ്ഥാനത്ത് മഴ കനക്കുന്നു. നാല് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. അതീവജാഗ്രത പുലര്ത്തണമെന്ന് ദുരന്തനിവാരണ അതോറിറ്റി നിര്ദേശിച്ചു.ബംഗാള് ഉള്ക്കടലില് നാളെ രൂപം കൊള്ളുന്ന ന്യൂനമര്ദം കൊങ്കന്, ഗോവ പ്രദേശങ്ങളിലാകും അതിതീവ്ര മഴക്ക് കാരണമാകുകയെന്നാണ് കാലാവസ്ഥാനിരീക്ഷണ കേന്ദ്രത്തിന്റെ പ്രവചനം. എങ്കിലും കേരളത്തില് വ്യാഴാഴ്ച വരെ പരക്കെ കനത്ത മഴയുണ്ടാകും. ഇടുക്കി, കോഴിക്കോട്, കണ്ണൂര്, കാസര്കോട് ജില്ലകളില് ഇന്ന് ഓറഞ്ച് അലര്ട്ടുണ്ട്. ഈ ജില്ലകളില് 20 സെന്റീമീറ്റര് വരെ മഴയുണ്ടാകുമെന്നാണ് പ്രവചനം. നാളെ ഒമ്പത് ജില്ലകളിലാണ് ഓറഞ്ച് അലര്ട്ട്. അഞ്ച് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
റിപ്പോർട്ട് – കൃഷ്ണ പ്രസാദ്
എറണാകുളം